शिवकवचम् ब्रह्माण्डविजयम् Brahmandavijaya Shrishivakavacham

नारद उवाचशिवस्य कवचं ब्रूहि मत्स्य राजेन यद्धृतम् ।नारायण महाभाग श्रोतुं कौतूहलं मम ॥ १॥

nārada uvācaśivasya kavacaṃ brūhi matsya rājena yaddhṛtam |nārāyaṇa mahābhāga śrotuṃ kautūhalaṃ mama || 1||

श्रीनारायण उवाचकवचं शृणु विप्रेन्द्र शङ्करस्य महात्मनः ।ब्रह्माण्ड विजयं नाम सर्वाऽवयव रक्षणम् ॥ २॥

śrīnārāyaṇa uvācakavacaṃ śṛṇu viprendra śaṅkarasya mahātmanaḥ |brahmāṇḍa vijayaṃ nāma sarvā'vayava rakṣaṇam || 2||

पुरा दुर्वाससा दत्तं मत्स्यस्य राजाय धीमते ।दत्वा षडक्षरं मन्त्रं सर्व पाप प्रणाशनम् ॥ ३॥

purā durvāsasā dattaṃ matsyasya rājāya dhīmate |datvā ṣaḍakṣaraṃ mantraṃ sarva pāpa praṇāśanam || 3||

स्थिते च कवचे देहे नास्ति मृत्युश्च जीविनाम् ।अस्त्रेशस्त्रेजलेवह्नौ सिद्धिश्चेन्नास्ति संशयः ॥ ४॥

sthite ca kavace dehe nāsti mṛtyuśca jīvinām |astreśastrejalevahnau siddhiścennāsti saṃśayaḥ || 4||

यद्।ह्धृत्वा पठनात् बाणः शिवत्वं प्रापलीलया ।बभूव शिवतुल्यश्च यद्।ह्धृत्वा नन्दिकेश्वरः ॥ ५॥

yad|hdhṛtvā paṭhanāt bāṇaḥ śivatvaṃ prāpalīlayā |babhūva śivatulyaśca yad|hdhṛtvā nandikeśvaraḥ || 5||

वीरश्रेष्ठो वीरभद्रो साम्बोऽभूद् धारणाद्यतः ।त्रैलोक्य विजयी राजा हिरण्यकशिपुः स्वयम् ॥ ६॥

vīraśreṣṭho vīrabhadro sāmbo'bhūd dhāraṇādyataḥ |trailokya vijayī rājā hiraṇyakaśipuḥ svayam || 6||

हिरण्याक्षश्च विजयी चाऽभवद् धारणाद्धि सः ।यद्।ह्धृत्वा पठनात् सिद्धो दुर्वासा विश्व पूजितः ॥ ७॥

hiraṇyākṣaśca vijayī cā'bhavad dhāraṇāddhi saḥ |yad|hdhṛtvā paṭhanāt siddho durvāsā viśva pūjitaḥ || 7||

जैगीषव्यो महायोगी पठनाद् धारणाद्यतः ।यद्धृत्वा वामदेवश्च देवलः पवनः स्वयम् ॥ ८॥

jaigīṣavyo mahāyogī paṭhanād dhāraṇādyataḥ |yaddhṛtvā vāmadevaśca devalaḥ pavanaḥ svayam || 8||

अगस्त्यश्च पुलस्त्यश्चाऽभवत् विश्वपूजितः ॥ ९॥

agastyaśca pulastyaścā'bhavat viśvapūjitaḥ || 9||

॥ श्रीशिवकवचम् ॥ॐ नमः शिवायेति च मस्तकं मे सदाऽवतु ।ॐ नमः शिवायेति च स्वाहा भालं सदाऽवतु ॥ १॥

|| śrīśivakavacam ||oṃ namaḥ śivāyeti ca mastakaṃ me sadā'vatu |oṃ namaḥ śivāyeti ca svāhā bhālaṃ sadā'vatu || 1||

ॐ ह्रीं श्रीं क्लीं शिवायेति स्वाहा नेत्रे सदाऽवतु ।ॐ ह्रीं क्लीं हूं शिवायेति नमो मे पातु नासिकाम् ॥ २॥

oṃ hrīṃ śrīṃ klīṃ śivāyeti svāhā netre sadā'vatu |oṃ hrīṃ klīṃ hūṃ śivāyeti namo me pātu nāsikām || 2||

