अन्नपूर्णास्तोत्रम् १ अन्नपूर्णाष्टकम् Shri Annapurnastotram
annapūrṇāstotram 1 annapūrṇāṣṭakam
Shri Annapurnastotram (अन्नपूर्णास्तोत्रम् १ अन्नपूर्णाष्टकम्): an eight-verse hymn (aṣṭaka) to Annapūrṇā, from the ṭantra, by Shankaracharya. 15 verses in Sanskrit with Devanagari and IAST.
अन्नपूर्णास्तोत्रम् १ अन्नपूर्णाष्टकम्
1 / 15
नित्यानन्दकरी वराभयकरी सौन्दर्यरत्नाकरीनिर्धूताखिलघोरपावनकरी प्रत्यक्षमाहेश्वरी । (घोरपापनिकरी)प्रालेयाचलवंशपावनकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ १॥
nityānandakarī varābhayakarī saundaryaratnākarīnirdhūtākhilaghorapāvanakarī pratyakṣamāheśvarī | (ghorapāpanikarī)prāleyācalavaṃśapāvanakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 1||
नानारत्नविचित्रभूषणकरी हेमाम्बराडम्बरीमुक्ताहारविलम्बमान विलसत् वक्षोजकुम्भान्तरी ।काश्मीरागरुवासिता रुचिकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ २॥
nānāratnavicitrabhūṣaṇakarī hemāmbarāḍambarīmuktāhāravilambamāna vilasat vakṣojakumbhāntarī |kāśmīrāgaruvāsitā rucikarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 2||
योगानन्दकरी रिपुक्षयकरी धर्मार्थनिष्ठाकरीचन्द्रार्कानलभासमानलहरी त्रैलोक्यरक्षाकरी ।सर्वैश्वर्यसमस्तवाञ्छितकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ३॥
yogānandakarī ripukṣayakarī dharmārthaniṣṭhākarīcandrārkānalabhāsamānalaharī trailokyarakṣākarī |sarvaiśvaryasamastavāñchitakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 3||
कैलासाचलकन्दरालयकरी गौरी उमा शङ्करीकौमारी निगमार्थगोचरकरी ओङ्कारबीजाक्षरी ।मोक्षद्वारकपाटपाटनकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ४॥
kailāsācalakandarālayakarī gaurī umā śaṅkarīkaumārī nigamārthagocarakarī oṅkārabījākṣarī |mokṣadvārakapāṭapāṭanakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 4||
दृश्यादृश्य विभूतिवाहनकरी ब्रह्माण्डभाण्डोदरीलीलानाटकसूत्रभेदनकरी विज्ञानदीपाङ्कुरी ।श्रीविश्वेशमनः प्रसादनकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ५॥
dṛśyādṛśya vibhūtivāhanakarī brahmāṇḍabhāṇḍodarīlīlānāṭakasūtrabhedanakarī vijñānadīpāṅkurī |śrīviśveśamanaḥ prasādanakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 5||
उर्वी सर्वजनेश्वरी भगवती माताऽन्नपूर्णेश्वरीवेणीनीलसमानकुन्तलधरी नित्यान्नदानेश्वरी ।सर्वानन्दकरी सदाशुभकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ६॥
urvī sarvajaneśvarī bhagavatī mātā'nnapūrṇeśvarīveṇīnīlasamānakuntaladharī nityānnadāneśvarī |sarvānandakarī sadāśubhakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 6||
आदिक्षान्तसमस्तवर्णनकरी शम्भोस्त्रिभावाकरीकाश्मीरा त्रिजलेश्वरी त्रिलहरी नित्याङ्कुरा शर्वरी ।कामाकाङ्क्षकरी जनोदयकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ७॥
ādikṣāntasamastavarṇanakarī śambhostribhāvākarīkāśmīrā trijaleśvarī trilaharī nityāṅkurā śarvarī |kāmākāṅkṣakarī janodayakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 7||
