विठ्ठलहृदयम् Shriviththalahridayam

श्रीपार्वत्युवाच ।महाशम्भो देवदेव भक्तानुग्रहकारक ।श्रीविठ्ठलारव्यं हृदयं तन्मे ब्रूहि सदाशिव ॥ १॥

śrīpārvatyuvāca |mahāśambho devadeva bhaktānugrahakāraka |śrīviṭhṭhalāravyaṃ hṛdayaṃ tanme brūhi sadāśiva || 1||

श्रीशङ्कर उवाच ।शृणु देवि महादेवि पार्वति प्राणवल्लभे ।गुह्याद्गुयतरं श्रेष्ठं नास्ति गुह्यमतः परम् ॥ २॥

śrīśaṅkara uvāca |śṛṇu devi mahādevi pārvati prāṇavallabhe |guhyādguyataraṃ śreṣṭhaṃ nāsti guhyamataḥ param || 2||

जीवस्य जीवनं साक्षात्प्राणिनां प्राण उच्यते ।योगिनां हि महागम्यं पाण्डुरङ्गाभिधानकम् ॥ ३॥

jīvasya jīvanaṃ sākṣātprāṇināṃ prāṇa ucyate |yogināṃ hi mahāgamyaṃ pāṇḍuraṅgābhidhānakam || 3||

अद्यापि महिमा तस्य सर्वथा ज्ञायते न हि ।नित्यनूतनतत्क्षेत्रस्योपमा नास्ति निश्चितम् ॥ ४॥

adyāpi mahimā tasya sarvathā jñāyate na hi |nityanūtanatatkṣetrasyopamā nāsti niścitam || 4||

मुखं कञ्जेन तुलितं पद्मपत्रसमेक्षणम् ।कथं साम्यं भवेद्देवि ह्यन्तरं महदन्तरम् ॥ ५॥

mukhaṃ kañjena tulitaṃ padmapatrasamekṣaṇam |kathaṃ sāmyaṃ bhaveddevi hyantaraṃ mahadantaram || 5||

गजैरावतयोश्चैव अश्वोच्चैःश्रवसोस्तथा ।स्पर्शपाषाणायोश्चैव ह्यन्तरं महदन्तरम् ॥ ६॥

gajairāvatayoścaiva aśvoccaiḥśravasostathā |sparśapāṣāṇāyoścaiva hyantaraṃ mahadantaram || 6||

काश्याः शतगुण श्रेष्ठं द्वारवत्या द्विलक्षयोः ।एवं सर्वाणि तीर्थानि कलां नार्हन्ति कानिचित् ॥ ७॥

kāśyāḥ śataguṇa śreṣṭhaṃ dvāravatyā dvilakṣayoḥ |evaṃ sarvāṇi tīrthāni kalāṃ nārhanti kānicit || 7||

तीर्थं क्षेत्रं दैवतं च मन्त्रः स्तोत्रं महाद्भुतम् ।एतत्सर्वं यथाशक्त्या वर्णयामि मम प्रिये ॥ ८॥

tīrthaṃ kṣetraṃ daivataṃ ca mantraḥ stotraṃ mahādbhutam |etatsarvaṃ yathāśaktyā varṇayāmi mama priye || 8||

एकदा क्षीरसंस्थाने देवदेवं जगद्गुरुम् ।गतोऽहं पादपूजार्थं सुरेन्न्द्रब्राह्यणैः सह ॥ ९॥

ekadā kṣīrasaṃsthāne devadevaṃ jagadgurum |gato'haṃ pādapūjārthaṃ surenndrabrāhyaṇaiḥ saha || 9||

शेषनारदपक्षीन्द्रैर्लक्ष्मीकान्तं गणैः सह ।प्रणम्य परमात्मानं तमुवाच चतुर्मुखः ॥ १०॥

śeṣanāradapakṣīndrairlakṣmīkāntaṃ gaṇaiḥ saha |praṇamya paramātmānaṃ tamuvāca caturmukhaḥ || 10||

ब्रह्मोवाच ।महाविष्णो जगन्नाथ सर्वविश्वगुहाशय ।तव यच्च प्रियं देव संस्थानं ब्रूहि केशव ॥ ११॥

brahmovāca |mahāviṣṇo jagannātha sarvaviśvaguhāśaya |tava yacca priyaṃ deva saṃsthānaṃ brūhi keśava || 11||

श्रीभगवानुवाच ।शृणु ब्रह्मन् महाशम्भो अधिष्ठानं ममालयम् ।पाण्डुरङ्गमिति ख्यातं न साम्यं भुवनत्रये ॥ ११॥

