बालाष्टोत्तरशतनामस्तोत्रम् २ Shri Balashtottarashatanamastotram 2

श्रीबाला श्रीमहादेवी श्रीमत्पञ्चासनेश्वरी ।शिववामाङ्गसम्भूता शिवमानसहंसिनी ॥ १॥

śrībālā śrīmahādevī śrīmatpañcāsaneśvarī |śivavāmāṅgasambhūtā śivamānasahaṃsinī || 1||

त्रिस्था त्रिनेत्रा त्रिगुणा त्रिमूर्तिवशवर्तिनी ।त्रिजन्मपापसंहर्त्री त्रियम्बककुटम्बिनी ॥ २॥

tristhā trinetrā triguṇā trimūrtivaśavartinī |trijanmapāpasaṃhartrī triyambakakuṭambinī || 2||

बालार्ककोटिसङ्काशा नीलालकलसत्कचा ।फालस्थहेमतिलका लोलमौक्तिकनासिका ॥ ३॥

bālārkakoṭisaṅkāśā nīlālakalasatkacā |phālasthahematilakā lolamauktikanāsikā || 3||

पूर्णचन्द्रानना चैव स्वर्णताटङ्कशोभिता ।हरिणीनेत्रसाकारकरुणापूर्णलोचना ॥ ४॥

pūrṇacandrānanā caiva svarṇatāṭaṅkaśobhitā |hariṇīnetrasākārakaruṇāpūrṇalocanā || 4||

दाडिमीबीजरदना बिम्बोष्ठी मन्दहासिनी ।शङ्खःग्रीवा चतुर्हस्ता कुचपङ्कजकुड्मला ॥ ५॥

dāḍimībījaradanā bimboṣṭhī mandahāsinī |śaṅkhaḥgrīvā caturhastā kucapaṅkajakuḍmalā || 5||

ग्रैवेयाङ्गदमाङ्गल्यसूत्रशोभितकन्धरा ।वटपत्रोदरा चैव निर्मला घनमण्डिता ॥ ६॥

graiveyāṅgadamāṅgalyasūtraśobhitakandharā |vaṭapatrodarā caiva nirmalā ghanamaṇḍitā || 6||

मन्दावलोकिनी मध्या कुसुम्भवदनोज्ज्वला ।तप्तकाञ्चनकान्त्याढ्या हेमभूषितविग्रहा ॥ ७॥

mandāvalokinī madhyā kusumbhavadanojjvalā |taptakāñcanakāntyāḍhyā hemabhūṣitavigrahā || 7||

माणिक्यमुकुरादर्शजानुद्वयविराजिता ।कामतूणीरजघना कामप्रेष्ठगतल्पगा ॥ ८॥

māṇikyamukurādarśajānudvayavirājitā |kāmatūṇīrajaghanā kāmapreṣṭhagatalpagā || 8||

रक्ताब्जपादयुगला क्वणन्माणिक्यनूपुरा ।वासवादिदिशानाथपूजिताङ्घ्रिसरोरुहा ॥ ९॥

raktābjapādayugalā kvaṇanmāṇikyanūpurā |vāsavādidiśānāthapūjitāṅghrisaroruhā || 9||

वराभयस्फाटिकाक्षमालापुस्तकधारिणी ।स्वर्णकङ्कणजालाभकराङ्गुष्ठविराजिता ॥ १०॥

varābhayasphāṭikākṣamālāpustakadhāriṇī |svarṇakaṅkaṇajālābhakarāṅguṣṭhavirājitā || 10||

सर्वाभरणभूषाढ्या सर्वावयवसुन्दरी ।ऐङ्काररूपा ऐङ्कारी ऐश्वर्यफलदायिनी ॥ ११॥

sarvābharaṇabhūṣāḍhyā sarvāvayavasundarī |aiṅkārarūpā aiṅkārī aiśvaryaphaladāyinī || 11||

क्लींङ्काररूपा क्लीङ्कारी क्लृप्तब्रह्माण्डमण्डला ।सौःकाररूपा सौः कारी सौन्दर्यगुणसंयुता ॥ १२॥

klīṃṅkārarūpā klīṅkārī klṛptabrahmāṇḍamaṇḍalā |sauḥkārarūpā sauḥ kārī saundaryaguṇasaṃyutā || 12||

सचामररतीन्द्राणी सव्यदक्षिणसेविता ।बिन्दुत्रिकोणषट्कोणवृत्ताष्टदलसंयुता ॥ १३॥

sacāmararatīndrāṇī savyadakṣiṇasevitā |bindutrikoṇaṣaṭkoṇavṛttāṣṭadalasaṃyutā || 13||