देवी सर्वविचित्ररत्नरचिता दाक्षायणी सुन्दरीवामे स्वादुपयोधरा प्रियकरी सौभाग्य माहेश्वरी ।भक्ताभीष्टकरी सदाशुभकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ८॥
devī sarvavicitraratnaracitā dākṣāyaṇī sundarīvāme svādupayodharā priyakarī saubhāgya māheśvarī |bhaktābhīṣṭakarī sadāśubhakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 8||
चन्द्रार्कानलकोटिकोटिसदृशा चन्द्रांशुबिम्बाधरीचन्द्रार्काग्निसमानकुण्डलधरी चन्द्रार्कवर्णेश्वरी ।मालापुस्तकपाशसाङ्कुशधरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ ९॥
candrārkānalakoṭikoṭisadṛśā candrāṃśubimbādharīcandrārkāgnisamānakuṇḍaladharī candrārkavarṇeśvarī |mālāpustakapāśasāṅkuśadharī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 9||
क्षत्रत्राणकरी महाऽभयकरी माता कृपासागरीसाक्षान्मोक्षकरी सदा शिवकरी विश्वेश्वरी श्रीधरी ।दक्षाक्रन्दकरी निरामयकरी काशीपुराधीश्वरीभिक्षां देहि कृपावलम्बनकरी माताऽन्नपूर्णेश्वरी ॥ १०॥
kṣatratrāṇakarī mahā'bhayakarī mātā kṛpāsāgarīsākṣānmokṣakarī sadā śivakarī viśveśvarī śrīdharī |dakṣākrandakarī nirāmayakarī kāśīpurādhīśvarībhikṣāṃ dehi kṛpāvalambanakarī mātā'nnapūrṇeśvarī || 10||
अन्नपूर्णे सदापूर्णे शङ्करप्राणवल्लभे ।ज्ञानवैराग्यसिद्ध्यर्थं भिक्षां देहि च पार्वति ॥ ११॥
annapūrṇe sadāpūrṇe śaṅkaraprāṇavallabhe |jñānavairāgyasiddhyarthaṃ bhikṣāṃ dehi ca pārvati || 11||
माता मे पार्वती देवी पिता देवो महेश्वरः ।बान्धवाः शिवभक्ताश्च स्वदेशो भुवनत्रयम् ॥ १२॥
mātā me pārvatī devī pitā devo maheśvaraḥ |bāndhavāḥ śivabhaktāśca svadeśo bhuvanatrayam || 12||
॥ इति श्रीशङ्करभगवतः कृतौ अन्नपूर्णास्तोत्रं सम्पूर्णम् ॥भगवति भवरोगात्पीडितं दुष्कृतोत्वात्सुतदुहितृकलत्रोपद्रवेणानुयातम् ।विलसदमृतदृष्ट्या वीक्ष्य विभ्रान्तचित्तंसकलभुवनमातस्त्राहि मामो नमस्ते ॥ ११॥
|| iti śrīśaṅkarabhagavataḥ kṛtau annapūrṇāstotraṃ sampūrṇam ||bhagavati bhavarogātpīḍitaṃ duṣkṛtotvātsutaduhitṛkalatropadraveṇānuyātam |vilasadamṛtadṛṣṭyā vīkṣya vibhrāntacittaṃsakalabhuvanamātastrāhi māmo namaste || 11||
माहेश्वरीमाश्रितकल्पवल्लीमहम्भवोच्छेदकरी भवानीम् ।क्षुधार्तजायातनयाद्युपेतस्त्वामन्नपूर्णे शरणं प्रपद्ये ॥ १२॥
māheśvarīmāśritakalpavallīmahambhavocchedakarī bhavānīm |kṣudhārtajāyātanayādyupetastvāmannapūrṇe śaraṇaṃ prapadye || 12||
दारिद्र्यदावानलदह्यमानं पाह्यन्नपूर्णे गिरिराजकन्ये ।कृपाम्बुधौ मज्जय मां त्वदीये त्वत्पादपद्मार्पितचित्तवृत्तिम् ॥ १३॥
dāridryadāvānaladahyamānaṃ pāhyannapūrṇe girirājakanye |kṛpāmbudhau majjaya māṃ tvadīye tvatpādapadmārpitacittavṛttim || 13||
॥ इति अन्नपूर्णास्तोत्रम् १ अन्नपूर्णाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Annapurnastotram?
Shri Annapurnastotram has 15 verses on this page, each shown with its number, Devanagari text and transliteration, and meaning where available.
Can I read Shri Annapurnastotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Annapurnastotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shri Annapurnastotram?
Shankaracharya.