śrībhagavānuvāca |śṛṇu brahman mahāśambho adhiṣṭhānaṃ mamālayam |pāṇḍuraṅgamiti khyātaṃ na sāmyaṃ bhuvanatraye || 11||

पाण्डुरङ्गं च वैकुण्ठं तुलयित्वा मयाऽधुना ।पाण्डुरङ्गं गुरुं मत्वा पूर्णत्वेनास्थितोऽस्म्यहम् ॥ १३॥

pāṇḍuraṅgaṃ ca vaikuṇṭhaṃ tulayitvā mayā'dhunā |pāṇḍuraṅgaṃ guruṃ matvā pūrṇatvenāsthito'smyaham || 13||

नाहं तिष्ठामि क्षीराब्धौ नास्मि सूर्येन्दुमण्डले ।मन्नामकर्तिनस्थाने तत्र तिष्ठामि शङ्कर ॥ १४॥

nāhaṃ tiṣṭhāmi kṣīrābdhau nāsmi sūryendumaṇḍale |mannāmakartinasthāne tatra tiṣṭhāmi śaṅkara || 14||

कार्यकारणकर्तृत्वे सम्भवक्षेत्रमुच्यते ।तादृशं नास्ति तत्क्षेत्रं यत्र तिष्ठामि सर्वदा ॥ १५॥

kāryakāraṇakartṛtve sambhavakṣetramucyate |tādṛśaṃ nāsti tatkṣetraṃ yatra tiṣṭhāmi sarvadā || 15||

सुखे सञ्जयति ब्रह्म ब्रह्मबीजं प्रशस्यते ।बीजेन व्यज्यते बिन्दुर्बिन्दोर्नादः प्रकीर्तितः ॥ १६॥

sukhe sañjayati brahma brahmabījaṃ praśasyate |bījena vyajyate bindurbindornādaḥ prakīrtitaḥ || 16||

आहतोऽनाहतश्चेति द्विधा नादस्तु विद्यते ।ओङ्कारोऽनाहतो मूर्तिराहतो नामकीर्तनम् ॥ १७॥

āhato'nāhataśceti dvidhā nādastu vidyate |oṅkāro'nāhato mūrtirāhato nāmakīrtanam || 17||

बिन्दुनादात्मकं क्षेत्रं नादोऽव्यक्तः प्रदृश्यते ।यत्र सङ्कीर्तनेनैव साक्षाद्ब्रह्ममयो भवेत् ॥ १८॥

bindunādātmakaṃ kṣetraṃ nādo'vyaktaḥ pradṛśyate |yatra saṅkīrtanenaiva sākṣādbrahmamayo bhavet || 18||

कीदृशं धृतवान् रूपमित्याह परमेश्वरः ।इष्टिकायां समपदं तत्त्वमस्यादिलक्षपाम् ॥ १९॥

kīdṛśaṃ dhṛtavān rūpamityāha parameśvaraḥ |iṣṭikāyāṃ samapadaṃ tattvamasyādilakṣapām || 19||

कटिविन्यस्तहस्ताब्जं प्रणवाकृतिसौरसम् ।ऊर्ध्वबीजसमाख्यातं पूर्णेन्दुमुखमण्डनम् ॥ २०॥

kaṭivinyastahastābjaṃ praṇavākṛtisaurasam |ūrdhvabījasamākhyātaṃ pūrṇendumukhamaṇḍanam || 20||

सर्वभूषणशोभाढ्यमीदृशं मोक्षदं नृणाम् ।अज्ञानजनबोधार्थं तिष्ठामीह जनार्दनः ॥ २१॥

sarvabhūṣaṇaśobhāḍhyamīdṛśaṃ mokṣadaṃ nṛṇām |ajñānajanabodhārthaṃ tiṣṭhāmīha janārdanaḥ || 21||

विठ्ठलः परमो देवस्त्रयीरूपेण तिष्ठति ।तीर्थं क्षेत्रं तथा देवो ब्रह्म ब्रह्मविदां वर ॥ २२॥

viṭhṭhalaḥ paramo devastrayīrūpeṇa tiṣṭhati |tīrthaṃ kṣetraṃ tathā devo brahma brahmavidāṃ vara || 22||

गुह्याद्गुह्यतरं देवं क्षेत्राणां क्षेत्रमुत्तमम् ।चन्द्रभागावरं तीर्थं न भूतं न भविष्यति ॥ २३॥

guhyādguhyataraṃ devaṃ kṣetrāṇāṃ kṣetramuttamam |candrabhāgāvaraṃ tīrthaṃ na bhūtaṃ na bhaviṣyati || 23||

