बालाभुजङ्गस्तोत्रम् Shri Bala Bhujanga Stotram

श्रीनीललोहित उवाचजगद्योनिरूपां सुवेशीं च रक्तां गुणातीतसंज्ञां महागुह्यगुह्याम् ।महासर्पभूषां भवेशादिपूज्यां महात्युग्रबालां भजेऽहं हि नित्याम् ॥ १॥

śrīnīlalohita uvācajagadyonirūpāṃ suveśīṃ ca raktāṃ guṇātītasaṃjñāṃ mahāguhyaguhyām |mahāsarpabhūṣāṃ bhaveśādipūjyāṃ mahātyugrabālāṃ bhaje'haṃ hi nityām || 1||

महास्वर्णवर्णां शिवपृष्ठसंस्थां महामुण्डमालां गले शोभमानाम् ।महाचर्मवस्त्रां महाशङ्खःहस्तां महात्युग्रबालांभजेऽहं हि नित्याम् ॥ २॥

mahāsvarṇavarṇāṃ śivapṛṣṭhasaṃsthāṃ mahāmuṇḍamālāṃ gale śobhamānām |mahācarmavastrāṃ mahāśaṅkhaḥhastāṃ mahātyugrabālāṃbhaje'haṃ hi nityām || 2||

सदा सुप्रसन्नां भृतासूक्ष्मसूक्ष्मां वराभीतिहस्तां धृतावक्षपुस्ताम् ।महाकिन्नरेशीं भगाकारविद्यां महाट्युग्रबालां भजेऽहं हि नित्याम् ॥ ३॥

sadā suprasannāṃ bhṛtāsūkṣmasūkṣmāṃ varābhītihastāṃ dhṛtāvakṣapustām |mahākinnareśīṃ bhagākāravidyāṃ mahāṭyugrabālāṃ bhaje'haṃ hi nityām || 3||

तिनीं तीकिनीनां रवां किङ्किःणीनां हहाहा हहाहा महालापशब्दाम् ।तथैथै तथैथै महानृत्यनृत्यां महाट्युग्रबालांभजेऽहं हि नित्याम् ॥ ४॥

tinīṃ tīkinīnāṃ ravāṃ kiṅkiḥṇīnāṃ hahāhā hahāhā mahālāpaśabdām |tathaithai tathaithai mahānṛtyanṛtyāṃ mahāṭyugrabālāṃbhaje'haṃ hi nityām || 4||

ननाना रिरीरी महागीश शम्बू हुहूवू हुहूवू पशो रक्तपानाम् ।धिमिन्धीं धिमिन्धीं मृदङ्गस्य शब्दां महात्युग्रबालांभजेऽहं हि नित्याम् ॥ ५॥

nanānā rirīrī mahāgīśa śambū huhūvū huhūvū paśo raktapānām |dhimindhīṃ dhimindhīṃ mṛdaṅgasya śabdāṃ mahātyugrabālāṃbhaje'haṃ hi nityām || 5||

महाचक्रसंस्थां त्रिमात्रास्वरूपां शिवार्धाङ्गभूतां महापुष्पमालाम् ।महादुःखहर्त्रीं महाप्रेतसंस्थां महात्युग्रबालांभजेऽहं हि नित्याम् ॥ ६॥

mahācakrasaṃsthāṃ trimātrāsvarūpāṃ śivārdhāṅgabhūtāṃ mahāpuṣpamālām |mahāduḥkhahartrīṃ mahāpretasaṃsthāṃ mahātyugrabālāṃbhaje'haṃ hi nityām || 6||

स्फुरत्पद्मवक्त्रां हिमांशोः कलापां महाकोमलाङ्गीं सुरेशेन मान्याम् ।जगत्पालनैकाग्रचित्तां सुपुष्टां महात्युग्रबालां भजेऽहं हि नित्याम् ॥ ७॥

sphuratpadmavaktrāṃ himāṃśoḥ kalāpāṃ mahākomalāṅgīṃ sureśena mānyām |jagatpālanaikāgracittāṃ supuṣṭāṃ mahātyugrabālāṃ bhaje'haṃ hi nityām || 7||

महादैत्यनाशीं सुरान्नित्यपालीं महाबुद्धिराशिं कवीनां मुखस्थाम् ।जटीनां हृदिस्थां मनूनां शिरःस्थां महात्युग्रबालांभजेऽहं हि नित्याम् ॥ ८॥

mahādaityanāśīṃ surānnityapālīṃ mahābuddhirāśiṃ kavīnāṃ mukhasthām |jaṭīnāṃ hṛdisthāṃ manūnāṃ śiraḥsthāṃ mahātyugrabālāṃbhaje'haṃ hi nityām || 8||

भुजङ्गाख्यं महास्तोत्रं त्रिषु लोकेषु दुर्लभम् ।महासिद्धिप्रदं दिव्यं चतुर्वर्गफलप्रदम् ॥ ९॥

bhujaṅgākhyaṃ mahāstotraṃ triṣu lokeṣu durlabham |mahāsiddhipradaṃ divyaṃ caturvargaphalapradam || 9||

सर्वक्रतुफलं भद्रे सर्वव्रतफलं तथा ।सर्वदानोद्भवं पुण्यं लभते नात्र संशयः ॥ १०॥

sarvakratuphalaṃ bhadre sarvavrataphalaṃ tathā |sarvadānodbhavaṃ puṇyaṃ labhate nātra saṃśayaḥ || 10||

विवादे कलहे घोरे महादुःखे पराजये ।ग्रहदोषे महारोगे पठेत्स्तोत्रं विचक्षणः ॥ ११॥

vivāde kalahe ghore mahāduḥkhe parājaye |grahadoṣe mahāroge paṭhetstotraṃ vicakṣaṇaḥ || 11||

सर्वदोषा विनश्यन्ति लभते वाञ्छितं फलम् ।दूतीयागे पठेद्देवि सर्वशत्रुक्षयो भवत् ॥ १२॥

sarvadoṣā vinaśyanti labhate vāñchitaṃ phalam |dūtīyāge paṭheddevi sarvaśatrukṣayo bhavat || 12||

महाचक्रे पठेद्देवि लभते परमं पदम् ।पूजान्ते पठते भक्त्या महाबलिफलप्रदम् ॥ १३॥

mahācakre paṭheddevi labhate paramaṃ padam |pūjānte paṭhate bhaktyā mahābaliphalapradam || 13||

पितृगेहे तुर्यपथे शून्यागारे शिवालये ।बिल्वमूले चैकवृक्षे रतौ मधुसमागमे ॥ १४॥

pitṛgehe turyapathe śūnyāgāre śivālaye |bilvamūle caikavṛkṣe ratau madhusamāgame || 14||

पठेत्स्तोत्रं महेशानि जीवन्मुक्तस्स उच्यते ।त्रिकालं पठते नित्यं देवीपुत्रत्वमाप्नुयात् ॥ १५॥

paṭhetstotraṃ maheśāni jīvanmuktassa ucyate |trikālaṃ paṭhate nityaṃ devīputratvamāpnuyāt || 15||

इति श्रीकालानलतन्त्रतः श्रीबालाभुजङ्गस्तोत्रं सम्पूर्णम् ।

iti śrīkālānalatantrataḥ śrībālābhujaṅgastotraṃ sampūrṇam |