गणेशदुर्गस्तोत्रम् Shri Ganeshadurga Stotram

श्रीकृष्ण उवाच ।वद शिवमहानाथ पार्वतीरमणेश्वर ।दैत्यसङ्ग्रामवेलायां स्मरणीयं किमीश्वर ॥ १॥

śrīkṛṣṇa uvāca |vada śivamahānātha pārvatīramaṇeśvara |daityasaṅgrāmavelāyāṃ smaraṇīyaṃ kimīśvara || 1||

ईश्वर उवाच ।शृणुकृष्ण प्रवक्ष्यामि गुह्याद्गुह्यतरं महत् ।गणेशदुर्गदिव्यं च शृणु वक्ष्यामि भक्तितः ॥ २॥

īśvara uvāca |śṛṇukṛṣṇa pravakṣyāmi guhyādguhyataraṃ mahat |gaṇeśadurgadivyaṃ ca śṛṇu vakṣyāmi bhaktitaḥ || 2||

त्रिपुरवधवेलायां स्मरणीयं कमीश्वर ।दिव्यदुर्गप्रसादेन त्रिपुराणां वधः कृतः ॥ ३॥

tripuravadhavelāyāṃ smaraṇīyaṃ kamīśvara |divyadurgaprasādena tripurāṇāṃ vadhaḥ kṛtaḥ || 3||

श्रीकृष्ण उवाच ।हेरम्बस्य दुर्गमिदं वद त्वं भक्तवत्सल ।ईश्वर उवाच ।शृणु वत्स प्रवक्ष्यामि दुर्गं वैनायकं शुभम् ॥ ४॥

śrīkṛṣṇa uvāca |herambasya durgamidaṃ vada tvaṃ bhaktavatsala |īśvara uvāca |śṛṇu vatsa pravakṣyāmi durgaṃ vaināyakaṃ śubham || 4||

सङ्ग्रामे च श्मशानेच अरण्ये चोरसङ्कटे ।नृपद्वारे ज्वरे घोरे येनैव मुच्यते भयात् ॥ ५॥

saṅgrāme ca śmaśāneca araṇye corasaṅkaṭe |nṛpadvāre jvare ghore yenaiva mucyate bhayāt || 5||

प्राच्यां रक्षतु हेरम्बः आग्नेयामग्नितेजसा ।याम्यां लम्बोदरो रक्षेत् नैरृत्यां पार्वतीसुतः ॥ ६ ॥

prācyāṃ rakṣatu herambaḥ āgneyāmagnitejasā |yāmyāṃ lambodaro rakṣet nairṛtyāṃ pārvatīsutaḥ || 6 ||

प्रतीच्यां वक्रतुण्डश्च वायव्यां वरदप्रभुः ।गणेशः पातु औदिच्यां ईशान्यामीश्वरस्तथा ॥ ७॥

pratīcyāṃ vakratuṇḍaśca vāyavyāṃ varadaprabhuḥ |gaṇeśaḥ pātu audicyāṃ īśānyāmīśvarastathā || 7||

ऊर्ध्वं रक्षेत्धूम्रवर्णो ह्यधस्तात्पापनाशनः ।एवं दशदिशो रक्षेत् हेरम्बो विघ्ननाशनः ॥ ८॥

ūrdhvaṃ rakṣetdhūmravarṇo hyadhastātpāpanāśanaḥ |evaṃ daśadiśo rakṣet herambo vighnanāśanaḥ || 8||

हेरम्बस्य दुर्गमिदं त्रिकालं यः पठेन्नरः ।कोटिजन्मकृतं पापं एकावृत्तेन नश्यति ॥ ९॥

herambasya durgamidaṃ trikālaṃ yaḥ paṭhennaraḥ |koṭijanmakṛtaṃ pāpaṃ ekāvṛttena naśyati || 9||

गणेशाङ्गारशेषेण दिव्यदुर्गेण मन्त्रितम् ।ललाटं चर्चितं येन त्रैलोक्यवशमानयेत् ॥ १०॥

gaṇeśāṅgāraśeṣeṇa divyadurgeṇa mantritam |lalāṭaṃ carcitaṃ yena trailokyavaśamānayet || 10||

मात्रागमसहस्राणि सुरापानशतानि च ।तत्क्षणात्तानि नश्यन्ति गणेशतीर्थवन्दनात् ॥ ११॥

mātrāgamasahasrāṇi surāpānaśatāni ca |tatkṣaṇāttāni naśyanti gaṇeśatīrthavandanāt || 11||

नैवेद्यं वक्रतुण्डस्य नरो भुङ्क्ते तु भक्तितः ।राज्यदानसहस्राणि तेषां फलमवाप्नुयात् ॥ १२ ॥

naivedyaṃ vakratuṇḍasya naro bhuṅkte tu bhaktitaḥ |rājyadānasahasrāṇi teṣāṃ phalamavāpnuyāt || 12 ||

कदाचित् पठ्यते भक्त्या हेरम्बस्य प्रसादतः ।शाकिनीडाकिनीभूतप्रेतवेतालराक्षसाः ॥ १३॥

kadācit paṭhyate bhaktyā herambasya prasādataḥ |śākinīḍākinībhūtapretavetālarākṣasāḥ || 13||

ब्रह्मराक्षसकूष्माण्डाः प्रणश्यन्ति च दूरतः ।भूर्जे वा ताडपत्रे वा दुर्गं हेरम्बमालिखेत् ॥ १४॥

brahmarākṣasakūṣmāṇḍāḥ praṇaśyanti ca dūrataḥ |bhūrje vā tāḍapatre vā durgaṃ herambamālikhet || 14||

करमूले धृतं येन करस्थाः सर्वसिद्धयः ।एकमावर्तनं भक्त्या पठेन्नित्यं तु यो नरः ॥ १५॥

karamūle dhṛtaṃ yena karasthāḥ sarvasiddhayaḥ |ekamāvartanaṃ bhaktyā paṭhennityaṃ tu yo naraḥ || 15||

कल्पकोटिसहस्राणि शिवलोके महीयते ।लिङ्गदानसहस्राणि पृथ्विदान शतानि च ॥ १६॥

kalpakoṭisahasrāṇi śivaloke mahīyate |liṅgadānasahasrāṇi pṛthvidāna śatāni ca || 16||

गजदानसहस्रं च गणेशस्तवनात् फलम् ।इति श्रीपद्मपुराणे गणेशदिव्यदुर्गस्तोत्रं सम्पूर्णम् ।

gajadānasahasraṃ ca gaṇeśastavanāt phalam |iti śrīpadmapurāṇe gaṇeśadivyadurgastotraṃ sampūrṇam |