शिवपूजासाधनानि ४ शिवार्चने घृतकम्बलार्पणोपदेशम् Rishi Agastyaproktam Shivapujasadhanani 4 Shivarchane Ghritakambalarpanopadesham

(शिवरहस्यान्तर्गते उग्राख्ये)विप्र उवाचकथं कुम्भज कर्तव्यं शिवाय घृतकम्बलम् ।तत्सर्वं वद सर्वज्ञ वेदशास्त्रविशारद ॥अगस्त्यः (उवाच)सितानामसितानां च गवामेव घृतं नवम् ।वस्त्रसंशोधितं ग्राह्यं प्रस्थं सार्धशतत्रयम् ॥शोधितेष्वेव पात्रेषु तत्प्रक्षिप्य घृतं नवम् ।रक्षणीयं प्रयत्नेन घनीभावावधिद्विज ॥माघे मासि ततः सायं पौर्णमास्यां निशामुखे ।अभिषिच्य ततो देयं घनीभूतं वृतं शिवे ॥ततो दीपादिकं दत्वा नैवेद्यं च प्रयत्नतः ।पुनर्धूपादिकं देयं पुनः पूजां प्रकल्पयेत् ॥पुराणवचनैः कार्यं ततो जागरणं निशि ।भोजनीयोस्ततः प्रातः शैवाः स्वादुरसायनैः ॥महाकम्बलमेतत्तु वृतस्य परिकीर्तितम् ।एतत्पूजा परापूजा नास्ति गौरीपतेद्विज ॥घृतकम्वलपूजा तु स्वस्वशक्त्याऽपि शक्तितः ।(स्वस्वशक्त्यनुसारतः)माघमासि प्रयत्नेन कर्तव्या मुक्तिकाङ्क्षिभिः ॥कम्बलार्धं तदर्धं वा तदर्धं वा प्रयत्नतः ।कर्तव्यं श्रीमहेशाय तनुं प्राप्य द्विजैद्विज ॥एवं यः कुरुते मर्त्यो महेशे घृतकम्बलम् ।स सर्वपापनिर्मुक्तः शिवलोकं गमिष्यति ॥यं यं कामयते कामं यः कृत्वा घृतकम्बलम् ।तं तं काममवाप्नोति स मोक्षमधिगच्छति ॥॥ इति शिवरहस्यान्तर्गते ऋषि अगस्त्यप्रोक्तं शिवपूजासाधनानि ४ शिवार्चने घृतकम्बलार्पणोपदेशं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २६ कुम्भघोणमहिमानुवर्णनम् । १८०१९०॥

(śivarahasyāntargate ugrākhye)vipra uvācakathaṃ kumbhaja kartavyaṃ śivāya ghṛtakambalam |tatsarvaṃ vada sarvajña vedaśāstraviśārada ||agastyaḥ (uvāca)sitānāmasitānāṃ ca gavāmeva ghṛtaṃ navam |vastrasaṃśodhitaṃ grāhyaṃ prasthaṃ sārdhaśatatrayam ||śodhiteṣveva pātreṣu tatprakṣipya ghṛtaṃ navam |rakṣaṇīyaṃ prayatnena ghanībhāvāvadhidvija ||māghe māsi tataḥ sāyaṃ paurṇamāsyāṃ niśāmukhe |abhiṣicya tato deyaṃ ghanībhūtaṃ vṛtaṃ śive ||tato dīpādikaṃ datvā naivedyaṃ ca prayatnataḥ |punardhūpādikaṃ deyaṃ punaḥ pūjāṃ prakalpayet ||purāṇavacanaiḥ kāryaṃ tato jāgaraṇaṃ niśi |bhojanīyostataḥ prātaḥ śaivāḥ svādurasāyanaiḥ ||mahākambalametattu vṛtasya parikīrtitam |etatpūjā parāpūjā nāsti gaurīpatedvija ||ghṛtakamvalapūjā tu svasvaśaktyā'pi śaktitaḥ |(svasvaśaktyanusārataḥ)māghamāsi prayatnena kartavyā muktikāṅkṣibhiḥ ||kambalārdhaṃ tadardhaṃ vā tadardhaṃ vā prayatnataḥ |kartavyaṃ śrīmaheśāya tanuṃ prāpya dvijaidvija ||evaṃ yaḥ kurute martyo maheśe ghṛtakambalam |sa sarvapāpanirmuktaḥ śivalokaṃ gamiṣyati ||yaṃ yaṃ kāmayate kāmaṃ yaḥ kṛtvā ghṛtakambalam |taṃ taṃ kāmamavāpnoti sa mokṣamadhigacchati |||| iti śivarahasyāntargate ṛṣi agastyaproktaṃ śivapūjāsādhanāni 4 śivārcane ghṛtakambalārpaṇopadeśaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 26 kumbhaghoṇamahimānuvarṇanam | 180190||

– ॥ श्रीशिवरहस्यम् ।उग्राख्यः सप्तमांशः ।अध्यायः २६ कुम्भघोणमहिमानुवर्णनम् ।१८०-१९०॥

– || śrīśivarahasyam |ugrākhyaḥ saptamāṃśaḥ |adhyāyaḥ 26 kumbhaghoṇamahimānuvarṇanam | 180-190||