पतञ्जलिनवकम् अथवा पतञ्जलिताण्डवस्तोत्रम् चिदम्बरनटनम्, नटराजस्तोत्रम्, चरण श‍ृङ्ग रहित Patanjali Navakam or Tandavastotram

चिदम्बरनटनम्, नटराजस्तोत्रम्, चरण शृङ्ग रहितसदञ्चितमुदञ्चितनिकुञ्चितपदं झलज्झलज्झलितमञ्जुकटकंपतञ्जलिदृगञ्जनमनञ्जनमचञ्चलपदं जननभञ्जनकरम् ।कदम्बरुचिमम्बरवसं परममम्बुदकदम्बकविडम्बकगलंचिदम्बुधिमणिं बुधहृदम्बुजरविं परचिदम्बरनटं हृदि भजे ॥ १॥

cidambaranaṭanam, naṭarājastotram, caraṇa śṛṅga rahitasadañcitamudañcitanikuñcitapadaṃ jhalajjhalajjhalitamañjukaṭakaṃpatañjalidṛgañjanamanañjanamacañcalapadaṃ jananabhañjanakaram |kadambarucimambaravasaṃ paramamambudakadambakaviḍambakagalaṃcidambudhimaṇiṃ budhahṛdambujaraviṃ paracidambaranaṭaṃ hṛdi bhaje || 1||

हरं त्रिपुरभञ्जनमनन्तकृतकङ्कणमखण्डदयमन्तरहितं (दयमन्दहसितं)विरिञ्चिसुरसंहतिपुरन्दरविचिन्तितपदं तरुणचन्द्रमकुटम् ।परम्पदविखण्डितयमं भसितमण्डिततनुं मदनवञ्चनपरं (मदनभञ्जनकरं)चिरन्तनममुं प्रणवसञ्चितनिधिं परचिदम्बरनटं हृदि भजे ॥ २॥

haraṃ tripurabhañjanamanantakṛtakaṅkaṇamakhaṇḍadayamantarahitaṃ (dayamandahasitaṃ)viriñcisurasaṃhatipurandaravicintitapadaṃ taruṇacandramakuṭam |parampadavikhaṇḍitayamaṃ bhasitamaṇḍitatanuṃ madanavañcanaparaṃ (madanabhañjanakaraṃ)cirantanamamuṃ praṇavasañcitanidhiṃ paracidambaranaṭaṃ hṛdi bhaje || 2||

अनन्तनवरत्नविलसत्कटककिङ्किणिझलज्झलज्झलज्झलरवंमुकुन्दविधिहस्तगतमद्दललयध्वनिधिमिद्धिमितनर्तनपदम् ।शकुन्तरथबर्हिरथदन्तिमुखनन्दिमुखभृङ्गीरिटिसङ्घनिकटंसनन्दसनकप्रमुखवन्दितपदं परचिदम्बरनटं हृदि भजे ॥ ३॥

anantanavaratnavilasatkaṭakakiṅkiṇijhalajjhalajjhalajjhalaravaṃmukundavidhihastagatamaddalalayadhvanidhimiddhimitanartanapadam |śakuntarathabarhirathadantimukhanandimukhabhṛṅgīriṭisaṅghanikaṭaṃsanandasanakapramukhavanditapadaṃ paracidambaranaṭaṃ hṛdi bhaje || 3||

अचिन्त्यमलिवृन्दरुचिबन्धुरगलमन्तकभुजङ्गविहङ्गमपतिंमुकुन्दसुरवृन्दबलहन्तृकृतवन्दनलसन्तमहिकुण्डलधरम् ।अकम्पमनुकम्पनरतिं गलनिषङ्गगरलं भवमदङ्गजहरिंपतञ्जलिनुतं प्रणतसञ्चितनिधिं परचिदम्बरनटं हृदि भजे ॥ ४॥

acintyamalivṛndarucibandhuragalamantakabhujaṅgavihaṅgamapatiṃmukundasuravṛndabalahantṛkṛtavandanalasantamahikuṇḍaladharam |akampamanukampanaratiṃ galaniṣaṅgagaralaṃ bhavamadaṅgajahariṃpatañjalinutaṃ praṇatasañcitanidhiṃ paracidambaranaṭaṃ hṛdi bhaje || 4||

अनन्तमहसं त्रिदशवन्द्यचरणं मुनिहृदन्तरवसन्तममलंकबन्धवियदिन्द्ववनिगन्धवहवह्निमखबन्धुरविमञ्जुवपुषम् ।अनन्तविभवं त्रिजगदन्तरमणिं त्रिनयनं त्रिपुरखण्डनपरंसनन्दमुनिवन्दितपदं सकरुणं परचिदम्बरनटं हृदि भजे ॥ ५॥

anantamahasaṃ tridaśavandyacaraṇaṃ munihṛdantaravasantamamalaṃkabandhaviyadindvavanigandhavahavahnimakhabandhuravimañjuvapuṣam |anantavibhavaṃ trijagadantaramaṇiṃ trinayanaṃ tripurakhaṇḍanaparaṃsanandamunivanditapadaṃ sakaruṇaṃ paracidambaranaṭaṃ hṛdi bhaje || 5||

