लक्ष्मीनृसिंहसुप्रभातम् Shri Lakshminrisimha Suprabhatam

श्रीलक्ष्मीनृसिंहगायत्री ।वज्रनखाय विद्महे तीक्ष्णद्रंष्टाय धीमहि तन्नो नारसिंह प्रचोदयात् ॥श्रीनृसिंहमन्त्रम् ।उग्रं वीरं महाविष्णुं ज्वलन्तं सर्वतोमुखम् ।नृसिंहं भीषणं भद्रं मृत्युमृत्युं नमाम्यहम् ॥अथ श्रीलक्ष्मीनृसिंहसुप्रभातम् ।कौसल्या सुप्रजा राम पूर्वा सन्ध्या प्रवर्तते ।उत्तिष्ठ नरशार्दूल कर्तव्यं दैवमाह्निकम् ॥श्रीमान् रामानुजार्यो यतिपतिरखिलां स्त्रातुकामस्स्वशिष्यान्भाष्यं शारीरकार्थप्रकटनमकरोद्बाह्यसिद्धान्तभेत्ता ।यस्तस्मिन् क्षुभ्यमाणे कथककुलवचो वज्रपातैस्स भूयःसाक्षादुत्प्रेक्ष्यमाणो भवदिति जयतात् श्रीनिवसो यतीन्द्रः ॥ १॥

śrīlakṣmīnṛsiṃhagāyatrī |vajranakhāya vidmahe tīkṣṇadraṃṣṭāya dhīmahi tanno nārasiṃha pracodayāt ||śrīnṛsiṃhamantram |ugraṃ vīraṃ mahāviṣṇuṃ jvalantaṃ sarvatomukham |nṛsiṃhaṃ bhīṣaṇaṃ bhadraṃ mṛtyumṛtyuṃ namāmyaham ||atha śrīlakṣmīnṛsiṃhasuprabhātam |kausalyā suprajā rāma pūrvā sandhyā pravartate |uttiṣṭha naraśārdūla kartavyaṃ daivamāhnikam ||śrīmān rāmānujāryo yatipatirakhilāṃ strātukāmassvaśiṣyānbhāṣyaṃ śārīrakārthaprakaṭanamakarodbāhyasiddhāntabhettā |yastasmin kṣubhyamāṇe kathakakulavaco vajrapātaissa bhūyaḥsākṣādutprekṣyamāṇo bhavaditi jayatāt śrīnivaso yatīndraḥ || 1||

तव सुप्रभातमरुणाब्जलोचनेतरुणेन्दुबिम्बवदनेऽघमोचने ।शरणागतार्तिहरणाय दीक्षीतेकरुणारसौघवरुणालयेक्षिते ॥ २॥

tava suprabhātamaruṇābjalocanetaruṇendubimbavadane'ghamocane |śaraṇāgatārtiharaṇāya dīkṣītekaruṇārasaughavaruṇālayekṣite || 2||

तव सुप्रभातममरेन्द्रसुन्दरिकरपल्लवात्तकलतोरुमालिनि ।क्षणरुक्सहस्रतुलिताङ्गसौभगेकनकाञ्चितोरुमणिकुण्डलाञ्छिते ॥ ३॥

tava suprabhātamamarendrasundarikarapallavāttakalatorumālini |kṣaṇaruksahasratulitāṅgasaubhagekanakāñcitorumaṇikuṇḍalāñchite || 3||

तव सुप्रभातमसुरारिवल्लभे निजवल्लभाङ्कसरसासरोरुहे ।करपल्लवात्तजलजातकुड्मले रविकोटिभासि कुरुविन्दमौलिके ॥ ४॥

tava suprabhātamasurārivallabhe nijavallabhāṅkasarasāsaroruhe |karapallavāttajalajātakuḍmale ravikoṭibhāsi kuruvindamaulike || 4||

तव सुप्रभातमखिलार्तिभञ्जनिप्रणतार्तभक्तजनचित्तरञ्जनि ।वरतापनीयविदितात्मवैभवप्रियवक्त्रचन्द्रसुचकोरलोचने ॥ ५॥

tava suprabhātamakhilārtibhañjanipraṇatārtabhaktajanacittarañjani |varatāpanīyaviditātmavaibhavapriyavaktracandrasucakoralocane || 5||

देवाश्चतुर्मुखपुरन्दरशङ्कराद्यास्सिद्धास्सनातनसनन्दननारदाद्याः ।त्वामर्चितुं विविधपुष्पकराश्चरन्तिलक्ष्मीनृकेसरिविभो तव सुप्रभातम् ॥ ६॥

devāścaturmukhapurandaraśaṅkarādyāssiddhāssanātanasanandananāradādyāḥ |tvāmarcituṃ vividhapuṣpakarāścarantilakṣmīnṛkesarivibho tava suprabhātam || 6||

देवो दिवाकर इह प्रथितप्रकाशोदिव्यैः करैस्त्वदनघाङ्घ्रियुगं सहस्रैः ।संवाहितुं भृशमुदेति हरेर्दिशायांलक्ष्मीनृकेसरिविभो तव सुप्रभातम् ॥ ७॥

devo divākara iha prathitaprakāśodivyaiḥ karaistvadanaghāṅghriyugaṃ sahasraiḥ |saṃvāhituṃ bhṛśamudeti harerdiśāyāṃlakṣmīnṛkesarivibho tava suprabhātam || 7||

