लक्ष्मीनृसिंहाष्टोत्तरशतनामस्तोत्रम् Shri Lakshminrisimha Ashtottarashatanama Stotram

अस्य श्रीलक्ष्मीनृसिंहाष्टोत्तरशतदिव्यनामस्तोत्रमन्त्रस्यश्रीनारायण ऋषिः । श्रीनृसिंहो देवता । अनुष्टुप् छन्दः ।श्रीनृसिंहप्रसादसिद्ध्यर्थे जपे विनियोगः ।ॐ श्रीनृसिंहः पुष्कराक्षः करालविकृताननः ।हिरण्यकशिपोर्वक्षोविदारणनखाङ्कुशः ॥ १॥

asya śrīlakṣmīnṛsiṃhāṣṭottaraśatadivyanāmastotramantrasyaśrīnārāyaṇa ṛṣiḥ | śrīnṛsiṃho devatā | anuṣṭup chandaḥ |śrīnṛsiṃhaprasādasiddhyarthe jape viniyogaḥ |oṃ śrīnṛsiṃhaḥ puṣkarākṣaḥ karālavikṛtānanaḥ |hiraṇyakaśiporvakṣovidāraṇanakhāṅkuśaḥ || 1||

प्रह्लादवरदः श्रीमानप्रमेयपराक्रमः ।अभक्तजनसंहारी भक्तानामभयप्रदः ॥ २॥

prahlādavaradaḥ śrīmānaprameyaparākramaḥ |abhaktajanasaṃhārī bhaktānāmabhayapradaḥ || 2||

ज्वालामुखस्तीक्ष्णकेशस्तीक्ष्णदंष्ट्रो भयङ्करः ॥उत्तप्तहेमसङ्काशसटाधूतबलाहकः ॥ ३॥

jvālāmukhastīkṣṇakeśastīkṣṇadaṃṣṭro bhayaṅkaraḥ ||uttaptahemasaṅkāśasaṭādhūtabalāhakaḥ || 3||

त्रिनेत्रकपिलः प्रांशु सोमसूर्याग्निलोचनः ।स्थूलग्रीवः प्रसन्नात्मा जाम्बूनदपरिधृतः ॥ ४॥

trinetrakapilaḥ prāṃśu somasūryāgnilocanaḥ |sthūlagrīvaḥ prasannātmā jāmbūnadaparidhṛtaḥ || 4||

व्योमकेशः प्रभृतिभिस्त्रिदिवेशैरभिष्टुतः ।उपसंहृतसप्तार्चिः कवलीकृतमारुतः ॥ ५॥

vyomakeśaḥ prabhṛtibhistridiveśairabhiṣṭutaḥ |upasaṃhṛtasaptārciḥ kavalīkṛtamārutaḥ || 5||

दिग्गजावलिदर्पघ्नः कद्रूजविषनाशनः ।अभिचारक्रियाहन्ता ब्रह्मण्यो भक्तवत्सलः ॥ ६॥

diggajāvalidarpaghnaḥ kadrūjaviṣanāśanaḥ |abhicārakriyāhantā brahmaṇyo bhaktavatsalaḥ || 6||

समुद्रसलिलत्राता हलाहलविशीर्णकृत् ।ओजः प्रपूरिताशेषचलाचलजगत्त्रयः ॥ ७॥

samudrasalilatrātā halāhalaviśīrṇakṛt |ojaḥ prapūritāśeṣacalācalajagattrayaḥ || 7||

हृषीकेशो जगत्त्राणः सर्वगः सर्वकामदः ।नास्तिकप्रत्ययार्थाय दर्शितात्मा प्रभाववान् ॥ ८॥

hṛṣīkeśo jagattrāṇaḥ sarvagaḥ sarvakāmadaḥ |nāstikapratyayārthāya darśitātmā prabhāvavān || 8||

हिरण्यकशिपोरग्रे सभास्तम्भसमुद्भवः ।उग्राग्निज्वालमाली च सुतीक्ष्णो भीमदर्शनः ॥ ९॥

hiraṇyakaśiporagre sabhāstambhasamudbhavaḥ |ugrāgnijvālamālī ca sutīkṣṇo bhīmadarśanaḥ || 9||

दग्धाखिलजगज्जंन्तुकारणं जगतामपि ।आधारः सर्वभूतानां ईश्वरः सर्वहाटकः ॥ १०॥

dagdhākhilajagajjaṃntukāraṇaṃ jagatāmapi |ādhāraḥ sarvabhūtānāṃ īśvaraḥ sarvahāṭakaḥ || 10||