ॐ नमः शिवाय शान्ताय स्वाहा कण्ठं सदाऽवतु ।ॐ ह्रीं श्रीं हूं संसार कर्त्रे स्वाहा कर्णौ सदावतु ॥ ३॥

oṃ namaḥ śivāya śāntāya svāhā kaṇṭhaṃ sadā'vatu |oṃ hrīṃ śrīṃ hūṃ saṃsāra kartre svāhā karṇau sadāvatu || 3||

ॐ ह्रीं श्रीं पञ्चवक्त्राय स्वाहा दन्तं सदावतु ।ॐ ह्रीं महेशाय स्वाहा चाऽधरं पातु मे सदा ॥ ४॥

oṃ hrīṃ śrīṃ pañcavaktrāya svāhā dantaṃ sadāvatu |oṃ hrīṃ maheśāya svāhā cā'dharaṃ pātu me sadā || 4||

ॐ ह्रीं श्रीं क्लीं त्रिनेत्राय स्वाहा केशान् सदाऽवतु ।ॐ ह्रीं ऐं महादेवाय स्वाहा वक्षः सदाऽवतु ॥ ५॥

oṃ hrīṃ śrīṃ klīṃ trinetrāya svāhā keśān sadā'vatu |oṃ hrīṃ aiṃ mahādevāya svāhā vakṣaḥ sadā'vatu || 5||

ॐ ह्रीं श्रीं क्लीं मे रुद्राय स्वाहा नाभिं सदाऽवतु ।ॐ ह्रीं ऐं श्रीं श्रीं ईश्वराय स्वाहा पृष्ठं सदाऽवतु ॥ ६॥

oṃ hrīṃ śrīṃ klīṃ me rudrāya svāhā nābhiṃ sadā'vatu |oṃ hrīṃ aiṃ śrīṃ śrīṃ īśvarāya svāhā pṛṣṭhaṃ sadā'vatu || 6||

ॐ ह्रीं क्लीं मृतुञ्जयाय स्वाहा भ्रुवौ सदाऽवतु ।ॐ ह्रीं श्रीं क्लीं ईशानाय स्वाहा पार्श्वं सदाऽवतु ॥ ७॥

oṃ hrīṃ klīṃ mṛtuñjayāya svāhā bhruvau sadā'vatu |oṃ hrīṃ śrīṃ klīṃ īśānāya svāhā pārśvaṃ sadā'vatu || 7||

ॐ ह्रीं ईश्वराय स्वाहा चोदरं पातु मे सदा ।ॐ श्रीं ह्रीं मृत्युञ्जयाय स्वाहा बाहू सदाऽवतु ॥ ८॥

oṃ hrīṃ īśvarāya svāhā codaraṃ pātu me sadā |oṃ śrīṃ hrīṃ mṛtyuñjayāya svāhā bāhū sadā'vatu || 8||

ॐ ह्रीं श्रीं क्लीं ईश्वराय स्वाहा पातु करौ मम ।ॐ महेश्वराय रुद्राय नितम्बं पातु मे सदा ॥ ९॥

oṃ hrīṃ śrīṃ klīṃ īśvarāya svāhā pātu karau mama |oṃ maheśvarāya rudrāya nitambaṃ pātu me sadā || 9||

ॐ ह्रीं श्रीं भूतनाथाय स्वाहा पादौ सदाऽवतु ।ॐ सर्वेश्वराय शर्वाय स्वाहा पादौ सदाऽवतु ॥ १०॥

oṃ hrīṃ śrīṃ bhūtanāthāya svāhā pādau sadā'vatu |oṃ sarveśvarāya śarvāya svāhā pādau sadā'vatu || 10||

प्राच्यां मां पातु भूतेशः आग्नेय्यां पातु शङ्करः ।दक्षिणे पातु मां रुद्रो नैरृत्यां स्थाणुरेव च ॥ ११॥

prācyāṃ māṃ pātu bhūteśaḥ āgneyyāṃ pātu śaṅkaraḥ |dakṣiṇe pātu māṃ rudro nairṛtyāṃ sthāṇureva ca || 11||

पश्चिमे खण्डपरशुर्वायव्यां चन्द्रशेखरः ।उत्तरे गिरिशः पातु चैशान्यां ईश्वरः स्वयम् ॥ १२॥

paścime khaṇḍaparaśurvāyavyāṃ candraśekharaḥ |uttare giriśaḥ pātu caiśānyāṃ īśvaraḥ svayam || 12||

ऊर्ध्वे मृडः सदा पातु चाऽधो मृत्युञ्जयः स्वयम् ।जले स्थले चाऽन्तरिक्षे स्वप्ने जागरणे सदा ॥ १३॥

ūrdhve mṛḍaḥ sadā pātu cā'dho mṛtyuñjayaḥ svayam |jale sthale cā'ntarikṣe svapne jāgaraṇe sadā || 13||

