लक्ष्मीनृसिंहमङ्गलाशासनम् Shri Lakshminrisimha Manglashasanam

श्रीपराङ्कुशयोगीन्द्रशठारिप्रमुखान् गुरून् ।मङ्गलाशासनपरान् महिताननिशं भजे ॥ १॥

śrīparāṅkuśayogīndraśaṭhāripramukhān gurūn |maṅgalāśāsanaparān mahitānaniśaṃ bhaje || 1||

जगज्जन्मादिलीलाय जगदानन्दहेतवे ।जगच्चक्षुर्निवासाय श्रीनृसिंहाय मङ्गलम् ॥ २॥

jagajjanmādilīlāya jagadānandahetave |jagaccakṣurnivāsāya śrīnṛsiṃhāya maṅgalam || 2||

हिरण्यस्तम्भसम्भूतिप्रख्यातपरमात्मने ।प्रह्लादार्तिमुषे ज्वालानरसिंहाय मङ्गलम् ॥ ३॥

hiraṇyastambhasambhūtiprakhyātaparamātmane |prahlādārtimuṣe jvālānarasiṃhāya maṅgalam || 3||

गरुडाद्रिगुहागेहे गजकुण्डसरस्तटे ।हिरण्यस्थाण्वहङ्कारहारिसिंहाय मङ्गलम् ॥ ४॥

garuḍādriguhāgehe gajakuṇḍasarastaṭe |hiraṇyasthāṇvahaṅkārahārisiṃhāya maṅgalam || 4||

वारिजावारितभयैर्वाणीपतिमुखैस्सुरैः ।महिताय महोदारमालोलायास्तुमङ्गलम् ॥ ५॥

vārijāvāritabhayairvāṇīpatimukhaissuraiḥ |mahitāya mahodāramālolāyāstumaṅgalam || 5||

वराहकुण्डे मेदिन्यै पाराहर्थप्रदायिने ।दन्तलग्नहिरण्याक्षदंष्ट्रसिंहाय मङ्गलम् ॥ ६॥

varāhakuṇḍe medinyai pārāharthapradāyine |dantalagnahiraṇyākṣadaṃṣṭrasiṃhāya maṅgalam || 6||

गोभूहिरण्यनिर्विण्णगोखिलज्ञानदायिने ।प्रभञ्जन शुनासीर कारञ्जायास्तु मङ्गलम् ॥ ७॥

gobhūhiraṇyanirviṇṇagokhilajñānadāyine |prabhañjana śunāsīra kārañjāyāstu maṅgalam || 7||

भार्गवाख्यतपस्वीशभावनाभावितात्मने ।अक्षय्यतीर्थतीरस्थभार्गवायास्तु मङ्गलम् ॥ ८॥

bhārgavākhyatapasvīśabhāvanābhāvitātmane |akṣayyatīrthatīrasthabhārgavāyāstu maṅgalam || 8||

चतुराननचेतोऽब्जचित्रभानुस्वरूपिणे ।वेदाद्रिगह्वरस्थाय योगानन्दाय मङ्गलम् ॥ ९॥

caturānanaceto'bjacitrabhānusvarūpiṇe |vedādrigahvarasthāya yogānandāya maṅgalam || 9||

हाहाहुह्वाख्यगन्धर्वनृत्तगीतहृतात्मने ।भवहन्तृतटच्छत्रवटसिंहाय मङ्गलम् ॥ १०॥

hāhāhuhvākhyagandharvanṛttagītahṛtātmane |bhavahantṛtaṭacchatravaṭasiṃhāya maṅgalam || 10||

भारद्वाजमहायोगिमहापातकहारिणे ।तापनीयरहस्यार्थपावनायास्तु मङ्गलम् ॥ ११॥

bhāradvājamahāyogimahāpātakahāriṇe |tāpanīyarahasyārthapāvanāyāstu maṅgalam || 11||

श्रीशठारियतीन्द्रादियोगिहृत्पद्मभानवे ।सर्वत्र परिपूर्णायाहोबिलेशाय मङ्गलम् ॥ १२॥

śrīśaṭhāriyatīndrādiyogihṛtpadmabhānave |sarvatra paripūrṇāyāhobileśāya maṅgalam || 12||

मङ्गलाशासनमिदं मानिवासमुनीरितम् ।महनीयं पठन् शृण्वन् मङ्गलायतसम्भवेत् ॥ १३॥

maṅgalāśāsanamidaṃ mānivāsamunīritam |mahanīyaṃ paṭhan śṛṇvan maṅgalāyatasambhavet || 13||

इति श्रीलक्ष्मीनृसिंह मङ्ग्लाशासनं सम्पूर्णम् ।

iti śrīlakṣmīnṛsiṃha maṅglāśāsanaṃ sampūrṇam |