त्रिपुरसुन्दरीसान्निध्यस्तवः (2) Shri Tripurasundarisannidhya Stava

श्रीगणेशाय नमः ।कल्पभानुसमानभास्वरधाम लोचनगोचरंकिं किमित्यतिविस्मिते मयि पश्यतीह समागताम् ।कालकुन्तलभारनिर्जितनीलमेघकुलां पुरःचक्रराजनिवासिनीं त्रिपुरेश्वरीमवलोकये ॥ १॥

śrīgaṇeśāya namaḥ |kalpabhānusamānabhāsvaradhāma locanagocaraṃkiṃ kimityativismite mayi paśyatīha samāgatām |kālakuntalabhāranirjitanīlameghakulāṃ puraḥcakrarājanivāsinīṃ tripureśvarīmavalokaye || 1||

एकदन्तषडाननादिभिरावृतां जगदीश्वरींएनसां परिपन्थिनीमहमेकभक्तिमदर्चिताम् ।एकहीनशतेषु जन्मसु सञ्चितात्सुकृतादिमांचक्रराजनिवासिनीं त्रिपुरेश्वरीमवलोकये ॥ २॥

ekadantaṣaḍānanādibhirāvṛtāṃ jagadīśvarīṃenasāṃ paripanthinīmahamekabhaktimadarcitām |ekahīnaśateṣu janmasu sañcitātsukṛtādimāṃcakrarājanivāsinīṃ tripureśvarīmavalokaye || 2||

ईदृशीति च वेदकुन्तलवाग्भिरप्यनिरूपितांईशपङ्कजनाभसृष्टिकृदादिवन्द्यपदाम्बुजाम् ।ईक्षणान्तनिरीक्षणेन मदिष्टदां पुरतोऽधुनाचक्रराजनिवासिनीं त्रिपुरेश्वरीमवलोकये ॥ ३॥

īdṛśīti ca vedakuntalavāgbhirapyanirūpitāṃīśapaṅkajanābhasṛṣṭikṛdādivandyapadāmbujām |īkṣaṇāntanirīkṣaṇena madiṣṭadāṃ purato'dhunācakrarājanivāsinīṃ tripureśvarīmavalokaye || 3||

लक्षणोज्वलहारशोभिपयोधरद्वयकैतवात्लीलयैवदयारसस्त्रवदुज्वलत्कलशान्विताम् ।लाक्षयाङ्कितपादपातिमिलिन्दसन्ततिमग्रतःचक्रराजनिवासिनीं त्रिपुरेश्वरीमवलोकये ॥ ४॥

lakṣaṇojvalahāraśobhipayodharadvayakaitavātlīlayaivadayārasastravadujvalatkalaśānvitām |lākṣayāṅkitapādapātimilindasantatimagrataḥcakrarājanivāsinīṃ tripureśvarīmavalokaye || 4||

ह्रीमिति प्रतिवासरं जपसुस्थिरोऽहमुदारयायोगिमार्गनिरूढयैक्यसुभावनां गतया धिया ।वत्स हर्षमवाप्तवत्यहमित्युदारगिरं पुरःचक्रराजनिवासिनीं त्रिपुरेश्वरीमवलोकये ॥ ५॥

hrīmiti prativāsaraṃ japasusthiro'hamudārayāyogimārganirūḍhayaikyasubhāvanāṃ gatayā dhiyā |vatsa harṣamavāptavatyahamityudāragiraṃ puraḥcakrarājanivāsinīṃ tripureśvarīmavalokaye || 5||

हंसवृन्दमलक्तकारुणपादपङ्कजनूपुरक्काणमोहितमादरादनुधावितं मृदु शृण्वतीम् ।हंसमन्त्रमहार्थतत्वमयीं पुरो मम भाग्यतचक्रराजनिवासिनीं त्रिपुरेश्वरीमवलोकये ॥ ६॥

haṃsavṛndamalaktakāruṇapādapaṅkajanūpurakkāṇamohitamādarādanudhāvitaṃ mṛdu śṛṇvatīm |haṃsamantramahārthatatvamayīṃ puro mama bhāgyatacakrarājanivāsinīṃ tripureśvarīmavalokaye || 6||

सङ्गतं जलमभ्रवृन्दसमुद्भवं धरणीधराद्धारया वहदञ्जसा भ्रममाप्य सैकतनिर्गतम् ।एवमादिमहेन्द्रजालसुकोविदां पुरतोऽधुनाचक्रराजनिवासिनीं त्रिपुरेश्वरीमवलोकये ॥ ७॥

saṅgataṃ jalamabhravṛndasamudbhavaṃ dharaṇīdharāddhārayā vahadañjasā bhramamāpya saikatanirgatam |evamādimahendrajālasukovidāṃ purato'dhunācakrarājanivāsinīṃ tripureśvarīmavalokaye || 7||

कम्बुसुन्दरकन्धरां कचवृन्दनिर्जितवारिदांकण्ठदेशलसत्सुमङ्गलहेमसूत्रविराजिताम् ।कादिमन्त्रमुपासतां सकलेष्टदां मम सन्निधौचक्रराजनिवासिनीं त्रिपुरेश्वरीमहमाश्रये ॥ ८॥

kambusundarakandharāṃ kacavṛndanirjitavāridāṃkaṇṭhadeśalasatsumaṅgalahemasūtravirājitām |kādimantramupāsatāṃ sakaleṣṭadāṃ mama sannidhaucakrarājanivāsinīṃ tripureśvarīmahamāśraye || 8||

