बालामन्त्रगर्भाष्टकम् Shri Bala Mantragarbha Ashtakam

ऐङ्काररूपिणीं सत्यां ऐङ्काराक्षरमालिनीम् ।ऐम्बीजरूपिणीं देवीं बालादेवीं नमाम्यहम् ॥ १॥

aiṅkārarūpiṇīṃ satyāṃ aiṅkārākṣaramālinīm |aimbījarūpiṇīṃ devīṃ bālādevīṃ namāmyaham || 1||

वाग्भवां वारुणीपीतां वाचासिद्धिप्रदां शिवाम् ।बलिप्रियां वरालाढ्यां वन्दे बालां शुभप्रदाम् ॥ २॥

vāgbhavāṃ vāruṇīpītāṃ vācāsiddhipradāṃ śivām |balipriyāṃ varālāḍhyāṃ vande bālāṃ śubhapradām || 2||

लाक्षारसनिभां त्र्यक्षां ललज्जिह्वां भवप्रियाम् ।लम्बकेशीं लोकधात्रीं बालां द्रव्यप्रदां भजे ॥ ३॥

lākṣārasanibhāṃ tryakṣāṃ lalajjihvāṃ bhavapriyām |lambakeśīṃ lokadhātrīṃ bālāṃ dravyapradāṃ bhaje || 3||

यैकारस्थां यज्ञरूपां यूं रूपां मन्त्ररूपिणीम् ।युधिष्ठिरां महाबालां नमामि परमार्थदाम् ॥ ४॥

yaikārasthāṃ yajñarūpāṃ yūṃ rūpāṃ mantrarūpiṇīm |yudhiṣṭhirāṃ mahābālāṃ namāmi paramārthadām || 4||

नमस्तेऽस्तु महाबालां नमस्ते शङ्करप्रियाम् ।नमस्तेऽस्तु गुणातीतां नमस्तेऽस्तु नमो नमः ॥ ५॥

namaste'stu mahābālāṃ namaste śaṅkarapriyām |namaste'stu guṇātītāṃ namaste'stu namo namaḥ || 5||

महामनीं मन्त्ररूपां मोक्षदां मुक्तकेशिनीम् ।मांसांशीं चन्द्रमौलिं च स्मरामि सततं शिवाम् ॥ ६॥

mahāmanīṃ mantrarūpāṃ mokṣadāṃ muktakeśinīm |māṃsāṃśīṃ candramauliṃ ca smarāmi satataṃ śivām || 6||

स्वयम्भुवां स्वधर्मस्थां स्वात्मबोधप्रकाशिकाम् ।स्वर्णाभरणदीप्ताङ्गं बालां ज्ञानप्रदां भजे ॥ ७॥

svayambhuvāṃ svadharmasthāṃ svātmabodhaprakāśikām |svarṇābharaṇadīptāṅgaṃ bālāṃ jñānapradāṃ bhaje || 7||

हा हा हा शब्दनिरतां हास्यां हास्यप्रियां विभुम् ।हुङ्काराद्दैत्यखण्डाख्यां श्रीबालां प्रणमाम्यहम् ॥ ८॥

hā hā hā śabdaniratāṃ hāsyāṃ hāsyapriyāṃ vibhum |huṅkārāddaityakhaṇḍākhyāṃ śrībālāṃ praṇamāmyaham || 8||

इत्यष्टकं महापुण्यं बालायाः सिद्धिदायकम् ।ये पठन्ति सदा भक्त्या गच्छन्ति परमां गतिम् ॥ ९॥

ityaṣṭakaṃ mahāpuṇyaṃ bālāyāḥ siddhidāyakam |ye paṭhanti sadā bhaktyā gacchanti paramāṃ gatim || 9||

इति कुलचूडामणितन्त्रे श्रीबालामन्त्रगर्भाष्टकं सम्पूर्णम् ।

iti kulacūḍāmaṇitantre śrībālāmantragarbhāṣṭakaṃ sampūrṇam |