विभिन्नरूपलक्ष्मीध्यानप्रकाराः Vibhinnarupalakshmidhyanaprakarah

श्रीलक्ष्मीनारायण ध्यानम् ।क्षीराम्भोनिधिरत्नमण्डपमहासौवर्णसिंहासने ।वामाङ्के स्थितया प्रसन्नवदनं श्रीकान्तयाऽऽलिङ्गितम् ॥दोर्दण्डाङ्कितशङ्खपङ्कजगदाचक्रैरुदारश्रियम् ।त्वां नित्यं कलयामि जन्मविमुखः लक्ष्मीश नारायण ॥

śrīlakṣmīnārāyaṇa dhyānam |kṣīrāmbhonidhiratnamaṇḍapamahāsauvarṇasiṃhāsane |vāmāṅke sthitayā prasannavadanaṃ śrīkāntayā''liṅgitam ||dordaṇḍāṅkitaśaṅkhapaṅkajagadācakrairudāraśriyam |tvāṃ nityaṃ kalayāmi janmavimukhaḥ lakṣmīśa nārāyaṇa ||

द्विभुजालक्ष्मी हेमवर्णा ।हरेः समीपे कर्तव्या लक्ष्मीस्तु द्विभुजा नृप ।दिव्यरूपाम्बुजकरा सर्वाभरणभूषिता ॥

dvibhujālakṣmī hemavarṇā |hareḥ samīpe kartavyā lakṣmīstu dvibhujā nṛpa |divyarūpāmbujakarā sarvābharaṇabhūṣitā ||

गजलक्ष्मी स्वर्णवर्णा ।लक्ष्मीः शुक्लाम्बरा देवी रूपेणाप्रतिमा भुवि ।पृथक् चतुर्भुजा कार्या देवी सिम्हासने शुभा ॥सिम्हासनेऽस्या कर्तव्यं कमलं चारुकर्णिकम् ।अष्टपत्रं महाभागा कर्णिकायां सुसंस्थिता ॥विनायकवदासीना देवी कार्या चतुर्भुजा ।बृहन्नालङ्करे कार्यं तस्याश्च कमलं शुभम् ॥दक्षिणे यादवश्रेष्ठं केयूरभ्रान्तसंस्थितम् ।वामेऽमृतघटः कार्यस्तदा राजन् मनोहरः ॥तस्याऽन्यौ च करौ कार्यौ बिल्वशङ्खधरौ द्विज ।अवर्जितकरं कार्यं तत्पृष्ठे कुञ्जरद्वयम् ॥देवाश्च मस्तके कार्यं पद्मं चापि मनोहरम् ॥महालक्ष्मी स्वर्णवर्णा ।कोल्लापुरं विनाऽन्यत्र महालक्ष्मीर्यथोच्यते ।लक्ष्मीवत् सा सदाकार्या सर्वाभरणभूषिता ॥दक्षिणाधः करे पात्रमूर्ध्वं कौमोदकीं तदा ।वामोर्ध्वे खेटकञ्चैव श्रीबलं तदधः करे ॥बिभ्रती मस्तके पद्मं पूजनीया विभूतये ॥

gajalakṣmī svarṇavarṇā |lakṣmīḥ śuklāmbarā devī rūpeṇāpratimā bhuvi |pṛthak caturbhujā kāryā devī simhāsane śubhā ||simhāsane'syā kartavyaṃ kamalaṃ cārukarṇikam |aṣṭapatraṃ mahābhāgā karṇikāyāṃ susaṃsthitā ||vināyakavadāsīnā devī kāryā caturbhujā |bṛhannālaṅkare kāryaṃ tasyāśca kamalaṃ śubham ||dakṣiṇe yādavaśreṣṭhaṃ keyūrabhrāntasaṃsthitam |vāme'mṛtaghaṭaḥ kāryastadā rājan manoharaḥ ||tasyā'nyau ca karau kāryau bilvaśaṅkhadharau dvija |avarjitakaraṃ kāryaṃ tatpṛṣṭhe kuñjaradvayam ||devāśca mastake kāryaṃ padmaṃ cāpi manoharam ||mahālakṣmī svarṇavarṇā |kollāpuraṃ vinā'nyatra mahālakṣmīryathocyate |lakṣmīvat sā sadākāryā sarvābharaṇabhūṣitā ||dakṣiṇādhaḥ kare pātramūrdhvaṃ kaumodakīṃ tadā |vāmordhve kheṭakañcaiva śrībalaṃ tadadhaḥ kare ||bibhratī mastake padmaṃ pūjanīyā vibhūtaye ||

