श्रीदक्षिणामूर्तिस्तोत्रम् Dakshinamurthy Stotram
śrīdakṣiṇāmūrtistotram
Ādi Śaṅkarācārya's ten verses to Śiva as Dakṣiṇāmūrti, the silent teacher, which set out the whole of Advaita Vedānta in a hymn.
- Stotra
- Stotra
- Dakṣiṇāmūrti
- Śiva
- Stotra
श्रीदक्षिणामूर्तिस्तोत्रम्
1 / 11
मौनव्याख्याप्रकटितपरब्रह्मतत्त्वं युवानंवर्षिष्ठान्ते वसदृषिगणैरावृतं ब्रह्मनिष्ठैः ।आचार्येन्द्रं करकलितचिन्मुद्रमानन्दमूर्तिंस्वात्मारामं मुदितवदनं दक्षिणामूर्तिमीडे ॥
maunavyākhyāprakaṭitaparabrahmatattvaṃ yuvānaṃvarṣiṣṭhānte vasadṛṣigaṇairāvṛtaṃ brahmaniṣṭhaiḥ |ācāryendraṃ karakalitacinmudramānandamūrtiṃsvātmārāmaṃ muditavadanaṃ dakṣiṇāmūrtimīḍe ||
I praise Dakṣiṇāmūrti, the youthful teacher who reveals the truth of the supreme Brahman through silence, surrounded by aged sages established in Brahman; chief of teachers, his hand in the cin-mudrā, bliss embodied, delighting in the Self, his face full of joy.
विश्वं दर्पणदृश्यमाननगरीतुल्यं निजान्तर्गतंपश्यन्नात्मनि मायया बहिरिवोद्भूतं यथा निद्रया ।यः साक्षात्कुरुते प्रबोधसमये स्वात्मानमेवाद्वयंतस्मै श्रीगुरुमूर्तये नम इदं श्रीदक्षिणामूर्तये ॥१॥
viśvaṃ darpaṇadṛśyamānanagarītulyaṃ nijāntargataṃpaśyannātmani māyayā bahirivodbhūtaṃ yathā nidrayā |yaḥ sākṣātkurute prabodhasamaye svātmānamevādvayaṃtasmai śrīgurumūrtaye nama idaṃ śrīdakṣiṇāmūrtaye ||1||
He sees the universe, which lies within himself like a city seen in a mirror, as if it had arisen outside through māyā, as in a dream; and on waking he realises it as his own non-dual Self. To him, the guru in the form of Dakṣiṇāmūrti, this salutation.
बीजस्यान्तरिवाङ्कुरो जगदिदं प्राङ्निर्विकल्पं पुनःमायाकल्पितदेशकालकलनावैचित्र्यचित्रीकृतम् ।मायावीव विजृम्भयत्यपि महायोगीव यः स्वेच्छयातस्मै श्रीगुरुमूर्तये नम इदं श्रीदक्षिणामूर्तये ॥२॥
bījasyāntarivāṅkuro jagadidaṃ prāṅnirvikalpaṃ punaḥmāyākalpitadeśakālakalanāvaicitryacitrīkṛtam |māyāvīva vijṛmbhayatyapi mahāyogīva yaḥ svecchayātasmai śrīgurumūrtaye nama idaṃ śrīdakṣiṇāmūrtaye ||2||
Like the sprout within a seed, this world was first undifferentiated; then, coloured by the variety of space and time projected by māyā, it is unfolded at will as if by a magician or a great yogi. To him, the guru Dakṣiṇāmūrti, this salutation.
यस्यैव स्फुरणं सदात्मकमसत्कल्पार्थगं भासतेसाक्षात्तत्त्वमसीति वेदवचसा यो बोधयत्याश्रितान् ।यत्साक्षात्करणाद्भवेन्न पुनरावृत्तिर्भवाम्भोनिधौतस्मै श्रीगुरुमूर्तये नम इदं श्रीदक्षिणामूर्तये ॥३॥
yasyaiva sphuraṇaṃ sadātmakamasatkalpārthagaṃ bhāsatesākṣāttattvamasīti vedavacasā yo bodhayatyāśritān |yatsākṣātkaraṇādbhavenna punarāvṛttirbhavāmbhonidhautasmai śrīgurumūrtaye nama idaṃ śrīdakṣiṇāmūrtaye ||3||
His shining alone, which is pure existence, appears in the things imagined as unreal; he awakens those who come to him with the Vedic words “That thou art”; and by realising him there is no return to the ocean of birth. To him, this salutation.
नानाच्छिद्रघटोदरस्थितमहादीपप्रभाभास्वरंज्ञानं यस्य तु चक्षुरादिकरणद्वारा बहिः स्पन्दते ।जानामीति तमेव भान्तमनुभात्येतत्समस्तं जगत्तस्मै श्रीगुरुमूर्तये नम इदं श्रीदक्षिणामूर्तये ॥४॥
nānācchidraghaṭodarasthitamahādīpaprabhābhāsvaraṃjñānaṃ yasya tu cakṣurādikaraṇadvārā bahiḥ spandate |jānāmīti tameva bhāntamanubhātyetatsamastaṃ jagattasmai śrīgurumūrtaye nama idaṃ śrīdakṣiṇāmūrtaye ||4||
His knowledge, like the light of a great lamp inside a pot pierced with many holes, streams outward through the eyes and the other senses; the whole world shines after him alone as he shines, saying “I know”. To him, this salutation.
