दशावतार रकारादि परशुरामाष्टोत्तरशतनामस्तोत्रम् Rakaradi Shri Parashuramashtottarashatanamastotram

श्री हयग्रीवाय नमः ।हरिः ॐरामो राजाटवीवह्नि रामचन्द्रप्रसादकः ।राजरक्तारुणस्नातो राजीवायतलोचनः ॥ १॥

śrī hayagrīvāya namaḥ |hariḥ oṃrāmo rājāṭavīvahni rāmacandraprasādakaḥ |rājaraktāruṇasnāto rājīvāyatalocanaḥ || 1||

रैणुकेयो रुद्रशिष्यो रेणुकाच्छेदनो रयी ।रणधूतमहासेनो रुद्राणीधर्मपुत्रकः ॥ २॥

raiṇukeyo rudraśiṣyo reṇukācchedano rayī |raṇadhūtamahāseno rudrāṇīdharmaputrakaḥ || 2||

राजत्परशुविच्छिन्नकार्तवीर्यार्जुनद्रुमः ।राताखिलरसो रक्तकृतपैतृकतर्पणः ॥ ३॥

rājatparaśuvicchinnakārtavīryārjunadrumaḥ |rātākhilaraso raktakṛtapaitṛkatarpaṇaḥ || 3||

रत्नाकरकृतावासो रतीशकृतविस्मयः ।रागहीनो रागदूरो रक्षितब्रह्मचर्यकः ॥ ४॥

ratnākarakṛtāvāso ratīśakṛtavismayaḥ |rāgahīno rāgadūro rakṣitabrahmacaryakaḥ || 4||

राज्यमत्तक्षत्त्रबीज भर्जनाग्निप्रतापवान् ।राजद्भृगुकुलाम्बोधिचन्द्रमा रञ्जितद्विजः ॥ ५॥

rājyamattakṣattrabīja bharjanāgnipratāpavān |rājadbhṛgukulāmbodhicandramā rañjitadvijaḥ || 5||

रक्तोपवीतो रक्ताक्षो रक्तलिप्तो रणोद्धतः ।रणत्कुठारो रविभूदण्डायित महाभुजः ॥ ६॥

raktopavīto raktākṣo raktalipto raṇoddhataḥ |raṇatkuṭhāro ravibhūdaṇḍāyita mahābhujaḥ || 6||

रमानाधधनुर्धारी रमापतिकलामयः ।रमालयमहावक्षा रमानुजलसन्मुखः ॥ ७॥

ramānādhadhanurdhārī ramāpatikalāmayaḥ |ramālayamahāvakṣā ramānujalasanmukhaḥ || 7||

रसैकमल्लो रसनाऽविषयोद्दण्ड पौरुषः ।रामनामश्रुतिस्रस्तक्षत्रियागर्भसञ्चयः ॥ ८॥

rasaikamallo rasanā'viṣayoddaṇḍa pauruṣaḥ |rāmanāmaśrutisrastakṣatriyāgarbhasañcayaḥ || 8||

रोषानलमयाकारो रेणुकापुनराननः ।राधेयचातकाम्भोदो रुद्धचापकलापगः ॥ ९॥

roṣānalamayākāro reṇukāpunarānanaḥ |rādheyacātakāmbhodo ruddhacāpakalāpagaḥ || 9||

राजीवचरणद्वन्द्वचिह्नपूतमहेन्द्रकः ।रामचन्द्रन्यस्ततेजा राजशब्दार्धनाशनः ॥ १०॥

rājīvacaraṇadvandvacihnapūtamahendrakaḥ |rāmacandranyastatejā rājaśabdārdhanāśanaḥ || 10||

राद्धदेवद्विजव्रातो रोहिताश्वाननार्चितः ।रोहिताश्वदुराधर्षो रोहिताश्वप्रपावनः ॥ ११॥

rāddhadevadvijavrāto rohitāśvānanārcitaḥ |rohitāśvadurādharṣo rohitāśvaprapāvanaḥ || 11||

रामनामप्रधानार्धो रत्नाकरगभीरधीः ।राजन्मौञ्जीसमाबद्ध सिंहमध्यो रविद्युतिः ॥ १२॥

rāmanāmapradhānārdho ratnākaragabhīradhīḥ |rājanmauñjīsamābaddha siṃhamadhyo ravidyutiḥ || 12||

रजताद्रिगुरुस्थानो रुद्राणीप्रेमभाजनम् ।रुद्रभक्तो रौद्रमूर्ती रुद्राधिकपराक्रमः ॥ १३॥

rajatādrigurusthāno rudrāṇīpremabhājanam |rudrabhakto raudramūrtī rudrādhikaparākramaḥ || 13||

रविताराचिरस्थायी रक्तदेवर्षिभावनः ।रम्यो रम्यगुणो रक्तो रातभक्ताखिलेप्सितः ॥ १४॥

ravitārācirasthāyī raktadevarṣibhāvanaḥ |ramyo ramyaguṇo rakto rātabhaktākhilepsitaḥ || 14||

