महामारीसहस्रनामस्तोत्रम् Shri Mahamari Sahasranama Stotram

ॐ शुक्लाम्बरधरं विष्णुं शशिवर्णं चतुर्भुजम् ।प्रसन्नवदनं ध्यायेत् सर्वविघ्नोपशान्तये ॥ॐ महामारी महामाया महामहिषवाहना ।मद्यपानरता मत्ता मधुकैटभमर्दिनी ॥ १॥

oṃ śuklāmbaradharaṃ viṣṇuṃ śaśivarṇaṃ caturbhujam |prasannavadanaṃ dhyāyet sarvavighnopaśāntaye ||oṃ mahāmārī mahāmāyā mahāmahiṣavāhanā |madyapānaratā mattā madhukaiṭabhamardinī || 1||

मन्युवृत्ता महादेवी मदिरापानलम्पटा ।महाहन्ता महाशान्ता महाकीर्तिर्महाबला ॥ २॥

manyuvṛttā mahādevī madirāpānalampaṭā |mahāhantā mahāśāntā mahākīrtirmahābalā || 2||

महाशक्तिर्महावीर्या महावेगा मनीषिणी ।महोत्पलधरा मन्युभीषणा महिमालया ॥ ३॥

mahāśaktirmahāvīryā mahāvegā manīṣiṇī |mahotpaladharā manyubhīṣaṇā mahimālayā || 3||

महारूपा महाक्रूरा महामन्त्रा महायुधा ।महाभक्षा महालक्ष्मीर्महाकाळी महोत्सवा ॥ ४॥

mahārūpā mahākrūrā mahāmantrā mahāyudhā |mahābhakṣā mahālakṣmīrmahākāḷī mahotsavā || 4||

मस्तकाग्निर्महाहासा महिता मद्यलोलुपा ।मरुद्गणा मदोन्मत्ता महातलनिवासिनी ॥ ५॥

mastakāgnirmahāhāsā mahitā madyalolupā |marudgaṇā madonmattā mahātalanivāsinī || 5||

मज्जा मलयजा मल्ला मन्दहासोज्ज्वलन्मुखी ।महान्धकारशमनी महारण्यालयस्थिता ॥ ६॥

majjā malayajā mallā mandahāsojjvalanmukhī |mahāndhakāraśamanī mahāraṇyālayasthitā || 6||

मनोज्ञा महितोदन्ता मदघूर्णितलोचना ।महाश्रया महामुख्या महाजिह्वा मलापहा ॥ ७॥

manojñā mahitodantā madaghūrṇitalocanā |mahāśrayā mahāmukhyā mahājihvā malāpahā || 7||

महापद्मवनान्तस्था मञ्जुला मङ्गलालया ।महेच्छा मन्मथस्तुत्या मदना मदमोहिनी ॥ ८॥

mahāpadmavanāntasthā mañjulā maṅgalālayā |mahecchā manmathastutyā madanā madamohinī || 8||

मर्मस्पृशा मत्स्यलोला महेशी मञ्जुभाषिणी ।मनस्विनी महोद्वेगा महासङ्कटहारिणी ॥ ९॥

marmaspṛśā matsyalolā maheśī mañjubhāṣiṇī |manasvinī mahodvegā mahāsaṅkaṭahāriṇī || 9||

महासत्त्वा महानन्दा महाकामा महाशना ।महाभगवती मह्या महारावा मनोन्मनी ॥ १०॥

mahāsattvā mahānandā mahākāmā mahāśanā |mahābhagavatī mahyā mahārāvā manonmanī || 10||

महानलपदाचारा महाजनवरप्रदा ।महाकामेश्वरीदूती महाकालाग्निरूपिणी ॥ ११॥

mahānalapadācārā mahājanavarapradā |mahākāmeśvarīdūtī mahākālāgnirūpiṇī || 11||

मकारादिक्षकारान्तवर्णमालाविलासिनी ।महिला मन्दहासास्या महाराज्यप्रदायिनी ॥ १२॥

makārādikṣakārāntavarṇamālāvilāsinī |mahilā mandahāsāsyā mahārājyapradāyinī || 12||

