मूषिकवाहनशतनामस्तोत्रम् Mushikavahana Shatanama Stotram

मूषिकवाहन मोदकहस्त चामरकर्ण विलम्बितसूत्र ।वामनरूप महेश्वरपुत्र विघ्नविनायकपाद नमस्ते ॥ १॥

mūṣikavāhana modakahasta cāmarakarṇa vilambitasūtra |vāmanarūpa maheśvaraputra vighnavināyakapāda namaste || 1||

देवदेवसुतं देवं जगद्विघ्नविनाशकम् ।हस्तिरूपं महाकायं सूर्यकोटिसमप्रभम् ॥ २॥

devadevasutaṃ devaṃ jagadvighnavināśakam |hastirūpaṃ mahākāyaṃ sūryakoṭisamaprabham || 2||

वामनं जटिलं कान्तं ह्रस्वग्रीवं महोदरम् ।धूम्रसिन्दूरयुग्गण्डं विकटं प्रकटोत्कटम् ॥ ३॥

vāmanaṃ jaṭilaṃ kāntaṃ hrasvagrīvaṃ mahodaram |dhūmrasindūrayuggaṇḍaṃ vikaṭaṃ prakaṭotkaṭam || 3||

एकदन्तं प्रलम्बोष्ठं नागयज्ञोपवीतिनम् ।त्र्यक्षं गजमुखं कृष्णं सुकृतं रक्तवाससम् ॥ ४॥

ekadantaṃ pralamboṣṭhaṃ nāgayajñopavītinam |tryakṣaṃ gajamukhaṃ kṛṣṇaṃ sukṛtaṃ raktavāsasam || 4||

दन्तपाणिं च वरदं ब्रह्मण्यं ब्रह्मचारिणम् ।पुण्यं गणपतिं दिव्यं विघ्नराजं नमाम्यहम् ॥ ५॥

dantapāṇiṃ ca varadaṃ brahmaṇyaṃ brahmacāriṇam |puṇyaṃ gaṇapatiṃ divyaṃ vighnarājaṃ namāmyaham || 5||

देवं गणपतिं नाथं विश्वस्याग्रे तु गामिनम् ।देवानामधिकं श्रेष्ठं नायकं सुविनायकम् ॥ ६॥

devaṃ gaṇapatiṃ nāthaṃ viśvasyāgre tu gāminam |devānāmadhikaṃ śreṣṭhaṃ nāyakaṃ suvināyakam || 6||

नमामि भगवन्तं तं अद्भुतं गणनायकम् ।वक्रतुण्ड प्रचण्डाय उग्रतुण्डाय ते नमः ॥ ७॥

namāmi bhagavantaṃ taṃ adbhutaṃ gaṇanāyakam |vakratuṇḍa pracaṇḍāya ugratuṇḍāya te namaḥ || 7||

चण्डाय गुरु चण्डाय चण्डचण्डाय ते नमः ।मदोन्मत्तप्रमत्ताय नित्यमत्ताय ते नमः ॥ ८॥

caṇḍāya guru caṇḍāya caṇḍacaṇḍāya te namaḥ |madonmattapramattāya nityamattāya te namaḥ || 8||

उमासुतं नमस्यामि गङ्गापुत्राय ते नमः ।ओङ्काराय वषट्कार स्वाहाकाराय ते नमः ॥ ९॥

umāsutaṃ namasyāmi gaṅgāputrāya te namaḥ |oṅkārāya vaṣaṭkāra svāhākārāya te namaḥ || 9||

मन्त्रमूर्ते महायोगिन् जातवेदो नमो नमः ।पर्शुपाशकहस्ताय गजहस्ताय ते नमः ॥ १०॥

mantramūrte mahāyogin jātavedo namo namaḥ |parśupāśakahastāya gajahastāya te namaḥ || 10||

मेघाय मेघवर्णाय मेघेश्वर नमो नमः ।घोराय घोररूपाय घोरघोराय ते नमः ॥ ११॥

meghāya meghavarṇāya megheśvara namo namaḥ |ghorāya ghorarūpāya ghoraghorāya te namaḥ || 11||

पुराण पूर्वपूज्याय पुरुषाय नमो नमः ।मदोत्कट नमस्तेऽस्तु नमस्ते चण्डविक्रम ॥ १२॥

purāṇa pūrvapūjyāya puruṣāya namo namaḥ |madotkaṭa namaste'stu namaste caṇḍavikrama || 12||

विनायक नमस्तेऽस्तु नमस्ते भक्तवत्सल ।भक्तप्रियाय शान्ताय महातेजस्विने नमः ॥ १३॥

vināyaka namaste'stu namaste bhaktavatsala |bhaktapriyāya śāntāya mahātejasvine namaḥ || 13||

यज्ञाय यज्ञहोत्रे च यज्ञेशाय नमो नमः ।नमस्ते शुक्ल भस्माङ्ग शुक्लमाल्यधराय च ॥ १४॥

yajñāya yajñahotre ca yajñeśāya namo namaḥ |namaste śukla bhasmāṅga śuklamālyadharāya ca || 14||

मदक्लिन्न कपोलाय गणाधिपतये नमः ।रक्तपुष्पप्रियायाथ रक्तचन्दनभूषित ॥ १५॥

madaklinna kapolāya gaṇādhipataye namaḥ |raktapuṣpapriyāyātha raktacandanabhūṣita || 15||

अग्निहोत्राय शान्ताय अपराजय्य ते नमः ।आखुवाहन देवेश एकदन्ताय ते नमः ॥ १६॥

agnihotrāya śāntāya aparājayya te namaḥ |ākhuvāhana deveśa ekadantāya te namaḥ || 16||

शूर्पकर्णाय शूराय दीर्घदन्ताय ते नमः ।विघ्नं हरतु देवेशः शिवपुत्रो विनायकः ॥ १७॥

śūrpakarṇāya śūrāya dīrghadantāya te namaḥ |vighnaṃ haratu deveśaḥ śivaputro vināyakaḥ || 17||

इति मूषिकवाहस्य स्तोत्रं सर्वार्थसाधकम् ।सर्वमङ्गलमाङ्गल्यं सर्वपापप्रणाशनम् ।सर्वकामप्रदं पुंसां पठतां शृण्वतामपि ॥ १८॥

iti mūṣikavāhasya stotraṃ sarvārthasādhakam |sarvamaṅgalamāṅgalyaṃ sarvapāpapraṇāśanam |sarvakāmapradaṃ puṃsāṃ paṭhatāṃ śṛṇvatāmapi || 18||

इति मूषिकवाहनशतनामस्तोत्रं सम्पूर्णम् ।

iti mūṣikavāhanaśatanāmastotraṃ sampūrṇam |