पिनाकी पातु मां प्रीत्या भक्तं वै भक्तवत्सलः ॥ १४॥

pinākī pātu māṃ prītyā bhaktaṃ vai bhaktavatsalaḥ || 14||

॥ फलश्रुतिः ॥इति ते कथितं वत्स कवचं परमाऽद्भुतम् ॥ १५॥

|| phalaśrutiḥ ||iti te kathitaṃ vatsa kavacaṃ paramā'dbhutam || 15||

दश लक्ष जपेनैव सिद्धिर्भवति निश्चितम् ।यदि स्यात् सिद्ध कवचो रुद्र तुल्यो भवेद् ध्रुवम् ॥ १६॥

daśa lakṣa japenaiva siddhirbhavati niścitam |yadi syāt siddha kavaco rudra tulyo bhaved dhruvam || 16||

तव स्नेहान् मयाऽऽख्यातं प्रवक्तव्यं न कस्यचित् ।कवचं काण्व शाखोक्तं अतिगोप्यं सुदुर्लभम् ॥ १७॥

tava snehān mayā''khyātaṃ pravaktavyaṃ na kasyacit |kavacaṃ kāṇva śākhoktaṃ atigopyaṃ sudurlabham || 17||

अश्वमेध सहस्राणि राजसूय शतानि च ।सर्वाणि कवचस्यास्य फलं नार्हन्ति षोडशीम् ॥ १८॥

aśvamedha sahasrāṇi rājasūya śatāni ca |sarvāṇi kavacasyāsya phalaṃ nārhanti ṣoḍaśīm || 18||

कवचस्य प्रसादेन जीवन्मुक्तो भवेन्नरः ।सर्वज्ञः सर्वसिद्धेशो मनोयायी भवेद् ध्रुवम् ॥ १९॥

kavacasya prasādena jīvanmukto bhavennaraḥ |sarvajñaḥ sarvasiddheśo manoyāyī bhaved dhruvam || 19||

इदं कवचं अज्ञात्वा भवेत् यः शङ्करप्रभुम् ।शतलक्षं प्रजप्तोऽपि न मन्त्रः सिद्धिदायकः ॥ २०॥

idaṃ kavacaṃ ajñātvā bhavet yaḥ śaṅkaraprabhum |śatalakṣaṃ prajapto'pi na mantraḥ siddhidāyakaḥ || 20||

॥ इति श्रीब्रह्मवैवर्ते पुराणे गणपतिखण्डेब्रह्माण्डविजयी नाम श्रीशङ्करकवचस्तोत्रं सम्पूर्णम् ॥ब्रह्माण्डविजय श्रीशिवकवचम्ब्रह्मवैवर्तपुराण । गणपतिखण्ड । अध्याय ३५/१२११३९॥ब्रह्मवैवर्तपुराण । गणपतिखण्ड । अध्याय ३५/१२१-१३९॥अहन्यहनि भूतानि गच्छन्तीह यमालयम् ।शेषाः स्थावारमिच्छन्ति किमाश्चर्यमतः परम् ॥कर्माणि दुःखोदर्काणि कुर्वन्देहेन तैहि पुनः ।देहमाभजते तत्र किं सुखं मर्त्यधर्मिणः ॥ (२९)लोकानां लोकपालानां मद्भयं कल्पजीविनाम् ।ब्रह्मणोऽपि भयं मत्तः द्विपरार्धपरायुषः ॥ (३०)।अभीतिहेतोरनुवर्तनीयं नाथ त्वदन्यं न विभावयामि।भयं कुतः स्यात् त्वयि सानुकम्पे\, रक्षा कुतः स्यात् त्वयि जात रोषे ॥त्वयि रक्षति रक्षकैः किमन्यैः\, त्वयि चारक्षति रक्षकैः किमन्यैः\?गोमूत्रेण स्नापयित्वा पुनर्गोरजसार्भकम् ।रक्षां चक्रुश्च शकृता द्वादशाङ्गेषु नामभिः ॥ २०॥

