योगमायास्तोत्रम् २ Brahmaproktam Yogamaya Stotram 2

ब्रह्मोवाच ।विप्रनन्दनवर्य त्वं सावधानतया शृणु ।विष्णौ गते भगवति यदकार्षमहं खलु ॥ २॥

brahmovāca |vipranandanavarya tvaṃ sāvadhānatayā śṛṇu |viṣṇau gate bhagavati yadakārṣamahaṃ khalu || 2||

विद्याविद्यात्मिकां शुद्धां परब्रह्मस्वरूपिणीम् ।स्तौमि देव जगद्धात्रीं दुर्गां शम्भुप्रियां सदा ॥ ३॥

vidyāvidyātmikāṃ śuddhāṃ parabrahmasvarūpiṇīm |staumi deva jagaddhātrīṃ durgāṃ śambhupriyāṃ sadā || 3||

सर्वत्र व्यापिनीं नित्यां निरालम्बां निराकुलाम् ।त्रिदेवजननीं वन्दे स्थूलस्थूलामरूपिणीम् ॥ ४॥

sarvatra vyāpinīṃ nityāṃ nirālambāṃ nirākulām |tridevajananīṃ vande sthūlasthūlāmarūpiṇīm || 4||

त्वं चितिः परमानन्दा परमात्मस्वरूपिणी ।प्रसन्ना भव देवेशि मत्कार्यं कुरु ते नमः ॥ ५॥

tvaṃ citiḥ paramānandā paramātmasvarūpiṇī |prasannā bhava deveśi matkāryaṃ kuru te namaḥ || 5||

ब्रह्मोवाच ।एवं संस्तूयमाना सा योगनिद्रा मया मुने ।आविर्बभूव प्रत्यक्षं देवर्षे चण्डिका मम ॥ ६॥

brahmovāca |evaṃ saṃstūyamānā sā yoganidrā mayā mune |āvirbabhūva pratyakṣaṃ devarṣe caṇḍikā mama || 6||

स्निग्धाञ्जनद्युतिश्चारुरूपा दिव्यचतुर्भुजा ।सिंहस्था वरहस्ता च मुक्तामणिकचोत्कटा ॥ ७॥

snigdhāñjanadyutiścārurūpā divyacaturbhujā |siṃhasthā varahastā ca muktāmaṇikacotkaṭā || 7||

शरदिन्द्वानना शुभ्रचन्द्रभाला त्रिलोचना ।सर्वावयवरम्या च कमलाङ्घ्रिनखद्युतिः ॥ ८॥

śaradindvānanā śubhracandrabhālā trilocanā |sarvāvayavaramyā ca kamalāṅghrinakhadyutiḥ || 8||

समक्षं तामुमां वीक्ष्य मुने शक्तिं शिवस्य हि ।भक्त्या विनततुङ्गांशः प्रास्तवं सुप्रणम्य वै ॥ ९॥

samakṣaṃ tāmumāṃ vīkṣya mune śaktiṃ śivasya hi |bhaktyā vinatatuṅgāṃśaḥ prāstavaṃ supraṇamya vai || 9||

ब्रह्मोवाच ।नमो नमस्ते जगतःप्रवृत्तिनिवृतिरूपे स्थितिसर्गरूपे ।चराचराणां भवती सुशक्तिस्सनातनी सर्वविमोहनीति ॥ २\।११\।१०॥या श्रीः सदा केशवमूर्तिमाला विश्वम्भरा या सकलं बिभर्ति ।या त्वं पुरा सृष्टिकरी महेशी हर्त्री त्रिलोकस्य परा गुणेभ्यः ॥ ११॥

brahmovāca |namo namaste jagataḥpravṛttinivṛtirūpe sthitisargarūpe |carācarāṇāṃ bhavatī suśaktissanātanī sarvavimohanīti || 2\|11\|10||yā śrīḥ sadā keśavamūrtimālā viśvambharā yā sakalaṃ bibharti |yā tvaṃ purā sṛṣṭikarī maheśī hartrī trilokasya parā guṇebhyaḥ || 11||

या योगिनां वै महिता मनोज्ञा सा त्वं न ते परमाणुसारे ।यमादिपूते हृदि योगिनां या या योगिनां ध्यानपथे प्रतीता ॥ १२॥

yā yogināṃ vai mahitā manojñā sā tvaṃ na te paramāṇusāre |yamādipūte hṛdi yogināṃ yā yā yogināṃ dhyānapathe pratītā || 12||

प्रकाशशुद्।ह्ध्यादियुता विरागा सा त्वं हि विद्या विविधावलम्बा ।कूटस्थमव्यक्तमनन्तरूपं त्वं बिभ्रती कालमयी जगन्ति ॥ १३॥

prakāśaśud|hdhyādiyutā virāgā sā tvaṃ hi vidyā vividhāvalambā |kūṭasthamavyaktamanantarūpaṃ tvaṃ bibhratī kālamayī jaganti || 13||

विकारबीजं प्रकरोषि नित्यं गुणान्विता सर्वजनेषु नूनम् ।त्वं वै गुणानां च शिवे त्रयाणां निदानभूता च ततः परासि ॥ १४॥

vikārabījaṃ prakaroṣi nityaṃ guṇānvitā sarvajaneṣu nūnam |tvaṃ vai guṇānāṃ ca śive trayāṇāṃ nidānabhūtā ca tataḥ parāsi || 14||

सत्त्वं रजस्तामस इत्यमीषां विकारहीना समुवस्तितीर्या ।सा त्वं गुणानां जगदेकहेतुं ब्रह्मान्तरा रम्भसि चात्सि पासि ॥ १५॥

sattvaṃ rajastāmasa ityamīṣāṃ vikārahīnā samuvastitīryā |sā tvaṃ guṇānāṃ jagadekahetuṃ brahmāntarā rambhasi cātsi pāsi || 15||

अशेषजगतां बीजे ज्ञेयज्ञानस्वरूपिणि ।जगद्धिताय सततं शिवपत्नि नमोऽस्तु ते ॥ १६॥

aśeṣajagatāṃ bīje jñeyajñānasvarūpiṇi |jagaddhitāya satataṃ śivapatni namo'stu te || 16||

इति शिवपुराणे रुद्रसंहितायां सतीखण्डेएकादशाध्यायान्तर्गतं ब्रह्मप्रोक्तंयोगमायास्तोत्रं समाप्तम् ।शिवपुराण । रुद्रसंहिता । सतीखण्ड । अध्याय ११/३५, १०१६॥शिवपुराण । रुद्रसंहिता । सतीखण्ड । अध्याय ११/३-५, १०-१६॥

iti śivapurāṇe rudrasaṃhitāyāṃ satīkhaṇḍeekādaśādhyāyāntargataṃ brahmaproktaṃyogamāyāstotraṃ samāptam |śivapurāṇa | rudrasaṃhitā | satīkhaṇḍa | adhyāya 11/35, 1016||śivapurāṇa | rudrasaṃhitā | satīkhaṇḍa | adhyāya 11/3-5, 10-16||