सत्यादिलोकपालान्तदेव्यावरणसंवृता ।ओड्याणपीठनिलया ओजस्तेजःस्वरूपिणी ॥ १४॥

satyādilokapālāntadevyāvaraṇasaṃvṛtā |oḍyāṇapīṭhanilayā ojastejaḥsvarūpiṇī || 14||

अनङ्गपीठनिलया कामितार्थफलप्रदा ।जालन्धरमहापीठा जानकीनाथसोदरी ॥ १५॥

anaṅgapīṭhanilayā kāmitārthaphalapradā |jālandharamahāpīṭhā jānakīnāthasodarī || 15||

पूर्णागिरिपीठगता पूर्णायुः सुप्रदायिनी ।मन्त्रमूर्तिर्महायोगा महावेगा महाबला ॥ १६॥

pūrṇāgiripīṭhagatā pūrṇāyuḥ supradāyinī |mantramūrtirmahāyogā mahāvegā mahābalā || 16||

महाबुद्धिर्महासिद्धिर्महादेवमनोहरी ।कीर्तियुक्ता कीर्तिधरा कीर्तिदा कीर्तिवैभवा ॥ १७॥

mahābuddhirmahāsiddhirmahādevamanoharī |kīrtiyuktā kīrtidharā kīrtidā kīrtivaibhavā || 17||

व्याधिशैलव्यूहवज्रा यमवृक्षकुठारिका ।वरमूर्तिगृहावासा परमार्थस्वरूपिणी ॥ १८॥

vyādhiśailavyūhavajrā yamavṛkṣakuṭhārikā |varamūrtigṛhāvāsā paramārthasvarūpiṇī || 18||

कृपानिधिः कृपापूरा कृतार्थफलदायिनी ।अष्टात्रिंशत्कलामूर्तिः चतुःषष्टिकलात्मिका ॥ १९॥

kṛpānidhiḥ kṛpāpūrā kṛtārthaphaladāyinī |aṣṭātriṃśatkalāmūrtiḥ catuḥṣaṣṭikalātmikā || 19||

चतुरङ्गबलादात्री बिन्दुनादस्वरूपिणी ।दशाब्दवयसोपेता दिविपूज्या शिवाभिधा ॥ २०॥

caturaṅgabalādātrī bindunādasvarūpiṇī |daśābdavayasopetā divipūjyā śivābhidhā || 20||

आगमारण्यमायूरी आदिमध्यान्तवर्जिता ।कदम्बवनसम्पन्ना सर्वदोषविनाशिनी ॥ २१॥

āgamāraṇyamāyūrī ādimadhyāntavarjitā |kadambavanasampannā sarvadoṣavināśinī || 21||

सामगानप्रिया ध्येया ध्यानसिद्धाभिवन्दिता ।ज्ञानमूर्तिर्ज्ञानरूपा ज्ञानदा भयसंहरा ॥ २२॥

sāmagānapriyā dhyeyā dhyānasiddhābhivanditā |jñānamūrtirjñānarūpā jñānadā bhayasaṃharā || 22||

तत्त्वज्ञाना तत्त्वरूपा तत्त्वमय्याश्रितावनी ।दीर्घायुर्विजयारोग्यपुत्रपौत्रप्रदायिनी ॥ २३॥

tattvajñānā tattvarūpā tattvamayyāśritāvanī |dīrghāyurvijayārogyaputrapautrapradāyinī || 23||

मन्दस्मितमुखाम्भोजा मङ्गलप्रदमङ्गला ।वरदाभयमुद्राढ्या बालात्रिपुरसुन्दरी ॥ २४॥

mandasmitamukhāmbhojā maṅgalapradamaṅgalā |varadābhayamudrāḍhyā bālātripurasundarī || 24||

बालात्रिपुरसुन्दर्या नाम्नामष्टोत्तरं शतम् ।पठनान्मननाद्।ह्ध्यानात्सर्वमङ्गलकारकम् ॥ २५॥

bālātripurasundaryā nāmnāmaṣṭottaraṃ śatam |paṭhanānmananād|hdhyānātsarvamaṅgalakārakam || 25||

इति श्रीबालाष्टोत्तरशतनामस्तोत्रं (२) सम्पूर्णम् ।

iti śrībālāṣṭottaraśatanāmastotraṃ (2) sampūrṇam |