बालामकरन्दस्तवः Shri Bala Makaranda Stava

श्रीरुद्र उवाचशृणु देवि प्रवक्ष्यामि मकरन्दस्तवं शुभम् ।गोप्याद्गोप्यतरं गोप्यं महाकौतूहलं परम् ॥ १॥

śrīrudra uvācaśṛṇu devi pravakṣyāmi makarandastavaṃ śubham |gopyādgopyataraṃ gopyaṃ mahākautūhalaṃ param || 1||

बालायाः परमेशान्याः स्तोत्रचूडामणिः शिवे ।मकरन्दस्य स्तोत्रस्य ऋषिर्नारदसंज्ञकः ॥ २॥

bālāyāḥ parameśānyāḥ stotracūḍāmaṇiḥ śive |makarandasya stotrasya ṛṣirnāradasaṃjñakaḥ || 2||

छन्दोऽनुष्टुपुदाख्यातं श्रीबाला देवता स्मृता ।ऐं बीजं शक्तिः सौः प्रोक्तं कीलकं क्लीं तथैव च ॥ ३॥

chando'nuṣṭupudākhyātaṃ śrībālā devatā smṛtā |aiṃ bījaṃ śaktiḥ sauḥ proktaṃ kīlakaṃ klīṃ tathaiva ca || 3||

भोगमोक्षस्य सिद्।ह्ध्यर्थे विनियोगः प्रकीर्तितः ।नमस्तेऽस्तु परां शक्तिं नमस्ते भक्तवत्सले ॥ ४॥

bhogamokṣasya sid|hdhyarthe viniyogaḥ prakīrtitaḥ |namaste'stu parāṃ śaktiṃ namaste bhaktavatsale || 4||

नमस्तेऽस्तु गुणातीतां बालां सिद्धिप्रदाम्बिकाम् ।भवदुःखाब्धितरणीं परं निर्वाणदायिनीम् ॥ ५॥

namaste'stu guṇātītāṃ bālāṃ siddhipradāmbikām |bhavaduḥkhābdhitaraṇīṃ paraṃ nirvāṇadāyinīm || 5||

धनदां ज्ञानदां सत्यां श्रीबालां प्रणमाम्यहम् ।सिद्धिप्रदां ज्ञानरूपां चतुर्वर्गफलप्रदाम् ॥ ६॥

dhanadāṃ jñānadāṃ satyāṃ śrībālāṃ praṇamāmyaham |siddhipradāṃ jñānarūpāṃ caturvargaphalapradām || 6||

आधिव्याधिहरां वन्दे श्रीबालां परमेश्वरीम् ।ऐङ्काररूपिणीं भद्रां क्लीङ्कारगुणसम्भवाम् ॥ ७॥

ādhivyādhiharāṃ vande śrībālāṃ parameśvarīm |aiṅkārarūpiṇīṃ bhadrāṃ klīṅkāraguṇasambhavām || 7||

सौःकाररूपरूपेशीं बालां बालार्कसन्निभाम् ।ऊर्ध्वाम्नायेश्वरीं देवीं रक्तां रक्तविलेपनाम् ॥ ८॥

sauḥkārarūparūpeśīṃ bālāṃ bālārkasannibhām |ūrdhvāmnāyeśvarīṃ devīṃ raktāṃ raktavilepanām || 8||

रक्तवस्त्रधरां सौम्यां श्रीबालां प्रणमाम्यहम् ।राजराजेश्वरीं देवीं रजोगुणात्मिकां भजे ॥ ९॥

raktavastradharāṃ saumyāṃ śrībālāṃ praṇamāmyaham |rājarājeśvarīṃ devīṃ rajoguṇātmikāṃ bhaje || 9||

ब्रह्मविद्यां महामायां त्रिगुणात्मकरूपिणीम् ।पञ्चप्रेतासनस्थां च पञ्चमाकारभक्षकाम् ॥ १०॥

brahmavidyāṃ mahāmāyāṃ triguṇātmakarūpiṇīm |pañcapretāsanasthāṃ ca pañcamākārabhakṣakām || 10||

पञ्चभूतात्मिकां चैव नमस्ते करुणामयीम् ।सर्वदुःखहरां दिव्यां सर्वसौख्यप्रदायिनीम् ॥ ११॥

pañcabhūtātmikāṃ caiva namaste karuṇāmayīm |sarvaduḥkhaharāṃ divyāṃ sarvasaukhyapradāyinīm || 11||

सिद्धिदां मोक्षदां भद्रां श्रीबालां भावयाम्यहम् ।नमस्तस्यै महादेव्यै देवदेवेश्वरि परे ॥ १२॥

siddhidāṃ mokṣadāṃ bhadrāṃ śrībālāṃ bhāvayāmyaham |namastasyai mahādevyai devadeveśvari pare || 12||

