वासवीकन्यकापरमेश्वरीस्तोत्रम् Shri Vasavi Kanyaka Parameshvari Stotram

कैलासाचलसन्निभे गिरिपुरे सौवर्णशृङ्गे महत्बोधायन्मणिमण्डपे सुरुतरुप्रान्ते च सिंहासने ।असीनां सकलैस्समर्चितपदां भक्तार्तिविध्वंसिनींवन्दे वासवीकन्यकां स्मितमुखीं सर्वार्थदामम्बिकाम् ॥ १॥

kailāsācalasannibhe giripure sauvarṇaśṛṅge mahatbodhāyanmaṇimaṇḍape surutaruprānte ca siṃhāsane |asīnāṃ sakalaissamarcitapadāṃ bhaktārtividhvaṃsinīṃvande vāsavīkanyakāṃ smitamukhīṃ sarvārthadāmambikām || 1||

नमस्ते वासवीदेवि नमस्ते विश्वपावनि ।व्रतसम्बन्धकौमारि भक्तत्रात्रे नमो नमः ॥ २॥

namaste vāsavīdevi namaste viśvapāvani |vratasambandhakaumāri bhaktatrātre namo namaḥ || 2||

नमस्ते भयसंहारि नमस्ते भवनाशिनि ।भाग्यदे सुखदे देवि वासवी ते नमो नमः ॥ ३॥

namaste bhayasaṃhāri namaste bhavanāśini |bhāgyade sukhade devi vāsavī te namo namaḥ || 3||

नमस्तेऽद्भुतसन्धाने नमस्ते भद्ररूपिणि ।नमस्ते पद्मपत्राक्षि सुन्दराङ्गि नमो नमः ॥ ४॥

namaste'dbhutasandhāne namaste bhadrarūpiṇi |namaste padmapatrākṣi sundarāṅgi namo namaḥ || 4||

नमस्ते विबुधानन्दे नमस्ते भक्तरञ्जनि ।नमस्ते योगसंयुक्ते वाणिकन्ये नमो नमः ॥ ५॥

namaste vibudhānande namaste bhaktarañjani |namaste yogasaṃyukte vāṇikanye namo namaḥ || 5||

नमस्ते बुधसंसेव्ये नमस्ते मङ्गलप्रदे ।नमस्ते शीतलापाङ्गि शङ्करि ते नमो नमः ॥ ६॥

namaste budhasaṃsevye namaste maṅgalaprade |namaste śītalāpāṅgi śaṅkari te namo namaḥ || 6||

नमस्ते च जगन्मातः नमस्ते कामदायिनि ।नमस्ते भक्तनिलये वरदे ते नमो नमः ॥ ७॥

namaste ca jaganmātaḥ namaste kāmadāyini |namaste bhaktanilaye varade te namo namaḥ || 7||

नमस्ते सिद्धसंसेव्ये नमस्ते चारुहासिनि ।नमस्तेऽद्भुतकल्याणि शर्वाणि ते नमो नमः ॥ ८॥

namaste siddhasaṃsevye namaste cāruhāsini |namaste'dbhutakalyāṇi śarvāṇi te namo namaḥ || 8||

नमस्ते भक्तसंरक्षादीक्षासम्बद्धकङ्कणे ।नमस्ते सर्वकाम्यार्थे वर्धे ते च नमो नमः ॥ ९॥

namaste bhaktasaṃrakṣādīkṣāsambaddhakaṅkaṇe |namaste sarvakāmyārthe vardhe te ca namo namaḥ || 9||

देवीं प्रणम्य सद्भक्त्या सर्वकामार्थसम्पदान् ।लभते नात्र सन्देहो देहान्ते मुक्तिमान् भवेत् ॥ १०॥

devīṃ praṇamya sadbhaktyā sarvakāmārthasampadān |labhate nātra sandeho dehānte muktimān bhavet || 10||

श्रीमाता कन्यकापरमेश्वरी देव्यै नमः ।इति श्रीवासवीकन्यकापरमेश्वरीस्तोत्रं सम्पूर्णम् ।

śrīmātā kanyakāparameśvarī devyai namaḥ |iti śrīvāsavīkanyakāparameśvarīstotraṃ sampūrṇam |