द्वादशज्योतिर्लिङ्गस्तोत्रम् Dvadasha Jyotirlinga Stotram

सौराष्ट्रदेशे विश् अदेऽतिरम्ये ज्योतिर्मयं चन्द्रकलावतंसम् । (सौराष्ट्रदेशे वसुधावकाशे)भक्तिप्रदानाय कृपावतीर्णं तं सोमनाथं शरणं प्रपद्ये ॥ १॥ (कृतावतारं तं)

saurāṣṭradeśe viś ade'tiramye jyotirmayaṃ candrakalāvataṃsam | (saurāṣṭradeśe vasudhāvakāśe)bhaktipradānāya kṛpāvatīrṇaṃ taṃ somanāthaṃ śaraṇaṃ prapadye || 1|| (kṛtāvatāraṃ taṃ)

श्रीशैलशृङ्गे विबुधातिसङ्गे तुलाद्रितुङ्गेऽपि मुदा वसन्तम् ।(श्रीशैलशृङ्गे विविधप्रसङ्गे शेषाद्रिशृङ्गेऽपि सदावसन्तम् )तमर्जुनं मल्लिकपूर्वमेकं नमामि संसारसमुद्रसेतुम् ॥ २॥ (पूर्वमेनं)

śrīśailaśṛṅge vibudhātisaṅge tulādrituṅge'pi mudā vasantam |(śrīśailaśṛṅge vividhaprasaṅge śeṣādriśṛṅge'pi sadāvasantam )tamarjunaṃ mallikapūrvamekaṃ namāmi saṃsārasamudrasetum || 2|| (pūrvamenaṃ)

अवन्तिकायां विहितावतारं मुक्तिप्रदानाय च सज्जनानाम् ।अकालमृत्योः परिरक्षणार्थं वन्दे महाकालमहासुरेशम् ॥ ३॥

avantikāyāṃ vihitāvatāraṃ muktipradānāya ca sajjanānām |akālamṛtyoḥ parirakṣaṇārthaṃ vande mahākālamahāsureśam || 3||

कावेरिकानर्मदयोः पवित्रे समागमे सज्जनतारणाय ।सदैव मान्धातृपुरे वसन्तं ओङ्कारमीशं शिवमेकमीडे ॥ ४॥

kāverikānarmadayoḥ pavitre samāgame sajjanatāraṇāya |sadaiva māndhātṛpure vasantaṃ oṅkāramīśaṃ śivamekamīḍe || 4||

पूर्वोत्तरे प्रज्वलिकानिधाने सदाशिवं तं गिरिजासमेतम् । (पारलिकाभिधाने)सुरासुराराधितपादपद्मं श्रीवैद्यनाथं तमहं नमामि ॥ ५॥ (सततं नमामि)

pūrvottare prajvalikānidhāne sadāśivaṃ taṃ girijāsametam | (pāralikābhidhāne)surāsurārādhitapādapadmaṃ śrīvaidyanāthaṃ tamahaṃ namāmi || 5|| (satataṃ namāmi)

याम्ये सदङ्गे नगरेऽतिरम्ये विभूषिताङ्गं विविधैश्च भोगैः । (आमर्दसज्ञे नगरेच रम्ये)सद्भुक्तिमुक्तिप्रदमीशमेकं श्रीनागनाथं शरणं प्रपद्ये ॥ ६॥ (प्रदमेकमीशं)

yāmye sadaṅge nagare'tiramye vibhūṣitāṅgaṃ vividhaiśca bhogaiḥ | (āmardasajñe nagareca ramye)sadbhuktimuktipradamīśamekaṃ śrīnāganāthaṃ śaraṇaṃ prapadye || 6|| (pradamekamīśaṃ)

महाद्रिपार्श्वे च तटे रमन्तं सम्पूज्यमानं सततं मुनीन्द्रैः । (हिमाद्रिपार्श्वे)सुरासुरैर्यक्ष महोरगाढ्यैः केदारमीशं शिवमेकमीडे ॥ ७॥ (महोरगाद्यैः केदारसज्ञं)

mahādripārśve ca taṭe ramantaṃ sampūjyamānaṃ satataṃ munīndraiḥ | (himādripārśve)surāsurairyakṣa mahoragāḍhyaiḥ kedāramīśaṃ śivamekamīḍe || 7|| (mahoragādyaiḥ kedārasajñaṃ)

