शिवस्तुतिः (भृङ्गीकृता शिवरहस्यान्तर्गता) Bhringikrita Shiva Stuti

शम्भो सङ्गतकामिनीनवसुधाग्युर्यमौर्वीधनोघेनूनाम्पतिवाहन प्रमथपाधीशान विश्वार्चित ।वैकुण्ठात्मजकुण्ठिनोरुसुशरापारव्यथां संहरशम्भो देव दयानिधे करुणया मां पाहि विश्वेश्वर ॥ १७॥

śambho saṅgatakāminīnavasudhāgyuryamaurvīdhanoghenūnāmpativāhana pramathapādhīśāna viśvārcita |vaikuṇṭhātmajakuṇṭhinorusuśarāpāravyathāṃ saṃharaśambho deva dayānidhe karuṇayā māṃ pāhi viśveśvara || 17||

पौलस्त्यात्मजवाहुतोलितमहाकैलासस्थितापारोद्वाहपरिश्रमार्तभुजभग्नार्तिस्तिवाम्रेडित ।स्वर्गगङ्गापतनोरुगर्वकुलिशाखर्वाकपर्दोल्लपल्लीक्षेवाशुधृताव्ययेश्वर महादेवाद्य मां पालय ॥ १८॥

paulastyātmajavāhutolitamahākailāsasthitāpārodvāhapariśramārtabhujabhagnārtistivāmreḍita |svargagaṅgāpatanorugarvakuliśākharvākapardollapallīkṣevāśudhṛtāvyayeśvara mahādevādya māṃ pālaya || 18||

भूमि स्यन्दनवाहने (मौर्वीमूर्ध्नि रथः) सुनिहिता वेदाश्च ते वाजिनोमौर्वी ते धनुकुध्रको शरवरो भूमेः सुतानायकः ।सूर्येन्दू रथकर्षणाङ्कगयुतौ यन्ता स्वयं ते विधिःलक्ष्यं ते त्रिपुरं तथापि यमिनां चित्ते ह्यलक्ष्यो भवान् ॥ १९॥

bhūmi syandanavāhane (maurvīmūrdhni rathaḥ) sunihitā vedāśca te vājinomaurvī te dhanukudhrako śaravaro bhūmeḥ sutānāyakaḥ |sūryendū rathakarṣaṇāṅkagayutau yantā svayaṃ te vidhiḥlakṣyaṃ te tripuraṃ tathāpi yamināṃ citte hyalakṣyo bhavān || 19||

तव शङ्कर किङ्करार्हता हरिपद्मासननेत्रसम्भवाः ।वृषवाहाध्वरदक्षशिक्ष शम्भो करटित्वग्धृगहीश्वरोरुमाल ॥ २०॥

tava śaṅkara kiṅkarārhatā haripadmāsananetrasambhavāḥ |vṛṣavāhādhvaradakṣaśikṣa śambho karaṭitvagdhṛgahīśvarorumāla || 20||

गिरिपरिवर्तितसागरोदरोद्यद्गरलीलानिहताः सुरासुराधाः ।भवता भवतापहारिणा गरभुक्त्या सुखिनः सुरासुराः ॥ २१॥

giriparivartitasāgarodarodyadgaralīlānihatāḥ surāsurādhāḥ |bhavatā bhavatāpahāriṇā garabhuktyā sukhinaḥ surāsurāḥ || 21||

(एवं संस्तूयमानश्च भृङ्गिनः पुरतः शिवः ।)प्रादुरासीद्वृषारूढो नीलकण्ठस्त्रिलोचनः ॥ २२॥

(evaṃ saṃstūyamānaśca bhṛṅginaḥ purataḥ śivaḥ |)prādurāsīdvṛṣārūḍho nīlakaṇṭhastrilocanaḥ || 22||

देव्यालिङ्गितवामाङ्गो गणबृन्दनिषेवितः ।दृष्ट्वा प्रणम्य देवेशं सामिचन्द्रकलाधरम् ॥ २३॥

devyāliṅgitavāmāṅgo gaṇabṛndaniṣevitaḥ |dṛṣṭvā praṇamya deveśaṃ sāmicandrakalādharam || 23||