विष्णुर्जिष्णुर्जगत्धामबहिरन्तः प्रकाशकः ।योगिहृत्पद्ममध्यस्थो योगो योगविदुत्तमः ॥ ११॥

viṣṇurjiṣṇurjagatdhāmabahirantaḥ prakāśakaḥ |yogihṛtpadmamadhyastho yogo yogaviduttamaḥ || 11||

स्त्रष्टा हर्ता जगत्त्राता व्योमरूपी जनार्दनः ।चिन्मयः प्रकृतिः साक्षी गुणातीतो गुणाश्रयः ॥ १२॥

straṣṭā hartā jagattrātā vyomarūpī janārdanaḥ |cinmayaḥ prakṛtiḥ sākṣī guṇātīto guṇāśrayaḥ || 12||

मखविच्छेदकृत्कर्ता सर्वपाशविदारकः ।व्यक्ताव्यक्तःस्वरूपो यः सूक्ष्मसदसदात्मकः ॥ १३॥

makhavicchedakṛtkartā sarvapāśavidārakaḥ |vyaktāvyaktaḥsvarūpo yaḥ sūkṣmasadasadātmakaḥ || 13||

अव्ययः शाश्वतोऽनन्तो वीरजित्परमेश्वरः ।मायावी मरुदाधारो निमिषोऽक्षर एव च ॥ १४॥

avyayaḥ śāśvato'nanto vīrajitparameśvaraḥ |māyāvī marudādhāro nimiṣo'kṣara eva ca || 14||

अनादिनिधनो नित्यःपरब्रह्माभिधायकः ।शङ्खचक्रगदाशार्ङ्ग प्रकाशितचतुर्भुजः ॥ १५॥

anādinidhano nityaḥparabrahmābhidhāyakaḥ |śaṅkhacakragadāśārṅga prakāśitacaturbhujaḥ || 15||

पीताम्बरधरः स्रग्वी कौस्तुभाभरणोज्वलः ।श्रियाद्ध्यासितवामाङ्गश्रीवत्सेन विराजितः ॥ १६॥

pītāmbaradharaḥ sragvī kaustubhābharaṇojvalaḥ |śriyāddhyāsitavāmāṅgaśrīvatsena virājitaḥ || 16||

प्रसन्नवदनः शान्तो लक्ष्मीप्रियपरिग्रहः ।वासुदेवो महादेवो वाक्यपुष्पप्रपूजितः ॥ १७॥

prasannavadanaḥ śānto lakṣmīpriyaparigrahaḥ |vāsudevo mahādevo vākyapuṣpaprapūjitaḥ || 17||

उद्युक्ताहवहुङ्कारभीषिताखिलदिङ्मुखः ।गर्जन्वीरासनासीनः कठोरकुटिलेक्षणः ॥ १८॥

udyuktāhavahuṅkārabhīṣitākhiladiṅmukhaḥ |garjanvīrāsanāsīnaḥ kaṭhorakuṭilekṣaṇaḥ || 18||

दैतेयक्षतवक्षोऽसृगार्द्रीकृतनखायुधः ।अशेषप्राणिभयदः प्रचण्डो दण्डताण्डवः ॥ १९॥

daiteyakṣatavakṣo'sṛgārdrīkṛtanakhāyudhaḥ |aśeṣaprāṇibhayadaḥ pracaṇḍo daṇḍatāṇḍavaḥ || 19||

निटिलसृतघर्माम्बुसम्भूतज्वलिताननः ।वज्रसिंहो महमूर्तिर्भीमो भीमपराक्रमः ॥ २०॥

niṭilasṛtagharmāmbusambhūtajvalitānanaḥ |vajrasiṃho mahamūrtirbhīmo bhīmaparākramaḥ || 20||

स्वभक्तार्पितकारुण्यो बहूक्तो बहुरूपधृक् ।एवं अष्टोत्तरशतं नाम्ना नरसिंहरूपिणः ॥ २१॥

svabhaktārpitakāruṇyo bahūkto bahurūpadhṛk |evaṃ aṣṭottaraśataṃ nāmnā narasiṃharūpiṇaḥ || 21||

नरकेसरिणा दत्तं स्वप्ने शेषाय धीमते ।आयुरारोग्यसम्पत्तिः पुत्रपौत्रप्रवर्धन ॥ २२॥

narakesariṇā dattaṃ svapne śeṣāya dhīmate |āyurārogyasampattiḥ putrapautrapravardhana || 22||

इति श्रीब्रह्माण्डपुराणे श्रीनृसिंहाष्टोत्तरशतनामस्तोत्रं सम्पूर्णम् ।

iti śrībrahmāṇḍapurāṇe śrīnṛsiṃhāṣṭottaraśatanāmastotraṃ sampūrṇam |