इति श्रुत्वा रमेशस्य वचनं परमामृतम् ।ब्रह्मा नारदसंयुक्तो हृदयं कीर्तयन् ययौ ॥ २४॥

iti śrutvā rameśasya vacanaṃ paramāmṛtam |brahmā nāradasaṃyukto hṛdayaṃ kīrtayan yayau || 24||

इदं विठ्ठलहृदयं सर्वदारिद्र्यनाशनम् ।सकृत्पठनमात्रेण लभते परमं पदम् ॥ २५॥

idaṃ viṭhṭhalahṛdayaṃ sarvadāridryanāśanam |sakṛtpaṭhanamātreṇa labhate paramaṃ padam || 25||

ओमस्य हृदयमन्त्रस्य परब्रह्म ऋषिः स्मृतः ।छन्दोऽनुष्टुप् प्रविख्यातो देवः श्रीविठ्ठलो महः ॥ २६॥

omasya hṛdayamantrasya parabrahma ṛṣiḥ smṛtaḥ |chando'nuṣṭup pravikhyāto devaḥ śrīviṭhṭhalo mahaḥ || 26||

ॐ नमो बीजमाख्यातं श्रीं पातु शक्तिरीडिता ।ॐ श्रीं क्लीं कीलकं यस्य वेधको देवविठ्ठलः ॥ २७॥

oṃ namo bījamākhyātaṃ śrīṃ pātu śaktirīḍitā |oṃ śrīṃ klīṃ kīlakaṃ yasya vedhako devaviṭhṭhalaḥ || 27||

त्रिबीजैरङ्गुलिन्यासः षडङ्गानि ततः परम् ।ध्यानादिकं महादिव्यं हृदयं हृदये स्मरेत् ॥ २८॥

tribījairaṅgulinyāsaḥ ṣaḍaṅgāni tataḥ param |dhyānādikaṃ mahādivyaṃ hṛdayaṃ hṛdaye smaret || 28||

ॐ अस्य श्रीविठ्ठलहृदयस्तोत्रमत्रस्य परब्रहा ऋषिः ।अनुष्टुप् छन्दः । श्रीविठ्ठलः परमात्मा देवता । ॐ नम इति बीजम् ।ॐ श्रीं शक्तिः । ॐ श्रीं क्लीं कीलकम् । ॐ श्रीं विठ्ठलो वेधकः ।श्रीविठ्ठलप्रीत्यर्थं जपे विनियोगः ।ॐ श्रीं क्लीं अङ्गुल्यादि षडगन्यासः ॥अथ ध्यानम्ॐ श्रीं क्लीं प्रहसितमुखचन्द्रं प्रोल्लसत्पूर्णबिम्बंप्रणमदभयहस्तं चारुनीलाम्बुदाभम् ।समपदकमनीयं तत्त्वबोधावगम्यंसदयवरददेवं विठ्ठलं तं नमामि ॥ २९॥

oṃ asya śrīviṭhṭhalahṛdayastotramatrasya parabrahā ṛṣiḥ |anuṣṭup chandaḥ | śrīviṭhṭhalaḥ paramātmā devatā | oṃ nama iti bījam |oṃ śrīṃ śaktiḥ | oṃ śrīṃ klīṃ kīlakam | oṃ śrīṃ viṭhṭhalo vedhakaḥ |śrīviṭhṭhalaprītyarthaṃ jape viniyogaḥ |oṃ śrīṃ klīṃ aṅgulyādi ṣaḍaganyāsaḥ ||atha dhyānamoṃ śrīṃ klīṃ prahasitamukhacandraṃ prollasatpūrṇabimbaṃpraṇamadabhayahastaṃ cārunīlāmbudābham |samapadakamanīyaṃ tattvabodhāvagamyaṃsadayavaradadevaṃ viṭhṭhalaṃ taṃ namāmi || 29||

क्लीं श्रीं ॐ ॐ श्रीं क्लीम् ॥पाण्डुरङ्गः शिखां पातु मूर्धानं पातु विठ्ठलः ।मस्तकं माधवः पातु तिलकं पातु श्रीकरः ॥ ३०॥

klīṃ śrīṃ oṃ oṃ śrīṃ klīm ||pāṇḍuraṅgaḥ śikhāṃ pātu mūrdhānaṃ pātu viṭhṭhalaḥ |mastakaṃ mādhavaḥ pātu tilakaṃ pātu śrīkaraḥ || 30||

भर्गः पातु भुवोर्मध्ये लोचने विष्णुरोजसा ।दृष्टिं सुदर्शनः पातु श्रोत्रे पातु दिगम्बरः ॥ ३१॥

bhargaḥ pātu bhuvormadhye locane viṣṇurojasā |dṛṣṭiṃ sudarśanaḥ pātu śrotre pātu digambaraḥ || 31||