श्रीदेवी हेमवर्णापाशाक्षमाली काम्भोजमणिभिर्याम्यसौम्ययोः ।पद्मासनस्थां कुर्वीथ श्रियं त्रैलोक्यमातरम् ॥

śrīdevī hemavarṇāpāśākṣamālī kāmbhojamaṇibhiryāmyasaumyayoḥ |padmāsanasthāṃ kurvītha śriyaṃ trailokyamātaram ||

चतुर्भुजा वीरलक्ष्मी स्वर्णवर्णा ।वीरलक्ष्मीरिति ख्याता वरदाभयहस्तिनी ।ऊर्ध्वपद्मद्वयकरा तथा पद्मासने स्थिता ॥

caturbhujā vīralakṣmī svarṇavarṇā |vīralakṣmīriti khyātā varadābhayahastinī |ūrdhvapadmadvayakarā tathā padmāsane sthitā ||

द्विभुजा वीरलक्ष्मी हेमवर्णा ।दक्षिणे त्वभयं बिभ्रदुत्तरे वरदं तथा ।ऊरू पद्मदलाकारौ वीरश्रीमूर्तिलक्षणम् ॥

dvibhujā vīralakṣmī hemavarṇā |dakṣiṇe tvabhayaṃ bibhraduttare varadaṃ tathā |ūrū padmadalākārau vīraśrīmūrtilakṣaṇam ||

अष्टभुजा वीरलक्ष्मी हेमवर्णा ।पाशाङ्कुशाक्षसूत्रवराभयगदाभद्रहस्ता ॥

aṣṭabhujā vīralakṣmī hemavarṇā |pāśāṅkuśākṣasūtravarābhayagadābhadrahastā ||

प्रसन्नलक्ष्मी स्वर्णवर्णा ।वन्दे लक्ष्मीं वरशशिमयीं शुद्धजाम्बूनदाभांतेजोरूपां कनकवसनां सर्वभूषोज्ज्वलाङ्गीम् ।बीजापूरं कनककलशं हेमपद्मे दधानांआद्यां शक्तिं सकलजननीं विष्णुवामाङ्कसंस्थाम् ॥

prasannalakṣmī svarṇavarṇā |vande lakṣmīṃ varaśaśimayīṃ śuddhajāmbūnadābhāṃtejorūpāṃ kanakavasanāṃ sarvabhūṣojjvalāṅgīm |bījāpūraṃ kanakakalaśaṃ hemapadme dadhānāṃādyāṃ śaktiṃ sakalajananīṃ viṣṇuvāmāṅkasaṃsthām ||

महालक्ष्मी प्रवालवर्णा ।अक्षस्रक्परशुं गदेषु कुलिशं पद्मं धनुः कुण्डिकांदण्डं शक्तिमसिञ्च चर्मजलजं घण्टां सुराभाजनम् ।शूलं पाशसुदर्शने च दधतीं हस्तैः प्रवालप्रभांसेवे सैरिभमर्दिनीमिह महालक्ष्मीं सरोजस्थिताम् ॥

mahālakṣmī pravālavarṇā |akṣasrakparaśuṃ gadeṣu kuliśaṃ padmaṃ dhanuḥ kuṇḍikāṃdaṇḍaṃ śaktimasiñca carmajalajaṃ ghaṇṭāṃ surābhājanam |śūlaṃ pāśasudarśane ca dadhatīṃ hastaiḥ pravālaprabhāṃseve sairibhamardinīmiha mahālakṣmīṃ sarojasthitām ||

श्रीलक्ष्मी कनकवर्णा ।अरुणकमलसंस्था तद्रजःपुञ्जवर्णाकरकमलधृतेष्वाभीतियुग्माम्बुजा च ।मणिमकुटविचित्रालङ्कृता कल्पजातैःभवतु भुवनमाता सन्ततं श्रीः श्रियै नः ॥

śrīlakṣmī kanakavarṇā |aruṇakamalasaṃsthā tadrajaḥpuñjavarṇākarakamaladhṛteṣvābhītiyugmāmbujā ca |maṇimakuṭavicitrālaṅkṛtā kalpajātaiḥbhavatu bhuvanamātā santataṃ śrīḥ śriyai naḥ ||

