शरणपञ्चकम् Sharana Panchakam

दुर्वारदुर्विषहदुःखशताभिघातैर्दूरार्दितस्य भगवन्, मनसो गतिस्त्वंदिष्ट्याद्य दिव्यकरुणावरुणालयं तंत्वां सत्यसायिभगवन्, शरणं प्रपद्ये ॥ १॥

durvāradurviṣahaduḥkhaśatābhighātairdūrārditasya bhagavan, manaso gatistvaṃdiṣṭyādya divyakaruṇāvaruṇālayaṃ taṃtvāṃ satyasāyibhagavan, śaraṇaṃ prapadye || 1||

मन्दस्मितातिरमणीयमुखारविन्दंकारुण्यवर्षकमनीयकटाक्षपातम् ।शान्तिप्रदं भृशमशान्तहृदन्तराणांत्वां सत्यसायिभगवन्, शरणं प्रपद्ये ॥ २॥

mandasmitātiramaṇīyamukhāravindaṃkāruṇyavarṣakamanīyakaṭākṣapātam |śāntipradaṃ bhṛśamaśāntahṛdantarāṇāṃtvāṃ satyasāyibhagavan, śaraṇaṃ prapadye || 2||

भूयासमुत्सुकमतिर्भगवत्पदाब्जसेवासु भागवतसङ्कथनोत्सवेषु ।न स्यां दुरन्ततरभौतिकसौख्यमग्नस्त्वां सत्यसायिभगवन् शरणं प्रपद्ये ॥ ३॥

bhūyāsamutsukamatirbhagavatpadābjasevāsu bhāgavatasaṅkathanotsaveṣu |na syāṃ durantatarabhautikasaukhyamagnastvāṃ satyasāyibhagavan śaraṇaṃ prapadye || 3||

नित्यं स्वधर्मवशकर्ममयप्रसूनैरत्यन्तपावनतरैः परिपूज्य च त्वाम् ।सत्यां प्रशान्तिमुपगच्छतु जीवितं मेत्वां सत्यसायिभगवन्, शरणं प्रपद्ये ॥ ४॥

nityaṃ svadharmavaśakarmamayaprasūnairatyantapāvanataraiḥ paripūjya ca tvām |satyāṃ praśāntimupagacchatu jīvitaṃ metvāṃ satyasāyibhagavan, śaraṇaṃ prapadye || 4||

दिव्यानुभाव, दयया शिशिरीकुरुष्वदीनं भवच्चरणदासममुं महात्मन् ।त्वद्दर्शनामृतकणास्वदनैकतृप्तस्त्वां सत्यसायिभगवन्, शरणं प्रपद्ये ॥ ५॥

divyānubhāva, dayayā śiśirīkuruṣvadīnaṃ bhavaccaraṇadāsamamuṃ mahātman |tvaddarśanāmṛtakaṇāsvadanaikatṛptastvāṃ satyasāyibhagavan, śaraṇaṃ prapadye || 5||

इति श्रीवासुदेवन् एलयथेन विरचितं शरणपञ्चकं सम्पूर्णम् ।

iti śrīvāsudevan elayathena viracitaṃ śaraṇapañcakaṃ sampūrṇam |