पराशक्तिकवचम् Parashakti Kavacham

अथ विनियोगः ।ॐ अस्य श्रीपराशक्तिमहाकवचमन्त्रस्य, सदाशिव ऋषिः,अनुष्टुप् छन्दः, पराशक्तिर्देवता, मम सकलकामनासिद्धयर्थेचतुर्वर्गप्राप्त्यर्थे पाठे विनियोगः ॥ध्यानम्ध्यायेत्पद्मासनासीनां देवीं सर्वेश्वरीं शिवाम् ।कोटिसूर्यप्रतीकाशां सर्वशक्त्युदयोद्भवाम् ॥परब्रह्ममयीं नित्यां परशक्तिं जगन्मयीम् ।मन्त्रपञ्जरमध्यस्थां ध्यायेहं साधकाभये ॥ॐ एकाक्षरी पातु मस्तकं मे लज्जाबीजं ललाटमुपरिष्टात् ।वधूबीजं नेत्रयुगलं पातु ह्रीङ्कारं श्रुतिद्वयम् ॥ १॥

atha viniyogaḥ |oṃ asya śrīparāśaktimahākavacamantrasya, sadāśiva ṛṣiḥ,anuṣṭup chandaḥ, parāśaktirdevatā, mama sakalakāmanāsiddhayarthecaturvargaprāptyarthe pāṭhe viniyogaḥ ||dhyānamdhyāyetpadmāsanāsīnāṃ devīṃ sarveśvarīṃ śivām |koṭisūryapratīkāśāṃ sarvaśaktyudayodbhavām ||parabrahmamayīṃ nityāṃ paraśaktiṃ jaganmayīm |mantrapañjaramadhyasthāṃ dhyāyehaṃ sādhakābhaye ||oṃ ekākṣarī pātu mastakaṃ me lajjābījaṃ lalāṭamupariṣṭāt |vadhūbījaṃ netrayugalaṃ pātu hrīṅkāraṃ śrutidvayam || 1||

क्रीं क्रीं पातु नासिकाग्रं हुं हुं मुखं वाग्भवं तथा ।दक्षिणाकालिका पातु कण्ठं मे सर्वसिद्धिदा ॥ २॥

krīṃ krīṃ pātu nāsikāgraṃ huṃ huṃ mukhaṃ vāgbhavaṃ tathā |dakṣiṇākālikā pātu kaṇṭhaṃ me sarvasiddhidā || 2||

ह्रीं ह स क ह ल ह्रीं मन्त्रैर्बाहुयुग्मं सदाऽवतु ।सरस्वती मन्त्रराजो वक्षस्थलं रक्षतु मे सदा ॥ ३॥

hrīṃ ha sa ka ha la hrīṃ mantrairbāhuyugmaṃ sadā'vatu |sarasvatī mantrarājo vakṣasthalaṃ rakṣatu me sadā || 3||

पञ्चाक्षरी मन्त्रमयी हृदयस्था सरस्वती ।पातु मां सर्वदा देवी मन्त्रैर्बीजसमन्वितैः ॥ ४॥

pañcākṣarī mantramayī hṛdayasthā sarasvatī |pātu māṃ sarvadā devī mantrairbījasamanvitaiḥ || 4||

लक्ष्मीर्बीजं पातु नाभिं श्रीं ह्रीं ह्रीं पातु गुह्यकम् ।प्रणवः सर्वगात्रेषु रक्षणं कुरुते मम ॥ ५॥

lakṣmīrbījaṃ pātu nābhiṃ śrīṃ hrīṃ hrīṃ pātu guhyakam |praṇavaḥ sarvagātreṣu rakṣaṇaṃ kurute mama || 5||

भूर्भुवः स्वः शिरो देशे ॐकारः पातु सर्वदा ।महो महः सदा पातु मन्त्रैः पञ्चाङ्गपूरितः ॥ ६॥

bhūrbhuvaḥ svaḥ śiro deśe oṃkāraḥ pātu sarvadā |maho mahaḥ sadā pātu mantraiḥ pañcāṅgapūritaḥ || 6||

नमः पातु पादौ नित्यं तपः पातु च जङ्घके ।सत्यं पातु कटिं देशं ज्योतिर्मयस्वरूपिणी ॥ ७॥

namaḥ pātu pādau nityaṃ tapaḥ pātu ca jaṅghake |satyaṃ pātu kaṭiṃ deśaṃ jyotirmayasvarūpiṇī || 7||