पद्मा पद्मवर्णापद्मा पद्मासनासीना पद्माभा पद्मवासिनी ।हेमरत्नोज्ज्वलन्नग्रकर्णकुण्डलमण्डिता ॥चन्द्रबिम्बामलमुखी कर्णपूरायतेक्षणा ।सयौवना सुरम्याङ्गी कुञ्चितभ्रूः सुविभ्रमा ॥रक्तोष्ठी पीनकण्ठा च कञ्चुकाच्छादितस्तनी ।शिरसो मण्डनं चक्रं सीमन्तं चैव पद्मकम् ॥नागहस्तसमौ बाहु केयूरकटकोज्ज्वलौ ।पङ्कजं श्रीफलं वामे दक्षिणे बिभ्रती परा ॥शोभनाम्बरसम्पन्ना विपुलश्रोणिता तथा ।मेखलाकटिसूत्राङ्गा लक्ष्मीः लक्ष्मीविवर्धनी ॥

padmā padmavarṇāpadmā padmāsanāsīnā padmābhā padmavāsinī |hemaratnojjvalannagrakarṇakuṇḍalamaṇḍitā ||candrabimbāmalamukhī karṇapūrāyatekṣaṇā |sayauvanā suramyāṅgī kuñcitabhrūḥ suvibhramā ||raktoṣṭhī pīnakaṇṭhā ca kañcukācchāditastanī |śiraso maṇḍanaṃ cakraṃ sīmantaṃ caiva padmakam ||nāgahastasamau bāhu keyūrakaṭakojjvalau |paṅkajaṃ śrīphalaṃ vāme dakṣiṇe bibhratī parā ||śobhanāmbarasampannā vipulaśroṇitā tathā |mekhalākaṭisūtrāṅgā lakṣmīḥ lakṣmīvivardhanī ||

श्रीलक्ष्मी (अपरा)अभयवरदहस्तां रत्नसिम्हासनस्थांजलजकमलवर्णां हेमवर्णोर्ध्वहस्ताम् ।कनकमणिविभूषामास्थितां पद्मपादांसकलभुवनभाग्यां भावये वीरलक्ष्मीम् ॥

śrīlakṣmī (aparā)abhayavaradahastāṃ ratnasimhāsanasthāṃjalajakamalavarṇāṃ hemavarṇordhvahastām |kanakamaṇivibhūṣāmāsthitāṃ padmapādāṃsakalabhuvanabhāgyāṃ bhāvaye vīralakṣmīm ||

वागीश्वरी श्वेतवर्णा ।श्वेतपद्मासनारूढा शुक्लवर्णा चतुर्भुजा ।जटामकुटसम्युक्ता रत्नकुण्डलमण्डिता ॥यज्ञोपवीतिनी हारमुक्ताभरणभूषिता ।दुकूलवसना देवी नेत्रत्रयसमन्विता ॥सुदण्डं दक्षिणे हस्ते वामहस्ते तु पुस्तकम् ।दक्षिणेऽक्षमालाञ्च कुण्डिकां वामहस्तके ॥

vāgīśvarī śvetavarṇā |śvetapadmāsanārūḍhā śuklavarṇā caturbhujā |jaṭāmakuṭasamyuktā ratnakuṇḍalamaṇḍitā ||yajñopavītinī hāramuktābharaṇabhūṣitā |dukūlavasanā devī netratrayasamanvitā ||sudaṇḍaṃ dakṣiṇe haste vāmahaste tu pustakam |dakṣiṇe'kṣamālāñca kuṇḍikāṃ vāmahastake ||

शत्रुविध्वंसिनी नीलवर्णा ।शत्रुविध्वंसिनी रौद्रा त्रिशिरा रक्तलोचना ।दिगम्बरा रक्तकेशी रक्तपाणिर्महोदरी ॥एतैराविष्कृतैर्घोरैः शीघ्रमुच्चाटयेद्द्विषः ॥

śatruvidhvaṃsinī nīlavarṇā |śatruvidhvaṃsinī raudrā triśirā raktalocanā |digambarā raktakeśī raktapāṇirmahodarī ||etairāviṣkṛtairghoraiḥ śīghramuccāṭayeddviṣaḥ ||

