शक्तिस्तवः ब्रह्मविष्णुशिवकृतः Shaktistava By Brahma Vishnu And Shiva

ब्रह्मविष्णुशिवा ऊचुःदेवि प्रसीद परमेऽखिलमूलरूपेचिद्रूपिणी परमसूक्ष्षतरा सदासि ।न श्रूयसे न च दृशापि च लभ्यसे त्वंन ध्यायसे च परमाणुहृदा नमस्ते ॥ १॥

brahmaviṣṇuśivā ūcuḥdevi prasīda parame'khilamūlarūpecidrūpiṇī paramasūkṣṣatarā sadāsi |na śrūyase na ca dṛśāpi ca labhyase tvaṃna dhyāyase ca paramāṇuhṛdā namaste || 1||

निद्राङ्गतस्य पुरुषस्य तनूरुहेषुगच्छत्पिपीलिगतिवोध इतीह यश्चा ।सैव त्वमात्मनि सुयोगविविक्तचित्तेसूक्ष्मातिसूक्ष्ममतिरेव नमोऽस्तु ते वै ॥ २॥

nidrāṅgatasya puruṣasya tanūruheṣugacchatpipīligativodha itīha yaścā |saiva tvamātmani suyogaviviktacittesūkṣmātisūkṣmamatireva namo'stu te vai || 2||

एतादृशं परमसूक्ष्मतरं महेशिज्ञानं न सम्भवति देवमनुष्यकेषु ।यस्तु प्रशक्यतितरामचलावबोधःसैवासि मुक्तिरपरा प्रणनामि तुभ्यम् ॥ ३॥

etādṛśaṃ paramasūkṣmataraṃ maheśijñānaṃ na sambhavati devamanuṣyakeṣu |yastu praśakyatitarāmacalāvabodhaḥsaivāsi muktiraparā praṇanāmi tubhyam || 3||

किं सम्भवेत्परमसूक्ष्मकलात्मिकायाःस्तोत्रप्रणाममननानि तवातिसूकष्मे ।तत्रापि देवि भवतीं प्रतिलब्धुकामाःस्यामो वयं कृपय देवि परिप्रसीद ॥ ४॥

kiṃ sambhavetparamasūkṣmakalātmikāyāḥstotrapraṇāmamananāni tavātisūkaṣme |tatrāpi devi bhavatīṃ pratilabdhukāmāḥsyāmo vayaṃ kṛpaya devi pariprasīda || 4||

त्वं स्वेच्छया सृजसि पासि गुणत्रयार्हान्शेषे च संहरसि नोऽपि जगत् किमन्यत् ।स्थूलासि सूक्ष्षपरमासि महात्मिकासित्वं निष्कलानवगमासि निषेधशेषा ॥ ५॥

tvaṃ svecchayā sṛjasi pāsi guṇatrayārhānśeṣe ca saṃharasi no'pi jagat kimanyat |sthūlāsi sūkṣṣaparamāsi mahātmikāsitvaṃ niṣkalānavagamāsi niṣedhaśeṣā || 5||

सानुग्रहात्धृततनूरपि निर्विकाराश्रूभङ्गमात्रकलिताण्डचयासि देवि ।तेन प्रणाममननस्तवनादिकानिकार्याणि कुर्म इह देवि वरे प्रसीद ॥ ६॥

sānugrahātdhṛtatanūrapi nirvikārāśrūbhaṅgamātrakalitāṇḍacayāsi devi |tena praṇāmamananastavanādikānikāryāṇi kurma iha devi vare prasīda || 6||

निर्हेतुभक्तिसुलभे भवदुर्लभा त्वंनिर्हेतुभक्तिरपि दुर्घटिता जनेषु ।तस्माच्छरीर्यपि शरीरविबन्धहीनोयस्त्वां स्मरेत्स भवतीं समवैति लोके ॥ ७॥

nirhetubhaktisulabhe bhavadurlabhā tvaṃnirhetubhaktirapi durghaṭitā janeṣu |tasmāccharīryapi śarīravibandhahīnoyastvāṃ smaretsa bhavatīṃ samavaiti loke || 7||

त्वं ब्रह्मविष्णुशिवदेहकरी च विष्णुराकाशकालवदतीन्द्रियकासि मातः ।बहाण्डकोटिकसमुद्धरलोमकूपा किंक्षुद्रचेतसि जनैः परिचिन्तनीया ॥ ८॥

tvaṃ brahmaviṣṇuśivadehakarī ca viṣṇurākāśakālavadatīndriyakāsi mātaḥ |bahāṇḍakoṭikasamuddharalomakūpā kiṃkṣudracetasi janaiḥ paricintanīyā || 8||

दाक्षायणीमपि सतीं सुरुचिं रवीन्दुसाहस्रकोटिरुचिकां परितः स्मरामः ।श्यामासि चन्द्रधवलासि च हेमगौरीरक्तासि चित्तमनुरूपतनुं स्मरामः ॥ ९॥

dākṣāyaṇīmapi satīṃ suruciṃ ravīndusāhasrakoṭirucikāṃ paritaḥ smarāmaḥ |śyāmāsi candradhavalāsi ca hemagaurīraktāsi cittamanurūpatanuṃ smarāmaḥ || 9||

त्वं वै समस्तसकलात्मसु वर्तमानायद्यन्नियोजयसि देवि तदेव सर्वे ।कुर्वन्ति चाथ खलु ये मम तेऽहमेतत्सम्यक्करोम्युत किलेति शिवासि माया ॥ १०॥

tvaṃ vai samastasakalātmasu vartamānāyadyanniyojayasi devi tadeva sarve |kurvanti cātha khalu ye mama te'hametatsamyakkaromyuta kileti śivāsi māyā || 10||

काली नवीनघनरूपपरार्द्धचन्द्रविभ्राजमानशुभमौलितलामला च ।दुर्गा लसच्चरणपद्मतला भवानीमाताम्बिका च सदया सततं प्रसीद ॥ ११॥

kālī navīnaghanarūpaparārddhacandravibhrājamānaśubhamaulitalāmalā ca |durgā lasaccaraṇapadmatalā bhavānīmātāmbikā ca sadayā satataṃ prasīda || 11||

॥ इति बृहद्धर्मपुराणे ब्रह्मविष्णुशिवाकृता शक्तिस्तवः सम्पूर्णः ॥॥ बृहद्धर्मपुराणम् । मध्यखण्डः । अध्यायः ४१। १९२९ ॥

|| iti bṛhaddharmapurāṇe brahmaviṣṇuśivākṛtā śaktistavaḥ sampūrṇaḥ |||| bṛhaddharmapurāṇam | madhyakhaṇḍaḥ | adhyāyaḥ 41| 1929 ||