नासाग्रं सृष्टिसौन्दर्य ओष्ठौ पातु सुधार्णवः ।दन्तान् दयानिधिः पातु जिह्वां मे वेदवल्लभः ॥ ३२॥

nāsāgraṃ sṛṣṭisaundarya oṣṭhau pātu sudhārṇavaḥ |dantān dayānidhiḥ pātu jihvāṃ me vedavallabhaḥ || 32||

तालुदेशं हरिः पातु रसनां गोरसप्रियः ।चिबुकं चिन्मयः पातु ग्रीवां मे गरुडध्वजः ॥ ३३॥

tāludeśaṃ hariḥ pātu rasanāṃ gorasapriyaḥ |cibukaṃ cinmayaḥ pātu grīvāṃ me garuḍadhvajaḥ || 33||

कण्ठं तु कम्बुकण्ठश्च स्कन्धौ पातु महाबलः ।भुजौ गिरिधरः पातु बाहू मे मधुसूदनः ॥ ३४॥

kaṇṭhaṃ tu kambukaṇṭhaśca skandhau pātu mahābalaḥ |bhujau giridharaḥ pātu bāhū me madhusūdanaḥ || 34||

कूर्परौ कृपयाविष्टः करौ मे कमलापतिः ।अगुलीरच्युतः पातु नखानि नरकेसरी ॥ ३५॥

kūrparau kṛpayāviṣṭaḥ karau me kamalāpatiḥ |agulīracyutaḥ pātu nakhāni narakesarī || 35||

वक्षः श्रीलाञ्छनः पातु स्तनौ मे स्तनलालसः ।हृदयं श्रीहृषीकेश उदरं परमामृतः ॥ ३६॥

vakṣaḥ śrīlāñchanaḥ pātu stanau me stanalālasaḥ |hṛdayaṃ śrīhṛṣīkeśa udaraṃ paramāmṛtaḥ || 36||

नाभिं मे पद्मनाभश्च कुक्षिं ब्रहयाडनायकः ।कटिं पातु कटिकरो जघनं तु जनार्दनः ॥ ३७॥

nābhiṃ me padmanābhaśca kukṣiṃ brahayāḍanāyakaḥ |kaṭiṃ pātu kaṭikaro jaghanaṃ tu janārdanaḥ || 37||

शिश्नं पातु स्मराधीशो वृषणे वृषभः पतिः ।गुह्यं गुह्यतरः पातु ऊरू पातूरुविक्रमः ॥ ३८॥

śiśnaṃ pātu smarādhīśo vṛṣaṇe vṛṣabhaḥ patiḥ |guhyaṃ guhyataraḥ pātu ūrū pātūruvikramaḥ || 38||

जानू पातु जगन्नाथो जङ्घे मे मनमोहनः ।गुल्फौ पातु गणाधीशः पादौ पातु त्रिविक्रमः ॥ ३९॥

jānū pātu jagannātho jaṅghe me manamohanaḥ |gulphau pātu gaṇādhīśaḥ pādau pātu trivikramaḥ || 39||

शरीरं चाखिलं पातु नरनारायणो हरिः ।अग्रे ह्यग्रतरः पातु दक्षिणे दक्षकप्रियः ॥ ४०॥

śarīraṃ cākhilaṃ pātu naranārāyaṇo hariḥ |agre hyagrataraḥ pātu dakṣiṇe dakṣakapriyaḥ || 40||

पृष्ठे पुष्टिकरः पातु वामे मे वासवप्रभुः ।पूर्वे पूर्वापरः पातु आग्नेय्यां चाग्निरक्षकः ॥ ४१॥

pṛṣṭhe puṣṭikaraḥ pātu vāme me vāsavaprabhuḥ |pūrve pūrvāparaḥ pātu āgneyyāṃ cāgnirakṣakaḥ || 41||

दक्षिणे दीक्षितार्थश्च नैरृत्यामृतुनायकः ।पश्चिमे वरुणाधीशो वायव्ये वातजापतिः ॥ ४२॥

dakṣiṇe dīkṣitārthaśca nairṛtyāmṛtunāyakaḥ |paścime varuṇādhīśo vāyavye vātajāpatiḥ || 42||

उत्तरे धृतखड्गश्च ईशान्ये पातु ईश्वरः ।उपरिष्टात्तु भगवानन्तरिक्षे चिदम्बरः ॥ ४३॥

uttare dhṛtakhaḍgaśca īśānye pātu īśvaraḥ |upariṣṭāttu bhagavānantarikṣe cidambaraḥ || 43||