मृतसञ्जीविनी रक्तवर्णा ।मृतसञ्जीविनीं देवीं शान्तरूपांश्च बिभ्रतीम् ।पाशाहीन्द्राङ्कुशगदाखड्गशूलवराभयान् ॥रक्तामष्टभुजां वन्दे फुल्लपद्मासने शुभे ॥

mṛtasañjīvinī raktavarṇā |mṛtasañjīvinīṃ devīṃ śāntarūpāṃśca bibhratīm |pāśāhīndrāṅkuśagadākhaḍgaśūlavarābhayān ||raktāmaṣṭabhujāṃ vande phullapadmāsane śubhe ||

अणिमादि अष्टसिद्धिदेवता रक्तवर्णा ।अणिमा महिमा चैव गरिमा लघिमा तथा ।प्राप्तिः प्राकाम्यमीशित्वं वशित्वं चाष्टसिद्धयः ॥मुक्तिसिद्धिः सर्वसिद्धिः दशसिद्धय ईरिताः ।एता देव्यश्चतुर्बाहाः जपाकुसुमसन्निभाः ॥चिन्तामणिं कपालञ्च त्रिशूलं सिद्धकज्जलम् ।दधाना दययापूर्णा योगिभिश्च निषेविता ॥

aṇimādi aṣṭasiddhidevatā raktavarṇā |aṇimā mahimā caiva garimā laghimā tathā |prāptiḥ prākāmyamīśitvaṃ vaśitvaṃ cāṣṭasiddhayaḥ ||muktisiddhiḥ sarvasiddhiḥ daśasiddhaya īritāḥ |etā devyaścaturbāhāḥ japākusumasannibhāḥ ||cintāmaṇiṃ kapālañca triśūlaṃ siddhakajjalam |dadhānā dayayāpūrṇā yogibhiśca niṣevitā ||

महालक्ष्मीसहित अष्टमातृकाः रक्तवर्णाः ।ब्राह्मी माहेश्वरी चैव कौमारी वैष्णवी तथा ।वाराही चैव माहेन्द्री चामुण्डा चैव सप्तमा ॥महालक्ष्मीरष्टमा च द्विभुजा शोणविग्रहाः ।कपालमुत्पलं चैव बिभ्राणा रक्तवाससः ॥अथवान्यप्रकारेण केचित्तान् यं प्रचक्षते ।ब्रह्मादिसदृशाकाराः ब्रह्मादिसदृशायुताः ॥ब्रह्मादीनां परं चिह्नं धारयन्त्यः प्रकीर्तिताः ॥

mahālakṣmīsahita aṣṭamātṛkāḥ raktavarṇāḥ |brāhmī māheśvarī caiva kaumārī vaiṣṇavī tathā |vārāhī caiva māhendrī cāmuṇḍā caiva saptamā ||mahālakṣmīraṣṭamā ca dvibhujā śoṇavigrahāḥ |kapālamutpalaṃ caiva bibhrāṇā raktavāsasaḥ ||athavānyaprakāreṇa kecittān yaṃ pracakṣate |brahmādisadṛśākārāḥ brahmādisadṛśāyutāḥ ||brahmādīnāṃ paraṃ cihnaṃ dhārayantyaḥ prakīrtitāḥ ||

सर्वमङ्गला कनकवर्णा ।शङ्खं चक्रञ्च चापं सृणिमपि सुमहाखेटखड्गौ सुचापंबाणं कह्लारपुष्पं तदनुकरगतं मातुलङ्गं दधानाम् ।उद्यद्बालार्कवर्णां त्रिभुवनविजयां पञ्चवक्त्रां त्रिनेत्रांदेवीं पीताम्बराढ्यां कुचभरनमितां सन्ततं भावयामि ॥हेमाभां करुणाभिपूर्णनयनां माणिक्यभूषोज्ज्वलांद्वात्रिंशद्दलषोडशाष्टदलयुक् पद्मस्थितां सुस्मिताम् ॥भक्तानां वरदां वरं च दधतीं वामेन हस्तेन तत्दक्षेणाभयमातुलङ्गसुफलं श्रीमङ्गलां भावये ॥

sarvamaṅgalā kanakavarṇā |śaṅkhaṃ cakrañca cāpaṃ sṛṇimapi sumahākheṭakhaḍgau sucāpaṃbāṇaṃ kahlārapuṣpaṃ tadanukaragataṃ mātulaṅgaṃ dadhānām |udyadbālārkavarṇāṃ tribhuvanavijayāṃ pañcavaktrāṃ trinetrāṃdevīṃ pītāmbarāḍhyāṃ kucabharanamitāṃ santataṃ bhāvayāmi ||hemābhāṃ karuṇābhipūrṇanayanāṃ māṇikyabhūṣojjvalāṃdvātriṃśaddalaṣoḍaśāṣṭadalayuk padmasthitāṃ susmitām ||bhaktānāṃ varadāṃ varaṃ ca dadhatīṃ vāmena hastena tatdakṣeṇābhayamātulaṅgasuphalaṃ śrīmaṅgalāṃ bhāvaye ||