रचितस्वर्णसोपानो रन्धिताशयवासनः ।रुद्धप्राणादिसञ्चारो राजद्ब्रह्मपदस्थितः ॥ १५॥

racitasvarṇasopāno randhitāśayavāsanaḥ |ruddhaprāṇādisañcāro rājadbrahmapadasthitaḥ || 15||

रत्नसूनुमहाधीरो रसासुरशिखामणिः ।रक्तसिद्धी रम्यतपा राततीर्थाटनो रसी ॥ १६॥

ratnasūnumahādhīro rasāsuraśikhāmaṇiḥ |raktasiddhī ramyatapā rātatīrthāṭano rasī || 16||

रचितभ्रातृहननो रक्षितभातृको रणी ।राजापहृततातेष्टिधेन्वाहर्ता रसाप्रभुः ॥ १७॥

racitabhrātṛhanano rakṣitabhātṛko raṇī |rājāpahṛtatāteṣṭidhenvāhartā rasāprabhuḥ || 17||

रक्षितब्राह्म्यसाम्राज्यो रौद्राणेयजयध्वजः ।राजकीर्तिमयच्छत्रो रोमहर्षणविक्रमः ॥ १८॥

rakṣitabrāhmyasāmrājyo raudrāṇeyajayadhvajaḥ |rājakīrtimayacchatro romaharṣaṇavikramaḥ || 18||

राजशौर्यरसाम्भोधिकुम्भसम्भूतिसायकः ।रात्रिन्दिवसमाजाग्र त्प्रतापग्रीष्मभास्करः ॥ १९॥

rājaśauryarasāmbhodhikumbhasambhūtisāyakaḥ |rātrindivasamājāgra tpratāpagrīṣmabhāskaraḥ || 19||

राजबीजोदरक्षोणीपरित्यागी रसात्पतिः ।रसाभारहरो रस्यो राजीवजकृतक्षमः ॥ २०॥

rājabījodarakṣoṇīparityāgī rasātpatiḥ |rasābhāraharo rasyo rājīvajakṛtakṣamaḥ || 20||

रुद्रमेरुधनुर्भङ्ग कृद्धात्मा रौद्रभूषणः ।रामचन्द्रमुखज्योत्स्नामृतक्षालितहृन्मलः ॥ २१॥

rudramerudhanurbhaṅga kṛddhātmā raudrabhūṣaṇaḥ |rāmacandramukhajyotsnāmṛtakṣālitahṛnmalaḥ || 21||

रामाभिन्नो रुद्रमयो रामरुद्रो भयात्मकः ।रामपूजितपादाब्जो रामविद्वेषिकैतवः ॥ २२॥

rāmābhinno rudramayo rāmarudro bhayātmakaḥ |rāmapūjitapādābjo rāmavidveṣikaitavaḥ || 22||

रामानन्दो रामनामो रामो रामात्मनिर्भिदः ।रामप्रियो रामतृप्तो रामगो रामविश्रमः ॥ २३॥

rāmānando rāmanāmo rāmo rāmātmanirbhidaḥ |rāmapriyo rāmatṛpto rāmago rāmaviśramaḥ || 23||

रामज्ञानकुठारात्त राजलोकमहातमाः ।रामात्ममुक्तिदो रामो रामदो राममङ्गलः ॥ २४॥

rāmajñānakuṭhārātta rājalokamahātamāḥ |rāmātmamuktido rāmo rāmado rāmamaṅgalaḥ || 24||

मङ्गलं जामदग्न्याय कार्तवीर्यार्जुनच्छिदे ।मङ्गलं परमोदार सदा परशुराम ते ॥ २५॥

maṅgalaṃ jāmadagnyāya kārtavīryārjunacchide |maṅgalaṃ paramodāra sadā paraśurāma te || 25||

मङ्गलं राजकालाय दुराधर्षाय मङ्गलम् ।मङ्गलं महनीयाय जामदग्न्याय मङ्गलम् ॥ २६॥

maṅgalaṃ rājakālāya durādharṣāya maṅgalam |maṅgalaṃ mahanīyāya jāmadagnyāya maṅgalam || 26||

जमदग्नि तनूजाय जिताखिलमहीभृते ।जाज्वल्यमानायुधाय जामदग्न्याय मङ्गलम् ॥ २७॥

jamadagni tanūjāya jitākhilamahībhṛte |jājvalyamānāyudhāya jāmadagnyāya maṅgalam || 27||

॥ इति रामेणकृतं पराभवाब्दे वैशाखशुद्ध त्रितीयायांपरशुराम जयन्त्यां रकारादि श्री परशुरामाष्टोत्तरशतम्श्री हयग्रीवाय समर्पितम् ॥

|| iti rāmeṇakṛtaṃ parābhavābde vaiśākhaśuddha tritīyāyāṃparaśurāma jayantyāṃ rakārādi śrī paraśurāmāṣṭottaraśatamśrī hayagrīvāya samarpitam ||