शिवस्तोत्रम् (देवैः कृतं १६ शिवपुराणान्तर्गतम् त्वमेव देवाखिललोककर्ता पाता च हर्ता परमेश्वरोऽसि) Devaih Kritam 16 Shiva Stotram

देवा ऊचुः ।त्वमेव देवाखिललोककर्ता पाता च हर्ता परमेश्वरोऽसि ॥ २०॥

devā ūcuḥ |tvameva devākhilalokakartā pātā ca hartā parameśvaro'si || 20||

कविष्णुरुद्राख्यस्वरूपभेदै रजस्तमस्सत्त्वधृतात्ममूर्ते ॥ २०॥

kaviṣṇurudrākhyasvarūpabhedai rajastamassattvadhṛtātmamūrte || 20||

सर्वमूर्ते नमस्तेऽस्तु विश्वभावन पावन ॥ २१॥

sarvamūrte namaste'stu viśvabhāvana pāvana || 21||

अमूर्ते भक्तहेतोर्हि गृहीताकृतिसौख्यद ॥ २१॥

amūrte bhaktahetorhi gṛhītākṛtisaukhyada || 21||

चन्द्रोऽगदो हि देवेश कृपातस्तव शङ्कर ॥ २२॥

candro'gado hi deveśa kṛpātastava śaṅkara || 22||

निमज्जनान्मृतः प्राप सुखं मिहिरजाजलिः ॥ २२॥

nimajjanānmṛtaḥ prāpa sukhaṃ mihirajājaliḥ || 22||

सीमन्तिनी हतधवा तव पूजनतः प्रभो ॥ २३॥

sīmantinī hatadhavā tava pūjanataḥ prabho || 23||

सौभाग्यमतुलं प्राप सोमवारव्रतात्सुतान् ॥ २३॥

saubhāgyamatulaṃ prāpa somavāravratātsutān || 23||

श्रीकराय ददौ देवः स्वीयं पदमनुत्तमम् ॥ २४॥

śrīkarāya dadau devaḥ svīyaṃ padamanuttamam || 24||

सुदर्शनमरक्षस्त्वं नृपमण्डलभीतितः ॥ २४॥

sudarśanamarakṣastvaṃ nṛpamaṇḍalabhītitaḥ || 24||

मेदुरं तारयामास सदारं च घृणानिधिः ॥ २५॥

meduraṃ tārayāmāsa sadāraṃ ca ghṛṇānidhiḥ || 25||

शारदां विधवां चक्रे सधवां क्रियया भवान् ॥ २५॥

śāradāṃ vidhavāṃ cakre sadhavāṃ kriyayā bhavān || 25||

भद्रायुषो विपत्तिं च विच्छिद्य त्वमदाः सुखम् ॥ २६॥

bhadrāyuṣo vipattiṃ ca vicchidya tvamadāḥ sukham || 26||

सौमिनी भवबन्धाद्वै मुक्ताऽभूत्तव सेवनात् ॥ २६॥

sauminī bhavabandhādvai muktā'bhūttava sevanāt || 26||

विष्णुरुवाच ।त्वं शम्भो कहरीशाश्च रजस्सत्त्वतमोगुणैः ॥ २७॥

viṣṇuruvāca |tvaṃ śambho kaharīśāśca rajassattvatamoguṇaiḥ || 27||

कर्ता पाता तथा हर्ता जनानुग्रहकाङ्क्षया ॥ २७॥

kartā pātā tathā hartā janānugrahakāṅkṣayā || 27||

सर्वगर्वापहारी च सर्वतेजोविलासकः ॥ २८॥

sarvagarvāpahārī ca sarvatejovilāsakaḥ || 28||

सर्वविद्यादिगूढश्च सर्वानुग्रहकारकः ॥ २८॥

sarvavidyādigūḍhaśca sarvānugrahakārakaḥ || 28||

त्वत्तः सर्वं च त्वं सर्वं त्वयि सर्वं गिरीश्वर ॥ २९॥

tvattaḥ sarvaṃ ca tvaṃ sarvaṃ tvayi sarvaṃ girīśvara || 29||

त्राहि त्राहि पुनस्त्राहि कृपां कुरु ममोपरि ॥ २९॥

trāhi trāhi punastrāhi kṛpāṃ kuru mamopari || 29||

अथास्मिन्नन्तरे ब्रह्मा प्रणिपत्य कृताञ्जलिः ॥ ३०॥

athāsminnantare brahmā praṇipatya kṛtāñjaliḥ || 30||

एवं त्ववसरं प्राप्य व्यज्ञापयत शूलिने ॥ ३०॥

evaṃ tvavasaraṃ prāpya vyajñāpayata śūline || 30||

ब्रह्मोवाच ।जय देव महादेव प्रणतार्तिविभञ्जन ॥ ३१॥

brahmovāca |jaya deva mahādeva praṇatārtivibhañjana || 31||

ईदृशेष्वपराधेषु कोऽन्यस्त्वत्तः प्रसीदति ॥ ३१॥

īdṛśeṣvaparādheṣu ko'nyastvattaḥ prasīdati || 31||

लब्धमानो भविष्यन्ति ये पुरा निहिता मृधे ॥ ३२॥

labdhamāno bhaviṣyanti ye purā nihitā mṛdhe || 32||

प्रत्यापत्तिर्न कस्य स्यात्प्रसन्ने परमेश्वरे ॥ ३२॥

pratyāpattirna kasya syātprasanne parameśvare || 32||

यदिदं देवदेवानां कृतमन्तुषु दूषणम् ॥ ३३॥

yadidaṃ devadevānāṃ kṛtamantuṣu dūṣaṇam || 33||

तदिदं भूषणं मन्ये त अङ्गीकारगौरवात् ॥ ३३॥

tadidaṃ bhūṣaṇaṃ manye ta aṅgīkāragauravāt || 33||

इति शिवपुराणे वायवीयसंहितायां पूर्वखण्डे त्रयोविंशाध्यायान्तर्गतंदेवैः कृतं शिवस्तोत्रं समाप्तम् ।शिवपुराण । वायवीयसंहिता । पूर्वभाग १ । अध्याय २३/२०३३॥शिवपुराण । वायवीयसंहिता । पूर्वभाग १ । अध्याय २३/२०-३३॥

iti śivapurāṇe vāyavīyasaṃhitāyāṃ pūrvakhaṇḍe trayoviṃśādhyāyāntargataṃdevaiḥ kṛtaṃ śivastotraṃ samāptam |śivapurāṇa | vāyavīyasaṃhitā | pūrvabhāga 1 | adhyāya 23/2033||śivapurāṇa | vāyavīyasaṃhitā | pūrvabhāga 1 | adhyāya 23/20-33||