शास्तास्तुतिदशकम् २ Shasta Dashakam

लोकवीरं महापूज्यं सर्वरक्षाकरं विभुम् ।पार्वतीहृदयानन्दं शास्तारं प्रणमाम्यहम् ॥ १॥

lokavīraṃ mahāpūjyaṃ sarvarakṣākaraṃ vibhum |pārvatīhṛdayānandaṃ śāstāraṃ praṇamāmyaham || 1||

विप्रपूज्यं विश्ववन्द्यं विष्णुशम्भोः प्रियं सुतम् ।क्षिप्रप्रसादनिरतं शास्तारं प्रणमाम्यहम् ॥ २॥

viprapūjyaṃ viśvavandyaṃ viṣṇuśambhoḥ priyaṃ sutam |kṣipraprasādanirataṃ śāstāraṃ praṇamāmyaham || 2||

मत्तमातङ्गगमनं कारुण्यामृतपूरितम् ।सर्वविघ्नहरं देवं शास्तारं प्रणमाम्यहम् ॥ ३॥

mattamātaṅgagamanaṃ kāruṇyāmṛtapūritam |sarvavighnaharaṃ devaṃ śāstāraṃ praṇamāmyaham || 3||

अस्मत्कुलेश्वरं देवमस्मचछत्रुविनाशनम् ।अस्मदिष्टप्रदातारं शास्तारं प्रणमाम्यहम् ॥ ४॥

asmatkuleśvaraṃ devamasmacachatruvināśanam |asmadiṣṭapradātāraṃ śāstāraṃ praṇamāmyaham || 4||

पाण्ड्येशवंशतिलकं केरळे केलिविग्रहम् ।आर्तत्राणपरं देवं शास्तारं प्रणमाम्यहम् ॥ ५॥

pāṇḍyeśavaṃśatilakaṃ keraḷe kelivigraham |ārtatrāṇaparaṃ devaṃ śāstāraṃ praṇamāmyaham || 5||

त्र्यम्बकपुराधीशं गणाधिपसमन्वितम् ।गजारूढमहं वन्दे शास्तारं प्रणमाम्यहम् ॥ ६॥

tryambakapurādhīśaṃ gaṇādhipasamanvitam |gajārūḍhamahaṃ vande śāstāraṃ praṇamāmyaham || 6||

शिववीर्यसमुद्भूतं श्रीनिवासतनूद्भवम् ।शिखिवाहानुजं वन्दे शास्तारं प्रणमाम्यहम् ॥ ७॥

śivavīryasamudbhūtaṃ śrīnivāsatanūdbhavam |śikhivāhānujaṃ vande śāstāraṃ praṇamāmyaham || 7||

यस्य धन्वन्तरिर्माता पिता देवो महेश्वरः ।तं शास्तारमहं वन्दे महारोगनिवारणम् ॥ ८॥

yasya dhanvantarirmātā pitā devo maheśvaraḥ |taṃ śāstāramahaṃ vande mahāroganivāraṇam || 8||

भूतनाथदयानन्द सर्वभूतदयापर ।रक्ष रक्ष महाबाहो शास्त्रे तुभ्यं नमो नमः ॥ ९॥

bhūtanāthadayānanda sarvabhūtadayāpara |rakṣa rakṣa mahābāho śāstre tubhyaṃ namo namaḥ || 9||

आश्याम कोमलविशालतनुं विचित्रंवासो वसानमरुणोत्पलदामहस्तम् ।उत्तुङ्गरत्नमकुटं कुटिलाग्रकेशंशास्तारमिष्टवरदं शरणं प्रपद्ये ॥ १०॥

āśyāma komalaviśālatanuṃ vicitraṃvāso vasānamaruṇotpaladāmahastam |uttuṅgaratnamakuṭaṃ kuṭilāgrakeśaṃśāstāramiṣṭavaradaṃ śaraṇaṃ prapadye || 10||

इति शास्तादशकं सम्पूर्णम् ।अरे इन् अ सेपरते फ़िले।

iti śāstādaśakaṃ sampūrṇam |are in a separate फ़ile|