भूतले धरणीनाथः पाताले कूर्मनायकः ।स्वर्गे पातु सुरेद्रेन्द्रो ब्रह्माण्डे ब्रह्मणस्पतिः ॥ ४४॥

bhūtale dharaṇīnāthaḥ pātāle kūrmanāyakaḥ |svarge pātu suredrendro brahmāṇḍe brahmaṇaspatiḥ || 44||

अटव्यां नृहरिः पातु जीवने विश्वजीवनः ।मार्गे पातु मनोगम्यः स्थाने पातु स्थिरासनः ॥ ४५॥

aṭavyāṃ nṛhariḥ pātu jīvane viśvajīvanaḥ |mārge pātu manogamyaḥ sthāne pātu sthirāsanaḥ || 45||

सबाह्याभ्यन्तरं पातु पुण्डरीकवरप्रियः ।विष्णुर्मे विषयान् पातु वासनाः पातु वामनः ॥ ४६॥

sabāhyābhyantaraṃ pātu puṇḍarīkavarapriyaḥ |viṣṇurme viṣayān pātu vāsanāḥ pātu vāmanaḥ || 46||

कर्ता कर्मेन्द्रियं पातु ज्ञाता ज्ञानेन्द्रियं सदा ।प्राणान् पातु प्राणनाथ आत्मारामो मनादिषु ॥ ४७॥

kartā karmendriyaṃ pātu jñātā jñānendriyaṃ sadā |prāṇān pātu prāṇanātha ātmārāmo manādiṣu || 47||

जागतिं मे जगद्ब्रह्म स्वप्नं पातु सुतेजकः ।सुषुप्तिं मे समाधीशस्तुर्यां पातु मुनिप्रियः ॥ ४८॥

jāgatiṃ me jagadbrahma svapnaṃ pātu sutejakaḥ |suṣuptiṃ me samādhīśasturyāṃ pātu munipriyaḥ || 48||

भार्यां पातु रमाकान्तः पुत्रान्पातु प्रजानिधिः ।कन्यां मे करुणानाथो बान्धवान्भक्तवत्सलः ॥ ४९॥

bhāryāṃ pātu ramākāntaḥ putrānpātu prajānidhiḥ |kanyāṃ me karuṇānātho bāndhavānbhaktavatsalaḥ || 49||

धनं पातु धनाध्यक्षो धान्यं विश्वकुटुम्बकः ।पशून्मे पालकः पातु विद्यां पातु कलानिधिः ॥ ५०॥

dhanaṃ pātu dhanādhyakṣo dhānyaṃ viśvakuṭumbakaḥ |paśūnme pālakaḥ pātu vidyāṃ pātu kalānidhiḥ || 50||

वाचस्पतिः पातु वादे सभायां विश्वमोहनः ।कामक्रोधोद्भवात्पातु पूर्णकामो मनोरमः ॥ ५१॥

vācaspatiḥ pātu vāde sabhāyāṃ viśvamohanaḥ |kāmakrodhodbhavātpātu pūrṇakāmo manoramaḥ || 51||

वस्त्रं रत्नं भूषणं च नाम रूपं कुलं गहम् ।सर्वं सर्वात्मकः पातु शुद्धब्रह्मपरात्परः ॥ ५२॥

vastraṃ ratnaṃ bhūṣaṇaṃ ca nāma rūpaṃ kulaṃ gaham |sarvaṃ sarvātmakaḥ pātu śuddhabrahmaparātparaḥ || 52||

क्ली श्रीं ॐ ॐ श्री क्लीम् ।विष्टलं मूर्ध्नि विन्यस्य ललाटे श्रीकरं न्यसेत् ।पाण्डुरङ्गं भ्रुवोर्मध्ये नेत्रयोर्व्यापकं न्यसेत् ॥ ५३॥

klī śrīṃ oṃ oṃ śrī klīm |viṣṭalaṃ mūrdhni vinyasya lalāṭe śrīkaraṃ nyaset |pāṇḍuraṅgaṃ bhruvormadhye netrayorvyāpakaṃ nyaset || 53||

कर्णयोर्निगमार्थं च गल्लयोर्वल्लभं न्यसेत् ।नासिकायां न्यसेत्कृष्णं मुखे वै माधवं न्यसेत् ॥ ५४॥

karṇayornigamārthaṃ ca gallayorvallabhaṃ nyaset |nāsikāyāṃ nyasetkṛṣṇaṃ mukhe vai mādhavaṃ nyaset || 54||

