त्यागेश-महारथोत्सव-वर्णनपर-श्लोक-पञ्चरत्नं Shri Tyagesha-Maharathotsava-Varnanapara-Shloka-Pancharatnam

दूरेत्या अपि कूपखानकनयाद्धूमानसो रोहणेसोढ्वा दोषमनेन शीघ्रमुपसम्प्राप्य स्थलं पावनम् ।नादर्शन्निह ये रथोत्सवमुमानाथस्य लक्ष्मीपुरेचक्षुष्मत्सु जना न कार्यगणनास्ते तत्फलालाभतः ॥ १॥

dūretyā api kūpakhānakanayāddhūmānaso rohaṇesoḍhvā doṣamanena śīghramupasamprāpya sthalaṃ pāvanam |nādarśanniha ye rathotsavamumānāthasya lakṣmīpurecakṣuṣmatsu janā na kāryagaṇanāste tatphalālābhataḥ || 1||

पुरा चापो भूत्वा पुरहरकराब्जोदरमगांभुजङ्गेन्द्राकृष्टः कुटिल इति मेऽथापि गुणिनः ।प्रथाऽऽसीदातस्तच्चरणनलिनं न्यस्य हृदयेश्रुतो धन्यः स्यामित्यजनि कनकाद्रिः शिवरथः ॥ २॥

purā cāpo bhūtvā puraharakarābjodaramagāṃbhujaṅgendrākṛṣṭaḥ kuṭila iti me'thāpi guṇinaḥ |prathā''sīdātastaccaraṇanalinaṃ nyasya hṛdayeśruto dhanyaḥ syāmityajani kanakādriḥ śivarathaḥ || 2||

भूमानन्दतनोर्महेश भवतो धामात्मकत्वादिवश्रीमानेष रथः स्वयं भवति ते प्रेमास्पदं प्राणिनाम् ।भौमानामविशेषतो रुचिभिदां सामान्यतस्तन्वतांसामाथर्वणऋग्यजुर्मयहयः सोमागुहेश प्रभो ॥ ३॥

bhūmānandatanormaheśa bhavato dhāmātmakatvādivaśrīmāneṣa rathaḥ svayaṃ bhavati te premāspadaṃ prāṇinām |bhaumānāmaviśeṣato rucibhidāṃ sāmānyatastanvatāṃsāmātharvaṇaṛgyajurmayahayaḥ somāguheśa prabho || 3||

अध्याससिद्धयदभेदवशेन देहंअत्यन्तहेयमिदमप्यधिकप्रियं नः ।वस्तुस्वभावरुचिरं यदि तेन किञ्चिद्अध्यासितं तदिह कस्य न हि प्रियं स्यात् ॥ ४॥

adhyāsasiddhayadabhedavaśena dehaṃatyantaheyamidamapyadhikapriyaṃ naḥ |vastusvabhāvaruciraṃ yadi tena kiñcidadhyāsitaṃ tadiha kasya na hi priyaṃ syāt || 4||

आकर्षोद्योगमात्रेऽप्यतिविरलनृणां द्रावयत्याशुगस्तान्भूयोभिर्भूरियत्नैर्भुवि मनुजगणैः कम्प्यते नो कथञ्चित् ।त्यागेश त्वद्रथोऽयं प्रथयति च ततः पारतन्त्र्यं परेषांस्वातन्त्र्यं च स्वतस्ते श्रुतिशतविदितं लौकिकानां गरीयान् ॥ ५॥

ākarṣodyogamātre'pyativiralanṛṇāṃ drāvayatyāśugastānbhūyobhirbhūriyatnairbhuvi manujagaṇaiḥ kampyate no kathañcit |tyāgeśa tvadratho'yaṃ prathayati ca tataḥ pāratantryaṃ pareṣāṃsvātantryaṃ ca svataste śrutiśataviditaṃ laukikānāṃ garīyān || 5||

इति त्यागराजमखि विरचितं श्रीत्यागेशमहारथोत्सववर्णनपरश्लोकपञ्चरत्नं सम्पूर्णम् ।आउथोर् ट्यगरज ंअखि (अल्सो क्नोव्न् अस् ंअन्नर्गुदि

iti tyāgarājamakhi viracitaṃ śrītyāgeśamahārathotsavavarṇanaparaślokapañcaratnaṃ sampūrṇam |āuthor ṭyagaraja ṃakhi (also knovn as ṃannargudi