सुब्रह्मण्याष्टकं १ अथवा सुब्रह्मण्यकरावलम्बस्तोत्रम् Shri Shubrahmanyashtakam Or Shrisubrahmanya Karavalambastotram

हे स्वामिनाथ\! करुणाकर दीनबन्धोश्रीपार्वतीशमुखपङ्कजपद्मबन्धो ।श्रीशादिदेवगणपूजितपादपद्मवल्लीशनाथ मम देहि करावलम्बम् ॥ १॥

he svāminātha\! karuṇākara dīnabandhośrīpārvatīśamukhapaṅkajapadmabandho |śrīśādidevagaṇapūjitapādapadmavallīśanātha mama dehi karāvalambam || 1||

देवाधिदेवसुत देवगणाधिनाथदेवेन्द्रवन्द्यमृदुपङ्कजमञ्जुपाद ।देवर्षिनारदमुनीन्द्रसुगीतकीर्तेवल्लीशनाथ मम देहि करावलम्बम् ॥ २॥

devādhidevasuta devagaṇādhināthadevendravandyamṛdupaṅkajamañjupāda |devarṣināradamunīndrasugītakīrtevallīśanātha mama dehi karāvalambam || 2||

नित्यान्नदाननिरताखिलरोगहारिन्भाग्यप्रदानपरिपूरितभक्तकाम ।शृत्यागमप्रणववाच्यनिजस्वरूपवल्लीशनाथ मम देहि करावलम्बम् ॥ ३॥

nityānnadānaniratākhilarogahārinbhāgyapradānaparipūritabhaktakāma |śṛtyāgamapraṇavavācyanijasvarūpavallīśanātha mama dehi karāvalambam || 3||

क्रौञ्चासुरेन्द्रपरिखण्डन शक्तिशूलचापादिशस्त्रपरिमण्डितदिव्यपाणे । वर् पाशादिशस्त्रश्रीकुण्डलीशधरतुण्डशिखीन्द्रवाह वर् धृततुण्डवल्लीशनाथ मम देहि करावलम्बम् ॥ ४॥

krauñcāsurendraparikhaṇḍana śaktiśūlacāpādiśastraparimaṇḍitadivyapāṇe | var pāśādiśastraśrīkuṇḍalīśadharatuṇḍaśikhīndravāha var dhṛtatuṇḍavallīśanātha mama dehi karāvalambam || 4||

देवाधिदेवरथमण्डलमध्यवेऽद्यदेवेन्द्रपीठनकरं दृढचापहस्तम् ।शूरं निहत्य सुरकोटिभिरीड्यमानवल्लीशनाथ मम देहि करावलम्बम् ॥ ५॥

devādhidevarathamaṇḍalamadhyave'dyadevendrapīṭhanakaraṃ dṛḍhacāpahastam |śūraṃ nihatya surakoṭibhirīḍyamānavallīśanātha mama dehi karāvalambam || 5||

हारादिरत्नमणियुक्तकिरीटहारकेयूरकुण्डललसत्कवचाभिरामम् ।हे वीर तारकजयामरवृन्दवन्द्यवल्लीशनाथ मम देहि करावलम्बम् ॥ ६॥

hārādiratnamaṇiyuktakirīṭahārakeyūrakuṇḍalalasatkavacābhirāmam |he vīra tārakajayāmaravṛndavandyavallīśanātha mama dehi karāvalambam || 6||

पञ्चाक्षरादिमनुमन्त्रितगाङ्गतोयैःपञ्चामृतैः प्रमुदितेन्द्रमुखैर्मुनीन्द्रैः ।पट्टाभिषिक्तहरियुक्त परासनाथवल्लीशनाथ मम देहि करावलम्बम् ॥ ७॥

pañcākṣarādimanumantritagāṅgatoyaiḥpañcāmṛtaiḥ pramuditendramukhairmunīndraiḥ |paṭṭābhiṣiktahariyukta parāsanāthavallīśanātha mama dehi karāvalambam || 7||

श्रीकार्तिकेय करुणामृतपूर्णदृष्ट्याकामादिरोगकलुषीकृतदुष्टचित्तम् ।सिक्त्वा तु मामव कलाधरकान्तिकान्त्यावल्लीशनाथ मम देहि करावलम्बम् ॥ ८॥

śrīkārtikeya karuṇāmṛtapūrṇadṛṣṭyākāmādirogakaluṣīkṛtaduṣṭacittam |siktvā tu māmava kalādharakāntikāntyāvallīśanātha mama dehi karāvalambam || 8||

सुब्रह्मण्याष्टकं पुण्यं ये पठन्ति द्विजोत्तमाः ।ते सर्वे मुक्तिमायान्ति सुब्रह्मण्यप्रसादतः ॥सुब्रह्मण्याष्टकमिदं प्रातरुत्थाय यः पठेत् ।कोटिजन्मकृतं पापं तत्क्षणादेव नश्यति ॥॥ इति श्रीसुब्रह्मण्याष्टकं अथवाश्रीसुब्रह्मण्य करावलम्बस्तोत्रं सम्पूर्णम् ॥ग्रन्थनिधि

subrahmaṇyāṣṭakaṃ puṇyaṃ ye paṭhanti dvijottamāḥ |te sarve muktimāyānti subrahmaṇyaprasādataḥ ||subrahmaṇyāṣṭakamidaṃ prātarutthāya yaḥ paṭhet |koṭijanmakṛtaṃ pāpaṃ tatkṣaṇādeva naśyati |||| iti śrīsubrahmaṇyāṣṭakaṃ athavāśrīsubrahmaṇya karāvalambastotraṃ sampūrṇam ||granthanidhi