हस्तपद्मलसत्त्रिखण्डसमुद्रिकामहमद्रिजांहस्तिकृत्तिपरीतकार्मुकवल्लरीसमचिल्लिकाम् ।हर्यजस्तुतवैभवां भवकामिनीं मम भाग्यतःचक्रराजनिवासिनीं त्रिपुरेश्वरीमहमाश्रये ॥ ९॥

hastapadmalasattrikhaṇḍasamudrikāmahamadrijāṃhastikṛttiparītakārmukavallarīsamacillikām |haryajastutavaibhavāṃ bhavakāminīṃ mama bhāgyataḥcakrarājanivāsinīṃ tripureśvarīmahamāśraye || 9||

लक्षणोल्लसदङ्गकान्तिझरीनिराकृतविद्युतंलास्यलोलसुवर्णकुण्डलमण्डितां जगदम्बिकाम् ।लीलयाखिलसृष्टिपालनकर्षणादिवितन्वतींचक्रराजनिवासिनीं त्रिपुरेश्वरीमहमाश्रये ॥ १०॥

lakṣaṇollasadaṅgakāntijharīnirākṛtavidyutaṃlāsyalolasuvarṇakuṇḍalamaṇḍitāṃ jagadambikām |līlayākhilasṛṣṭipālanakarṣaṇādivitanvatīṃcakrarājanivāsinīṃ tripureśvarīmahamāśraye || 10||

ह्रीम्मिति त्रिपुरामनुस्थिरचेतसा बहुधाऽर्चितांहादिमन्त्रमहाम्बुजातविराजमानसुहंसिकाम् ।हेमकुम्भघनस्तनाञ्चललोलमौक्तिकभूषणांचक्रराजनिवासिनीं त्रिपुरेश्वरीमहमाश्रये ॥ ११॥

hrīmmiti tripurāmanusthiracetasā bahudhā'rcitāṃhādimantramahāmbujātavirājamānasuhaṃsikām |hemakumbhaghanastanāñcalalolamauktikabhūṣaṇāṃcakrarājanivāsinīṃ tripureśvarīmahamāśraye || 11||

सर्वलोकनमस्कृतां जितशर्वरीरमणाननांशरवदेवनमनःप्रियां नवयौवनोन्मदगर्विताम् ।सर्वमङ्गलविग्रहां मम पूर्वजन्मतपोबलाच्चक्रराजनिवासिनीं त्रिपुरेश्वरीमहमाश्रये ॥ १२॥

sarvalokanamaskṛtāṃ jitaśarvarīramaṇānanāṃśaravadevanamanaḥpriyāṃ navayauvanonmadagarvitām |sarvamaṅgalavigrahāṃ mama pūrvajanmatapobalāccakrarājanivāsinīṃ tripureśvarīmahamāśraye || 12||

कन्दमूलफलाशिभिर्बहु योगिभिश्च गवेषितांकुन्दकुङ्मलदन्तपङ्क्तिविराजितामपराजिताम् ।कन्दमागमवीरुधां सुरसुन्दरीभिरिहागतांचक्रराजनिवासिनीं त्रिपुरेश्वरीमहमाश्रये ॥ १३॥

kandamūlaphalāśibhirbahu yogibhiśca gaveṣitāṃkundakuṅmaladantapaṅktivirājitāmaparājitām |kandamāgamavīrudhāṃ surasundarībhirihāgatāṃcakrarājanivāsinīṃ tripureśvarīmahamāśraye || 13||

लत्रयाङ्कितमन्त्रराट्समलङ्कृतां जगदम्बिकांलोलनीलसुकुन्तलावलिनिर्जितालिकदम्बकाम् ।लोभमोहविदारिणीं करुणामयीमरुणां शिवांचक्रराजनिवासिनीं त्रिपुरेश्वरीमहमाश्रये ॥ १४॥

latrayāṅkitamantrarāṭsamalaṅkṛtāṃ jagadambikāṃlolanīlasukuntalāvalinirjitālikadambakām |lobhamohavidāriṇīṃ karuṇāmayīmaruṇāṃ śivāṃcakrarājanivāsinīṃ tripureśvarīmahamāśraye || 14||

ह्रीम्पराख्यमहामनोरधिदेवतां भुवनेश्वरींहृत्सरोजनिवासिनीं हरवल्लभां बहुरूपिणीम् ।हारकुण्डलनूपुरादिभिरन्वितां पुरतोऽधुनाचक्रराजनिवासिनीं त्रिपुरेश्वरीमहमाश्रये ॥ १५॥

hrīmparākhyamahāmanoradhidevatāṃ bhuvaneśvarīṃhṛtsarojanivāsinīṃ haravallabhāṃ bahurūpiṇīm |hārakuṇḍalanūpurādibhiranvitāṃ purato'dhunācakrarājanivāsinīṃ tripureśvarīmahamāśraye || 15||

श्रीं सुपञ्चदशाक्षरीमपि षोडशाक्षररूपिणींश्रीसुधार्णवमध्यशोभिसरोजकाननचन्द्रिकाम् ।श्रीगुहस्तुतवैभवां परदेवतां मम सन्निधौचक्रराजनिवासिनीं त्रिपुरेश्वरीमहमाश्रये ॥ १६॥

śrīṃ supañcadaśākṣarīmapi ṣoḍaśākṣararūpiṇīṃśrīsudhārṇavamadhyaśobhisarojakānanacandrikām |śrīguhastutavaibhavāṃ paradevatāṃ mama sannidhaucakrarājanivāsinīṃ tripureśvarīmahamāśraye || 16||

इति श्रीमत्रिपुरसुन्दरीसान्निध्यस्तवः सम्पूर्णः ।

iti śrīmatripurasundarīsānnidhyastavaḥ sampūrṇaḥ |