दशमहाविद्याकवचम् Shridashamahavidyakavacham

विनियोगःॐ अस्य श्रीमहाविद्याकवचस्य श्रीसदाशिव ऋषिः उष्णिक् छन्दःश्रीमहाविद्या देवता सर्वसिद्धीप्राप्त्यर्थे पाठे विनियोगः ॥ऋष्यादि न्यासःश्रीसदाशिवऋषये नमः शिरसी उष्णिक् छन्दसे नमः मुखेश्रीमहाविद्यादेवतायै नमः हृदि सर्वसिद्धिप्राप्त्यर्थेपाठे विनियोगाय नमः सर्वाङ्गे ॥मानसपुजनम्ॐ लं पृथ्वीतत्त्वात्मकं गन्धं श्रीमहाविद्याप्रीत्यर्थे समर्पयामि नमः ।ॐ हं आकाशतत्त्वात्मकं पुष्पं श्रीमहाविद्याप्रीत्यर्थे समर्पयामि नमः ।ॐ यं वायुतत्त्वात्मकं धूपं श्रीमहाविद्याप्रीत्यर्थे आघ्रापयामि नमः ।ॐ रं अग्नितत्त्वात्मकं दीपं श्रीमहाविद्याप्रीत्यर्थे दर्शयामि नमः ।ॐ वं जलतत्त्वात्मकं नैवेद्यं श्रीमहाविद्याप्रीत्यर्थे निवेदयामि नमः ।ॐ सं सर्वतत्त्वात्मकं ताम्बूलं श्रीमहाविद्याप्रीत्यर्थे निवेदयामि नमः ॥अथ श्रीमहाविद्याकवचम् ।ॐ प्राच्यां रक्षतु मे तारा कामरूपनिवासिनी ।आग्नेय्यां षोडशी पातु याम्यां धूमावती स्वयम् ॥ १॥

viniyogaḥoṃ asya śrīmahāvidyākavacasya śrīsadāśiva ṛṣiḥ uṣṇik chandaḥśrīmahāvidyā devatā sarvasiddhīprāptyarthe pāṭhe viniyogaḥ ||ṛṣyādi nyāsaḥśrīsadāśivaṛṣaye namaḥ śirasī uṣṇik chandase namaḥ mukheśrīmahāvidyādevatāyai namaḥ hṛdi sarvasiddhiprāptyarthepāṭhe viniyogāya namaḥ sarvāṅge ||mānasapujanamoṃ laṃ pṛthvītattvātmakaṃ gandhaṃ śrīmahāvidyāprītyarthe samarpayāmi namaḥ |oṃ haṃ ākāśatattvātmakaṃ puṣpaṃ śrīmahāvidyāprītyarthe samarpayāmi namaḥ |oṃ yaṃ vāyutattvātmakaṃ dhūpaṃ śrīmahāvidyāprītyarthe āghrāpayāmi namaḥ |oṃ raṃ agnitattvātmakaṃ dīpaṃ śrīmahāvidyāprītyarthe darśayāmi namaḥ |oṃ vaṃ jalatattvātmakaṃ naivedyaṃ śrīmahāvidyāprītyarthe nivedayāmi namaḥ |oṃ saṃ sarvatattvātmakaṃ tāmbūlaṃ śrīmahāvidyāprītyarthe nivedayāmi namaḥ ||atha śrīmahāvidyākavacam |oṃ prācyāṃ rakṣatu me tārā kāmarūpanivāsinī |āgneyyāṃ ṣoḍaśī pātu yāmyāṃ dhūmāvatī svayam || 1||

नैरृत्यां भैरवी पातु वारुण्यां भुवनेश्वरी ।वायव्यां सततं पातु छिन्नमस्ता महेश्वरी ॥ २॥

nairṛtyāṃ bhairavī pātu vāruṇyāṃ bhuvaneśvarī |vāyavyāṃ satataṃ pātu chinnamastā maheśvarī || 2||

कौबेर्यां पातु मे देवी श्रीविद्या बगलामुखी ।ऐशान्यां पातु मे नित्यं महात्रिपुरसुन्दरी ॥ ३॥

kauberyāṃ pātu me devī śrīvidyā bagalāmukhī |aiśānyāṃ pātu me nityaṃ mahātripurasundarī || 3||