सह्याद्रिशीर्षे विमले वसन्तं गोदावरितीरपवित्रदेशे । (सिम्हाद्रिपार्श्वेऽपि तटे रमन्ते)यद्धर्शनात्पातकमाशु नाशं प्रयाति तं त्र्यम्बकमीशमीडे ॥ ८॥ (यद्धर्शनात्पातकजातनाशः प्रजायते)

sahyādriśīrṣe vimale vasantaṃ godāvaritīrapavitradeśe | (simhādripārśve'pi taṭe ramante)yaddharśanātpātakamāśu nāśaṃ prayāti taṃ tryambakamīśamīḍe || 8|| (yaddharśanātpātakajātanāśaḥ prajāyate)

सुताम्रपर्णीजलराशियोगे निबध्य सेतुं विशिखैरसङ्ख्यैः ।(श्रीताम्रमर्णीं जलराशियोगे निबध्य सेतुं निशि बिल्वपत्रैः)श्रीरामचन्द्रेण समर्पितं तं रामेश्वराख्यं नियतं नमामि ॥ ९॥ (समर्चितं तं, सततं नमामि)

sutāmraparṇījalarāśiyoge nibadhya setuṃ viśikhairasaṅkhyaiḥ |(śrītāmramarṇīṃ jalarāśiyoge nibadhya setuṃ niśi bilvapatraiḥ)śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 9|| (samarcitaṃ taṃ, satataṃ namāmi)

यं डाकिनिशाकिनिकासमाजे निषेव्यमाणं पिशिताशनैश्च । (यो)सदैव भीमादिपदप्रसिद्धं तं शङ्करं भक्तहितं नमामि ॥ १०॥

yaṃ ḍākiniśākinikāsamāje niṣevyamāṇaṃ piśitāśanaiśca | (yo)sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 10||

सानन्दमानन्दवने वसन्तमानन्दकन्दं हतपापवृन्दम् ।वाराणसीनाथमनाथनाथं श्रीविश्वनाथं शरणं प्रपद्ये ॥ ११॥

sānandamānandavane vasantamānandakandaṃ hatapāpavṛndam |vārāṇasīnāthamanāthanāthaṃ śrīviśvanāthaṃ śaraṇaṃ prapadye || 11||

इलापुरे रम्यविशालकेऽस्मिन् समुल्लसन्तं च जगद्वरेण्यम् । (एलापुरीरम्य शिवालयेऽस्मिन्, त्रिजगद्वरेण्यम्)वन्दे महोदारतरस्वभावं घृष्णेश्वराख्यं शरणम् प्रपद्ये ॥ १२॥ (सदाशिवं तं विषणेश्वराख्यम्)

ilāpure ramyaviśālake'smin samullasantaṃ ca jagadvareṇyam | (elāpurīramya śivālaye'smin, trijagadvareṇyam)vande mahodāratarasvabhāvaṃ ghṛṣṇeśvarākhyaṃ śaraṇam prapadye || 12|| (sadāśivaṃ taṃ viṣaṇeśvarākhyam)

ज्योतिर्मयद्वादशलिङ्गकानां शिवात्मनां प्रोक्तमिदं क्रमेण ।स्तोत्रं पठित्वा मनुजोऽतिभक्त्या फलं तदालोक्य निजं भजेच्च ॥(एतानि लिङ्गानि सदैव मर्त्याः प्रातः पठन्तोऽमलमानसाश्च ।ते पुत्रपौत्रैश्च धनैरुदारैः सत्कीर्ति भाजः सुखिनो भवन्ति ॥)॥ इति श्रीमद्शङ्कराचार्यविरचितंद्वादशज्योतिर्लिङ्गस्तोत्रं सम्पूर्णम् ॥

jyotirmayadvādaśaliṅgakānāṃ śivātmanāṃ proktamidaṃ krameṇa |stotraṃ paṭhitvā manujo'tibhaktyā phalaṃ tadālokya nijaṃ bhajecca ||(etāni liṅgāni sadaiva martyāḥ prātaḥ paṭhanto'malamānasāśca |te putrapautraiśca dhanairudāraiḥ satkīrti bhājaḥ sukhino bhavanti ||)|| iti śrīmadśaṅkarācāryaviracitaṃdvādaśajyotirliṅgastotraṃ sampūrṇam ||