बालाम्बिकाष्टकम् Shri Balambikashtakam

वेलातिलङ्घ्यकरुणे विबुधेन्द्रवन्द्येलीलाविनिर्मितचराचरहृन्निवासे ।मालाकिरीटमणिकुण्डल मण्डिताङ्गेबालाम्बिके मयि निधेहि कृपाकटाक्षम् ॥ १॥

velātilaṅghyakaruṇe vibudhendravandyelīlāvinirmitacarācarahṛnnivāse |mālākirīṭamaṇikuṇḍala maṇḍitāṅgebālāmbike mayi nidhehi kṛpākaṭākṣam || 1||

कंजासनादिमणिमञ्जुकिरीटकोटिप्रत्युप्तरत्नरुचिरञ्जितपादपद्मे ।मञ्जीरमञ्जुलविनिर्जितहंसनादेबालाम्बिके मयि निधेहि कृपाकटाक्षम् ॥ २॥

kaṃjāsanādimaṇimañjukirīṭakoṭipratyuptaratnarucirañjitapādapadme |mañjīramañjulavinirjitahaṃsanādebālāmbike mayi nidhehi kṛpākaṭākṣam || 2||

प्रालेयभानुकलिकाकलितातिरम्येपादाग्रजावलिविनिर्जितमौक्तिकाभे ।प्राणेश्वरि प्रमथलोकपतेः प्रगल्भेबालाम्बिके मयि निधेहि कृपाकटाक्षम् ॥ ३॥

prāleyabhānukalikākalitātiramyepādāgrajāvalivinirjitamauktikābhe |prāṇeśvari pramathalokapateḥ pragalbhebālāmbike mayi nidhehi kṛpākaṭākṣam || 3||

जङ्घादिभिर्विजितचित्तजतूणिभागेरम्भादिमार्दवकरीन्द्रकरोरुयुग्मे ।शंपाशताधिकसमुज्वलचेललीलेबालाम्बिके मयि निधेहि कृपाकटाक्षम् ॥ ४॥

jaṅghādibhirvijitacittajatūṇibhāgerambhādimārdavakarīndrakaroruyugme |śaṃpāśatādhikasamujvalacelalīlebālāmbike mayi nidhehi kṛpākaṭākṣam || 4||

माणिक्यमौक्तिकविनिर्मितमेखलाढ्येमायाविलग्नविलसन्मणि पट्टबन्धे ।लोलंबराजिविलसन्नवरोमजालेबालाम्बिके मयि निधेहि कृपाकटाक्षम् ॥ ५॥

māṇikyamauktikavinirmitamekhalāḍhyemāyāvilagnavilasanmaṇi paṭṭabandhe |lolaṃbarājivilasannavaromajālebālāmbike mayi nidhehi kṛpākaṭākṣam || 5||

न्यग्रोधपल्लवतलोदरनिम्ननाभेनिर्धूतहारविलसत्कुचचक्रवाके ।निष्कादिमञ्जुमणिभूषणभूषिताङ्गेबालाम्बिके मयि निधेहि कृपाकटाक्षम् ॥ ६॥

nyagrodhapallavatalodaranimnanābhenirdhūtahāravilasatkucacakravāke |niṣkādimañjumaṇibhūṣaṇabhūṣitāṅgebālāmbike mayi nidhehi kṛpākaṭākṣam || 6||

कन्दर्पचापमदभङ्गकृतातिरम्येभ्रूवल्लरीविविधचेष्टित रम्यमाने ।कन्दर्पसोदरसमाकृतिभालदेशेबालाम्बिके मयि निधेहि कृपाकटाक्षम् ॥ ७॥

kandarpacāpamadabhaṅgakṛtātiramyebhrūvallarīvividhaceṣṭita ramyamāne |kandarpasodarasamākṛtibhāladeśebālāmbike mayi nidhehi kṛpākaṭākṣam || 7||

मुक्तावलीविलसदूर्जितकम्बुकण्ठेमन्दस्मिताननविनिर्जितचन्द्रबिम्बे ।भक्तेष्टदाननिरतामृतपूर्णदृष्टेबालाम्बिके मयि निधेहि कृपाकटाक्षम् ॥ ८॥

muktāvalīvilasadūrjitakambukaṇṭhemandasmitānanavinirjitacandrabimbe |bhakteṣṭadānaniratāmṛtapūrṇadṛṣṭebālāmbike mayi nidhehi kṛpākaṭākṣam || 8||

कर्णावलम्बिमणिकुण्डलगण्डभागेकर्णान्तदीर्घनवनीरजपत्रनेत्रे ।स्वर्णायकादिमणिमौक्तिकशोभिनासेबालाम्बिके मयि निधेहि कृपाकटाक्षम् ॥ ९॥

karṇāvalambimaṇikuṇḍalagaṇḍabhāgekarṇāntadīrghanavanīrajapatranetre |svarṇāyakādimaṇimauktikaśobhināsebālāmbike mayi nidhehi kṛpākaṭākṣam || 9||

लोलम्बराजिललितालकजालशोभेमल्लीनवीनकलिकानवकुन्दजाले ।बालेन्दुमञ्जुलकिरीटविराजमानेबालाम्बिके मयि निधेहि कृपाकटाक्षम् ॥ १०॥

lolambarājilalitālakajālaśobhemallīnavīnakalikānavakundajāle |bālendumañjulakirīṭavirājamānebālāmbike mayi nidhehi kṛpākaṭākṣam || 10||

बालाम्बिके महाराज्ञी वैद्यनाथप्रियेश्वरी ।पाहि मामम्ब कृपया त्वत्पादं शरणं गतः ॥ ११॥

bālāmbike mahārājñī vaidyanāthapriyeśvarī |pāhi māmamba kṛpayā tvatpādaṃ śaraṇaṃ gataḥ || 11||

॥ इति स्कान्दे वैद्यनाथमाहात्म्ये श्रीबालाम्बिकाष्टकस्तोत्रं संपूर्णम् ॥

|| iti skānde vaidyanāthamāhātmye śrībālāmbikāṣṭakastotraṃ saṃpūrṇam ||