ज्वालामालिनि कनकवर्णाकल्पान्ताग्निसमप्रभां स्मितमुखैः षड्भिर्भुजद्वादशैःयुक्तां पाशकखेटकञ्च सुशरं शूलं वरं वामके ।दक्षेत्वङ्कुशखड्गशक्तिसुशरं चापाभये बिभ्रतींज्वालामालिनि सञ्चितां मणिमयीभूषान्वितामाश्रये ॥

jvālāmālini kanakavarṇākalpāntāgnisamaprabhāṃ smitamukhaiḥ ṣaḍbhirbhujadvādaśaiḥyuktāṃ pāśakakheṭakañca suśaraṃ śūlaṃ varaṃ vāmake |dakṣetvaṅkuśakhaḍgaśaktisuśaraṃ cāpābhaye bibhratīṃjvālāmālini sañcitāṃ maṇimayībhūṣānvitāmāśraye ||

मित्रा रक्तवर्णाबालार्ककान्ति च शिलां जितवक्त्रशोभांपाशाङ्कुशौ च वरमप्यभयं दधानाम् ।चित्रांशुकां च नवरत्न विभूषिताङ्गींचित्राम्बिकां त्रिनयनां हृदि भावयामि ॥

mitrā raktavarṇābālārkakānti ca śilāṃ jitavaktraśobhāṃpāśāṅkuśau ca varamapyabhayaṃ dadhānām |citrāṃśukāṃ ca navaratna vibhūṣitāṅgīṃcitrāmbikāṃ trinayanāṃ hṛdi bhāvayāmi ||

गायत्री रक्तवर्णादेवीं पूर्वाह्नसंध्यायां गायत्रीं वह्निरूपिणीम् ।कुमारीं रक्तवस्त्राङ्गीं रक्तस्रगनुलेपनाम् ॥चतुर्भुजां चतुर्वक्त्रां वरदां चाष्टलोचनाम् ।पद्माक्षमालावलयां बिभ्रतीं दक्षिणे करे ॥वामे कमण्डलुं पाणौ स्रुवं सव्येतरे करे ।अभयं वामहस्ते च पद्मपीठे प्रतिष्ठिताम् ॥ऋग्वेदरूपिणीं प्रातस्सवनां हंसवाहनाम् ।रसायनाञ्च प्रहतीं गार्हपत्ये प्रतिष्ठिताम् ॥

gāyatrī raktavarṇādevīṃ pūrvāhnasaṃdhyāyāṃ gāyatrīṃ vahnirūpiṇīm |kumārīṃ raktavastrāṅgīṃ raktasraganulepanām ||caturbhujāṃ caturvaktrāṃ varadāṃ cāṣṭalocanām |padmākṣamālāvalayāṃ bibhratīṃ dakṣiṇe kare ||vāme kamaṇḍaluṃ pāṇau sruvaṃ savyetare kare |abhayaṃ vāmahaste ca padmapīṭhe pratiṣṭhitām ||ṛgvedarūpiṇīṃ prātassavanāṃ haṃsavāhanām |rasāyanāñca prahatīṃ gārhapatye pratiṣṭhitām ||

सावित्री शुक्लवर्णा (मध्याह्नम्)देवीं मध्याह्नसन्ध्यायां सावित्रीं रुद्ररूपिणीम् ।युवतीं श्वेतवस्त्राख्यां शुक्लस्रगनुलेपनाम् ॥चतुर्भुजां चतुर्वक्त्रां वरदां द्वादशेक्षणाम् ।रुद्राक्षमालावलयां बिभ्रतीं दक्षिणे करे ॥वामे करेऽभयं देवीं तथैवार्केन्दुधारिणीम् ।स्वर्णपीठे स्थितां सौम्ये यजुर्वेदस्वरूपिणीम् ॥माध्यन्दिनाख्यसवने सतां गोवृषवाहनाम् ।दक्षिणाग्निस्वरूपां तां ध्यायेन्नित्यं विशुद्धधीः ॥