महाङ्कुशा महानादा महादुर्गा महेश्वरी ।महावेशा महाढक्काधरा मङ्गलदायिनी ॥ १३॥

mahāṅkuśā mahānādā mahādurgā maheśvarī |mahāveśā mahāḍhakkādharā maṅgaladāyinī || 13||

मङ्गला मधुरालापा महावेतालमर्दिनी ।महागौरी महामाता महाकोलाहलप्रिया ॥ १४॥

maṅgalā madhurālāpā mahāvetālamardinī |mahāgaurī mahāmātā mahākolāhalapriyā || 14||

महापिष्टाशनप्रीता महाविस्फोटरूपिणी ।महाचण्डी महावीरा महाग्रासा महीमयी ॥ १५॥

mahāpiṣṭāśanaprītā mahāvisphoṭarūpiṇī |mahācaṇḍī mahāvīrā mahāgrāsā mahīmayī || 15||

महामोहान्धकारघ्नी महादारिद्र्यनाशिनी ।महाशूला महेष्वासा महाकाशनिवासिनी ॥ १६॥

mahāmohāndhakāraghnī mahādāridryanāśinī |mahāśūlā maheṣvāsā mahākāśanivāsinī || 16||

महारोगप्रशमनी महाभयविनाशिनी ।महेशी मन्दगमना मन्दहासोज्ज्वलन्मुखी ॥ १७॥

mahārogapraśamanī mahābhayavināśinī |maheśī mandagamanā mandahāsojjvalanmukhī || 17||

मदालसगतिर्मन्त्ररूपिणी ममता मतिः ।मयूरपिञ्छिकोत्तंसा महालावण्यशालिनी ॥ १८॥

madālasagatirmantrarūpiṇī mamatā matiḥ |mayūrapiñchikottaṃsā mahālāvaṇyaśālinī || 18||

महाहिवलया मन्युघोषणा मधुराकृतिः ।महिषघ्नी महानिष्ठा मथुरापुरनायिका ॥ १९॥

mahāhivalayā manyughoṣaṇā madhurākṛtiḥ |mahiṣaghnī mahāniṣṭhā mathurāpuranāyikā || 19||

महान्यासप्रिया मध्यमा मानसविहारिणी ।मारी माया माननीया माधवप्रियसोदरी ॥ २०॥

mahānyāsapriyā madhyamā mānasavihāriṇī |mārī māyā mānanīyā mādhavapriyasodarī || 20||

माता मालाविभूषा मा मादिनी मार्गदर्शिनी ।मागधीवनमध्यस्था माषान्नप्रीतमानसा ॥ २१॥

mātā mālāvibhūṣā mā mādinī mārgadarśinī |māgadhīvanamadhyasthā māṣānnaprītamānasā || 21||

माहेश्वरी मानसौकवाहना मासरुपिणी ।मायाहतासुरगणा मातृमण्डलमध्यगा ॥ २२॥

māheśvarī mānasaukavāhanā māsarupiṇī |māyāhatāsuragaṇā mātṛmaṇḍalamadhyagā || 22||

मालिनी मालतीजातीमल्लिकादिसमर्चिता ।मित्रप्रिया मित्रपूज्या मिहिरारुणभास्वरा ॥ २३॥

mālinī mālatījātīmallikādisamarcitā |mitrapriyā mitrapūjyā mihirāruṇabhāsvarā || 23||

मीमांसा मीननयना मीनकेतनपूजिता ।मीनाक्षी मुद्गरधरा मुण्डिनी मुण्डमालिनी ॥ २४॥

mīmāṃsā mīnanayanā mīnaketanapūjitā |mīnākṣī mudgaradharā muṇḍinī muṇḍamālinī || 24||

मुख्या मुक्तावलीभूषा मुनिमानसहंसिनी ।मुण्डादिदैत्यदर्पघ्नी मुसलायुधधारिणी ॥ २५॥

mukhyā muktāvalībhūṣā munimānasahaṃsinī |muṇḍādidaityadarpaghnī musalāyudhadhāriṇī || 25||