वेदाश्च सामयजुरादय आविभान्तिशब्दैरलक्षितगुणैस्स्वगुणं स्तुवन्तः ।त्वल्लिङ्गनामगुणकीर्तनलब्धभावाःलक्ष्मीनृकेसरिविभो तव सुप्रभातम् ॥ ८॥

vedāśca sāmayajurādaya āvibhāntiśabdairalakṣitaguṇaissvaguṇaṃ stuvantaḥ |tvalliṅganāmaguṇakīrtanalabdhabhāvāḥlakṣmīnṛkesarivibho tava suprabhātam || 8||

विप्रास्स्वनुष्ठितगरिष्ठगुणक्रियाद्याःस्नाता विशुद्धमनसो विमलैर्वचोभिः ।त्वां स्तोतुमद्य विविधैः प्रणताश्चरन्तिलक्ष्मीनृकेसरिविभो तव सुप्रभातम् ॥ ९॥

viprāssvanuṣṭhitagariṣṭhaguṇakriyādyāḥsnātā viśuddhamanaso vimalairvacobhiḥ |tvāṃ stotumadya vividhaiḥ praṇatāścarantilakṣmīnṛkesarivibho tava suprabhātam || 9||

उच्चैश्श्रवस्तुलित एष विभाति तेऽश्वःस्तम्बेरमामदजलाप्लुतगण्डदेशाः ।भृत्याश्च ते करयुगोद्धृतचामराद्याःलक्ष्मीनृकेसरिविभो तव सुप्रभातम् ॥ १०॥

uccaiśśravastulita eṣa vibhāti te'śvaḥstamberamāmadajalāplutagaṇḍadeśāḥ |bhṛtyāśca te karayugoddhṛtacāmarādyāḥlakṣmīnṛkesarivibho tava suprabhātam || 10||

धेनुः पुरन्दरपुरान्तरभूषणं सात्वत्किङ्करत्वकरणाय धरामवाप्य ।त्वद्दृष्टिभावितसुधामसुधासुधारांआकाङ्क्षते नरहरे तव सुप्रभातम् ॥ ११॥

dhenuḥ purandarapurāntarabhūṣaṇaṃ sātvatkiṅkaratvakaraṇāya dharāmavāpya |tvaddṛṣṭibhāvitasudhāmasudhāsudhārāṃākāṅkṣate narahare tava suprabhātam || 11||

भृत्योऽहमद्य यतिरूपमुपेयिवांस्तेपादाम्बुजद्वयपरीचरणाय यत्तः ।जागर्मि विश्वगुणनिर्मितनर्मशीललक्ष्मीनृकेसरिविभो तव सुप्रभातम् ॥ १२॥

bhṛtyo'hamadya yatirūpamupeyivāṃstepādāmbujadvayaparīcaraṇāya yattaḥ |jāgarmi viśvaguṇanirmitanarmaśīlalakṣmīnṛkesarivibho tava suprabhātam || 12||

वाराशिराजतनयानयानाम्बुजातमाध्वीरसज्ञनयनाख्यमिलिन्दयुग्मम् ।सञ्चारयाद्य विनतेषु तदीयभक्तिसारग्रहाय नृहरे तव सुप्रभातम् ॥ १३॥

vārāśirājatanayānayānāmbujātamādhvīrasajñanayanākhyamilindayugmam |sañcārayādya vinateṣu tadīyabhaktisāragrahāya nṛhare tava suprabhātam || 13||

सह्यापगोत्तरतरङ्गविभङ्गसङ्गतुङ्गाङ्गशीतिममरुज्जडिमोत्तरङ्गे ।रङ्गे विहाय रुचिमत्र विराजसे त्वंश्रीरङ्गनायकविभो तव सुप्रभातम् ॥ १४॥

sahyāpagottarataraṅgavibhaṅgasaṅgatuṅgāṅgaśītimamarujjaḍimottaraṅge |raṅge vihāya rucimatra virājase tvaṃśrīraṅganāyakavibho tava suprabhātam || 14||

नारायणाद्रिविसरद्विपुलस्रवन्तीनिष्क्रान्तनिर्झरझलञ्झलगाढशब्दैः ।अस्पृष्टमानस इवात्र विहारकाङ्क्षीत्वं भासी वेङ्कटपते तव सुप्रभातम् ॥ १५॥

nārāyaṇādrivisaradvipulasravantīniṣkrāntanirjharajhalañjhalagāḍhaśabdaiḥ |aspṛṣṭamānasa ivātra vihārakāṅkṣītvaṃ bhāsī veṅkaṭapate tava suprabhātam || 15||

गोपीगृहान्तरुपकल्पितमन्थनात्तहय्यङ्गवीनहृतिकल्पितनृत्तजातम् ।अद्यापि तथ्यमिह कर्तुमिवासि तादृग्रूपो यदूत्तमविभो तव सुप्रभातम् ॥ १६॥

gopīgṛhāntarupakalpitamanthanāttahayyaṅgavīnahṛtikalpitanṛttajātam |adyāpi tathyamiha kartumivāsi tādṛgrūpo yadūttamavibho tava suprabhātam || 16||

इत्थं रमानृहरिरङ्गधुरीणशेषशेलैश यादवकुलाधिप सुप्रभातम् ।भक्त्या परं व्यतनुताखिलसाधुभाव्यंश्रीश्रीनिवासनिगमान्तयतिर्विशुद्धः ॥ १७॥

itthaṃ ramānṛhariraṅgadhurīṇaśeṣaśelaiśa yādavakulādhipa suprabhātam |bhaktyā paraṃ vyatanutākhilasādhubhāvyaṃśrīśrīnivāsanigamāntayatirviśuddhaḥ || 17||

इति श्रीलक्ष्मीनृसिंहसुप्रभातं सम्पूर्णम् ।

iti śrīlakṣmīnṛsiṃhasuprabhātaṃ sampūrṇam |