sāvitrī śuklavarṇā (madhyāhnam)devīṃ madhyāhnasandhyāyāṃ sāvitrīṃ rudrarūpiṇīm |yuvatīṃ śvetavastrākhyāṃ śuklasraganulepanām ||caturbhujāṃ caturvaktrāṃ varadāṃ dvādaśekṣaṇām |rudrākṣamālāvalayāṃ bibhratīṃ dakṣiṇe kare ||vāme kare'bhayaṃ devīṃ tathaivārkendudhāriṇīm |svarṇapīṭhe sthitāṃ saumye yajurvedasvarūpiṇīm ||mādhyandinākhyasavane satāṃ govṛṣavāhanām |dakṣiṇāgnisvarūpāṃ tāṃ dhyāyennityaṃ viśuddhadhīḥ ||

सरस्वती श्यामवर्णा (सायङ्कालं)सरस्वतीं तु सायाह्ने सन्ध्यायां विष्णुरूपिणीम् ।स्थविरेन्दीवरश्यामां नीलकुञ्चितमूर्धजाम् ॥चतुर्भुजां चैकवक्त्रां पद्मपत्रायतेक्षणाम् ।शङ्खं चक्रं गदाञ्चैव तथैवाभयदं पुनः ॥पीताम्बरं दधानाञ्च दिव्यस्रगनुलेपनाम् ।तृतीयसवनाख्याञ्च ध्यायेद्वै विष्णुरूपिणीम् ॥नीलपीठे स्थितां सौम्ये सामवेदस्वरूपिणीम् ।वरदां गरुडारूढां आहवनीये व्यवस्थिताम् ॥

sarasvatī śyāmavarṇā (sāyaṅkālaṃ)sarasvatīṃ tu sāyāhne sandhyāyāṃ viṣṇurūpiṇīm |sthavirendīvaraśyāmāṃ nīlakuñcitamūrdhajām ||caturbhujāṃ caikavaktrāṃ padmapatrāyatekṣaṇām |śaṅkhaṃ cakraṃ gadāñcaiva tathaivābhayadaṃ punaḥ ||pītāmbaraṃ dadhānāñca divyasraganulepanām |tṛtīyasavanākhyāñca dhyāyedvai viṣṇurūpiṇīm ||nīlapīṭhe sthitāṃ saumye sāmavedasvarūpiṇīm |varadāṃ garuḍārūḍhāṃ āhavanīye vyavasthitām ||

वश्यमुखी रक्तवर्णासन्धाय सुमनोबाणं कर्षन्तीमैक्षवं धनुः ।जगज्जैत्रीं जपासक्तां देवीं वश्यमुखीं भजे ॥

vaśyamukhī raktavarṇāsandhāya sumanobāṇaṃ karṣantīmaikṣavaṃ dhanuḥ |jagajjaitrīṃ japāsaktāṃ devīṃ vaśyamukhīṃ bhaje ||

सप्तमातृकासु

saptamātṛkāsu

ब्राह्मी पीतवर्णातत्र ब्राह्मी चतुर्वक्त्रा षड्भुजा हंससंस्थिता ।पिङ्गाभा भूषणोपेता मृगचर्मोत्तरीयका ॥वरं सूत्रं स्रुवं धत्ते दक्षबाहूत्तरे क्रमात् ।वामे तु पुस्तकं कुण्डीं बिभ्रती चाभयङ्करम् ॥

brāhmī pītavarṇātatra brāhmī caturvaktrā ṣaḍbhujā haṃsasaṃsthitā |piṅgābhā bhūṣaṇopetā mṛgacarmottarīyakā ||varaṃ sūtraṃ sruvaṃ dhatte dakṣabāhūttare kramāt |vāme tu pustakaṃ kuṇḍīṃ bibhratī cābhayaṅkaram ||

माहेश्वरी श्वेतवर्णामाहेश्वरी वृषारूढा पञ्चवक्त्रा त्रिलोचना ।श्वेतवर्णा दशभुजा चन्द्ररेखाविभूषिता ॥खड्गं वज्रं त्रिशूलञ्च परशुं चाभयं वरम् ।पाशं घण्टां तथा नागमङ्कुशं बिभ्रती करैः ॥

māheśvarī śvetavarṇāmāheśvarī vṛṣārūḍhā pañcavaktrā trilocanā |śvetavarṇā daśabhujā candrarekhāvibhūṣitā ||khaḍgaṃ vajraṃ triśūlañca paraśuṃ cābhayaṃ varam |pāśaṃ ghaṇṭāṃ tathā nāgamaṅkuśaṃ bibhratī karaiḥ ||