मूलमन्त्रात्मिका मूलाधारपद्मासनस्थिता ।मूर्ता मूकासुरहरा मूलकर्मविनाशिनी ॥ २६॥

mūlamantrātmikā mūlādhārapadmāsanasthitā |mūrtā mūkāsuraharā mūlakarmavināśinī || 26||

मृगनाभिलसत्कण्ठी मृद्वङ्गी मृगवाहना ।मृदुपादाम्बुजा मृग्या मृदुला मृत्युनाशिनी ॥ २७॥

mṛganābhilasatkaṇṭhī mṛdvaṅgī mṛgavāhanā |mṛdupādāmbujā mṛgyā mṛdulā mṛtyunāśinī || 27||

मृणालिका तन्तुनिभा मृगनाभिविलेपना ।मृगाङ्कमुकुटा मृत्युमारी मृत्युञ्जयप्रिया ॥ २८॥

mṛṇālikā tantunibhā mṛganābhivilepanā |mṛgāṅkamukuṭā mṛtyumārī mṛtyuñjayapriyā || 28||

मेधा मेधावती मेघचारिणी मेखलावती ।मैरेयपानसुप्रीता मोहध्वान्तदिवाकरा ॥ २९॥

medhā medhāvatī meghacāriṇī mekhalāvatī |maireyapānasuprītā mohadhvāntadivākarā || 29||

मोहा मोहप्रदा मोहनाशिनी मोक्षदायिनी ।मौञ्जी मौञ्जीधरा मौलिसर्पा मौनिजनप्रिया ॥ ३०॥

mohā mohapradā mohanāśinī mokṣadāyinī |mauñjī mauñjīdharā maulisarpā maunijanapriyā || 30||

मन्दारकुसुमप्रख्या मन्त्रज्ञा मन्त्ररूपिणी ।मङ्क्षुप्रसन्नवदना मञ्जुला मङ्गलप्रदा ॥ ३१॥

mandārakusumaprakhyā mantrajñā mantrarūpiṇī |maṅkṣuprasannavadanā mañjulā maṅgalapradā || 31||

मांसला मांसनिलया मांसभक्षणलालसा ।यशस्विनी यताहारा यमबाधाविनाशिनी ॥ ३२॥

māṃsalā māṃsanilayā māṃsabhakṣaṇalālasā |yaśasvinī yatāhārā yamabādhāvināśinī || 32||

यज्ञोपवीतिनी यज्ञफलदा यतमानसा ।यथार्थवचना यन्त्रनिलया यज्ञरक्षिणी ॥ ३३॥

yajñopavītinī yajñaphaladā yatamānasā |yathārthavacanā yantranilayā yajñarakṣiṇī || 33||

यज्ञमाता यज्ञभोक्त्री यज्ञेशी यज्ञसम्भवा ।यज्ञक्रिया यज्ञरूपा यज्ञाङ्गी यन्त्रमध्यगा ॥ ३४॥

yajñamātā yajñabhoktrī yajñeśī yajñasambhavā |yajñakriyā yajñarūpā yajñāṅgī yantramadhyagā || 34||

यवागूपानसुप्रीता यज्ञधूपकुतूहला ।यमुना यरलवाकारा यक्षराज्ञी यजुःस्वरा ॥ ३५॥

yavāgūpānasuprītā yajñadhūpakutūhalā |yamunā yaralavākārā yakṣarājñī yajuḥsvarā || 35||

यशोदा यन्त्रनटना यक्ष्मरोगविनाशिनी ।यमा यक्ष्महरा यष्टिधारिणी यजनप्रिया ॥ ३६॥

yaśodā yantranaṭanā yakṣmarogavināśinī |yamā yakṣmaharā yaṣṭidhāriṇī yajanapriyā || 36||

यक्षिणी यक्षगन्धर्वपूजिता यमरूपिणी ।यामिनी यामिनीनाथपूजिता यानवाहिनी ॥ ३७॥

yakṣiṇī yakṣagandharvapūjitā yamarūpiṇī |yāminī yāminīnāthapūjitā yānavāhinī || 37||