दृष्ट्वा तत्पार्श्वगांस्तत्र गणेन्द्रान्वारणप्रभान् ।त्रिनेत्रान्नीलकण्ठांश्च भस्मदिव्यत्रिपुण्ड्रकान् ॥ २४॥

dṛṣṭvā tatpārśvagāṃstatra gaṇendrānvāraṇaprabhān |trinetrānnīlakaṇṭhāṃśca bhasmadivyatripuṇḍrakān || 24||

नन्दिकेशश्चण्डिकेशो महाकालोऽथ बाणकः ।कालामुखः शङ्कुकर्णो वीरभद्रो मयूरकः ॥ २५॥

nandikeśaścaṇḍikeśo mahākālo'tha bāṇakaḥ |kālāmukhaḥ śaṅkukarṇo vīrabhadro mayūrakaḥ || 25||

गजकर्णस्ताम्रवक्त्रो वृद्धसेनो विदूरथः ।सोमनन्दी महानन्दी तुहुण्डश्चैव डुण्डकः ॥ २६॥

gajakarṇastāmravaktro vṛddhaseno vidūrathaḥ |somanandī mahānandī tuhuṇḍaścaiva ḍuṇḍakaḥ || 26||

छत्रचामरकोटीभिर्व्यजनैश्च पताककैः ।गणानां शतसाहस्रैः अयुतैर्नियुतैः पुनः ॥ २७॥

chatracāmarakoṭībhirvyajanaiśca patākakaiḥ |gaṇānāṃ śatasāhasraiḥ ayutairniyutaiḥ punaḥ || 27||

कोटिकोटिभिरन्यैंश्च विविधायुधभूषणैः ।वृतं महेशं तुष्टाव भृङ्गी चन्द्रकलाधरम् ॥ २८॥

koṭikoṭibhiranyaiṃśca vividhāyudhabhūṣaṇaiḥ |vṛtaṃ maheśaṃ tuṣṭāva bhṛṅgī candrakalādharam || 28||

शम्भो स्फार तटीद्वयोरुतटिनीगर्वादिनिर्वापणोवीर्योत्तेजिजटानिटालनयनस्त्वं धूर्जटिः पाटकः ।घोराकृत्रिमगोसहायुतमहाकण्ठीरवोद्यत्प्रभा कट्यांत्वत्करटीभवं वरशयः शूलानलेनाहितः (?) ॥ २९॥

śambho sphāra taṭīdvayorutaṭinīgarvādinirvāpaṇovīryottejijaṭāniṭālanayanastvaṃ dhūrjaṭiḥ pāṭakaḥ |ghorākṛtrimagosahāyutamahākaṇṭhīravodyatprabhā kaṭyāṃtvatkaraṭībhavaṃ varaśayaḥ śūlānalenāhitaḥ (?) || 29||

त्वं खण्डपर्शो शशिखण्डचूड खट्वाङ्गखड्गशरहेतिमहोरुबाहो ।आखण्डलादिसुरवन्दित पुण्डरीकचर्माम्बराम्बुज अहीशवरोरुहार ॥ ३०॥

tvaṃ khaṇḍaparśo śaśikhaṇḍacūḍa khaṭvāṅgakhaḍgaśarahetimahorubāho |ākhaṇḍalādisuravandita puṇḍarīkacarmāmbarāmbuja ahīśavaroruhāra || 30||

कुण्डलीशकृतकुण्डल गण्डस्फालनील नलिनामलमाल ।शूलमूलवरहस्तकपाल द्योतितामलझलञ्झलपाद ॥ ३१॥

kuṇḍalīśakṛtakuṇḍala gaṇḍasphālanīla nalināmalamāla |śūlamūlavarahastakapāla dyotitāmalajhalañjhalapāda || 31||

॥ इति शिवरहस्यान्तर्गते शिवाख्ये भृङ्गीकृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः ९ । १७३१॥

|| iti śivarahasyāntargate śivākhye bhṛṅgīkṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 9 | 1731||

– ॥ श्रीशिवरहस्यम् ।शिवाख्यः चतुर्थांशः ।अध्यायः ९ ।१७-३१॥

– || śrīśivarahasyam |śivākhyaḥ caturthāṃśaḥ |adhyāyaḥ 9 | 17-31||