परञ्ज्योतिः पातु चक्षुः परमात्मन् हृदये वस ।परब्रह्म मन्त्ररत्नं पातु मे सर्वतः सदा ॥ ८॥

parañjyotiḥ pātu cakṣuḥ paramātman hṛdaye vasa |parabrahma mantraratnaṃ pātu me sarvataḥ sadā || 8||

श्रीं जीकां पातु मे देहं सर्वाङ्गेषु च सर्वदा ।सच्चिदेकं ब्रह्म पातु योनिस्थाने विशेषतः ॥ ९॥

śrīṃ jīkāṃ pātu me dehaṃ sarvāṅgeṣu ca sarvadā |saccidekaṃ brahma pātu yonisthāne viśeṣataḥ || 9||

हृदये षोडशाक्षरी पातु मन्त्रं महत्तरम् ।दशाक्षरी पातु कण्ठे पञ्चाक्षरी च मस्तकम् ॥ १०॥

hṛdaye ṣoḍaśākṣarī pātu mantraṃ mahattaram |daśākṣarī pātu kaṇṭhe pañcākṣarī ca mastakam || 10||

ॐ ह्रीं स्त्रीं हुं फट् च वद वद वाग्वादिनी मे च जिह्वाम् ।पातु सर्वत्र देवीं वादे वादे प्रवर्धताम् ॥ ११॥

oṃ hrīṃ strīṃ huṃ phaṭ ca vada vada vāgvādinī me ca jihvām |pātu sarvatra devīṃ vāde vāde pravardhatām || 11||

ॐ ऐं ह्रीं क्लीं पातु नेत्रे चामुण्डा पातु पादकम् ।विच पातु पदमूलं सर्वदिक्षु च सर्वतः ॥ १२॥

oṃ aiṃ hrīṃ klīṃ pātu netre cāmuṇḍā pātu pādakam |vica pātu padamūlaṃ sarvadikṣu ca sarvataḥ || 12||

क्ष्रौं बीजं जठराग्निं मे रक्षतु सर्वतोमुखि ।वाग्वादिनी पातु कण्ठं सर्वमन्त्रमयी स्वयम् ॥ १३॥

kṣrauṃ bījaṃ jaṭharāgniṃ me rakṣatu sarvatomukhi |vāgvādinī pātu kaṇṭhaṃ sarvamantramayī svayam || 13||

तारा मन्त्रं सदा पातु मतिं मे ब्रह्मरूपिणीम् ।षोडशी मन्त्रराजश्च सर्वान्तान् पातु मे सदा ॥ १४॥

tārā mantraṃ sadā pātu matiṃ me brahmarūpiṇīm |ṣoḍaśī mantrarājaśca sarvāntān pātu me sadā || 14||

व्याहृतिभिः सप्ताष्टभिः पातु मे सर्वसन्धिषु ।अङ्गानि मे पातु देवी मन्त्रैः सर्वाङ्गशोभनैः ॥ १५॥

vyāhṛtibhiḥ saptāṣṭabhiḥ pātu me sarvasandhiṣu |aṅgāni me pātu devī mantraiḥ sarvāṅgaśobhanaiḥ || 15||

एताः सर्वाः शक्तिदेव्यो देहभागेषु संस्थिताः ।परब्रह्म स्वरूपेण मां रक्षन्तु सदा ध्रुवम् ॥ १६॥

etāḥ sarvāḥ śaktidevyo dehabhāgeṣu saṃsthitāḥ |parabrahma svarūpeṇa māṃ rakṣantu sadā dhruvam || 16||

ॐ ह्रीं ह्रीं पातु मे पृष्ठं ह स क ह ल ह्रीं पातु पादकम् ।स क ल ह्रीं पातु जानुनी मन्त्रबीजैश्च रक्षितम् ॥ १७॥

oṃ hrīṃ hrīṃ pātu me pṛṣṭhaṃ ha sa ka ha la hrīṃ pātu pādakam |sa ka la hrīṃ pātu jānunī mantrabījaiśca rakṣitam || 17||

गं गणपतये पातु पादौ गुल्फौ सदाऽवतु ।ह्रीं श्रियै पातु जङ्घां च नमः पातु च मे कटिम् ॥ १८॥

gaṃ gaṇapataye pātu pādau gulphau sadā'vatu |hrīṃ śriyai pātu jaṅghāṃ ca namaḥ pātu ca me kaṭim || 18||

