दशावतार रकारादि रामाष्टोत्तरशतनामस्तोत्रम् Rakaradi Shri Ramashtottarashatanamastotram

श्री हयग्रीवाय नमः ।हरिः ॐरामो राजीवपत्राक्षो राकाचन्द्रनिभाननः ।रात्रिञ्चरार्दितक्षोणी परितापविनाशनः ॥ १॥

śrī hayagrīvāya namaḥ |hariḥ oṃrāmo rājīvapatrākṣo rākācandranibhānanaḥ |rātriñcarārditakṣoṇī paritāpavināśanaḥ || 1||

राजीवनाभो राजेन्द्रो राजीवासनसंस्तुतः ।राजराजादिदिक्पालमौलि माणिक्यदीपितः ॥ २॥

rājīvanābho rājendro rājīvāsanasaṃstutaḥ |rājarājādidikpālamauli māṇikyadīpitaḥ || 2||

राघवान्वयपाथोधिचन्द्रो राकेन्दुसद्यशाः ।रामचन्द्रो राघवेन्द्रो राजीवरुचिराननः ॥ ३॥

rāghavānvayapāthodhicandro rākendusadyaśāḥ |rāmacandro rāghavendro rājīvarucirānanaḥ || 3||

राजानुजामन्दिरोरा राजीवविलसत्पदः ।राजीवहस्तो राजीवप्रियवंशकृतोदयः ॥ ४॥

rājānujāmandirorā rājīvavilasatpadaḥ |rājīvahasto rājīvapriyavaṃśakṛtodayaḥ || 4||

रात्रिनव्याम्बुभृन्मूर्ती राजांशुरुचिरस्मितः ।राजीवहारो राजीवधारी राजीवजाप्रियः ॥ ५॥

rātrinavyāmbubhṛnmūrtī rājāṃśurucirasmitaḥ |rājīvahāro rājīvadhārī rājīvajāpriyaḥ || 5||

राघवोत्सङ्गविद्योतो राकेन्द्वयुतभास्वरः ।राजलेखानखाङ्कूरो राजीवप्रियभूषणः ॥ ६॥

rāghavotsaṅgavidyoto rākendvayutabhāsvaraḥ |rājalekhānakhāṅkūro rājīvapriyabhūṣaṇaḥ || 6||

राजराजन्मणीभूषो राराजद्भ्रमरालकः ।राजलेखाभसीमन्तो राजन्मृगमदाङ्कनः ॥ ७॥

rājarājanmaṇībhūṣo rārājadbhramarālakaḥ |rājalekhābhasīmanto rājanmṛgamadāṅkanaḥ || 7||

राजहीरलसच्छ्रोत्रो राजीवकरगामृतः ।रत्नकाञ्चीधरो रम्यो रत्नकाञ्चनकङ्कणः ॥ ८॥

rājahīralasacchrotro rājīvakaragāmṛtaḥ |ratnakāñcīdharo ramyo ratnakāñcanakaṅkaṇaḥ || 8||

रणत्काञ्चनमञ्जीरो रञ्जिताखिलभूतलः ।राराजत्कुन्दरदनो रम्यकण्ठो रतव्रजः ॥ ९॥

raṇatkāñcanamañjīro rañjitākhilabhūtalaḥ |rārājatkundaradano ramyakaṇṭho ratavrajaḥ || 9||

रञ्जिताद्भुतगाधेयो रात्रिञ्चरसतीहरः ।रात्रिञ्चरभयत्त्रातगाधेय सवनोत्तमः ॥ १०॥

rañjitādbhutagādheyo rātriñcarasatīharaḥ |rātriñcarabhayattrātagādheya savanottamaḥ || 10||

राराजच्चरणाम्भोजरजःपूतमुनिप्रियः ।राजराजसुहृच्चापभेदनो राजपूजितः ॥ ११॥

rārājaccaraṇāmbhojarajaḥpūtamunipriyaḥ |rājarājasuhṛccāpabhedano rājapūjitaḥ || 11||

रमारामाकराम्भोज मालोन्मीलितकण्ठमः ।रमाकराब्जमारन्दबिन्दुमुक्ताफलावृतः ॥ १२॥

ramārāmākarāmbhoja mālonmīlitakaṇṭhamaḥ |ramākarābjamārandabindumuktāphalāvṛtaḥ || 12||

रत्नकङ्कणनिध्वानमिषल्लक्ष्मीस्तुतिश्रुतिः ।रमावामदृगन्तालि व्याप्तदुर्लक्ष्यविग्रहः ॥ १३॥

ratnakaṅkaṇanidhvānamiṣallakṣmīstutiśrutiḥ |ramāvāmadṛgantāli vyāptadurlakṣyavigrahaḥ || 13||

रामतेजस्समाहर्ता रामसोपानभञ्जनः ।राघवाज्ञाकृतारण्यवासो रामानुजार्चितः ॥ १४॥

rāmatejassamāhartā rāmasopānabhañjanaḥ |rāghavājñākṛtāraṇyavāso rāmānujārcitaḥ || 14||

रक्तकञ्जातचरणो रम्यवल्कलवेष्टितः ।रात्र्यम्बुदजटाभारो रम्याङ्गश्रीविभूषणः ॥ १५॥

raktakañjātacaraṇo ramyavalkalaveṣṭitaḥ |rātryambudajaṭābhāro ramyāṅgaśrīvibhūṣaṇaḥ || 15||

