श्रीहरिप्रार्थना Shri Nityanandasvamikrita Shrihari Prarthana

त्वद्रूपस्य सुनिश्चयो मनसि मे सर्वोत्तमः स्यात्सदात्वत्सौख्येन सुखी भवेयमनिशं नैवेतरेण क्वचित् ।त्वद्भिन्नाकृतयश्च सन्त्वतितरां तुच्छाः कृता माययायाचे त्वामिति सन्ततं कृतनतिस्तद्देहि मे श्रीहरे ॥ १॥

tvadrūpasya suniścayo manasi me sarvottamaḥ syātsadātvatsaukhyena sukhī bhaveyamaniśaṃ naivetareṇa kvacit |tvadbhinnākṛtayaśca santvatitarāṃ tucchāḥ kṛtā māyayāyāce tvāmiti santataṃ kṛtanatistaddehi me śrīhare || 1||

त्वय्येकान्तिकभक्तिरस्त्वविचला माहात्म्ययुग् धर्मप्रत्यूहान्मदनाद्यधर्मकुलतस्तत्रावनं मे कुरु ।ज्ञानादौ च दृढस्थितिं वृषकुले तस्यां सहाये परेयाचे त्वामिति सन्ततं कृतनतिस्तद्देहि मे श्रीहरे ॥ २॥

tvayyekāntikabhaktirastvavicalā māhātmyayug dharmapratyūhānmadanādyadharmakulatastatrāvanaṃ me kuru |jñānādau ca dṛḍhasthitiṃ vṛṣakule tasyāṃ sahāye pareyāce tvāmiti santataṃ kṛtanatistaddehi me śrīhare || 2||

प्रेष्ठानां तव सङ्गमोऽस्त्वनुदिनं कान्तिकानां सतांशुष्कज्ञान्युपधर्मिकौलमतिनां सङ्गो न मे स्यात् क्वचित् ।भक्तत्वे क्व च दोषलेश इह ते नैवावशिष्येत मेयाचे त्वामिति सन्ततं कृतनतिस्तद्देहि मे श्रीहरे ! ॥ ३॥

preṣṭhānāṃ tava saṅgamo'stvanudinaṃ kāntikānāṃ satāṃśuṣkajñānyupadharmikaulamatināṃ saṅgo na me syāt kvacit |bhaktatve kva ca doṣaleśa iha te naivāvaśiṣyeta meyāce tvāmiti santataṃ kṛtanatistaddehi me śrīhare ! || 3||

द्रोहस्ते तव सेविनां च महतां न स्याद्धृदापि क्वचित्तिष्ठेन्नैव च वासनान्यविषया त्वत्सेवनान्मे हृदि ।कुर्यां दास्यमहं तवान्तिकगतो नित्यं सतां वाञ्छितंयाचे त्वामिति सन्ततं कृतनतिस्तद्देहि मे श्रीहरे ! ॥ ४॥

drohaste tava sevināṃ ca mahatāṃ na syāddhṛdāpi kvacittiṣṭhennaiva ca vāsanānyaviṣayā tvatsevanānme hṛdi |kuryāṃ dāsyamahaṃ tavāntikagato nityaṃ satāṃ vāñchitaṃyāce tvāmiti santataṃ kṛtanatistaddehi me śrīhare ! || 4||

देहे दैहिक आत्मता च ममता न स्यादिह क्वापि मेसा तु स्यात्त्वयि भक्तिधर्मतनये त्वद्भक्तिनिष्ठेषु च ।स्नेहः स्यादधिकोऽक्षरे विलसति ब्रह्मात्मनो मे त्वयियाचे त्वामिति सन्ततं कृतनतिस्तद्देहि मे श्रीहरे ! ॥ ५॥

dehe daihika ātmatā ca mamatā na syādiha kvāpi mesā tu syāttvayi bhaktidharmatanaye tvadbhaktiniṣṭheṣu ca |snehaḥ syādadhiko'kṣare vilasati brahmātmano me tvayiyāce tvāmiti santataṃ kṛtanatistaddehi me śrīhare ! || 5||

विश्वासस्तव वाचि मेऽस्तु कुहुचित्स्यान्नास्तिकत्वं न मेसल्लक्ष्माण्यखिलानि सन्तु मयि तान्युक्तानि यानि त्वया ।न स्यान्मे क्वचिदासुरत्वमव मां तद्धेतुलोभादितोयाचे त्वामिति सन्ततं कृतनतिस्तद्देहि मे श्रीहरे ! ॥ ६॥

viśvāsastava vāci me'stu kuhucitsyānnāstikatvaṃ na mesallakṣmāṇyakhilāni santu mayi tānyuktāni yāni tvayā |na syānme kvacidāsuratvamava māṃ taddhetulobhāditoyāce tvāmiti santataṃ kṛtanatistaddehi me śrīhare ! || 6||

यत्कार्येषु रुचिर्यथा तव तथैव स्याडुचिस्तेषु मेकारुण्यं हृदि वर्ततां मम विभो सर्वेषु देहिष्वपि ।भक्ताभीष्टद रक्षणं कुरु सदा मोहात् प्रमादाच्च मेयाचे त्वामिति सन्ततं कृतनतिस्तद्देहि मे श्रीहरे ! ॥ ७॥

yatkāryeṣu ruciryathā tava tathaiva syāḍucisteṣu mekāruṇyaṃ hṛdi vartatāṃ mama vibho sarveṣu dehiṣvapi |bhaktābhīṣṭada rakṣaṇaṃ kuru sadā mohāt pramādācca meyāce tvāmiti santataṃ kṛtanatistaddehi me śrīhare ! || 7||

नित्यं त्वद्वपुरीक्षणे मम दृशौ स्यातां च सङ्कीर्तनेवाणी ते यशसां कथाश्रुतिपरौ कर्णौ मनश्च स्मृतौ ।सेवायां तव ते सतां च निरतौ हस्तौ त्वदीयस्य मेयाचे त्वामिति सन्ततं कृतनतिस्तद्देहि मे श्रीहरे ! ॥ ८॥

nityaṃ tvadvapurīkṣaṇe mama dṛśau syātāṃ ca saṅkīrtanevāṇī te yaśasāṃ kathāśrutiparau karṇau manaśca smṛtau |sevāyāṃ tava te satāṃ ca niratau hastau tvadīyasya meyāce tvāmiti santataṃ kṛtanatistaddehi me śrīhare ! || 8||

इति श्रीनित्यानन्दस्वामिकृता श्रीहरिप्रार्थना सम्पूर्णा ।

iti śrīnityānandasvāmikṛtā śrīhariprārthanā sampūrṇā |