ऐं क्लीं सौः पातु नाभिं च बाला मन्त्रमयी सदा ।सौः क्लीं ऐं पातु हृदयं ह्रीङ्कारो मे शिरोधराम् ॥ १९॥

aiṃ klīṃ sauḥ pātu nābhiṃ ca bālā mantramayī sadā |sauḥ klīṃ aiṃ pātu hṛdayaṃ hrīṅkāro me śirodharām || 19||

क्रीं ह्रीं श्रीं पातु सर्वत्र लज्जाशक्तिः प्रपालयेत् ।ह्रीं क्ष्रौं चण्डिकायै च पातु मे हस्तकद्वयम् ॥ २०॥

krīṃ hrīṃ śrīṃ pātu sarvatra lajjāśaktiḥ prapālayet |hrīṃ kṣrauṃ caṇḍikāyai ca pātu me hastakadvayam || 20||

भूर्भुवः स्वः प्रपञ्चात्मा सत्यं पातु तु मे तनुम् ।ओमकारः सर्वमन्त्रेषु मन्त्रपञ्जरमध्यगः ॥ २१॥

bhūrbhuvaḥ svaḥ prapañcātmā satyaṃ pātu tu me tanum |omakāraḥ sarvamantreṣu mantrapañjaramadhyagaḥ || 21||

ज्योतिषां ज्योतिरूर्ध्वं मे पातु चक्षुःप्रदीपकम् ।परमात्मनमोऽस्त्वेव पातु मे सर्वमङ्गलम् ॥ २२॥

jyotiṣāṃ jyotirūrdhvaṃ me pātu cakṣuḥpradīpakam |paramātmanamo'stveva pātu me sarvamaṅgalam || 22||

परब्रह्मस्वरूपिणी शक्तिः पातु सदाऽमुतः ।ॐ नमो ब्रह्मणे तुभ्यं पातु मे सकलं वपुः ॥ २३॥

parabrahmasvarūpiṇī śaktiḥ pātu sadā'mutaḥ |oṃ namo brahmaṇe tubhyaṃ pātu me sakalaṃ vapuḥ || 23||

षडक्षरं महामन्त्रं पातु मे बुद्धिमाश्रितम् ।सच्चिदेकं च यन्मन्त्रं पातु मे चित्तमव्ययम् ॥ २४॥

ṣaḍakṣaraṃ mahāmantraṃ pātu me buddhimāśritam |saccidekaṃ ca yanmantraṃ pātu me cittamavyayam || 24||

ॐकारं पातु मे जिह्वां हृदयं मन्त्ररूपिणी ।पातु मे चामुण्डा देवी मन्त्रमन्त्राक्षरात्मिका ॥ २५॥

oṃkāraṃ pātu me jihvāṃ hṛdayaṃ mantrarūpiṇī |pātu me cāmuṇḍā devī mantramantrākṣarātmikā || 25||

विच पातु मे पार्श्वौ मन्त्रशक्तिर्निरन्तरम् ।क्ष्रौं रक्षतु मे देहं मन्त्रराट् सन्धिसन्धिषु ॥ २६॥

vica pātu me pārśvau mantraśaktirnirantaram |kṣrauṃ rakṣatu me dehaṃ mantrarāṭ sandhisandhiṣu || 26||

वद वद वाग्वादिनी मे वाचां सिद्धिं प्रदापयेत् ।वाग्वादिनी पातु मे वाचं मन्त्रं कण्ठस्थितं सदा ॥ २७॥

vada vada vāgvādinī me vācāṃ siddhiṃ pradāpayet |vāgvādinī pātu me vācaṃ mantraṃ kaṇṭhasthitaṃ sadā || 27||

एवं मन्त्राक्षरादीनि न्यासक्रमेण च स्थितम् ।मन्त्रपञ्जरमध्यस्थं पातु मां सर्वतो दिशि ॥ २८॥

evaṃ mantrākṣarādīni nyāsakrameṇa ca sthitam |mantrapañjaramadhyasthaṃ pātu māṃ sarvato diśi || 28||

न किञ्चिदपि मे रक्ष्यं न किञ्चिदपि मे भयम् ।मन्त्रशक्तिर्वपुर्ह्येतत् परब्रह्मस्वरूपकम् ॥ २९॥

na kiñcidapi me rakṣyaṃ na kiñcidapi me bhayam |mantraśaktirvapurhyetat parabrahmasvarūpakam || 29||

यथा नाडीषु मन्त्राणां विन्यासो ह्यस्ति देहके ।तथैव पातु मां देवी परशक्तिर्महाबला ॥ ३०॥

yathā nāḍīṣu mantrāṇāṃ vinyāso hyasti dehake |tathaiva pātu māṃ devī paraśaktirmahābalā || 30||

