बालास्तोत्रम् १ Shri Bala Stotram 1

बालाम्बेति सुधापूरमाधुरीचोरमम्बिके ।तव नामास्ति यत्तेन जिह्वा मे मधुमत्तमा ॥जगत्पवित्रि मामिकामपाहराशु दुर्जराम् ।प्रसीद मे दयाधुने प्रशस्तिमम्ब नस्कृधि ॥सन्ति विद्या जगत्यस्मिन् संसारभ्रमहेतवः ।भजेऽहं त्वां यया विद्वान् विद्ययाऽमृतमश्र्नुते ॥कुर्वे गर्वेणापचारानपाराण् यद्यप्यम्ब त्वत्पदाब्जं तथापि ।मन्ये धन्ये देवि विद्यावलम्बं मातेव पुत्रं बिभृतास्वेनम् ॥यथोपास्तिक्षतिर्न स्यात्तव चक्रस्य सुन्दरि ।कृपया कुरु कल्याणी तथा मे स्वस्तिरायुषी ॥सुकुमारि सुखाकारे सुनेत्रे सूक्ष्ममध्यमे ।सुप्रसन्ना भव शिवे सुमृडीका सरस्वती ॥नवनीपवनीवास लालसोत्तरमानसे ।शृङ्गारदेवते मातः श्रियं वासय मे कुले ॥वन्दे मातरमम्बिकां भगवतीं वाणीरमासेवितांकल्याणीं कमनीयकल्पलतिकां कैलासनाथप्रियाम् ।वेदान्तप्रतिपाद्यमानविभवां विद्वन्मनोरञ्जनींश्रीचक्राञ्चितचक्रपीठनिलयां श्रीराजराजेश्वरीम् ॥कुन्दमुकुलाग्रन्तां कुङ्कुमपङ्केन लिप्ततनुमध्याम् ।आरक्तदेहकान्तिं बालामखिलाण्डनायिकां वन्दे ॥ऐङ्कारासनगर्भितानलशिखां शौक्लिं कला बिभ्रतींसौवर्णाम्बरधारिणीं वरसुधाधौतान्तरङ्गां शिवाम् ।वन्दे पुस्तकमङ्कुशं जपवटीं पाशं मुदा बिभ्रतींत्वां बालां त्रिपुरां परात्परकलां षट्चक्रसञ्चारिणीम् ॥बालार्कायुततेजसं त्रिणयनां रक्ताम्बरोल्लासिनींनानालङ्कृतिराजमानवपुषं बालोडुराट्शेखराम् ।हस्तैरिक्षुधनुः सृणिं सुमशरं पाशं मुदा बिभ्रतींश्रीचक्रस्थितसुन्दरीं त्रिजगतामाधारभूतां भजे ॥

bālāmbeti sudhāpūramādhurīcoramambike |tava nāmāsti yattena jihvā me madhumattamā ||jagatpavitri māmikāmapāharāśu durjarām |prasīda me dayādhune praśastimamba naskṛdhi ||santi vidyā jagatyasmin saṃsārabhramahetavaḥ |bhaje'haṃ tvāṃ yayā vidvān vidyayā'mṛtamaśrnute ||kurve garveṇāpacārānapārāṇ yadyapyamba tvatpadābjaṃ tathāpi |manye dhanye devi vidyāvalambaṃ māteva putraṃ bibhṛtāsvenam ||yathopāstikṣatirna syāttava cakrasya sundari |kṛpayā kuru kalyāṇī tathā me svastirāyuṣī ||sukumāri sukhākāre sunetre sūkṣmamadhyame |suprasannā bhava śive sumṛḍīkā sarasvatī ||navanīpavanīvāsa lālasottaramānase |śṛṅgāradevate mātaḥ śriyaṃ vāsaya me kule ||vande mātaramambikāṃ bhagavatīṃ vāṇīramāsevitāṃkalyāṇīṃ kamanīyakalpalatikāṃ kailāsanāthapriyām |vedāntapratipādyamānavibhavāṃ vidvanmanorañjanīṃśrīcakrāñcitacakrapīṭhanilayāṃ śrīrājarājeśvarīm ||kundamukulāgrantāṃ kuṅkumapaṅkena liptatanumadhyām |āraktadehakāntiṃ bālāmakhilāṇḍanāyikāṃ vande ||aiṅkārāsanagarbhitānalaśikhāṃ śaukliṃ kalā bibhratīṃsauvarṇāmbaradhāriṇīṃ varasudhādhautāntaraṅgāṃ śivām |vande pustakamaṅkuśaṃ japavaṭīṃ pāśaṃ mudā bibhratīṃtvāṃ bālāṃ tripurāṃ parātparakalāṃ ṣaṭcakrasañcāriṇīm ||bālārkāyutatejasaṃ triṇayanāṃ raktāmbarollāsinīṃnānālaṅkṛtirājamānavapuṣaṃ bāloḍurāṭśekharām |hastairikṣudhanuḥ sṛṇiṃ sumaśaraṃ pāśaṃ mudā bibhratīṃśrīcakrasthitasundarīṃ trijagatāmādhārabhūtāṃ bhaje ||

इति श्रीबालास्तोत्रम् (१) सम्पूर्णम् ।

iti śrībālāstotram (1) sampūrṇam |