लक्ष्मीकवचम् १ Shri Tantrokta Lakshmikavacham

श्रीगणेशाय नमः ।ॐ अस्य श्रीलक्ष्मीकवचस्तोत्रस्य\, श्रीईश्वरो देवता\,अनुष्टुप् छन्दः\, श्रीलक्ष्मीप्रीत्यर्थे पाठे विनियोगः ।ॐ लक्ष्मी मे चाग्रतः पातु कमला पातु पृष्ठतः ।नारायणी शीर्षदेशे सर्वाङ्गे श्रीस्वरूपिणी ॥ १॥

śrīgaṇeśāya namaḥ |oṃ asya śrīlakṣmīkavacastotrasya\, śrīīśvaro devatā\,anuṣṭup chandaḥ\, śrīlakṣmīprītyarthe pāṭhe viniyogaḥ |oṃ lakṣmī me cāgrataḥ pātu kamalā pātu pṛṣṭhataḥ |nārāyaṇī śīrṣadeśe sarvāṅge śrīsvarūpiṇī || 1||

रामपत्नी तु प्रत्यङ्गे सदाऽवतु शमेश्वरी।विशालाक्षी योगमाया कौमारी चक्रिणी तथा ॥ २॥

rāmapatnī tu pratyaṅge sadā'vatu śameśvarī|viśālākṣī yogamāyā kaumārī cakriṇī tathā || 2||

जयदात्री धनदात्री पाशाक्षमालिनी शुभा ।हरिप्रिया हरिरामा जयङ्करी महोदरी ॥ ३॥

jayadātrī dhanadātrī pāśākṣamālinī śubhā |haripriyā harirāmā jayaṅkarī mahodarī || 3||

कृष्णपरायणा देवी श्रीकृष्णमनमोहिनी ।जयङ्करी महारौद्री सिद्धिदात्री शुभङ्करी ॥ ४॥

kṛṣṇaparāyaṇā devī śrīkṛṣṇamanamohinī |jayaṅkarī mahāraudrī siddhidātrī śubhaṅkarī || 4||

सुखदा मोक्षदा देवी चित्रकूटनिवासिनी ।भयं हरतु भक्तानां भवबन्धं विमुच्यतु ॥ ५॥

sukhadā mokṣadā devī citrakūṭanivāsinī |bhayaṃ haratu bhaktānāṃ bhavabandhaṃ vimucyatu || 5||

कवचं तन्महापुण्यं यः पठेद्भक्तिसंयुतः ।त्रिसन्ध्यमेकसन्ध्यं वा मुच्यते सर्वसङ्कटात् ॥ ६॥

kavacaṃ tanmahāpuṇyaṃ yaḥ paṭhedbhaktisaṃyutaḥ |trisandhyamekasandhyaṃ vā mucyate sarvasaṅkaṭāt || 6||

एतत्कवचस्य पठनं धनपुत्रविवर्धनम् ।भीतिर्विनाशनञ्चैव त्रिषु लोकेषु कीर्तितम् ॥ ७॥

etatkavacasya paṭhanaṃ dhanaputravivardhanam |bhītirvināśanañcaiva triṣu lokeṣu kīrtitam || 7||

भूर्जपत्रे समालिख्य रोचनाकुङ्कुमेन तु ।धारणाद्गलदेशे च सर्वसिद्धिर्भविष्यति ॥ ८॥

bhūrjapatre samālikhya rocanākuṅkumena tu |dhāraṇādgaladeśe ca sarvasiddhirbhaviṣyati || 8||

अपुत्रो लभते पुत्र धनार्थी लभते धनम् ।मोक्षार्थी मोक्षमाप्नोति कवचस्य प्रसादतः ॥ ९॥

aputro labhate putra dhanārthī labhate dhanam |mokṣārthī mokṣamāpnoti kavacasya prasādataḥ || 9||

गर्भिणी लभते पुत्रं वन्ध्या च गर्भिणी भवेत् ।धारयेद्यपि कण्ठे च अथवा वामबाहुके ॥ १०॥

garbhiṇī labhate putraṃ vandhyā ca garbhiṇī bhavet |dhārayedyapi kaṇṭhe ca athavā vāmabāhuke || 10||

