विष्णुधर्माख्यविद्यास्तोत्रम् Vishnudharmakhyavidya Stotram

हरिरुवाच ।अवाप जप्त्वा चेन्द्रत्वं विष्णुधर्माख्यविद्यया ।सर्वाञ्छत्रून्विनिर्जित्य ताञ्च वक्ष्ये महेश्वर ॥ १, १९६\।१॥पादयोर्जानुनोरूर्वोरुदरे हृद्यथोरसि ।मुखे शिरस्यानुपूर्वमोङ्का रादीनि विन्यसेत् ॥ १, १९६\।२॥नमो नारायणायेति विपर्यासमथापि च ।करन्यासं ततः कुर्याद्द्वादक्षरविद्यया ॥ १, १९६\।३॥प्रणवादियकारान्तमङ्गुल्यं गुष्ठपर्वसु ।न्यसेद्धृदय ओङ्कारं मनुं मूर्ध्नि समस्तकम् ॥ १, १९६\।४॥ओङ्कारन्तु भ्रुवोर्मध्ये शिकानेत्रादिमूर्धतः ।ॐ विष्णवे इति इमं मन्त्रन्यासमुदीरयेत् ॥ १, १९६\।५॥आत्मानं परमं ध्यायेच्छेषं यच्छक्तिभिर्युतम् ।मम रक्षां हरिः कुर्यान्मत्स्यमूर्तिर्जलेऽवतु ॥ १, १९६\।६॥त्रिविक्रमस्तथाकाशे स्थले रक्षतु वामनः ।अटव्यां नरसिंहस्तु रामो रक्षतु पर्वते ॥ १, १९६\।७॥भूमौ रक्षतु वाराहौ व्योम्नि नारायणोऽवतु ।कर्मबन्धाच्च कपिलो दत्तो रोगाच्च रक्षतु ॥ १, १९६\।८॥हयग्रीवो देवताभ्यः कुमारो मकरध्वजात् ।नारदोऽन्यार्चनाद्देवः कूर्मो वै नैरृते सदा ॥ १, १९६\।९॥धन्वन्तीरश्चापथ्याच्च नागः क्रोधवशात्किल ।यज्ञो रोगात्समस्ताच्च व्यासोऽज्ञानाच्च रक्षतु ॥ १, १९६\।१०॥बुद्धः पाषण्डसङ्घातात्कल्की रक्षतु कल्मषात् ।पायान्मध्यन्दिने विष्णुः प्रातर्नारायणोऽवतु ॥ १, १९६\।११॥मधुहा चापराह्ने च सायं रक्षतु माधवः ।हृषीकेशः प्रदोषेऽव्यात्प्रत्यूषेऽव्याज्जनार्दनः ॥ १, १९६\।१२॥श्रीधरोऽव्यादर्धरात्रे पद्मनाभो निशीथके ।चक्रकौमोदकीबाणा घ्नन्तु शत्रूंश्च राक्षसान् ॥ १, १९६\।१३॥शङ्खः पद्मं च शत्रुभ्यः शार्ङ्गं वै गरुडस्तथा ।बुद्धीन्द्रियमनः प्राणान्पान्तु पार्श्वविभूषणः ॥ १, १९६\।१४॥शेषः सर्पस्वरूपश्च सदा सर्वत्र पातु माम् ।विदिक्षु दिक्षु च सदा नारसिंहश्च रक्षतु ॥ १, १९६\।१५॥एतद्धारयमाणश्च यं यं पश्यति चक्षुषा ।स वशी स्याद्विपाप्मा च रोगमुक्तो दिवं व्रजेत् ॥ १, १९६\।१६॥

hariruvāca |avāpa japtvā cendratvaṃ viṣṇudharmākhyavidyayā |sarvāñchatrūnvinirjitya tāñca vakṣye maheśvara || 1, 196\|1||pādayorjānunorūrvorudare hṛdyathorasi |mukhe śirasyānupūrvamoṅkā rādīni vinyaset || 1, 196\|2||namo nārāyaṇāyeti viparyāsamathāpi ca |karanyāsaṃ tataḥ kuryāddvādakṣaravidyayā || 1, 196\|3||praṇavādiyakārāntamaṅgulyaṃ guṣṭhaparvasu |nyaseddhṛdaya oṅkāraṃ manuṃ mūrdhni samastakam || 1, 196\|4||oṅkārantu bhruvormadhye śikānetrādimūrdhataḥ |oṃ viṣṇave iti imaṃ mantranyāsamudīrayet || 1, 196\|5||ātmānaṃ paramaṃ dhyāyeccheṣaṃ yacchaktibhiryutam |mama rakṣāṃ hariḥ kuryānmatsyamūrtirjale'vatu || 1, 196\|6||trivikramastathākāśe sthale rakṣatu vāmanaḥ |aṭavyāṃ narasiṃhastu rāmo rakṣatu parvate || 1, 196\|7||bhūmau rakṣatu vārāhau vyomni nārāyaṇo'vatu |karmabandhācca kapilo datto rogācca rakṣatu || 1, 196\|8||hayagrīvo devatābhyaḥ kumāro makaradhvajāt |nārado'nyārcanāddevaḥ kūrmo vai nairṛte sadā || 1, 196\|9||dhanvantīraścāpathyācca nāgaḥ krodhavaśātkila |yajño rogātsamastācca vyāso'jñānācca rakṣatu || 1, 196\|10||buddhaḥ pāṣaṇḍasaṅghātātkalkī rakṣatu kalmaṣāt |pāyānmadhyandine viṣṇuḥ prātarnārāyaṇo'vatu || 1, 196\|11||madhuhā cāparāhne ca sāyaṃ rakṣatu mādhavaḥ |hṛṣīkeśaḥ pradoṣe'vyātpratyūṣe'vyājjanārdanaḥ || 1, 196\|12||śrīdharo'vyādardharātre padmanābho niśīthake |cakrakaumodakībāṇā ghnantu śatrūṃśca rākṣasān || 1, 196\|13||śaṅkhaḥ padmaṃ ca śatrubhyaḥ śārṅgaṃ vai garuḍastathā |buddhīndriyamanaḥ prāṇānpāntu pārśvavibhūṣaṇaḥ || 1, 196\|14||śeṣaḥ sarpasvarūpaśca sadā sarvatra pātu mām |vidikṣu dikṣu ca sadā nārasiṃhaśca rakṣatu || 1, 196\|15||etaddhārayamāṇaśca yaṃ yaṃ paśyati cakṣuṣā |sa vaśī syādvipāpmā ca rogamukto divaṃ vrajet || 1, 196\|16||

इति श्रीगारुडे महापुराणे पूर्वखण्डे प्रथमांशाख्ये आचारकाण्डेषण्णवत्यधिकशततमोऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍeṣaṇṇavatyadhikaśatatamo'dhyāyaḥ

गरुडपुराण । पूर्वखण्ड । अध्याय १९६/६१६॥

garuḍapurāṇa | pūrvakhaṇḍa | adhyāya 196/616||

गरुडपुराण । पूर्वखण्ड । अध्याय १९६/६-१६॥

garuḍapurāṇa | pūrvakhaṇḍa | adhyāya 196/6-16||