वीरभद्रदण्डकम् १ Shri Virabhadra Dandakam 1

श्री भद्र । भद्राम्बिकाप्राणनाथा । सुरारातिभङ्गा । प्रभो ।रुद्र । रौद्रावतारा । सुनासीर मुख्यामरानेक सम्भावितानल्पसुश्लोकचारित्र । कोट्यर्कसङ्काश देदीप्यमानप्रभा । दिव्यगात्राशिवा । पालिताशेषब्रह्माण्डभाण्डोदरा । मेरुधीरा । विराड्रूप ।वाराशिगम्भीर । सौजन्यरत्नाकरा । वारिदश्याम । नारायणध्येयमौनीन्द्रचित्ताब्जभृङ्गा । सुरारातिभङ्गा । महोदार ।भक्तौघकल्पद्रुमा । शिष्टरक्षा । प्रशस्तप्रतापोज्ज्वला ।श्रीकरा । भीकरा । भीकरालोक । चूर्णीकृतार्येषु दोर्दण्ड पाण्डित्यसंरम्भणोल्लास । राजत्कराम्भोज विन्यस्त खड्गत्रिशूलादिनानायुधा ।भण्डनाचार्य । रुद्राक्षमालालसद्देह । रत्नाञ्चितानर्घ सौवर्णकेयूर भास्वत् किरीटोत्तमाङ्गा । त्रिपुण्ड्राङ्क सर्वाङ्गसंशोभिताचन्द्रकोटीर । हेमाम्बराडम्बरा । दैवचूडामणी । सन्तताखण्ड ।दीर्घायुरारोग्यसौभाग्यसिद्धिप्रदा । देव । तापत्रयध्वान्तभानू ।वियत्केश । मृत्युञ्जया । दीनचिन्तामणी । सर्वलोकेश । लोकात्म ।लोकस्वरूपा । महायज्ञविध्वंसनाध्यक्ष । दाक्षायणीपुत्र ।अक्षीणपुण्या । विभो । वीरभद्रा । महाकालरुद्रा । कृपामुद्र ।मां पाहि दीनबन्धो । दयावारिराशी । लसच्चित्रभूषा ।महादिव्यवेषा । हरा । भक्तपोषा । दयावार्थि । वीरेश्वरा ।नित्यकल्याणसन्धानधौरेय । पापाटवी कील दावानला ।पुण्यमूर्ते । नमस्ते नमस्ते नमस्ते नमः ॥

śrī bhadra | bhadrāmbikāprāṇanāthā | surārātibhaṅgā | prabho |rudra | raudrāvatārā | sunāsīra mukhyāmarāneka sambhāvitānalpasuślokacāritra | koṭyarkasaṅkāśa dedīpyamānaprabhā | divyagātrāśivā | pālitāśeṣabrahmāṇḍabhāṇḍodarā | merudhīrā | virāḍrūpa |vārāśigambhīra | saujanyaratnākarā | vāridaśyāma | nārāyaṇadhyeyamaunīndracittābjabhṛṅgā | surārātibhaṅgā | mahodāra |bhaktaughakalpadrumā | śiṣṭarakṣā | praśastapratāpojjvalā |śrīkarā | bhīkarā | bhīkarāloka | cūrṇīkṛtāryeṣu dordaṇḍa pāṇḍityasaṃrambhaṇollāsa | rājatkarāmbhoja vinyasta khaḍgatriśūlādinānāyudhā |bhaṇḍanācārya | rudrākṣamālālasaddeha | ratnāñcitānargha sauvarṇakeyūra bhāsvat kirīṭottamāṅgā | tripuṇḍrāṅka sarvāṅgasaṃśobhitācandrakoṭīra | hemāmbarāḍambarā | daivacūḍāmaṇī | santatākhaṇḍa |dīrghāyurārogyasaubhāgyasiddhipradā | deva | tāpatrayadhvāntabhānū |viyatkeśa | mṛtyuñjayā | dīnacintāmaṇī | sarvalokeśa | lokātma |lokasvarūpā | mahāyajñavidhvaṃsanādhyakṣa | dākṣāyaṇīputra |akṣīṇapuṇyā | vibho | vīrabhadrā | mahākālarudrā | kṛpāmudra |māṃ pāhi dīnabandho | dayāvārirāśī | lasaccitrabhūṣā |mahādivyaveṣā | harā | bhaktapoṣā | dayāvārthi | vīreśvarā |nityakalyāṇasandhānadhaureya | pāpāṭavī kīla dāvānalā |puṇyamūrte | namaste namaste namaste namaḥ ||

इति श्रीवीरभद्रदण्डकं सम्पूर्णम् ।

iti śrīvīrabhadradaṇḍakaṃ sampūrṇam |