ओष्ठयोर्मुरलीकान्तं दन्तपङ्क्त्यां सुहासकम् ।रसनायां रसाधीशं जिह्वारग्रे कीर्तनं न्यसेत् ॥ ५५॥

oṣṭhayormuralīkāntaṃ dantapaṅktyāṃ suhāsakam |rasanāyāṃ rasādhīśaṃ jihvāragre kīrtanaṃ nyaset || 55||

कण्ठे न्यसेन्महाविष्णुं स्कन्धयोः कमलापतिम् ।बाह्वोर्बलानुजं न्यस्य करे चक्रधरं न्यसेत् ॥ ५६॥

kaṇṭhe nyasenmahāviṣṇuṃ skandhayoḥ kamalāpatim |bāhvorbalānujaṃ nyasya kare cakradharaṃ nyaset || 56||

पाणितले पद्मधरं कराग्रे वरदाभयम् ।वक्षःस्थले वरेण्यं च हृदये श्रीहरिं न्यसेत् ॥ १ ७॥उदरे विश्वभर्तारं नाभौ नाभिकरं न्यसेत् ।कट्यां न्यसेत्क्रियातीतमूरौ तु उद्धवप्रियम् ॥ ५८॥

pāṇitale padmadharaṃ karāgre varadābhayam |vakṣaḥsthale vareṇyaṃ ca hṛdaye śrīhariṃ nyaset || 1 7||udare viśvabhartāraṃ nābhau nābhikaraṃ nyaset |kaṭyāṃ nyasetkriyātītamūrau tu uddhavapriyam || 58||

जानुद्वये न्यसेच्छक्तिं पादयोः पावनं न्यसेत् ।सबाह्याभ्यन्तरं न्यस्य देवदेवं जगद्गुरुम् ॥ ५९॥

jānudvaye nyasecchaktiṃ pādayoḥ pāvanaṃ nyaset |sabāhyābhyantaraṃ nyasya devadevaṃ jagadgurum || 59||

क्लीं श्रीं ॐ ॐ श्रीं क्लीम् ।विष्ठलाय नमस्तुभ्यं नमो विज्ञानहेतवे ।विष्णुजिष्णुस्वरूपाय श्रीविष्णवे नमो नमः ॥ ६०॥

klīṃ śrīṃ oṃ oṃ śrīṃ klīm |viṣṭhalāya namastubhyaṃ namo vijñānahetave |viṣṇujiṣṇusvarūpāya śrīviṣṇave namo namaḥ || 60||

नमः पुण्डरीकाक्षाय पूर्णबिम्बात्मभे नमः ।नमस्ते पाण्डुरङ्गाय पावनाय नमो नमः ॥ ६१॥

namaḥ puṇḍarīkākṣāya pūrṇabimbātmabhe namaḥ |namaste pāṇḍuraṅgāya pāvanāya namo namaḥ || 61||

नमः पूर्णप्रकाशाय नमस्ते पूर्णतेजसे ।पूर्णैश्वर्यस्वरूपाय पूर्णज्ञानात्मने नमः ॥ ६२॥

namaḥ pūrṇaprakāśāya namaste pūrṇatejase |pūrṇaiśvaryasvarūpāya pūrṇajñānātmane namaḥ || 62||

सच्चिदानन्दकन्दाय नमोऽनन्तसुखात्मने ।नमोऽनन्ताय शान्ताय श्रीरामाय नमो नुमः ॥ ६३॥

saccidānandakandāya namo'nantasukhātmane |namo'nantāya śāntāya śrīrāmāya namo numaḥ || 63||

नमो ज्योतिःस्वरूपाय नमो ज्योतिर्मयात्मने ।नमो ज्योतिःप्रकाशाय सर्वोत्कृष्टात्मने नमः ॥ ६४॥

namo jyotiḥsvarūpāya namo jyotirmayātmane |namo jyotiḥprakāśāya sarvotkṛṣṭātmane namaḥ || 64||

ॐ नमोब्रह्मरूपाय नम ॐङ्कारमूर्तये ।निर्विकल्पाय सत्याय शुद्धसत्त्वात्मने नमः ॥ ६५॥

oṃ namobrahmarūpāya nama oṃṅkāramūrtaye |nirvikalpāya satyāya śuddhasattvātmane namaḥ || 65||

महद्ब्रह्म नमस्तेऽस्तु सत्यसङ्कल्पहेतवे ।नमः सृष्टिप्रकाशाय गुणसाम्यायते नमः ॥ ६६॥

mahadbrahma namaste'stu satyasaṅkalpahetave |namaḥ sṛṣṭiprakāśāya guṇasāmyāyate namaḥ || 66||