|| iti śrībrahmavaivarte purāṇe gaṇapatikhaṇḍebrahmāṇḍavijayī nāma śrīśaṅkarakavacastotraṃ sampūrṇam ||brahmāṇḍavijaya śrīśivakavacambrahmavaivartapurāṇa | gaṇapatikhaṇḍa | adhyāya 35/121139||brahmavaivartapurāṇa | gaṇapatikhaṇḍa | adhyāya 35/121-139||ahanyahani bhūtāni gacchantīha yamālayam |śeṣāḥ sthāvāramicchanti kimāścaryamataḥ param ||karmāṇi duḥkhodarkāṇi kurvandehena taihi punaḥ |dehamābhajate tatra kiṃ sukhaṃ martyadharmiṇaḥ || (29)lokānāṃ lokapālānāṃ madbhayaṃ kalpajīvinām |brahmaṇo'pi bhayaṃ mattaḥ dviparārdhaparāyuṣaḥ || (30)|abhītihetoranuvartanīyaṃ nātha tvadanyaṃ na vibhāvayāmi|bhayaṃ kutaḥ syāt tvayi sānukampe\, rakṣā kutaḥ syāt tvayi jāta roṣe ||tvayi rakṣati rakṣakaiḥ kimanyaiḥ\, tvayi cārakṣati rakṣakaiḥ kimanyaiḥ\?gomūtreṇa snāpayitvā punargorajasārbhakam |rakṣāṃ cakruśca śakṛtā dvādaśāṅgeṣu nāmabhiḥ || 20||

ललाटे केशवं ध्यायेन्नारायाणमथोदरे ।वक्षःस्थले माधवं तु गोविन्दं कण्ठकूबरे ॥विष्णुं च दक्षिणे कुक्षौ बाहौ च मधुसूदनम् ।त्रिविक्रमं कन्धरे तु वामनं वामपार्श्वके ॥श्रीधरं वामबाहौ तु हृषीकेशं तु कन्धरे ।पृष्ठे तु पद्मनाभं च कट्यां दामोदरं न्यसेत् ॥गोप्यः संस्पृष्टसलिला अङ्गेषु करयोः पृथक्।न्यस्यात्मन्यथ बालस्य बीजन्यासमकुर्वत ॥ २१॥

lalāṭe keśavaṃ dhyāyennārāyāṇamathodare |vakṣaḥsthale mādhavaṃ tu govindaṃ kaṇṭhakūbare ||viṣṇuṃ ca dakṣiṇe kukṣau bāhau ca madhusūdanam |trivikramaṃ kandhare tu vāmanaṃ vāmapārśvake ||śrīdharaṃ vāmabāhau tu hṛṣīkeśaṃ tu kandhare |pṛṣṭhe tu padmanābhaṃ ca kaṭyāṃ dāmodaraṃ nyaset ||gopyaḥ saṃspṛṣṭasalilā aṅgeṣu karayoḥ pṛthak|nyasyātmanyatha bālasya bījanyāsamakurvata || 21||

अव्यादजोऽङ्घ्रि मणिमांस्तव जान्वथोरू यज्ञोऽच्युतः कटितटं जठरं हयास्यः ।हृत्केशवस्त्वदुर ईश इनस्तु कण्ठं विष्णुर्भुजं मुखमुरुक्रम ईश्वरः कम् ॥ २२॥

avyādajo'ṅghri maṇimāṃstava jānvathorū yajño'cyutaḥ kaṭitaṭaṃ jaṭharaṃ hayāsyaḥ |hṛtkeśavastvadura īśa inastu kaṇṭhaṃ viṣṇurbhujaṃ mukhamurukrama īśvaraḥ kam || 22||

चक्र्यग्रतः सहगदो हरिरस्तु पश्चात् त्वत्पार्श्वयोर्धनुरसी मधुहाजनश्च ।कोणेषु शङ्ख उरुगाय उपर्युपेन्द्रस्तार्क्ष्यः क्षितौ हलधरः पुरुषः समन्तात् ॥ २३॥

cakryagrataḥ sahagado harirastu paścāt tvatpārśvayordhanurasī madhuhājanaśca |koṇeṣu śaṅkha urugāya uparyupendrastārkṣyaḥ kṣitau haladharaḥ puruṣaḥ samantāt || 23||

इन्द्रियाणि हृषीकेशः प्राणान्नारायणोऽवतु ।श्वेतद्वीपपतिश्चित्तं मनो योगेश्वरोऽवतु ॥ २४॥

indriyāṇi hṛṣīkeśaḥ prāṇānnārāyaṇo'vatu |śvetadvīpapatiścittaṃ mano yogeśvaro'vatu || 24||

पृश्निगर्भस्तु ते बुद्धिमात्मानं भगवान्परः ।क्रीडन्तं पातु गोविन्दः शयानं पातु माधवः ॥ २५॥

pṛśnigarbhastu te buddhimātmānaṃ bhagavānparaḥ |krīḍantaṃ pātu govindaḥ śayānaṃ pātu mādhavaḥ || 25||

