शिवस्तोत्रम् (देवैः कृतं २२ स्कन्दपुराणान्तर्गतम् नमस्ते देवदेवेश भक्तानामभयप्रद) Devaih Kritam 22 Shiva Stotram

देवा ऊचुः ।नमस्ते देवदेवेश भक्तानामभयप्रद ।नमस्ते जगदाधार शशिराजितशेखर ॥ १\।३७॥त्वं यज्ञस्त्वं वषट्कारस्त्वमापस्त्वं मही विभो ।त्वया सृष्टमिदं सर्वं त्रैलोक्यं सचराचरम् ॥ १\।३८॥त्वं पासि च सुरश्रेष्ठ तथा नाशं नयिष्यसि ।त्वं विष्णुस्त्वं चतुर्वक्त्रस्त्वं चन्द्रस्त्वं दिवाकरः ॥ १\।३९॥त्वया विना महादेव न किञ्चिदिह विद्यते ।अपि कृत्वा महत्पापं नरो देव धरातले ॥ १\।४०॥तव नामापि सङ्कीर्त्य प्रयाति त्रिदिवालयम् ।महादेव महादेव महादेवेति कीर्तनात् ॥ १\।४१॥कोटयो ब्रह्महत्यानामगम्यागमकोटयः ।सद्यः प्रलयमायान्ति महादेवेति कीर्तनात् ॥ १\।४२॥विप्रो यथा मनुष्याणां नदीनां वा महार्णवः ।तथा त्वं सर्वदेवानामाधिपत्ये व्यवस्थितः ॥ १\।४३॥नक्षत्राणां यथा चन्द्रः प्रदीप्तानां दिवाकरः ।तथा त्वं सर्वदेवानामाधिपत्ये व्यवस्थितः ॥ १\।४४॥धातूनां काञ्चनं यद्वद्गन्धर्वाणां च नारदः ।तथा त्वं सर्वदेवानामाधिपत्ये व्यवस्थितः ॥ १\।४५॥ओषधीनां यथा सस्यं नगानां हेमपर्वतः ।तथा त्वं सर्वदेवानामाधिपत्ये व्यवस्थितः ॥ १\।४६॥तस्मात्कुरु प्रसादं नः सर्वेषां च नृणां विभो ।सन्धारय पुनर्लिङ्गं स्वकीयं सुरसत्तम ॥ १\।४७॥नोचेज्जगत्त्रयं देव नूनं नाशममुपेष्यति ।यद्येतद्भूतले लिङ्गं पतति स्थास्यति प्रभो ॥ १\।४८॥

devā ūcuḥ |namaste devadeveśa bhaktānāmabhayaprada |namaste jagadādhāra śaśirājitaśekhara || 1\|37||tvaṃ yajñastvaṃ vaṣaṭkārastvamāpastvaṃ mahī vibho |tvayā sṛṣṭamidaṃ sarvaṃ trailokyaṃ sacarācaram || 1\|38||tvaṃ pāsi ca suraśreṣṭha tathā nāśaṃ nayiṣyasi |tvaṃ viṣṇustvaṃ caturvaktrastvaṃ candrastvaṃ divākaraḥ || 1\|39||tvayā vinā mahādeva na kiñcidiha vidyate |api kṛtvā mahatpāpaṃ naro deva dharātale || 1\|40||tava nāmāpi saṅkīrtya prayāti tridivālayam |mahādeva mahādeva mahādeveti kīrtanāt || 1\|41||koṭayo brahmahatyānāmagamyāgamakoṭayaḥ |sadyaḥ pralayamāyānti mahādeveti kīrtanāt || 1\|42||vipro yathā manuṣyāṇāṃ nadīnāṃ vā mahārṇavaḥ |tathā tvaṃ sarvadevānāmādhipatye vyavasthitaḥ || 1\|43||nakṣatrāṇāṃ yathā candraḥ pradīptānāṃ divākaraḥ |tathā tvaṃ sarvadevānāmādhipatye vyavasthitaḥ || 1\|44||dhātūnāṃ kāñcanaṃ yadvadgandharvāṇāṃ ca nāradaḥ |tathā tvaṃ sarvadevānāmādhipatye vyavasthitaḥ || 1\|45||oṣadhīnāṃ yathā sasyaṃ nagānāṃ hemaparvataḥ |tathā tvaṃ sarvadevānāmādhipatye vyavasthitaḥ || 1\|46||tasmātkuru prasādaṃ naḥ sarveṣāṃ ca nṛṇāṃ vibho |sandhāraya punarliṅgaṃ svakīyaṃ surasattama || 1\|47||nocejjagattrayaṃ deva nūnaṃ nāśamamupeṣyati |yadyetadbhūtale liṅgaṃ patati sthāsyati prabho || 1\|48||

इति श्रीस्कन्दपुराणे नागरखण्डे प्रथमाध्यायान्तर्गतंदेवैः कृतं शिवस्तोत्रं समाप्तम् ।

iti śrīskandapurāṇe nāgarakhaṇḍe prathamādhyāyāntargataṃdevaiḥ kṛtaṃ śivastotraṃ samāptam |

स्कन्दपुराण । नागरखण्ड । अध्याय १/३७४८॥

skandapurāṇa | nāgarakhaṇḍa | adhyāya 1/3748||

स्कन्दपुराण । नागरखण्ड । अध्याय १/३७-४८॥

skandapurāṇa | nāgarakhaṇḍa | adhyāya 1/37-48||