ब्रह्मविष्णुमहेशाय नानावर्णात्मरूपिणे ।सदोदिताय शुद्धाय गुणातीताय ते नमः ॥ ६७॥

brahmaviṣṇumaheśāya nānāvarṇātmarūpiṇe |sadoditāya śuddhāya guṇātītāya te namaḥ || 67||

नमः सहस्रनाम्ने च नमः सहस्ररूपिणे ।नमः सहस्रवक्त्राय सहस्राक्षायते नमः ॥ ६८॥

namaḥ sahasranāmne ca namaḥ sahasrarūpiṇe |namaḥ sahasravaktrāya sahasrākṣāyate namaḥ || 68||

केशवाय नमस्तुभ्यं नमो नारायणायच ।माधवाय नमस्तेऽस्तु गोविन्दाय नमो नमः ॥ ६९॥

keśavāya namastubhyaṃ namo nārāyaṇāyaca |mādhavāya namaste'stu govindāya namo namaḥ || 69||

श्रीविष्णवे नमस्तुभ्यं मधुसूदनरूपिणे ।त्रिविक्रम सुदीर्घाय वामनाय नमो नमः ॥ ७०॥

śrīviṣṇave namastubhyaṃ madhusūdanarūpiṇe |trivikrama sudīrghāya vāmanāya namo namaḥ || 70||

श्रीधराय नमस्तुभ्यं हृषीकेशाय ते नमः ।नमस्ते पद्मनाभाय दामोदराय ते नमः ॥ ७१॥

śrīdharāya namastubhyaṃ hṛṣīkeśāya te namaḥ |namaste padmanābhāya dāmodarāya te namaḥ || 71||

नमस्ते सङ्कर्षणाय वासुदेवाय ते नमः ।प्रद्युम्नाय नमस्तेऽस्तु अनिरुद्धायते नमः ॥ ७२॥

namaste saṅkarṣaṇāya vāsudevāya te namaḥ |pradyumnāya namaste'stu aniruddhāyate namaḥ || 72||

नमः पुरुषोत्तमायाधोक्षजाय ते नमो नमः ।नमस्ते नारसिंहाय अच्युताय नमो नमः ॥ ७३॥

namaḥ puruṣottamāyādhokṣajāya te namo namaḥ |namaste nārasiṃhāya acyutāya namo namaḥ || 73||

नमो जनार्दनायास्तूपेन्द्राय च नमो नमः ।श्रीहरये नमस्तुभ्यं श्रीकृष्णाय नमो नमः ॥ ७४॥

namo janārdanāyāstūpendrāya ca namo namaḥ |śrīharaye namastubhyaṃ śrīkṛṣṇāya namo namaḥ || 74||

नमः पण्ढरिनाथाय भीमातीरनिवासिने ।नमो ऋषिप्रसन्नाय वरदाय नमो नमः ॥ ७५॥

namaḥ paṇḍharināthāya bhīmātīranivāsine |namo ṛṣiprasannāya varadāya namo namaḥ || 75||

इष्टिकारूढरूपाय समपादाय ते नमः ।कटिविन्यस्तहस्ताय मुखब्रह्मात्मने नमः ॥ ७६॥

iṣṭikārūḍharūpāya samapādāya te namaḥ |kaṭivinyastahastāya mukhabrahmātmane namaḥ || 76||

नमस्तीर्थस्वरूपाय क्षेत्ररूपात्मने नमः ।नमोऽस्तु मूर्तिमूर्ताय त्रिमूर्तये नमो नमः ॥ ७७॥

namastīrthasvarūpāya kṣetrarūpātmane namaḥ |namo'stu mūrtimūrtāya trimūrtaye namo namaḥ || 77||

नमस्ते बिन्दुतीर्थाय नमोऽमृतेश्वराय च ।नमः पुष्करतीर्थाय चन्द्रभागाय ते नमः ॥ ७८॥

namaste bindutīrthāya namo'mṛteśvarāya ca |namaḥ puṣkaratīrthāya candrabhāgāya te namaḥ || 78||

नमस्ते जानुदेवाय धीरावत्यै नमो नमः ।नमस्ते पुण्डरीकाय भीमरथ्यै नमो नमः ॥ ७९॥

namaste jānudevāya dhīrāvatyai namo namaḥ |namaste puṇḍarīkāya bhīmarathyai namo namaḥ || 79||

मुक्तिकेशप्रवराय वेणुवादात्मने नमः ।नमस्तेऽनन्तपादाय द्विपदाय नमो नमः ॥ ८०॥

muktikeśapravarāya veṇuvādātmane namaḥ |namaste'nantapādāya dvipadāya namo namaḥ || 80||