व्रजन्तमव्याद्वैकुण्ठ आसीनं त्वां श्रियः पतिः ।भुञ्जानं यज्ञभुक्पातु सर्वग्रहभयङ्करः ॥ २६॥

vrajantamavyādvaikuṇṭha āsīnaṃ tvāṃ śriyaḥ patiḥ |bhuñjānaṃ yajñabhukpātu sarvagrahabhayaṅkaraḥ || 26||

डाकिन्यो यातुधान्यश्च कुष्माण्डा येऽर्भकग्रहाः ।भूतप्रेतपिशाचाश्च यक्षरक्षोविनायकाः ॥ २७॥

ḍākinyo yātudhānyaśca kuṣmāṇḍā ye'rbhakagrahāḥ |bhūtapretapiśācāśca yakṣarakṣovināyakāḥ || 27||

कोटरा रेवती ज्येष्ठा पूतना मातृकादयः ।उन्मादा ये ह्यपस्मारा देहप्राणेन्द्रियद्रुहः ॥ २८॥

koṭarā revatī jyeṣṭhā pūtanā mātṛkādayaḥ |unmādā ye hyapasmārā dehaprāṇendriyadruhaḥ || 28||

स्वप्नदृष्टा महोत्पाता वृद्धा बालग्रहाश्च ये ।सर्वे नश्यन्तु ते विष्णोर्नामग्रहणभीरवः ॥ २९भयापहः भयं संसारजं पुंसामपघ्नन् भयापहः ।भयानि जलस्थलादिप्रयुक्तादीनि सर्वाण्यपहन्तीति भयापहा ।तथा च वायुपुराणे अरण्ये प्रान्तरे वापि जले वापि स्थलेऽपि वा ।व्याघ्रकुम्भीरचोरेभ्यो भयस्थाने विशेषतः ।आधिष्वपि च सर्वेषु देवीनामानि कीर्तयेद् इति ।कान्तारमध्यदृढलग्नतयाऽवसन्नामग्नाश्च वारिधिजले रिपुभिश्च रुद्धाः ।यस्याः प्रपद्य चरणौ विपदस्तत्रन्तिसा मे सदाऽस्तु हृदि सर्वजगत्सवित्री ॥ १२॥

svapnadṛṣṭā mahotpātā vṛddhā bālagrahāśca ye |sarve naśyantu te viṣṇornāmagrahaṇabhīravaḥ || 29bhayāpahaḥ bhayaṃ saṃsārajaṃ puṃsāmapaghnan bhayāpahaḥ |bhayāni jalasthalādiprayuktādīni sarvāṇyapahantīti bhayāpahā |tathā ca vāyupurāṇe araṇye prāntare vāpi jale vāpi sthale'pi vā |vyāghrakumbhīracorebhyo bhayasthāne viśeṣataḥ |ādhiṣvapi ca sarveṣu devīnāmāni kīrtayed iti |kāntāramadhyadṛḍhalagnatayā'vasannāmagnāśca vāridhijale ripubhiśca ruddhāḥ |yasyāḥ prapadya caraṇau vipadastatrantisā me sadā'stu hṛdi sarvajagatsavitrī || 12||

बन्धे वधे महति मृत्युभये प्रसक्तेवितक्षे च विविधे च महोपतापे ।यत्पादपूजनमिह प्रतिकारमाहुस्सा मे समस्तजननी शरणं भवानी ॥ १३॥

bandhe vadhe mahati mṛtyubhaye prasaktevitakṣe ca vividhe ca mahopatāpe |yatpādapūjanamiha pratikāramāhussā me samastajananī śaraṇaṃ bhavānī || 13||

करलग्नमृगः करीन्द्रभङ्गो घनशार्दूलविखण्डनोऽस्तजन्तुः ।गिरिशो विशदाकृतिश्च चेतःकुहरे पञ्चमुखोऽस्ति मे कुतो भीः\? ॥शृण्वतां स्वकथां कृष्णः पुण्यश्र्वणकीर्तनः ।हृद्यन्थःस्थो ह्यभद्राणि विधुनोति सुहृत्सताम् ॥॥ ॐ तत्सत् ॥

karalagnamṛgaḥ karīndrabhaṅgo ghanaśārdūlavikhaṇḍano'stajantuḥ |giriśo viśadākṛtiśca cetaḥkuhare pañcamukho'sti me kuto bhīḥ\? ||śṛṇvatāṃ svakathāṃ kṛṣṇaḥ puṇyaśrvaṇakīrtanaḥ |hṛdyanthaḥstho hyabhadrāṇi vidhunoti suhṛtsatām |||| oṃ tatsat ||