ऋणमोचनमहागणपतिस्तोत्रम् Shri Rinamochanamahaganapati Stotram

अस्य श्रीऋणमोचनमहागणपतिस्तोत्रस्य शुक्राचार्य ऋषिः,अनुष्टुप्छन्दः, श्रीऋणमोचक महागणपतिर्देवता ।मम ऋणमोचनमहागणपतिप्रसादसिद्।ह्ध्यर्थे जपे विनियोगः ॥रक्ताङ्गं रक्तवस्त्रं सितकुसुमगणैः पूजितं रक्तगन्धैःक्षीराब्धौ रत्नपीठे सुरतरुविमले रत्नसिंहासनस्थम् ।दोर्भिः पाशाङ्कुशेष्टाभयधरमतुलं चन्द्रमौलिं त्रिणेत्रंध्यायेत् शान्त्यर्थमीशं गणपतिममलं श्रीसमेतं प्रसन्नम् ॥स्मरामि देव देवेशं वक्रतुण्डं महाबलम् ।षडक्षरं कृपासिन्धुं नमामि ऋणमुक्तये ॥ १॥

asya śrīṛṇamocanamahāgaṇapatistotrasya śukrācārya ṛṣiḥ,anuṣṭupchandaḥ, śrīṛṇamocaka mahāgaṇapatirdevatā |mama ṛṇamocanamahāgaṇapatiprasādasid|hdhyarthe jape viniyogaḥ ||raktāṅgaṃ raktavastraṃ sitakusumagaṇaiḥ pūjitaṃ raktagandhaiḥkṣīrābdhau ratnapīṭhe surataruvimale ratnasiṃhāsanastham |dorbhiḥ pāśāṅkuśeṣṭābhayadharamatulaṃ candramauliṃ triṇetraṃdhyāyet śāntyarthamīśaṃ gaṇapatimamalaṃ śrīsametaṃ prasannam ||smarāmi deva deveśaṃ vakratuṇḍaṃ mahābalam |ṣaḍakṣaraṃ kṛpāsindhuṃ namāmi ṛṇamuktaye || 1||

एकाक्षरं ह्येकदन्तमेकं ब्रह्म सनातनम् ।एकमेवाद्वितीयं च नमामि ऋणमुक्तये ॥ २॥

ekākṣaraṃ hyekadantamekaṃ brahma sanātanam |ekamevādvitīyaṃ ca namāmi ṛṇamuktaye || 2||

महागणपतिं देवं महासत्वं(महासेतुं) महाबलम् ।महाविघ्नहरं शम्भोः नमामि ऋणमुक्तये ॥ ३॥

mahāgaṇapatiṃ devaṃ mahāsatvaṃ(mahāsetuṃ) mahābalam |mahāvighnaharaṃ śambhoḥ namāmi ṛṇamuktaye || 3||

(शुक्लाम्बरं शुक्लवर्णं शुक्लगन्धानुलेपनम् ।सर्वशुक्लमयं देवं नमामि ऋणमुक्तये ॥४॥)

(śuklāmbaraṃ śuklavarṇaṃ śuklagandhānulepanam |sarvaśuklamayaṃ devaṃ namāmi ṛṇamuktaye ||4||)

कृष्णाम्बरं कृष्णवर्णं कृष्णगन्धानुलेपनम् ।कृष्णसर्पोपवीतं च नमामि ऋणमुक्तये ॥ ४॥ (कृष्णयज्ञोपवीतं)

kṛṣṇāmbaraṃ kṛṣṇavarṇaṃ kṛṣṇagandhānulepanam |kṛṣṇasarpopavītaṃ ca namāmi ṛṇamuktaye || 4|| (kṛṣṇayajñopavītaṃ)

रक्ताम्बरं रक्तवर्णं रक्तगन्धानुलेपनम् ।रक्तपुष्पप्रियं देवं नमामि ऋणमुक्तये ॥ ५॥ (रक्तपुष्पैः पूज्यमानं)

raktāmbaraṃ raktavarṇaṃ raktagandhānulepanam |raktapuṣpapriyaṃ devaṃ namāmi ṛṇamuktaye || 5|| (raktapuṣpaiḥ pūjyamānaṃ)

पीताम्बरं पीतवर्णं पीतगन्धानुलेपनम् ।पीतपुष्पप्रियं देवं नमामि ऋणमुक्तये ॥ ६॥ (पीतपुष्पैः पूज्यमानं)

pītāmbaraṃ pītavarṇaṃ pītagandhānulepanam |pītapuṣpapriyaṃ devaṃ namāmi ṛṇamuktaye || 6|| (pītapuṣpaiḥ pūjyamānaṃ)

धूम्राम्बरं(धूम्राक्षं) धूम्रवर्णं धूम्रगन्धानुलेपनम् ।होम धूमप्रियं देवं नमामि ऋणमुक्तये ॥ ७॥ (धूम्रौष्पैः पूज्यमानं)

dhūmrāmbaraṃ(dhūmrākṣaṃ) dhūmravarṇaṃ dhūmragandhānulepanam |homa dhūmapriyaṃ devaṃ namāmi ṛṇamuktaye || 7|| (dhūmrauṣpaiḥ pūjyamānaṃ)

(सर्वसर्वात्मकं सर्वं वर्णं सर्वगन्धानुलेपनम् ।सर्वपुष्पै पूज्यमानं नमामि ऋणमुक्तये ॥)भालनेत्रं भालचन्द्रं पाशाङ्कुशधरं विभुम् ।चामरालङ्कृतं देवं नमामि ऋणमुक्तये ॥ ८॥

(sarvasarvātmakaṃ sarvaṃ varṇaṃ sarvagandhānulepanam |sarvapuṣpai pūjyamānaṃ namāmi ṛṇamuktaye ||)bhālanetraṃ bhālacandraṃ pāśāṅkuśadharaṃ vibhum |cāmarālaṅkṛtaṃ devaṃ namāmi ṛṇamuktaye || 8||

इदं त्वृणहरं स्तोत्रं सन्ध्यायां यः पठेन्नरः । (त्रिसन्ध्यं यः पठेन्नरः)षण्मासाभ्यन्तरेणैव ऋणमुक्तो भविष्यति ॥ ९॥

idaṃ tvṛṇaharaṃ stotraṃ sandhyāyāṃ yaḥ paṭhennaraḥ | (trisandhyaṃ yaḥ paṭhennaraḥ)ṣaṇmāsābhyantareṇaiva ṛṇamukto bhaviṣyati || 9||

(षण्मासाभ्यन्तरे तस्य ऋणच्छेदो न संशयः ।सहस्रदशकं कृत्वा ऋणमुक्तो धनी भवेत् ॥)इति श्रीब्रह्माण्डपुराणे श्रीऋणमोचनमहागणपतिस्तोत्रं सम्पूर्णम् ।ऋणहरस्तोत्रम्

(ṣaṇmāsābhyantare tasya ṛṇacchedo na saṃśayaḥ |sahasradaśakaṃ kṛtvā ṛṇamukto dhanī bhavet ||)iti śrībrahmāṇḍapurāṇe śrīṛṇamocanamahāgaṇapatistotraṃ sampūrṇam |ṛṇaharastotram