ऊर्ध्वं रक्षतु मे विद्या मातङ्गीपीठवासिनी ।सर्वतः पातु मे नित्यं कामाख्या कालिका स्वयम् ॥ ४॥

ūrdhvaṃ rakṣatu me vidyā mātaṅgīpīṭhavāsinī |sarvataḥ pātu me nityaṃ kāmākhyā kālikā svayam || 4||

ब्रह्मरूपा महाविद्या सर्वविद्यामयी स्वयम् ।शीर्षे रक्षतु मे दुर्गा भालं श्रीभवगेहिनी ॥ ५॥

brahmarūpā mahāvidyā sarvavidyāmayī svayam |śīrṣe rakṣatu me durgā bhālaṃ śrībhavagehinī || 5||

त्रिपुरा भ्रुयुगे पातु शर्वाणी पातु नासिकाम् ।चक्षुषी चण्डिका पातु श्रोत्रे निलसरस्वती ॥ ६॥

tripurā bhruyuge pātu śarvāṇī pātu nāsikām |cakṣuṣī caṇḍikā pātu śrotre nilasarasvatī || 6||

मुखं सौम्यमुखी पातु ग्रीवां रक्षतु पार्वती ।जिह्वां रक्षतु मे देवी जिह्वाललनभीषणा ॥ ७॥

mukhaṃ saumyamukhī pātu grīvāṃ rakṣatu pārvatī |jihvāṃ rakṣatu me devī jihvālalanabhīṣaṇā || 7||

वाग्देवी वदनं पातु वक्षः पातु महेश्वरी ।बाहू महाभुजा पातु कराङ्गुलीः सुरेश्वरी ॥ ८॥

vāgdevī vadanaṃ pātu vakṣaḥ pātu maheśvarī |bāhū mahābhujā pātu karāṅgulīḥ sureśvarī || 8||

पृष्ठतः पातु भीमास्या कट्यां देवी दिगम्बरी ।उदरं पातु मे नित्यं महाविद्या महोदरी ॥ ९॥

pṛṣṭhataḥ pātu bhīmāsyā kaṭyāṃ devī digambarī |udaraṃ pātu me nityaṃ mahāvidyā mahodarī || 9||

उग्रतारा महादेवी जङ्घोरू परिरक्षतु ।गुदं मुष्कं च मेढ्रं च नाभिं च सुरसुन्दरी ॥ १०॥

ugratārā mahādevī jaṅghorū parirakṣatu |gudaṃ muṣkaṃ ca meḍhraṃ ca nābhiṃ ca surasundarī || 10||

पादाङ्गुलीः सदा पातु भवानी त्रिदशेश्वरी ।रक्तमांसास्थिमज्जादीन् पातु देवी शवासना ॥ ११॥

pādāṅgulīḥ sadā pātu bhavānī tridaśeśvarī |raktamāṃsāsthimajjādīn pātu devī śavāsanā || 11||

महाभयेषु घोरेषु महाभयनिवारिणी ।पातु देवी महामाया कामाख्यापीठवासिनी ॥ १२॥

mahābhayeṣu ghoreṣu mahābhayanivāriṇī |pātu devī mahāmāyā kāmākhyāpīṭhavāsinī || 12||

भस्माचलगता दिव्यसिंहासनकृताश्रया ।पातु श्रीकालिकादेवी सर्वोत्पातेषु सर्वदा ॥ १३॥

bhasmācalagatā divyasiṃhāsanakṛtāśrayā |pātu śrīkālikādevī sarvotpāteṣu sarvadā || 13||

रक्षाहीनं तु यत्स्थानं कवचेनापि वर्जितम् ।तत्सर्वं सर्वदा पातु सर्वरक्षणकारिणी ॥ १४॥

rakṣāhīnaṃ tu yatsthānaṃ kavacenāpi varjitam |tatsarvaṃ sarvadā pātu sarvarakṣaṇakāriṇī || 14||

इति श्रीदशमहाविद्याकवचं सम्पूर्णम् ।

iti śrīdaśamahāvidyākavacaṃ sampūrṇam |