यः पठेन्नियतं भक्त्या स एव विष्णुवद्भवेत् ।मृत्युव्याधिभयं तस्य नास्ति किञ्चिन्महीतले ॥ ११॥

yaḥ paṭhenniyataṃ bhaktyā sa eva viṣṇuvadbhavet |mṛtyuvyādhibhayaṃ tasya nāsti kiñcinmahītale || 11||

पठेद्वा पाठयेद्वाऽपि शृणुयाच्छ्रावयेद्यदि ।सर्वपापविमुक्तस्तु लभते परमां गतिम् ॥ १२॥

paṭhedvā pāṭhayedvā'pi śṛṇuyācchrāvayedyadi |sarvapāpavimuktastu labhate paramāṃ gatim || 12||

सङ्कटे विपदे घोरे तथा च गहने वने ।राजद्वारे च नौकायां तथा च रणमध्यतः ॥ १३॥

saṅkaṭe vipade ghore tathā ca gahane vane |rājadvāre ca naukāyāṃ tathā ca raṇamadhyataḥ || 13||

पठनाद्धारणादस्य जयमाप्नोति निश्चितम् ।अपुत्रा च तथा वन्ध्या त्रिपक्षं शृणुयाद्यदि ॥ १४॥

paṭhanāddhāraṇādasya jayamāpnoti niścitam |aputrā ca tathā vandhyā tripakṣaṃ śṛṇuyādyadi || 14||

सुपुत्रं लभते सा तु दीर्घायुष्कं यशस्विनम् ।शृणुयाद्यः शुद्धबुद्ध्या द्वौ मासौ विप्रवक्त्रतः ॥ १५॥

suputraṃ labhate sā tu dīrghāyuṣkaṃ yaśasvinam |śṛṇuyādyaḥ śuddhabuddhyā dvau māsau vipravaktrataḥ || 15||

सर्वान्कामानवाप्नोति सर्वबन्धाद्विमुच्यते ।मृतवत्सा जीववत्सा त्रिमासं श्रवणं यदि ॥ १६॥

sarvānkāmānavāpnoti sarvabandhādvimucyate |mṛtavatsā jīvavatsā trimāsaṃ śravaṇaṃ yadi || 16||

रोगी रोगाद्विमुच्येत पठनान्मासमध्यतः ।लिखित्वा भूर्जपत्रे च अथवा ताडपत्रके ॥ १७॥

rogī rogādvimucyeta paṭhanānmāsamadhyataḥ |likhitvā bhūrjapatre ca athavā tāḍapatrake || 17||

स्थापयेन्नियतं गेहे नाग्निचौरभयं क्वचित् ।शृणुयाद्धारयेद्वापि पठेद्वा पाठयेदपि ॥ १८॥

sthāpayenniyataṃ gehe nāgnicaurabhayaṃ kvacit |śṛṇuyāddhārayedvāpi paṭhedvā pāṭhayedapi || 18||

यः पुमान्सततं तस्मिन्प्रसन्नाः सर्वदेवताः ।बहुना किमिहोक्तेन सर्वजीवेश्वरेश्वरी ॥ १९॥

yaḥ pumānsatataṃ tasminprasannāḥ sarvadevatāḥ |bahunā kimihoktena sarvajīveśvareśvarī || 19||

आद्या शक्तिर्महालक्ष्मीर्भक्तानुग्रहकारिणी ।धारके पाठके चैव निश्चला निवसेद् ध्रुवम् ॥ २०॥

ādyā śaktirmahālakṣmīrbhaktānugrahakāriṇī |dhārake pāṭhake caiva niścalā nivased dhruvam || 20||

॥ इति तन्त्रोक्तं लक्ष्मीकवचं सम्पूर्णम् ॥ईश्वरो ऋषिः लक्ष्मिर्देवता ।ःओवेवेर्, इन् ओउर् सेअर्च् वे दिद् नोत् फ़िन्द् अ च्लेअर्शक्ति, कीलकम् एत् चेतेर।तेक्ष्त् दो नोत् हवे अन्य्थिन्ग् एअर्लिएर्।

|| iti tantroktaṃ lakṣmīkavacaṃ sampūrṇam ||īśvaro ṛṣiḥ lakṣmirdevatā |ḥovever, in our searc ve did not फ़ind a clearśakti, kīlakam et cetera|tekṣt do not have anything earlier|