विष्णोर्शतनामस्तोत्रम् Shrivishnoh Shatanamastotram

श्री गणेशाय नमः ।नारद उवाच ।ॐ वासुदेवं हृषीकेशं वामनं जलशायिनम् ।जनार्दनं हरि कृष्णं श्रीवक्षं गरुडध्वजम् ॥ १॥

śrī gaṇeśāya namaḥ |nārada uvāca |oṃ vāsudevaṃ hṛṣīkeśaṃ vāmanaṃ jalaśāyinam |janārdanaṃ hari kṛṣṇaṃ śrīvakṣaṃ garuḍadhvajam || 1||

वाराहं पुण्डरीकाक्षं नृसिंहं नरकान्तकम् ।अव्यक्तं शाश्वतं विष्णुमनन्तमजमव्ययम् ॥ २॥

vārāhaṃ puṇḍarīkākṣaṃ nṛsiṃhaṃ narakāntakam |avyaktaṃ śāśvataṃ viṣṇumanantamajamavyayam || 2||

नारायणं गदाध्यक्षं गोविन्दं कीर्तिभाजनम् ।गोवर्धनोद्धरं देवं भूधरं भुवनेश्वरम् ॥ ३॥

nārāyaṇaṃ gadādhyakṣaṃ govindaṃ kīrtibhājanam |govardhanoddharaṃ devaṃ bhūdharaṃ bhuvaneśvaram || 3||

वेत्तारं यज्ञपुरुषं यज्ञेशं यज्ञवाहकम् ।चक्रपाणिं गदापाणिं शङ्खपाणिं नरोत्तमम् ॥ ४॥

vettāraṃ yajñapuruṣaṃ yajñeśaṃ yajñavāhakam |cakrapāṇiṃ gadāpāṇiṃ śaṅkhapāṇiṃ narottamam || 4||

वैकुण्ठं दुष्टदमनं भूगर्भं पीतवाससम् ।त्रिविक्रमं त्रिकालज्ञं त्रिमूर्तिं नन्दिकेश्वरम् ॥ ५॥

vaikuṇṭhaṃ duṣṭadamanaṃ bhūgarbhaṃ pītavāsasam |trivikramaṃ trikālajñaṃ trimūrtiṃ nandikeśvaram || 5||

रामं रामं हयग्रीवं भीमं रौद्रं भवोद्भवम् ।श्रीपतिं श्रीधरं श्रीशं मङ्गलं मङ्गलायुधम् ॥ ६॥

rāmaṃ rāmaṃ hayagrīvaṃ bhīmaṃ raudraṃ bhavodbhavam |śrīpatiṃ śrīdharaṃ śrīśaṃ maṅgalaṃ maṅgalāyudham || 6||

दामोदरं दमोपेतं केशवं केशिसूदनम् ।वरेण्यं वरदं विष्णुमानन्दं वसुदेवजम् ॥ ७॥

dāmodaraṃ damopetaṃ keśavaṃ keśisūdanam |vareṇyaṃ varadaṃ viṣṇumānandaṃ vasudevajam || 7||

हिरण्यरेतसं दीप्तं पुराणं पुरुषोत्तमम् ।सकलं निष्कलं शुद्धं निर्गुणं गुणशाश्वतम् ॥ ८॥

hiraṇyaretasaṃ dīptaṃ purāṇaṃ puruṣottamam |sakalaṃ niṣkalaṃ śuddhaṃ nirguṇaṃ guṇaśāśvatam || 8||

हिरण्यतनुसङ्काशं सूर्यायुतसमप्रभम् ।मेघश्यामं चतुर्बाहुं कुशलं कमलेक्षणम् ॥ ९॥

hiraṇyatanusaṅkāśaṃ sūryāyutasamaprabham |meghaśyāmaṃ caturbāhuṃ kuśalaṃ kamalekṣaṇam || 9||

ज्योतीरूपमरूपं च स्वरूपं रूपसंस्थितम् ।सर्वज्ञं सर्वरूपस्थं सर्वेशं सर्वतोमुखम् ॥ १०॥

jyotīrūpamarūpaṃ ca svarūpaṃ rūpasaṃsthitam |sarvajñaṃ sarvarūpasthaṃ sarveśaṃ sarvatomukham || 10||

ज्ञानं कूटस्थमचलं ज्ञानदं परमं प्रभुम् ।योगीशं योगनिष्णातं योगिनं योगरूपिणम् ॥ ११॥

jñānaṃ kūṭasthamacalaṃ jñānadaṃ paramaṃ prabhum |yogīśaṃ yoganiṣṇātaṃ yoginaṃ yogarūpiṇam || 11||

ईश्वरं सर्वभूतानां वन्दे भूतमयं प्रभुम् ।इति नामशतं दिव्यं वैष्णवं खलु पापहम् ॥ १२॥

īśvaraṃ sarvabhūtānāṃ vande bhūtamayaṃ prabhum |iti nāmaśataṃ divyaṃ vaiṣṇavaṃ khalu pāpaham || 12||

व्यासेन कथितं पूर्वं सर्वपापप्रणाशनम् ।यः पठेत्प्रातरुत्थाय स भवेद्वैष्णवो नरः ॥ १३॥

vyāsena kathitaṃ pūrvaṃ sarvapāpapraṇāśanam |yaḥ paṭhetprātarutthāya sa bhavedvaiṣṇavo naraḥ || 13||

सर्वपापविशुद्धात्मा विष्णुसायुज्यमाप्नुयात् ।चान्द्रायणसहस्राणि कन्यादानशतानि च ॥ १४॥

sarvapāpaviśuddhātmā viṣṇusāyujyamāpnuyāt |cāndrāyaṇasahasrāṇi kanyādānaśatāni ca || 14||

गवां लक्षसहस्राणि मुक्तिभागी भवेन्नरः ।अश्वमेधायुतं पुण्यं फलं प्राप्नोति मानवः ॥ १५॥

gavāṃ lakṣasahasrāṇi muktibhāgī bhavennaraḥ |aśvamedhāyutaṃ puṇyaṃ phalaṃ prāpnoti mānavaḥ || 15||

। इति श्रीविष्णुपुराणे विष्णुशतनामस्तोत्रं सम्पूर्णम् ।

| iti śrīviṣṇupurāṇe viṣṇuśatanāmastotraṃ sampūrṇam |