ताराबीजं शिरः पातु ह्रीं पातु मे दृशोर्मणिम् ।क्लीं पातु हृदयं मेऽद्य मन्त्रशक्तिर्मयोदिता ॥ ३१॥

tārābījaṃ śiraḥ pātu hrīṃ pātu me dṛśormaṇim |klīṃ pātu hṛdayaṃ me'dya mantraśaktirmayoditā || 31||

सर्वमन्त्रमयी देवी सर्वाङ्गेषु च संस्थितम् ।रक्षतु मां सदा शक्त्या महाशक्तिस्वरूपा ॥ ३२॥

sarvamantramayī devī sarvāṅgeṣu ca saṃsthitam |rakṣatu māṃ sadā śaktyā mahāśaktisvarūpā || 32||

फलश्रुतिः ।श्रुत्वाऽस्य कवचं दिव्यं परशक्तिसमन्वितम् ।न भूतं न भविष्यच्च न च किञ्चित्समं क्वचित् ॥ ३३॥

phalaśrutiḥ |śrutvā'sya kavacaṃ divyaṃ paraśaktisamanvitam |na bhūtaṃ na bhaviṣyacca na ca kiñcitsamaṃ kvacit || 33||

यो धारयति मर्त्योऽयं स साक्षाच्छक्तिरूपधृक् ।सर्वमन्त्रमयी वाणी तस्य जिह्वाग्रगामिनी ॥ ३४॥

yo dhārayati martyo'yaṃ sa sākṣācchaktirūpadhṛk |sarvamantramayī vāṇī tasya jihvāgragāminī || 34||

यद्यदभिलषते नित्यं तत्तदाप्नोति केवलम् ।अगणितं च सिद्धिं वै निधिश्रियमवाप्नुयात् ॥ ३५॥

yadyadabhilaṣate nityaṃ tattadāpnoti kevalam |agaṇitaṃ ca siddhiṃ vai nidhiśriyamavāpnuyāt || 35||

न होमो न च होमश्च न च किञ्चित्पुरश्चरम् ।अस्य पाठात्प्रसीदन्ति सर्वाः शक्तिः पराः सदा ॥ ३६॥

na homo na ca homaśca na ca kiñcitpuraścaram |asya pāṭhātprasīdanti sarvāḥ śaktiḥ parāḥ sadā || 36||

ब्रह्मराक्षसवेतालाः भूतप्रेतपिशाचकाः ।दिशं न लभते गन्तुं मन्त्रपञ्जरधारिणः ॥ ३७॥

brahmarākṣasavetālāḥ bhūtapretapiśācakāḥ |diśaṃ na labhate gantuṃ mantrapañjaradhāriṇaḥ || 37||

मारणं मोहनं वश्यं स्तम्भनश्चैव दुर्जयम् ।अस्यैव कवचादस्य साधको लभते ध्रुवम् ॥ ३८॥

māraṇaṃ mohanaṃ vaśyaṃ stambhanaścaiva durjayam |asyaiva kavacādasya sādhako labhate dhruvam || 38||

ब्राह्मणाः क्षत्रिया वैश्याः शूद्रा अपि च ये जनाः ।न जातिभेदं तत्रास्ति न देशं न च कालकम् ॥ ३९॥

brāhmaṇāḥ kṣatriyā vaiśyāḥ śūdrā api ca ye janāḥ |na jātibhedaṃ tatrāsti na deśaṃ na ca kālakam || 39||

स्त्रीणां विशेषलाभश्च कन्यानां च विशेषतः ।सौभाग्यं लभते नित्यं यावच्चन्द्रदिवाकरौ ॥ ४०॥

strīṇāṃ viśeṣalābhaśca kanyānāṃ ca viśeṣataḥ |saubhāgyaṃ labhate nityaṃ yāvaccandradivākarau || 40||

मुक्तावस्थो नरो नित्यं परब्रह्मस्वरूपकः ।अस्य स्तोत्रस्य माहात्म्यं वक्तुं ब्रह्मा न शक्नुयात् ॥ ४१॥

muktāvastho naro nityaṃ parabrahmasvarūpakaḥ |asya stotrasya māhātmyaṃ vaktuṃ brahmā na śaknuyāt || 41||

शिवोऽपि च सदा शक्त्या ध्यायते कवचं शुभम् ।विष्णुर्लक्ष्मीसमन्वितः पालयत्येव नित्यशः ॥ ४२॥