नमो गोवत्सपादाय गोपालाय नमो नमः ।नमस्ते पद्मतीर्थाय नरनारायणात्मने ॥ ८१॥

namo govatsapādāya gopālāya namo namaḥ |namaste padmatīrthāya naranārāyaṇātmane || 81||

नमस्ते पितृतीर्थाय लक्ष्मीतीर्थाय ते नमः ।नमोऽस्तु शङ्खचक्राय गदापद्माय ते नमः ॥ ८२॥

namaste pitṛtīrthāya lakṣmītīrthāya te namaḥ |namo'stu śaṅkhacakrāya gadāpadmāya te namaḥ || 82||

नमोऽश्वत्थनृसिंहाय कुण्डलाख्यस्वरूपिणे ।नमस्ते क्षेत्रपालाय महालिङ्गाय ते नमः ॥ ८३॥

namo'śvatthanṛsiṃhāya kuṇḍalākhyasvarūpiṇe |namaste kṣetrapālāya mahāliṅgāya te namaḥ || 83||

नमस्ते रङ्गशालाय नमः कीर्तनरूपिणे ।ममौ रुक्मिणिनाथाय महामूर्त्यै नमो नमः ॥ ८४॥

namaste raṅgaśālāya namaḥ kīrtanarūpiṇe |mamau rukmiṇināthāya mahāmūrtyai namo namaḥ || 84||

नमो वैकुण्ठनाथाय नमः क्षीराब्धिशायिने ।सर्वब्रह्म नमस्तुभ्यमहम्ब्रह्मात्मने नमः ॥ ८५॥

namo vaikuṇṭhanāthāya namaḥ kṣīrābdhiśāyine |sarvabrahma namastubhyamahambrahmātmane namaḥ || 85||

नमो नमो नमस्तुभ्यं नमस्तेऽस्तु नमो नमः ।क्लीं श्रीं ओम् ।आद्यन्ते सम्पुटीकृत्य बीजैश्च प्राणवल्लभे ॥ ८६॥

namo namo namastubhyaṃ namaste'stu namo namaḥ |klīṃ śrīṃ om |ādyante sampuṭīkṛtya bījaiśca prāṇavallabhe || 86||

अष्टोत्तरशतं मन्त्रान् हृदयं नमनैः सह ।उरनन्यैः कीर्तितं यैश्च तेषामाज्ञां वहाम्यहम् ॥ ८७॥

aṣṭottaraśataṃ mantrān hṛdayaṃ namanaiḥ saha |urananyaiḥ kīrtitaṃ yaiśca teṣāmājñāṃ vahāmyaham || 87||

यावद्यस्य यथा भावो यन्नामन्यासपूर्वकम् ।तावदेव हि विज्ञानं गदितं मदनुग्रहात् ॥ ८८॥

yāvadyasya yathā bhāvo yannāmanyāsapūrvakam |tāvadeva hi vijñānaṃ gaditaṃ madanugrahāt || 88||

श्रीशङ्कर उवाच ।इत्युक्तं वासुदेत्रोक्तं गोप्याद्गोप्यतरं महत् ।नित्यं सङ्कीर्तनं यस्य प्राप्तमुक्तिर्न संशयः ॥ ८९॥

śrīśaṅkara uvāca |ityuktaṃ vāsudetroktaṃ gopyādgopyataraṃ mahat |nityaṃ saṅkīrtanaṃ yasya prāptamuktirna saṃśayaḥ || 89||

इदं गुह्यं हि हृदयं विठ्ठलस्य महाद्भुतम् ।शृणुयाच्छ्रद्धया युक्तो वैकुण्ठे लभते रतिम् ॥ ९०॥

idaṃ guhyaṃ hi hṛdayaṃ viṭhṭhalasya mahādbhutam |śṛṇuyācchraddhayā yukto vaikuṇṭhe labhate ratim || 90||

एवमुक्त्वा महादेवः पार्वतीमनुकम्पया ।समाधिस्थोऽभवच्छभुः सुस्मितः कमलाननः ॥ ९१॥

evamuktvā mahādevaḥ pārvatīmanukampayā |samādhistho'bhavacchabhuḥ susmitaḥ kamalānanaḥ || 91||

(श्रीभविष्योत्तरपुराणे पाण्डुरङ्गमाहात्म्यतः)इति विठ्ठलहृदयं सम्पूर्णम् ।

(śrībhaviṣyottarapurāṇe pāṇḍuraṅgamāhātmyataḥ)iti viṭhṭhalahṛdayaṃ sampūrṇam |