नित्याकवचं Nityakavacham

तन्त्रराजतन्त्रे अष्टाविंशं पटलान्तर्गतम् ।समस्तापद्विमुक्त्यर्थं सर्वसम्पदवाप्तये ।भूतप्रेतपिशाचादिपीडाशान्त्यै सुखाप्तये ॥ १॥

tantrarājatantre aṣṭāviṃśaṃ paṭalāntargatam |samastāpadvimuktyarthaṃ sarvasampadavāptaye |bhūtapretapiśācādipīḍāśāntyai sukhāptaye || 1||

समस्तरोगनाशाय समरे विजयाय च ।चोरसिंहद्वीपिगजगवयादिभयानके ॥ २॥

samastaroganāśāya samare vijayāya ca |corasiṃhadvīpigajagavayādibhayānake || 2||

अरण्ये शैलगहने मार्गे दुर्भिक्षके तथा ।सलिलादिमनः पीडास्वब्धौ पोतादिसङ्कटे ॥ ३॥

araṇye śailagahane mārge durbhikṣake tathā |salilādimanaḥ pīḍāsvabdhau potādisaṅkaṭe || 3||

प्रजप्य नित्याकवचं सकृत्सर्वन्तरत्यसौ ।सुखी जीवति निर्द्वन्द्वो निःसपत्नो जितेन्द्रियः ॥ ४॥

prajapya nityākavacaṃ sakṛtsarvantaratyasau |sukhī jīvati nirdvandvo niḥsapatno jitendriyaḥ || 4||

शृणु तत् कवचं देवि वक्ष्ये तव तदात्मकम् ।येनाहमपि युद्धेषु देवासुरजयी सदा ॥ ५॥

śṛṇu tat kavacaṃ devi vakṣye tava tadātmakam |yenāhamapi yuddheṣu devāsurajayī sadā || 5||

सर्वतः सर्वदात्मानं ललिता पातु सर्वगा ।कामेशी पुरतः पातु भगमाला त्वनन्तरम् ॥ ६॥

sarvataḥ sarvadātmānaṃ lalitā pātu sarvagā |kāmeśī purataḥ pātu bhagamālā tvanantaram || 6||

दिशं पातु तथा दक्षपार्श्वं मे पातु सर्वदा ।नित्यक्लिन्ना च भेरुण्डा दिशं पातु सदा मम ॥ ७॥

diśaṃ pātu tathā dakṣapārśvaṃ me pātu sarvadā |nityaklinnā ca bheruṇḍā diśaṃ pātu sadā mama || 7||

तथैव पश्चिमं भागं रक्षेत् सा वह्निवासिनी ।महावज्रेश्वरी रक्षेदनन्तरदिशं सदा ॥ ८॥

tathaiva paścimaṃ bhāgaṃ rakṣet sā vahnivāsinī |mahāvajreśvarī rakṣedanantaradiśaṃ sadā || 8||

वामपार्श्वं सदा पातु दूती मे त्वरिता ततः ।पालयेत्तु दिशं चान्यां रक्षेन्मां कुलसुन्दरी ॥ ९॥

vāmapārśvaṃ sadā pātu dūtī me tvaritā tataḥ |pālayettu diśaṃ cānyāṃ rakṣenmāṃ kulasundarī || 9||

नित्या मामूर्द्ध्वतः पातु साधो मे पातु सर्वदा ।नित्या नीलपताकाख्या विजया सर्वतश्च माम् ॥ १०॥

nityā māmūrddhvataḥ pātu sādho me pātu sarvadā |nityā nīlapatākākhyā vijayā sarvataśca mām || 10||

करोतु मे मङ्गलानि सर्वदा सर्वमङ्गला ।देहेन्द्रियमनःप्राणान् ज्वालामालिनिविग्रहा ॥ ११॥

karotu me maṅgalāni sarvadā sarvamaṅgalā |dehendriyamanaḥprāṇān jvālāmālinivigrahā || 11||