कौमारी पाटलवर्णाषडानना तु कौमारी पाटलाभा सुशीलका ।रविबाहुर्मयूरस्था वरदा शक्तिधारिणी ॥पताकां बिभ्रती दण्डं पात्रं बाणञ्च दक्षिणे ।वामे चापमथो घण्टां कमलं कुक्कुटं तथा ॥परशुं बिभ्रती चैव दधतस्त्वभयान्विता ॥

kaumārī pāṭalavarṇāṣaḍānanā tu kaumārī pāṭalābhā suśīlakā |ravibāhurmayūrasthā varadā śaktidhāriṇī ||patākāṃ bibhratī daṇḍaṃ pātraṃ bāṇañca dakṣiṇe |vāme cāpamatho ghaṇṭāṃ kamalaṃ kukkuṭaṃ tathā ||paraśuṃ bibhratī caiva dadhatastvabhayānvitā ||

वैष्णवी नीलवर्णावैष्णवी तार्क्ष्यका श्यामा षड्भुजा वनमालिनी ।वरदा गदिनी दक्षे बिभ्रती च करेऽम्बुजम् ॥शङ्खचक्राभयान्वामे सा चेयं विलसद्भुजा ॥

vaiṣṇavī nīlavarṇāvaiṣṇavī tārkṣyakā śyāmā ṣaḍbhujā vanamālinī |varadā gadinī dakṣe bibhratī ca kare'mbujam ||śaṅkhacakrābhayānvāme sā ceyaṃ vilasadbhujā ||

वाराही कृष्णवर्णाकृष्णवर्णा तु वाराही महिषस्था महोदरी ।वरदा दण्डिनी खड्गं बिभ्रती दक्षिणे करे ॥खेटपात्राभयान्वामे सूकरास्या लसद्भुजा ॥

vārāhī kṛṣṇavarṇākṛṣṇavarṇā tu vārāhī mahiṣasthā mahodarī |varadā daṇḍinī khaḍgaṃ bibhratī dakṣiṇe kare ||kheṭapātrābhayānvāme sūkarāsyā lasadbhujā ||

ऐन्द्री कनकवर्णाऐन्द्री सहस्रदृक् सौम्या हेमाभा गजससस्थिता ।वरदा सूत्रिणी वज्रं बिभ्रत्यूर्ध्वं तु दक्षिणे ॥वामे तु कमलं पात्रं ह्यभयं तदधः करे ॥

aindrī kanakavarṇāaindrī sahasradṛk saumyā hemābhā gajasasasthitā |varadā sūtriṇī vajraṃ bibhratyūrdhvaṃ tu dakṣiṇe ||vāme tu kamalaṃ pātraṃ hyabhayaṃ tadadhaḥ kare ||

चामुण्डा कृष्णवर्णाचामुण्डा प्रेतका कृष्णा विकृता चाहिभूषणा ।दंष्ट्राला क्षीणदेहा च कर्ताक्षी कामरूपिणी ॥दिग्बाहुः क्षौमकुक्षी च मुसलं चक्रचामरे ।अङ्कुशं बिभ्रती खड्गं दक्षिणे चाथ वामके ॥खेटं पाशं धनुर्दण्डं कुठारं चापि बिभ्रती ॥

cāmuṇḍā kṛṣṇavarṇācāmuṇḍā pretakā kṛṣṇā vikṛtā cāhibhūṣaṇā |daṃṣṭrālā kṣīṇadehā ca kartākṣī kāmarūpiṇī ||digbāhuḥ kṣaumakukṣī ca musalaṃ cakracāmare |aṅkuśaṃ bibhratī khaḍgaṃ dakṣiṇe cātha vāmake ||kheṭaṃ pāśaṃ dhanurdaṇḍaṃ kuṭhāraṃ cāpi bibhratī ||

