नृसिंहमङ्गलम् Shri Nrisimhamangalam

घटिकाचल शृङ्गाग्र विमानोदर वासिने ।निखिलामर सेव्याय नरसिंहाय मङ्गलम् ॥ १॥

ghaṭikācala śṛṅgāgra vimānodara vāsine |nikhilāmara sevyāya narasiṃhāya maṅgalam || 1||

उदीचीरङ्गनिवसत्सुमनस्तोम सूक्तिभिः ।नित्याभिवृद्ध यशसे नरसिंहाय मङ्गलम् ॥ २॥

udīcīraṅganivasatsumanastoma sūktibhiḥ |nityābhivṛddha yaśase narasiṃhāya maṅgalam || 2||

सुधावल्लीपरिष्वङ्गसुरभीकृतवक्षसे ।घटिकाद्रिनिवासाय श्रीनृसिंहाय मङ्गलम् ॥ ३॥

sudhāvallīpariṣvaṅgasurabhīkṛtavakṣase |ghaṭikādrinivāsāya śrīnṛsiṃhāya maṅgalam || 3||

सर्वारिष्टविनाशाय सर्वेष्टफलदायिने ।घटिकाद्रिनिवासाय श्रीनृसिंहाय मङ्गलम् ॥ ४॥

sarvāriṣṭavināśāya sarveṣṭaphaladāyine |ghaṭikādrinivāsāya śrīnṛsiṃhāya maṅgalam || 4||

महागुरु मनःपद्म मध्य नित्य निवासिने ।भक्तोचिताय भवतात् मङ्गलं शाश्वती समाः ॥ ५॥

mahāguru manaḥpadma madhya nitya nivāsine |bhaktocitāya bhavatāt maṅgalaṃ śāśvatī samāḥ || 5||

श्रीमत्यै विष्णुचित्तार्यमनोनन्दन हेतवे ।नन्दनन्दनसुन्दर्यै गोदायै नित्यमङ्गलम् ॥ ६॥

śrīmatyai viṣṇucittāryamanonandana hetave |nandanandanasundaryai godāyai nityamaṅgalam || 6||

श्रीमन्महाभूतपुरे श्रीमत्केशवयज्वनः ।कान्तिमत्यां प्रसूताय यतिराजाय मङ्गलम् ॥ ७॥

śrīmanmahābhūtapure śrīmatkeśavayajvanaḥ |kāntimatyāṃ prasūtāya yatirājāya maṅgalam || 7||

पादुके यतिराजस्य कथयन्ति यदाख्यया।तस्य दाशरथेः पादौ शिरसा धारयाम्यहम् ॥ ८॥

pāduke yatirājasya kathayanti yadākhyayā|tasya dāśaratheḥ pādau śirasā dhārayāmyaham || 8||

श्रीमते रम्यजामातृमुनीन्द्राय महात्मने ।श्रीरङ्गवासिने भूयात् नित्यश्रीः नित्यमङ्गलम् ॥ ९॥

śrīmate ramyajāmātṛmunīndrāya mahātmane |śrīraṅgavāsine bhūyāt nityaśrīḥ nityamaṅgalam || 9||

सौम्यजामातृयोगीन्द्र चरणाम्बुजषट्पदम् ।देवराजगुरुं वन्दे दिव्यज्ञानप्रदं शुभम् ॥ १०॥

saumyajāmātṛyogīndra caraṇāmbujaṣaṭpadam |devarājaguruṃ vande divyajñānapradaṃ śubham || 10||

वाधूलश्रीनिवासार्यतनयं विनयाधिकम् ।प्रज्ञानिधिं प्रपद्येऽहं श्रीनिवासमहागुरुम् ॥ ११॥

vādhūlaśrīnivāsāryatanayaṃ vinayādhikam |prajñānidhiṃ prapadye'haṃ śrīnivāsamahāgurum || 11||

चण्डमारुतवेदान्तविजयादिस्वसूक्तिभिः ।वेदान्तरक्षकायास्तु महाचार्याय मङ्गलम् ॥ १२॥

caṇḍamārutavedāntavijayādisvasūktibhiḥ |vedāntarakṣakāyāstu mahācāryāya maṅgalam || 12||

इति श्रीनृसिंहमङ्गलं सम्पूर्णम् ।

iti śrīnṛsiṃhamaṅgalaṃ sampūrṇam |