गणाधिपतिपञ्चरत्नस्तोत्रम् Shri Ganadhipati Pancharatna Stotram

ॐ सरागिलोकदुर्लभं विरागिलोकपूजितंसुरासुरैर्नमस्कृतं जरापमृत्युनाशकम् ।गिरा गुरुं श्रिया हरिं जयन्ति यत्पदार्चकाःनमामि तं गणाधिपं कृपापयः पयोनिधिम् ॥ १॥

oṃ sarāgilokadurlabhaṃ virāgilokapūjitaṃsurāsurairnamaskṛtaṃ jarāpamṛtyunāśakam |girā guruṃ śriyā hariṃ jayanti yatpadārcakāḥnamāmi taṃ gaṇādhipaṃ kṛpāpayaḥ payonidhim || 1||

गिरीन्द्रजामुखाम्बुज प्रमोददान भास्करंकरीन्द्रवक्त्रमानताघसङ्घवारणोद्यतम् ।सरीसृपेश बद्धकुक्षिमाश्रयामि सन्ततंशरीरकान्ति निर्जिताब्जबन्धुबालसन्ततिम् ॥ २॥

girīndrajāmukhāmbuja pramodadāna bhāskaraṃkarīndravaktramānatāghasaṅghavāraṇodyatam |sarīsṛpeśa baddhakukṣimāśrayāmi santataṃśarīrakānti nirjitābjabandhubālasantatim || 2||

शुकादिमौनिवन्दितं गकारवाच्यमक्षरंप्रकाममिष्टदायिनं सकामनम्रपङ्क्तये ।चकासतं चतुर्भुजैः विकासिपद्मपूजितंप्रकाशितात्मतत्वकं नमाम्यहं गणाधिपम् ॥ ३॥

śukādimaunivanditaṃ gakāravācyamakṣaraṃprakāmamiṣṭadāyinaṃ sakāmanamrapaṅktaye |cakāsataṃ caturbhujaiḥ vikāsipadmapūjitaṃprakāśitātmatatvakaṃ namāmyahaṃ gaṇādhipam || 3||

नराधिपत्वदायकं स्वरादिलोकनायकंज्वरादिरोगवारकं निराकृतासुरव्रजम् ।कराम्बुजोल्लसत्सृणिं विकारशून्यमानसैःहृदासदाविभावितं मुदा नमामि विघ्नपम् ॥ ४॥

narādhipatvadāyakaṃ svarādilokanāyakaṃjvarādirogavārakaṃ nirākṛtāsuravrajam |karāmbujollasatsṛṇiṃ vikāraśūnyamānasaiḥhṛdāsadāvibhāvitaṃ mudā namāmi vighnapam || 4||

श्रमापनोदनक्षमं समाहितान्तरात्मनांसुमादिभिः सदार्चितं क्षमानिधिं गणाधिपम् ।रमाधवादिपूजितं यमान्तकात्मसम्भवंशमादिषड्गुणप्रदं नमामि तं विभूतये ॥ ५॥

śramāpanodanakṣamaṃ samāhitāntarātmanāṃsumādibhiḥ sadārcitaṃ kṣamānidhiṃ gaṇādhipam |ramādhavādipūjitaṃ yamāntakātmasambhavaṃśamādiṣaḍguṇapradaṃ namāmi taṃ vibhūtaye || 5||

गणाधिपस्य पञ्चकं नृणामभीष्टदायकंप्रणामपूर्वकं जनाः पठन्ति ये मुदायुताः ।भवन्ति ते विदां पुरः प्रगीतवैभवाजवात्चिरायुषोऽधिकः श्रियस्सुसूनवो न संशयः ॥ ॐ ॥॥ इति दक्षिणाम्नाय श्रिङ्गेरी श्रीशारदापीठाधिपतिशङ्कराचार्य जगद्गुरुवर्यो श्री सच्चिदानन्दशिवाभिनव नृसिंहभारती महास्वामिभिः विरचितम्श्री गणाधिपति पञ्चरत्न स्तोत्रं सम्पूर्णम् ॥

gaṇādhipasya pañcakaṃ nṛṇāmabhīṣṭadāyakaṃpraṇāmapūrvakaṃ janāḥ paṭhanti ye mudāyutāḥ |bhavanti te vidāṃ puraḥ pragītavaibhavājavātcirāyuṣo'dhikaḥ śriyassusūnavo na saṃśayaḥ || oṃ |||| iti dakṣiṇāmnāya śriṅgerī śrīśāradāpīṭhādhipatiśaṅkarācārya jagadguruvaryo śrī saccidānandaśivābhinava nṛsiṃhabhāratī mahāsvāmibhiḥ viracitamśrī gaṇādhipati pañcaratna stotraṃ sampūrṇam ||