नृसिंहमङ्गलनवरत्नमालिकाख्यम् Shri Nrisimhamangalanavaratnamalikakhyam

(कीर्तिशेष साङ्ख्यतीर्थ श्री\। जग्गू\। वेङ्कटार्यरचितम्)ॐ मङ्गलं स्तम्भडिम्भाय मङ्गलं मृत्युमृत्यवे ।मङ्गलं रौद्ररूपाय नरसिंहाय मङ्गलम् ॥ १॥

(kīrtiśeṣa sāṅkhyatīrtha śrī\| jaggū\| veṅkaṭāryaracitam)oṃ maṅgalaṃ stambhaḍimbhāya maṅgalaṃ mṛtyumṛtyave |maṅgalaṃ raudrarūpāya narasiṃhāya maṅgalam || 1||

हिरण्यकशिपुं हत्वा दैत्येन्द्रं देवकण्टकम् ।जगद्रक्षणधुर्याय जगद्बीजाय मङ्गलम् ॥ २॥

hiraṇyakaśipuṃ hatvā daityendraṃ devakaṇṭakam |jagadrakṣaṇadhuryāya jagadbījāya maṅgalam || 2||

प्रह्लादस्तुतिसन्तुष्टप्रसन्ननिजमूर्तये ।वरदाऽभयहस्ताय वरदाय च मङ्गलम् ॥ ३॥

prahlādastutisantuṣṭaprasannanijamūrtaye |varadā'bhayahastāya varadāya ca maṅgalam || 3||

खराग्रैर्वज्रसंस्पर्शैर्नखरैः शत्रुदारिणे ।तीक्ष्णदंष्ट्राय तत्त्वायर्ताक्ष्य वाहाय मङ्गलम् ॥ ४॥

kharāgrairvajrasaṃsparśairnakharaiḥ śatrudāriṇe |tīkṣṇadaṃṣṭrāya tattvāyartākṣya vāhāya maṅgalam || 4||

नरकण्ठीरवाऽऽकार व्यक्तात्युग्रविभूतये ।मृगेन्द्राय नरेन्द्राय दैवतेन्द्राय मङ्गलम् ॥ ५॥

narakaṇṭhīravā''kāra vyaktātyugravibhūtaye |mṛgendrāya narendrāya daivatendrāya maṅgalam || 5||

किरीटहारकेयूरकुण्डलालङ्कताय च ।कोटिसूर्यप्रकाशाय देवसिंहाय मङ्गलम् ॥ ६॥

kirīṭahārakeyūrakuṇḍalālaṅkatāya ca |koṭisūryaprakāśāya devasiṃhāya maṅgalam || 6||

त्रियुगाय त्रिपृष्ठाय त्रिगुणाय त्रिमूर्तये ।नरकेसरिरूपाय लक्ष्मीलोलाय मङ्गलम् ॥ ७॥

triyugāya tripṛṣṭhāya triguṇāya trimūrtaye |narakesarirūpāya lakṣmīlolāya maṅgalam || 7||

मत्स्यकच्छपवाराहरामवामनमूर्तये ।रामकृष्णात्मने बौद्धकल्किसिंहाय मङ्गलम् ॥ ८॥

matsyakacchapavārāharāmavāmanamūrtaye |rāmakṛṣṇātmane bauddhakalkisiṃhāya maṅgalam || 8||

सर्वबीजाय सत्याय सर्वाधिष्ठानमूर्तये ।सर्वेश्वराय सर्वस्मै सत्यसिंहाय मङ्गलम् ॥ ९॥

sarvabījāya satyāya sarvādhiṣṭhānamūrtaye |sarveśvarāya sarvasmai satyasiṃhāya maṅgalam || 9||

मङ्गलाऽऽशासनपरैर्मदाऽऽचार्य पुरोगमैः ।सर्वैश्च पूर्वैराचार्यैः सत्कृतायास्तु मङ्गलम् ॥ १०॥

maṅgalā''śāsanaparairmadā''cārya purogamaiḥ |sarvaiśca pūrvairācāryaiḥ satkṛtāyāstu maṅgalam || 10||

इति जग्गू\। वेङ्कटार्यरचितं श्रीनृसिंहमङ्गलनवरत्नमालिकाख्यं सम्पूर्णम् ।

iti jaggū\| veṅkaṭāryaracitaṃ śrīnṛsiṃhamaṅgalanavaratnamālikākhyaṃ sampūrṇam |