सर्वोपद्रवनाशिन्यै बालायै सततं नमः ।गुह्याद्गुह्यतरां गुप्तां गुह्येशीं देवपूजिताम् ॥ १३॥

sarvopadravanāśinyai bālāyai satataṃ namaḥ |guhyādguhyatarāṃ guptāṃ guhyeśīṃ devapūjitām || 13||

हरमौलिस्थितां देवीं बालां वाक्सिद्धिदां शिवाम् ।व्रणहां सोमतिलकां सोमपानरतां पराम् ॥ १४॥

haramaulisthitāṃ devīṃ bālāṃ vāksiddhidāṃ śivām |vraṇahāṃ somatilakāṃ somapānaratāṃ parām || 14||

सोमसूर्याग्निनेत्रां च वन्देऽहं हरवल्लभाम् ।अचिन्त्याकाररूपाख्यां ओङ्काराक्षरूपिणीम् ॥ १५॥

somasūryāgninetrāṃ ca vande'haṃ haravallabhām |acintyākārarūpākhyāṃ oṅkārākṣarūpiṇīm || 15||

त्रिकालसन्ध्यारूपाख्यां भजामि भक्ततारिणीम् ।कीर्तिदां योगदां रादां सौख्यनिर्वाणदां तथा ॥ १६॥

trikālasandhyārūpākhyāṃ bhajāmi bhaktatāriṇīm |kīrtidāṃ yogadāṃ rādāṃ saukhyanirvāṇadāṃ tathā || 16||

मन्त्रसिद्धिप्रदामीडे सृष्टिस्थित्यन्तकारिणीम् ।नमस्तुभ्यं जगद्धात्रि जगत्तारिणि चाम्बिके ॥ १७॥

mantrasiddhipradāmīḍe sṛṣṭisthityantakāriṇīm |namastubhyaṃ jagaddhātri jagattāriṇi cāmbike || 17||

सर्ववृद्धिप्रदे देवि श्रीविद्यायै नमोऽस्तु ते ।दयारूप्यै नमस्तेऽस्तु कृपारूप्यै नमोऽस्तु ते ॥ १८॥

sarvavṛddhiprade devi śrīvidyāyai namo'stu te |dayārūpyai namaste'stu kṛpārūpyai namo'stu te || 18||

शान्तिरूप्यै नमस्तेऽस्तु धर्मरूप्यै नमो नमः ।पूर्णब्रह्मस्वरूपिण्यै नमस्तेऽस्तु नमो नमः ॥ १९॥

śāntirūpyai namaste'stu dharmarūpyai namo namaḥ |pūrṇabrahmasvarūpiṇyai namaste'stu namo namaḥ || 19||

ज्ञानार्णवायै सर्वायै नमस्तेऽस्तु नमो नमः ।पूतात्मायै परात्मायै महात्मायै नमो नमः ॥ २०॥

jñānārṇavāyai sarvāyai namaste'stu namo namaḥ |pūtātmāyai parātmāyai mahātmāyai namo namaḥ || 20||

आधारकुण्डलीदेव्यै भूयो भूयो नमाम्यहम् ।षट्चक्रभेदिनी पूर्णा षडाम्नायेश्वरी परा ॥ २१॥

ādhārakuṇḍalīdevyai bhūyo bhūyo namāmyaham |ṣaṭcakrabhedinī pūrṇā ṣaḍāmnāyeśvarī parā || 21||

परापरात्मिका सिद्धा श्रीबाला श्ररणं मम ।इदं श्रीमकरन्दाख्यं स्तोत्रं सर्वागमोक्तकम् ॥ २२॥

parāparātmikā siddhā śrībālā śraraṇaṃ mama |idaṃ śrīmakarandākhyaṃ stotraṃ sarvāgamoktakam || 22||

स्तोत्रराजमिदं देवि धारय त्वं कुलेश्वरि ।पुण्यं यशस्यमायुष्यं देवानामपि दुर्लभम् ।पाठमात्रेण देवेशि सर्वारिष्टं विनश्यति ॥ २३॥

stotrarājamidaṃ devi dhāraya tvaṃ kuleśvari |puṇyaṃ yaśasyamāyuṣyaṃ devānāmapi durlabham |pāṭhamātreṇa deveśi sarvāriṣṭaṃ vinaśyati || 23||

इति रुद्रयामलतः श्रीबालामकरन्दस्तवः सम्पूर्णः ।

iti rudrayāmalataḥ śrībālāmakarandastavaḥ sampūrṇaḥ |