सिद्धिदायिनी श्वेतवर्णासिद्धगन्धर्वयक्षाद्यैरसुरैरमरैरपि ।सेव्यमाना सदा भूयात्सिद्धिदा सिद्धिदायिनी ॥

siddhidāyinī śvetavarṇāsiddhagandharvayakṣādyairasurairamarairapi |sevyamānā sadā bhūyātsiddhidā siddhidāyinī ||

अपराजिता नीलवर्णानीलोत्पलनिभां देवीं निद्रामुद्रितलोचनाम् ।नीलकुञ्जितकेशाग्नां निम्ननाभीवलित्रयाम् ॥वराभयकराम्भोजां प्रणतार्तिविनाशिनीम् ।पीताम्बरवरोपेतां भूषणस्रग्विभूषिताम् ॥वरशक्त्याकृतिं सौम्यां परसैन्यप्रभञ्जनीम् ।शङ्खचक्रगदाऽभीतिरम्यहस्तां त्रिलोचनाम् ॥सर्वकामप्रदां देवीं ध्यायेत्तामपराजिताम् ॥

aparājitā nīlavarṇānīlotpalanibhāṃ devīṃ nidrāmudritalocanām |nīlakuñjitakeśāgnāṃ nimnanābhīvalitrayām ||varābhayakarāmbhojāṃ praṇatārtivināśinīm |pītāmbaravaropetāṃ bhūṣaṇasragvibhūṣitām ||varaśaktyākṛtiṃ saumyāṃ parasainyaprabhañjanīm |śaṅkhacakragadā'bhītiramyahastāṃ trilocanām ||sarvakāmapradāṃ devīṃ dhyāyettāmaparājitām ||

तुलसी श्यामवर्णाध्यायेच्च तुलसीं देवीं श्यामां कमललोचनाम् ।प्रसन्नां पद्मकल्हार वराभय चतुर्भुजाम् ॥किरीटहारकेयूरकुण्डलादिविभूषिताम् ।धवलांशुकसभ्युक्तां पद्मासननिषेदुषीम् ॥

tulasī śyāmavarṇādhyāyecca tulasīṃ devīṃ śyāmāṃ kamalalocanām |prasannāṃ padmakalhāra varābhaya caturbhujām ||kirīṭahārakeyūrakuṇḍalādivibhūṣitām |dhavalāṃśukasabhyuktāṃ padmāsananiṣeduṣīm ||

भूदेवी स्वर्णवर्णास्वर्गवर्णा द्विहस्ता च दक्षिणेनाभयप्रदा ।दाडिमीफलसम्युक्ता वामे कल्पतरोरधः ॥वामपादेन संस्पृष्टनिधिकुम्भाधरा तथा ।सर्वालङ्कारभूषाढ्या ध्येया सर्वफलप्रदा ॥

bhūdevī svarṇavarṇāsvargavarṇā dvihastā ca dakṣiṇenābhayapradā |dāḍimīphalasamyuktā vāme kalpataroradhaḥ ||vāmapādena saṃspṛṣṭanidhikumbhādharā tathā |sarvālaṅkārabhūṣāḍhyā dhyeyā sarvaphalapradā ||

नीलादेवी श्यामवर्णानीलोत्पलघनश्यामा नीलवस्त्रविभूषिता ।चतुर्भुजा सुखासीना वराभयकरान्विता ॥इतराभ्यां तु हस्ताभ्यां कुमुदद्वयधारिणी ।सर्वाभरणसम्युक्ता नीलादेवी समीरिता ॥

nīlādevī śyāmavarṇānīlotpalaghanaśyāmā nīlavastravibhūṣitā |caturbhujā sukhāsīnā varābhayakarānvitā ||itarābhyāṃ tu hastābhyāṃ kumudadvayadhāriṇī |sarvābharaṇasamyuktā nīlādevī samīritā ||

अश्वारूढा राजलक्ष्मी हिरण्यवर्णाचतुरङ्गबलोपेतां धनधान्यसुखेश्वरीम् ।अश्वारूढामहं वन्दे राजलक्ष्मीं हिरण्मयीम् ॥

aśvārūḍhā rājalakṣmī hiraṇyavarṇācaturaṅgabalopetāṃ dhanadhānyasukheśvarīm |aśvārūḍhāmahaṃ vande rājalakṣmīṃ hiraṇmayīm ||

इति विभिन्नरूपलक्ष्मीध्यानप्रकाराः सम्पूर्णाः ।

iti vibhinnarūpalakṣmīdhyānaprakārāḥ sampūrṇāḥ |