पालयेदनिशं चित्रा चित्तं मे पातु सर्वदा ।कामात् क्रोधात्तथा लोभान्मोहान्मानान्मदादपि ॥ १२॥

pālayedaniśaṃ citrā cittaṃ me pātu sarvadā |kāmāt krodhāttathā lobhānmohānmānānmadādapi || 12||

पापान्मत्सरतः शोकात् संशयात् सर्वतः सदा ।स्तैमित्याच्च समुद्योगादशुभेषु तु कर्मसु ॥ १३॥

pāpānmatsarataḥ śokāt saṃśayāt sarvataḥ sadā |staimityācca samudyogādaśubheṣu tu karmasu || 13||

असत्यक्रूरचिन्तातो हिंसातश्चौर्यतस्तथा ।रक्षन्तु मां सर्वदा ताः कुर्वन्त्विच्छां शुभेषु च ॥ १४॥

asatyakrūracintāto hiṃsātaścauryatastathā |rakṣantu māṃ sarvadā tāḥ kurvantvicchāṃ śubheṣu ca || 14||

नित्याः षोडश मां पान्तु गजारूढाः स्वशक्तिभिः ।तथा हयसमारूढाः पान्तु मां सर्वतः सदा ॥ १५॥

nityāḥ ṣoḍaśa māṃ pāntu gajārūḍhāḥ svaśaktibhiḥ |tathā hayasamārūḍhāḥ pāntu māṃ sarvataḥ sadā || 15||

सिंहारूढास्तथा पान्तु मान्तरक्षगता अपि ।रथारूढाश्च मां पान्तु सर्वतः सर्वदा रणे ॥ १६॥

siṃhārūḍhāstathā pāntu māntarakṣagatā api |rathārūḍhāśca māṃ pāntu sarvataḥ sarvadā raṇe || 16||

तार्क्ष्यारूढाश्च मां पान्तु तथा व्योमगतास्तथा ।भूगताः सर्वदा पान्तु माञ्च सर्वत्र सर्वदा ॥ १७॥

tārkṣyārūḍhāśca māṃ pāntu tathā vyomagatāstathā |bhūgatāḥ sarvadā pāntu māñca sarvatra sarvadā || 17||

भूतप्रेतपिशाचापस्मारकृत्यादिकान् गदान् ।द्रावयन्तु स्वशक्तीनां भीषणैरायुधैर्मम ॥ १८॥

bhūtapretapiśācāpasmārakṛtyādikān gadān |drāvayantu svaśaktīnāṃ bhīṣaṇairāyudhairmama || 18||

गजाश्वद्वीपिपञ्चास्यतार्क्ष्यरूढाखिलायुधाः ।असंख्याः शक्तयो देव्याः पान्तु मां सर्वतः सदा ॥ १९॥

gajāśvadvīpipañcāsyatārkṣyarūḍhākhilāyudhāḥ |asaṃkhyāḥ śaktayo devyāḥ pāntu māṃ sarvataḥ sadā || 19||

सायं प्रातर्जपन्नित्याकवचं सर्वरक्षकम् ।कदाचिन्नाशुभं पश्येन्न शृणोति च मत्समः ॥ २०॥

sāyaṃ prātarjapannityākavacaṃ sarvarakṣakam |kadācinnāśubhaṃ paśyenna śṛṇoti ca matsamaḥ || 20||

इति षोडशनित्यातन्त्रेषु श्रीकादिमते लोकतादात्म्यादिकथनं नामअष्टाविशं पटलान्तर्गतं नित्याकवचं सम्पूर्णम् ॥ १णा

iti ṣoḍaśanityātantreṣu śrīkādimate lokatādātmyādikathanaṃ nāmaaṣṭāviśaṃ paṭalāntargataṃ nityākavacaṃ sampūrṇam || 1ṇā