अवन्तमखिलं त्रिजगदं भगणतुङ्गमवतंसितपदं सुरसरित्तरङ्गनिकुरम्बधृतिलम्पटजटं शमनडम्भसुहरं भवहरम् ।शिवं दशदिगन्तरविजृम्भितकरं करलसन्मृगशिशुं पशुपतिंहरं शशिधनञ्जयपतङ्गनयनं परचिदम्बरनटं हृदि भजे ॥ ६॥

avantamakhilaṃ trijagadaṃ bhagaṇatuṅgamavataṃsitapadaṃ surasarittaraṅganikurambadhṛtilampaṭajaṭaṃ śamanaḍambhasuharaṃ bhavaharam |śivaṃ daśadigantaravijṛmbhitakaraṃ karalasanmṛgaśiśuṃ paśupatiṃharaṃ śaśidhanañjayapataṅganayanaṃ paracidambaranaṭaṃ hṛdi bhaje || 6||

अनङ्गपरिपन्थिनमजं क्षितिधुरन्धरमलङ्कृतभुजङ्गमपतिंज्वलन्तमनलं दधतमन्तकरिपुं सततमिन्द्रसुरवन्दितपदम् ।शिवं करटिचर्मवसनं जलधिजन्मगरलं कबलयन्तमखिलंदृढं प्रणयकन्दमभयङ्करपदं परचिदम्बरनटं हृदि भजे ॥ ७॥

anaṅgaparipanthinamajaṃ kṣitidhurandharamalaṅkṛtabhujaṅgamapatiṃjvalantamanalaṃ dadhatamantakaripuṃ satatamindrasuravanditapadam |śivaṃ karaṭicarmavasanaṃ jaladhijanmagaralaṃ kabalayantamakhilaṃdṛḍhaṃ praṇayakandamabhayaṅkarapadaṃ paracidambaranaṭaṃ hṛdi bhaje || 7||

अजं क्षितिरथं भुजङ्गपुङ्गवगुणं कनकशृङ्गधनुषं करलसत्कुरङ्गपृथुटङ्गपरशुं रुचिरकुङ्कुमरुचिं डमरुकं च दधतम् ।मुकुन्दविशिखं प्रणतवृन्दफलदं निगमतुङ्गतुरगं निरुपमंसुगन्धितमहिं सपदि संहृतपुरं परचिदम्बरनटं हृदि भजे ॥ ८॥

ajaṃ kṣitirathaṃ bhujaṅgapuṅgavaguṇaṃ kanakaśṛṅgadhanuṣaṃ karalasatkuraṅgapṛthuṭaṅgaparaśuṃ rucirakuṅkumaruciṃ ḍamarukaṃ ca dadhatam |mukundaviśikhaṃ praṇatavṛndaphaladaṃ nigamatuṅgaturagaṃ nirupamaṃsugandhitamahiṃ sapadi saṃhṛtapuraṃ paracidambaranaṭaṃ hṛdi bhaje || 8||

अखण्डविधुमण्डलमुखं डमरुमण्डितकरं कनकमण्डपगृहंस्वदण्डतलमुण्डशशिकुण्डलितमण्डनपरं जलखण्डजटिलम् ।मृकण्डुसुतचण्डकरदण्डधरमुण्डनपदं भुजगकुण्डलधरंशिखण्डशशिखण्डमणिमण्डनपरं परचिदम्बरनटं हृदि भजे ॥ ९॥

akhaṇḍavidhumaṇḍalamukhaṃ ḍamarumaṇḍitakaraṃ kanakamaṇḍapagṛhaṃsvadaṇḍatalamuṇḍaśaśikuṇḍalitamaṇḍanaparaṃ jalakhaṇḍajaṭilam |mṛkaṇḍusutacaṇḍakaradaṇḍadharamuṇḍanapadaṃ bhujagakuṇḍaladharaṃśikhaṇḍaśaśikhaṇḍamaṇimaṇḍanaparaṃ paracidambaranaṭaṃ hṛdi bhaje || 9||

चिदम्बरनटस्तवमिदं पठति यः सततमन्तकरिपुप्रियतमंपरं सुकरशब्दलसदर्थबहुचित्ररुचिरं रसिकहृद्यममलम् ।स रञ्जयति शंभुममलं जगति सत्यनयनं नटपतिं चलतरंप्रपञ्चयति नित्यविभवं जयति पञ्चविशिखं व्रजति शङ्करपदम् ॥ १०॥

cidambaranaṭastavamidaṃ paṭhati yaḥ satatamantakaripupriyatamaṃparaṃ sukaraśabdalasadarthabahucitraruciraṃ rasikahṛdyamamalam |sa rañjayati śaṃbhumamalaṃ jagati satyanayanaṃ naṭapatiṃ calataraṃprapañcayati nityavibhavaṃ jayati pañcaviśikhaṃ vrajati śaṅkarapadam || 10||

इति पतञ्जलिनवकं अथवा पतञ्जलिताण्डवस्तोत्रं समाप्तम् ॥

iti patañjalinavakaṃ athavā patañjalitāṇḍavastotraṃ samāptam ||