यात्रिकैकसहाया या यामिनीमध्यचारिणी ।यामसञ्चारिणी यागरक्षिणी यागसम्भवा ॥ ३८॥

yātrikaikasahāyā yā yāminīmadhyacāriṇī |yāmasañcāriṇī yāgarakṣiṇī yāgasambhavā || 38||

युवतिर्युद्धनिपुणा युगान्ताग्निविलोचना ।युक्ता युगपरा युद्धरेणुका युद्धदुर्मदा ॥ ३९॥

yuvatiryuddhanipuṇā yugāntāgnivilocanā |yuktā yugaparā yuddhareṇukā yuddhadurmadā || 39||

यूथमध्या यूथसेव्या यूपबद्धबलिप्रिया ।योषा योधा योगनिष्ठा योगिनीगणमध्यगा ॥ ४०॥

yūthamadhyā yūthasevyā yūpabaddhabalipriyā |yoṣā yodhā yoganiṣṭhā yoginīgaṇamadhyagā || 40||

योगप्रदा योगरूपा योगिनी योधकारिणी ।योगासना योगनिद्रा योग्या योगिजनप्रिया ॥ ४१॥

yogapradā yogarūpā yoginī yodhakāriṇī |yogāsanā yoganidrā yogyā yogijanapriyā || 41||

योगगम्या योगपरा योगिहृत्पद्मवासिनी ।योषित्पूजनसुप्रीता योषित् योषित्स्वरूपिणी ॥ ४२॥

yogagamyā yogaparā yogihṛtpadmavāsinī |yoṣitpūjanasuprītā yoṣit yoṣitsvarūpiṇī || 42||

योक्त्री यौवनमध्यस्था यन्त्रबिन्द्वर्चनप्रिया ।रक्ताम्बरा रक्तमुखी रक्ताक्षी रक्तपायिनी ॥ ४३॥

yoktrī yauvanamadhyasthā yantrabindvarcanapriyā |raktāmbarā raktamukhī raktākṣī raktapāyinī || 43||

रक्ताभिषेकसन्तुष्टा रविमण्डलमध्यगा ।रक्तोत्पलधरा रक्तनिलया रजनीप्रिया ॥ ४४॥

raktābhiṣekasantuṣṭā ravimaṇḍalamadhyagā |raktotpaladharā raktanilayā rajanīpriyā || 44||

रक्षा रक्षाकरी रत्नभूषणा रजनीचरा ।रम्या रमा रसमयी रजनीकरशेखरा ॥ ४५॥

rakṣā rakṣākarī ratnabhūṣaṇā rajanīcarā |ramyā ramā rasamayī rajanīkaraśekharā || 45||

रमणी रामजननी रम्भा रमणलम्पटा ।रम्भाफलप्रिया रत्नकटका रणभैरवी ॥ ४६॥

ramaṇī rāmajananī rambhā ramaṇalampaṭā |rambhāphalapriyā ratnakaṭakā raṇabhairavī || 46||

रजस्वला रजोरूपा रसाभिज्ञा रजोगुणा ।रथिनी रजताकारा रता रतिपतिप्रिया ॥ ४७॥

rajasvalā rajorūpā rasābhijñā rajoguṇā |rathinī rajatākārā ratā ratipatipriyā || 47||

रसालया रज्जुहस्ता रविनेत्रा रतिप्रिया ।रञ्जिनी रणसन्तुष्टा रक्षोघ्नी रणकालिका ॥ ४८॥

rasālayā rajjuhastā ravinetrā ratipriyā |rañjinī raṇasantuṣṭā rakṣoghnī raṇakālikā || 48||

रमाज्ञापालिनी रत्नभूषणा रसशेवधिः ।रक्तबीजादिसंहर्त्री रक्तपानकुतूहला ॥ ४९॥

ramājñāpālinī ratnabhūṣaṇā rasaśevadhiḥ |raktabījādisaṃhartrī raktapānakutūhalā || 49||

रणप्रिया रणकरी राकाचन्द्रसमानना ।रागस्वरूपिणी रागालापसंसक्तमानसा ॥ ५०॥

raṇapriyā raṇakarī rākācandrasamānanā |rāgasvarūpiṇī rāgālāpasaṃsaktamānasā || 50||