ताराशतनामस्तोत्रम् ३ Shri Tarashatanama Stotram

(अथ श्रीकालीविलासतन्त्रे द्वादशपटलः ।)श्रीदेव्युवाच ।श्रुणु पार्वति वक्ष्यामि शतनाम शुभानि च ॥ १॥

(atha śrīkālīvilāsatantre dvādaśapaṭalaḥ |)śrīdevyuvāca |śruṇu pārvati vakṣyāmi śatanāma śubhāni ca || 1||

अस्य श्रीशतनाम स्तोत्रस्य श्रीसदाशिव ऋषिर्गायत्रोच्छन्दःश्रीतारादेवता चतुर्वर्गसिद्धये विनियोगः ॥ॐ अद्वैतरूपिणी आद्या असिता अणिमा तथा ।अम्बिका चापरा चैव अपर्णा अलिनीति च ॥ २॥

asya śrīśatanāma stotrasya śrīsadāśiva ṛṣirgāyatrocchandaḥśrītārādevatā caturvargasiddhaye viniyogaḥ ||oṃ advaitarūpiṇī ādyā asitā aṇimā tathā |ambikā cāparā caiva aparṇā alinīti ca || 2||

अलम्बुषा अघोरा च अक्रूरा घोररूपिणी ।शोभा च सुखदा सत्या सदा सन्तोषकारिणी ॥ ३॥

alambuṣā aghorā ca akrūrā ghorarūpiṇī |śobhā ca sukhadā satyā sadā santoṣakāriṇī || 3||

सीमन्तिनी इडा चैव अलङ्ग पिङ्गला तथा ।दलिताञ्जनसङ्काशा तारिणी तरुणेक्षणा ॥ ४॥

sīmantinī iḍā caiva alaṅga piṅgalā tathā |dalitāñjanasaṅkāśā tāriṇī taruṇekṣaṇā || 4||

तापसी तपनाराध्या तारा च तरलेक्षण ।तूरीया तीर्थरूपा च कारिणी रागरूपिणी ॥ ५॥

tāpasī tapanārādhyā tārā ca taralekṣaṇa |tūrīyā tīrtharūpā ca kāriṇī rāgarūpiṇī || 5||

विष्णुशक्तिः सादाराध्या सर्वशक्तिः सदार्चिता ।महेशशक्तिर्माहेशी नानामुणिगणार्चिता ॥ ६॥

viṣṇuśaktiḥ sādārādhyā sarvaśaktiḥ sadārcitā |maheśaśaktirmāheśī nānāmuṇigaṇārcitā || 6||

रागिणी रेणुकारम्या रक्तपद्मदलेक्षणा ।रामशक्ती रामपूज्या नित्या श्रीरामचर्चिता ॥ ७॥

rāgiṇī reṇukāramyā raktapadmadalekṣaṇā |rāmaśaktī rāmapūjyā nityā śrīrāmacarcitā || 7||

रत्नरङ्गा रणाध्यक्षा रणधीरा रणाग्रणीः ।कृष्णवर्णा कृष्णपूज्या कृष्णशक्तिः करालिनी ॥ ८॥

ratnaraṅgā raṇādhyakṣā raṇadhīrā raṇāgraṇīḥ |kṛṣṇavarṇā kṛṣṇapūjyā kṛṣṇaśaktiḥ karālinī || 8||

धनुईरा च धानुष्को धन्या धर्मप्रदायिनी ।कलुषघ्ना पापहरा पापारिः पापनाशिनी ॥ ८॥

dhanuīrā ca dhānuṣko dhanyā dharmapradāyinī |kaluṣaghnā pāpaharā pāpāriḥ pāpanāśinī || 8||

पापरूपा च निष्पापा अकलङ्का कलङ्किनो ।कलङ्कनाशिनी काली कलिकल्मषनाशिनी ॥ १०॥

pāparūpā ca niṣpāpā akalaṅkā kalaṅkino |kalaṅkanāśinī kālī kalikalmaṣanāśinī || 10||

गङ्गा च यमुना चैव तथा गोदावरीति च ।नर्मन्दा सिन्धुरूपा च कावेरो पुस्करा तथा ॥ ११॥

gaṅgā ca yamunā caiva tathā godāvarīti ca |narmandā sindhurūpā ca kāvero puskarā tathā || 11||

सुन्दरी भैरवी भव्या मातङ्गी वगलामुखी ।कैलासवासिनी नित्या कालरात्रिः करालिका ॥ १२॥

sundarī bhairavī bhavyā mātaṅgī vagalāmukhī |kailāsavāsinī nityā kālarātriḥ karālikā || 12||

काशीप्रयागरूपा च कौमारी कौषिकी तथा ।क्रोधरूपा च अक्रोधा खेला हेला हलाहला ॥ १३॥

kāśīprayāgarūpā ca kaumārī kauṣikī tathā |krodharūpā ca akrodhā khelā helā halāhalā || 13||

शतनाम च ते भक्त्या तारायाः परिकीर्त्तितम् ।अष्टोत्तरशतं जप्त्वा दशधावा वरानने ॥ १४॥

śatanāma ca te bhaktyā tārāyāḥ parikīrttitam |aṣṭottaraśataṃ japtvā daśadhāvā varānane || 14||

ततः स्तवं पठित्वा वै सर्वसिद्धीश्वरो भवेत् ।त्रिसन्ध्यं यः पठेन्नित्यं कलिकालस्य सम्मतम् ॥ १५॥

tataḥ stavaṃ paṭhitvā vai sarvasiddhīśvaro bhavet |trisandhyaṃ yaḥ paṭhennityaṃ kalikālasya sammatam || 15||

अष्टसिद्धीश्वरो भूत्वा विहरेत् क्षितिमण्डले ।पूजाकाले निशीथे वा पठित्वामुक्तिमाप्नुयात् ॥ १६॥

aṣṭasiddhīśvaro bhūtvā viharet kṣitimaṇḍale |pūjākāle niśīthe vā paṭhitvāmuktimāpnuyāt || 16||

इति श्रीकालीविलासतन्त्रे श्रीताराशतनामस्तोत्रं समाप्तम् ।ॐ तत्सदित्यादि ।इति श्रीकालीविलासतन्त्रे द्वादशपटलः समाप्तः ।

iti śrīkālīvilāsatantre śrītārāśatanāmastotraṃ samāptam |oṃ tatsadityādi |iti śrīkālīvilāsatantre dvādaśapaṭalaḥ samāptaḥ |