विष्णोरष्टाविंशतिनामस्तोत्रम् Shrivishnorashtavimshatinamastotram

अर्जुन उवाचकिं नु नाम सहस्राणि जपते च पुनः पुनः ।यानि नामानि दिव्यानि तानि चाचक्ष्व केशव ॥ १॥

arjuna uvācakiṃ nu nāma sahasrāṇi japate ca punaḥ punaḥ |yāni nāmāni divyāni tāni cācakṣva keśava || 1||

श्रीभगवानुवाचमत्स्यं कूर्मं वराहं च वामनं च जनार्दनम् ।गोविन्दं पुण्डरीकाक्षं माधवं मधुसूदनम् ॥ २॥

śrībhagavānuvācamatsyaṃ kūrmaṃ varāhaṃ ca vāmanaṃ ca janārdanam |govindaṃ puṇḍarīkākṣaṃ mādhavaṃ madhusūdanam || 2||

पद्मनाभं सहस्राक्षं वनमालिं हलायुधम् ।गोवर्धनं हृषीकेशं वैकुण्ठं पुरुषोत्तमम् ॥ ३॥

padmanābhaṃ sahasrākṣaṃ vanamāliṃ halāyudham |govardhanaṃ hṛṣīkeśaṃ vaikuṇṭhaṃ puruṣottamam || 3||

विश्वरूपं वासुदेवं रामं नारायणं हरिम् ।दामोदरं श्रीधरं च वेदाङ्गं गरुडध्वजम् ॥ ४॥

viśvarūpaṃ vāsudevaṃ rāmaṃ nārāyaṇaṃ harim |dāmodaraṃ śrīdharaṃ ca vedāṅgaṃ garuḍadhvajam || 4||

अनन्तं कृष्णगोपालं जपतो नास्ति पातकम् ।गवां कोटिप्रदानस्य अश्वमेधशतस्य च ॥ ५॥

anantaṃ kṛṣṇagopālaṃ japato nāsti pātakam |gavāṃ koṭipradānasya aśvamedhaśatasya ca || 5||

कन्यादानसहस्राणां फलं प्राप्नोति मानवः ।अमायां वा पौर्णमास्यामेकादश्यां तथैव च ॥ ६॥

kanyādānasahasrāṇāṃ phalaṃ prāpnoti mānavaḥ |amāyāṃ vā paurṇamāsyāmekādaśyāṃ tathaiva ca || 6||

सन्ध्याकाले स्मरेन्नित्यं प्रातःकाले तथैव च ।मध्याह्ने च जपन्नित्यं सर्वपापैः प्रमुच्यते ॥ ७॥

sandhyākāle smarennityaṃ prātaḥkāle tathaiva ca |madhyāhne ca japannityaṃ sarvapāpaiḥ pramucyate || 7||

। इति श्रीकृष्णार्जुनसंवादे श्रीविष्णोरष्टाविंशतिनामस्तोत्रं सम्पूर्णम् ।

| iti śrīkṛṣṇārjunasaṃvāde śrīviṣṇoraṣṭāviṃśatināmastotraṃ sampūrṇam |