भुवनेश्वर्यष्टकम् Shribhuvaneshvaryashtakam

अथ श्रीभुवनेश्वर्यष्टकम् ।श्रीदेव्युवाचप्रभो श्रीभैरवश्रेष्ठ दयालो भक्तवत्सल ।भुवनेशीस्तवम् ब्रूहि यद्यहन्तव वल्लभा ॥ १॥

atha śrībhuvaneśvaryaṣṭakam |śrīdevyuvācaprabho śrībhairavaśreṣṭha dayālo bhaktavatsala |bhuvaneśīstavam brūhi yadyahantava vallabhā || 1||

ईश्वर उवाचशृणु देवि प्रवक्ष्यामि भुवनेश्यष्टकं शुभम् ।येन विज्ञातमात्रेण त्रैलोक्यमङ्गलम्भवेत् ॥ २॥

īśvara uvācaśṛṇu devi pravakṣyāmi bhuvaneśyaṣṭakaṃ śubham |yena vijñātamātreṇa trailokyamaṅgalambhavet || 2||

ऊं नमामि जगदाधारां भुवनेशीं भवप्रियाम् ।भुक्तिमुक्तिप्रदां रम्यां रमणीयां शुभावहाम् ॥ ३॥

ūṃ namāmi jagadādhārāṃ bhuvaneśīṃ bhavapriyām |bhuktimuktipradāṃ ramyāṃ ramaṇīyāṃ śubhāvahām || 3||

त्वं स्वाहा त्वं स्वधा देवि ! त्वं यज्ञा यज्ञनायिका ।त्वं नाथा त्वं तमोहर्त्री व्याप्यव्यापकवर्जिता ॥ ४॥

tvaṃ svāhā tvaṃ svadhā devi ! tvaṃ yajñā yajñanāyikā |tvaṃ nāthā tvaṃ tamohartrī vyāpyavyāpakavarjitā || 4||

त्वमाधारस्त्वमिज्या च ज्ञानज्ञेयं परं पदम् ।त्वं शिवस्त्वं स्वयं विष्णुस्त्वमात्मा परमोऽव्ययः ॥ ५॥

tvamādhārastvamijyā ca jñānajñeyaṃ paraṃ padam |tvaṃ śivastvaṃ svayaṃ viṣṇustvamātmā paramo'vyayaḥ || 5||

त्वं कारणञ्च कार्यञ्च लक्ष्मीस्त्वञ्च हुताशनः ।त्वं सोमस्त्वं रविः कालस्त्वं धाता त्वञ्च मारुतः ॥ ६॥

tvaṃ kāraṇañca kāryañca lakṣmīstvañca hutāśanaḥ |tvaṃ somastvaṃ raviḥ kālastvaṃ dhātā tvañca mārutaḥ || 6||

गायत्री त्वं च सावित्री त्वं माया त्वं हरिप्रिया ।त्वमेवैका पराशक्तिस्त्वमेव गुरुरूपधृक् ॥ ७॥

gāyatrī tvaṃ ca sāvitrī tvaṃ māyā tvaṃ haripriyā |tvamevaikā parāśaktistvameva gururūpadhṛk || 7||

त्वं काला त्वं कलाऽतीता त्वमेव जगतांश्रियः ।त्वं सर्वकार्यं सर्वस्य कारणं करुणामयि ॥ ८॥

tvaṃ kālā tvaṃ kalā'tītā tvameva jagatāṃśriyaḥ |tvaṃ sarvakāryaṃ sarvasya kāraṇaṃ karuṇāmayi || 8||

इदमष्टकमाद्याया भुवनेश्या वरानने ।त्रिसन्ध्यं श्रद्धया मर्त्यो यः पठेत् प्रीतमानसः ॥ ९॥

idamaṣṭakamādyāyā bhuvaneśyā varānane |trisandhyaṃ śraddhayā martyo yaḥ paṭhet prītamānasaḥ || 9||

सिद्धयो वशगास्तस्य सम्पदो वशगा गृहे ।राजानो वशमायान्ति स्तोत्रस्याऽस्य प्रभावतः ॥ १०॥

siddhayo vaśagāstasya sampado vaśagā gṛhe |rājāno vaśamāyānti stotrasyā'sya prabhāvataḥ || 10||

भूतप्रेतपिशाचाद्या नेक्षन्ते तां दिशं ग्रहाः ।यं यं कामं प्रवाञ्छेत साधकः प्रीतमानसः ॥ ११॥

bhūtapretapiśācādyā nekṣante tāṃ diśaṃ grahāḥ |yaṃ yaṃ kāmaṃ pravāñcheta sādhakaḥ prītamānasaḥ || 11||

तं तमाप्नोति कृपया भुवनेश्या वरानने ।अनेन सदृशं स्तोत्रं न समं भुवनत्रये ॥ १२॥

taṃ tamāpnoti kṛpayā bhuvaneśyā varānane |anena sadṛśaṃ stotraṃ na samaṃ bhuvanatraye || 12||

सर्वसम्पत्प्रदमिदं पावनानाञ्च पावनम् ।अनेन स्तोत्रवर्येण साधितेन वरानने ।समप्दो वशमायान्ति भुवनेश्याः प्रसादतः ॥ १३॥

sarvasampatpradamidaṃ pāvanānāñca pāvanam |anena stotravaryeṇa sādhitena varānane |samapdo vaśamāyānti bhuvaneśyāḥ prasādataḥ || 13||

इति श्रीरुद्रयामले तन्त्रे श्रीभुवनेश्वर्यष्टकं सम्पूर्णम् ।

iti śrīrudrayāmale tantre śrībhuvaneśvaryaṣṭakaṃ sampūrṇam |