रणच्चापगुणोरक्तमुनित्राणपरायणः ।रात्रिञ्चरगणप्राणहर्ता रम्यफलादनः ॥ १६॥

raṇaccāpaguṇoraktamunitrāṇaparāyaṇaḥ |rātriñcaragaṇaprāṇahartā ramyaphalādanaḥ || 16||

रात्रिञ्चरेन्द्रभगिनीकर्णनासोष्टभेदनः ।रातमायामृगप्राणो रावणाहृतसत्प्रियः ॥ १७॥

rātriñcarendrabhaginīkarṇanāsoṣṭabhedanaḥ |rātamāyāmṛgaprāṇo rāvaṇāhṛtasatpriyaḥ || 17||

राजीवबन्धुपुत्राप्तो राजदेवसुतार्धनः ।रक्तश्रीहनुमद्वाहो रत्नाकरनिबन्धनः ॥ १८॥

rājīvabandhuputrāpto rājadevasutārdhanaḥ |raktaśrīhanumadvāho ratnākaranibandhanaḥ || 18||

रुद्धरात्रिञ्चरावासो रावणादिविमर्दनः ।रामासमालिङ्गिताङ्को रावणानुजपूजितः ॥ १९॥

ruddharātriñcarāvāso rāvaṇādivimardanaḥ |rāmāsamāliṅgitāṅko rāvaṇānujapūjitaḥ || 19||

रत्नसिंहासनासीनो राज्यपट्टाभिषेचनः ।राजनक्षत्रवलयवृत राकेन्दुसुन्दरः ॥ २०॥

ratnasiṃhāsanāsīno rājyapaṭṭābhiṣecanaḥ |rājanakṣatravalayavṛta rākendusundaraḥ || 20||

राकेन्दुमण्डलच्चत्रो राजांशूत्करचामरः ।राजर्षिगणसंवीतो रञ्जितप्लवगाधिपः ॥ २१॥

rākendumaṇḍalaccatro rājāṃśūtkaracāmaraḥ |rājarṣigaṇasaṃvīto rañjitaplavagādhipaḥ || 21||

रमादृङ्मालिकानीला नीराजितपदाम्बुजः ।रामतत्त्वप्रवचनो राजराजसखोदयः ॥ २२॥

ramādṛṅmālikānīlā nīrājitapadāmbujaḥ |rāmatattvapravacano rājarājasakhodayaḥ || 22||

राजबिम्बाननागाननर्तनामोदितान्तरः ।राज्यलक्ष्मीपरीरम्भसम्भृताद्भुतकण्टकः ॥ २३॥

rājabimbānanāgānanartanāmoditāntaraḥ |rājyalakṣmīparīrambhasambhṛtādbhutakaṇṭakaḥ || 23||

रामायणकथामालानायको राष्ट्रशोभनः ।राजमालामौलिमालामकरन्दप्लुताङ्घ्रिकः ॥ २४॥

rāmāyaṇakathāmālānāyako rāṣṭraśobhanaḥ |rājamālāmaulimālāmakarandaplutāṅghrikaḥ || 24||

राजताद्रिमहाधीरो राद्धदेवगुरुद्विजः ।राद्धभक्ताशयारामो रमिताखिलदैवतः ॥ २५॥

rājatādrimahādhīro rāddhadevagurudvijaḥ |rāddhabhaktāśayārāmo ramitākhiladaivataḥ || 25||

रागी रागविहीनात्मभक्तप्राप्यो रसात्मकः ।रसप्रदो रसास्वादो रसाधीशो रसातिगः ॥ २६॥

rāgī rāgavihīnātmabhaktaprāpyo rasātmakaḥ |rasaprado rasāsvādo rasādhīśo rasātigaḥ || 26||

रसनापावनाभिख्यो रामनामामृतोदधिः ।राजराजीवमित्राक्षो राजीवभवकारणम् ॥ २७॥

rasanāpāvanābhikhyo rāmanāmāmṛtodadhiḥ |rājarājīvamitrākṣo rājīvabhavakāraṇam || 27||

रमारामाशयानन्द दुग्धसागरचन्द्रमाः ।रामभद्रो राजमानो राजीवप्रियबिम्बगः ॥ २८॥

ramārāmāśayānanda dugdhasāgaracandramāḥ |rāmabhadro rājamāno rājīvapriyabimbagaḥ || 28||

रमारामाभुजलता कण्ठालिङ्गनमङ्गलः ।रामसूरिहृदम्भोधिवृत्तिवीचीविहारवान् ॥ २९॥

ramārāmābhujalatā kaṇṭhāliṅganamaṅgalaḥ |rāmasūrihṛdambhodhivṛttivīcīvihāravān || 29||

॥ इति विश्वावसु चैत्रशुद्ध नवमी दिने रामेण लिखितंसमर्पितं च रामभद्राय सद्विजयते तराम्रकारादि श्री रामनामाष्टोत्तरशतम् ॥

|| iti viśvāvasu caitraśuddha navamī dine rāmeṇa likhitaṃsamarpitaṃ ca rāmabhadrāya sadvijayate tarāmrakārādi śrī rāmanāmāṣṭottaraśatam ||