दशावतारवर्णनम् Dashavataravarnanam from Narasimhapurana

मार्कण्डेय उवाचअवतारानहं वक्ष्ये देवदेवस्य चक्रिणः ।ताञ्शृणुष्व महीपाल पवित्रान् पापनाशनान् ॥ १॥

mārkaṇḍeya uvācaavatārānahaṃ vakṣye devadevasya cakriṇaḥ |tāñśṛṇuṣva mahīpāla pavitrān pāpanāśanān || 1||

यथा मत्स्येन रूपेण दत्ता वेदाः स्वयम्भुवे ।मधुकैटभौ च निधनं प्रापितौ च महात्मना ॥ २॥

yathā matsyena rūpeṇa dattā vedāḥ svayambhuve |madhukaiṭabhau ca nidhanaṃ prāpitau ca mahātmanā || 2||

यथा कौर्मेण रूपेण विष्णुना मन्दरो धृतः ।तथा पृथ्वी धृता राजन् वाराहेण महात्मना ॥ ३॥

yathā kaurmeṇa rūpeṇa viṣṇunā mandaro dhṛtaḥ |tathā pṛthvī dhṛtā rājan vārāheṇa mahātmanā || 3||

तेनैव निधनं प्राप्तो यथा राजन् महाबलः ।हिरण्याक्षो महावीर्यो दितिपुत्रो महातनुः ॥ ४॥

tenaiva nidhanaṃ prāpto yathā rājan mahābalaḥ |hiraṇyākṣo mahāvīryo ditiputro mahātanuḥ || 4||

यथा हिरण्यकशिपुस्त्रिदशानामरिः पुरा ।नरसिंहेन देवेन प्रापितो निधनं नृप ॥ ५॥

yathā hiraṇyakaśipustridaśānāmariḥ purā |narasiṃhena devena prāpito nidhanaṃ nṛpa || 5||

यथा बद्धो बलिः पूर्वं वामनेन महात्मना ।इन्द्रस्त्रिभुवनाध्यक्षः कृतस्तेन नृपात्मज ॥ ६॥

yathā baddho baliḥ pūrvaṃ vāmanena mahātmanā |indrastribhuvanādhyakṣaḥ kṛtastena nṛpātmaja || 6||

रामेण भूत्वा च यथा विष्णुना रावणो हतः ।सगणाश्चदभुता राजन् राक्षसा देवकण्टकाः ॥ ७॥

rāmeṇa bhūtvā ca yathā viṣṇunā rāvaṇo hataḥ |sagaṇāścadabhutā rājan rākṣasā devakaṇṭakāḥ || 7||

यथा परशुरामेण क्षत्रमुत्सादितं पुरा ।बलभद्रेण रामेण यथा दैत्यः पुरा हतः ॥ ८॥

yathā paraśurāmeṇa kṣatramutsāditaṃ purā |balabhadreṇa rāmeṇa yathā daityaḥ purā hataḥ || 8||

यथा कृष्णेन कंसाद्या हता दैत्याः सुरद्विषः ।कलौ प्राप्ते यथा बुद्धो भवेन्नारायणः प्रभुः ॥ ९॥

yathā kṛṣṇena kaṃsādyā hatā daityāḥ suradviṣaḥ |kalau prāpte yathā buddho bhavennārāyaṇaḥ prabhuḥ || 9||

कल्किरूपं समास्थाय यथा म्लेच्छा निपातिताः ।समाप्ते तु कलौ भूयस्तथा ते कथयाम्यहम् ॥ १०॥

kalkirūpaṃ samāsthāya yathā mlecchā nipātitāḥ |samāpte tu kalau bhūyastathā te kathayāmyaham || 10||

हरेरनन्तस्य पराक्रमं यः शृणोति भूपाल समाहितात्मा ।मयोच्यमानं स विमुच्य पापं प्रयाति विष्णोः पदमत्युदारम् ॥ ११॥

hareranantasya parākramaṃ yaḥ śṛṇoti bhūpāla samāhitātmā |mayocyamānaṃ sa vimucya pāpaṃ prayāti viṣṇoḥ padamatyudāram || 11||

इति ।नरसिंहपुराण अध्याय ३६ श्लोकसंख्या ११श्रीनरसिंहपुराणे हरेः प्रादुर्भावानुक्रमणे षटत्रिंशोऽध्यायः ॥ ३६॥

iti |narasiṃhapurāṇa adhyāya 36 ślokasaṃkhyā 11śrīnarasiṃhapurāṇe hareḥ prādurbhāvānukramaṇe ṣaṭatriṃśo'dhyāyaḥ || 36||