śivo'pi ca sadā śaktyā dhyāyate kavacaṃ śubham |viṣṇurlakṣmīsamanvitaḥ pālayatyeva nityaśaḥ || 42||

शक्रः सपरिवाराय देवाः सर्वे च मातरः ।रक्षन्ति तं सदा भक्तं मन्त्रपञ्जररक्षितम् ॥ ४३॥

śakraḥ saparivārāya devāḥ sarve ca mātaraḥ |rakṣanti taṃ sadā bhaktaṃ mantrapañjararakṣitam || 43||

इदं न शापितं लोके न च कीलकसंयुतम् ।न चैव दोषबाहुल्यादस्मिन् कवचे विद्यते ॥ ४४॥

idaṃ na śāpitaṃ loke na ca kīlakasaṃyutam |na caiva doṣabāhulyādasmin kavace vidyate || 44||

योऽत्र दोषं प्रपश्येत स नरो नरकं व्रजेत् ।मन्त्रशक्तिस्वरूपं च साक्षाद्ब्रह्ममयं परम् ॥ ४५॥

yo'tra doṣaṃ prapaśyeta sa naro narakaṃ vrajet |mantraśaktisvarūpaṃ ca sākṣādbrahmamayaṃ param || 45||

पठनादस्य मन्त्रस्य रोगव्याधिर्विनश्यति ।मृत्युभीतिर्न तस्यास्ति सर्वैः पापैः प्रमुच्यते ॥ ४६॥

paṭhanādasya mantrasya rogavyādhirvinaśyati |mṛtyubhītirna tasyāsti sarvaiḥ pāpaiḥ pramucyate || 46||

स्वप्नेऽपि न स पश्येत दारिद्र्यं मन्त्रयोगवित् ।कुलजाः पितरस्तस्य नित्यं तृप्ताः सुरा अपि ॥ ४७॥

svapne'pi na sa paśyeta dāridryaṃ mantrayogavit |kulajāḥ pitarastasya nityaṃ tṛptāḥ surā api || 47||

ग्रामं वा यदि वा राज्यं यत्र तत्र पठेदिदम् ।तत्र तत्र च सिद्धिः स्यात् तत्र तत्र जयाऽऽवहा ॥ ४८॥

grāmaṃ vā yadi vā rājyaṃ yatra tatra paṭhedidam |tatra tatra ca siddhiḥ syāt tatra tatra jayā''vahā || 48||

यः पठेत्प्रतिमासं वा सङ्क्रान्त्यां वा विशेषतः ।तस्य बुद्धिर्न चालोक्या सूर्यवत्तेजसाऽधिका ॥ ४९॥

yaḥ paṭhetpratimāsaṃ vā saṅkrāntyāṃ vā viśeṣataḥ |tasya buddhirna cālokyā sūryavattejasā'dhikā || 49||

नारायणस्वरूपं च साक्षाच्छक्तिमयं परम् ।परब्रह्म महास्तोत्रं सर्वकल्याणकारकम् ॥ ५०॥

nārāyaṇasvarūpaṃ ca sākṣācchaktimayaṃ param |parabrahma mahāstotraṃ sarvakalyāṇakārakam || 50||

तस्मात्सर्वप्रयत्नेन साधको नियतः सुधीः ।पठेदेतन्महास्तोत्रं नान्यथा विन्दते सुखम् ॥ ५१॥

tasmātsarvaprayatnena sādhako niyataḥ sudhīḥ |paṭhedetanmahāstotraṃ nānyathā vindate sukham || 51||

यो न पठेदिदं नित्यं मोक्षसाम्राज्यकाङ्क्षया ।स भ्रान्तोऽन्यत्र धावन् वै पाषाणेऽपि क्रन्दनः ॥ ५२॥

yo na paṭhedidaṃ nityaṃ mokṣasāmrājyakāṅkṣayā |sa bhrānto'nyatra dhāvan vai pāṣāṇe'pi krandanaḥ || 52||

तस्मान्महापञ्जरमिदं धृत्वा कण्ठे भुजेऽपि वा ।नित्यं ध्यायन् महाशक्तिं परब्रह्मपदं लभेत् ॥ ५३॥

tasmānmahāpañjaramidaṃ dhṛtvā kaṇṭhe bhuje'pi vā |nityaṃ dhyāyan mahāśaktiṃ parabrahmapadaṃ labhet || 53||

इति पराशक्तिकवचं सम्पूर्णम् ।

iti parāśaktikavacaṃ sampūrṇam |