देहं प्राणमपीन्द्रियाण्यपि चलां बुद्धिं च शून्यं विदुःस्त्रीबालान्धजडोपमास्त्वहमिति भ्रान्ता भृशं वादिनः ।मायाशक्तिविलासकल्पितमहाव्यामोहसंहारिणेतस्मै श्रीगुरुमूर्तये नम इदं श्रीदक्षिणामूर्तये ॥५॥
dehaṃ prāṇamapīndriyāṇyapi calāṃ buddhiṃ ca śūnyaṃ viduḥstrībālāndhajaḍopamāstvahamiti bhrāntā bhṛśaṃ vādinaḥ |māyāśaktivilāsakalpitamahāvyāmohasaṃhāriṇetasmai śrīgurumūrtaye nama idaṃ śrīdakṣiṇāmūrtaye ||5||
Those who argue that the body, the breath, the senses, the restless intellect or the void is the “I” are deeply deluded, like women, children, the blind and the dull. To him who destroys this great delusion created by the play of māyā, this salutation.
राहुग्रस्तदिवाकरेन्दुसदृशो मायासमाच्छादनात्सन्मात्रः करणोपसंहरणतो योऽभूत्सुषुप्तः पुमान् ।प्रागस्वाप्समिति प्रबोधसमये यः प्रत्यभिज्ञायतेतस्मै श्रीगुरुमूर्तये नम इदं श्रीदक्षिणामूर्तये ॥६॥
rāhugrastadivākarendusadṛśo māyāsamācchādanātsanmātraḥ karaṇopasaṃharaṇato yo'bhūtsuṣuptaḥ pumān |prāgasvāpsamiti prabodhasamaye yaḥ pratyabhijñāyatetasmai śrīgurumūrtaye nama idaṃ śrīdakṣiṇāmūrtaye ||6||
Like the sun or moon eclipsed by Rāhu, the person who, covered by māyā, remains as pure being in deep sleep when the senses are withdrawn, recognises on waking “I slept before”. To him, this salutation.
बाल्यादिष्वपि जाग्रदादिषु तथा सर्वास्ववस्थास्वपिव्यावृत्तास्वनुवर्तमानमहमित्यन्तः स्फुरन्तं सदा ।स्वात्मानं प्रकटीकरोति भजतां यो मुद्रया भद्रयातस्मै श्रीगुरुमूर्तये नम इदं श्रीदक्षिणामूर्तये ॥७॥
bālyādiṣvapi jāgradādiṣu tathā sarvāsvavasthāsvapivyāvṛttāsvanuvartamānamahamityantaḥ sphurantaṃ sadā |svātmānaṃ prakaṭīkaroti bhajatāṃ yo mudrayā bhadrayātasmai śrīgurumūrtaye nama idaṃ śrīdakṣiṇāmūrtaye ||7||
Through childhood and the other stages, through waking and the other states, in all conditions the Self shines within as “I”, continuous through all that changes. To him who reveals this Self to his devotees with the auspicious cin-mudrā, this salutation.
विश्वं पश्यति कार्यकारणतया स्वस्वामिसम्बन्धतःशिष्याचार्यतया तथैव पितृपुत्राद्यात्मना भेदतः ।स्वप्ने जाग्रति वा य एष पुरुषो मायापरिभ्रामितःतस्मै श्रीगुरुमूर्तये नम इदं श्रीदक्षिणामूर्तये ॥८॥
viśvaṃ paśyati kāryakāraṇatayā svasvāmisambandhataḥśiṣyācāryatayā tathaiva pitṛputrādyātmanā bhedataḥ |svapne jāgrati vā ya eṣa puruṣo māyāparibhrāmitaḥtasmai śrīgurumūrtaye nama idaṃ śrīdakṣiṇāmūrtaye ||8||
The person deluded by māyā, in dream or waking, sees the world as divided into cause and effect, owner and owned, disciple and teacher, father and son. To him, this salutation.
भूरम्भांस्यनलोऽनिलोऽम्बरमहर्नाथो हिमांशुः पुमान्इत्याभाति चराचरात्मकमिदं यस्यैव मूर्त्यष्टकम् ।नान्यत्किञ्चन विद्यते विमृशतां यस्मात्परस्माद्विभोःतस्मै श्रीगुरुमूर्तये नम इदं श्रीदक्षिणामूर्तये ॥९॥
bhūrambhāṃsyanalo'nilo'mbaramaharnātho himāṃśuḥ pumānityābhāti carācarātmakamidaṃ yasyaiva mūrtyaṣṭakam |nānyatkiñcana vidyate vimṛśatāṃ yasmātparasmādvibhoḥtasmai śrīgurumūrtaye nama idaṃ śrīdakṣiṇāmūrtaye ||9||
Earth, water, fire, air, space, the sun, the moon and the individual: this moving and unmoving world appears as his eightfold form, and for those who reflect, nothing exists apart from that supreme, all-pervading Lord. To him, this salutation.
सर्वात्मत्वमिति स्फुटीकृतमिदं यस्मादमुष्मिन् स्तवेतेनास्य श्रवणात्तदर्थमननाद्ध्यानाच्च सङ्कीर्तनात् ।सर्वात्मत्वमहाविभूतिसहितं स्यादीश्वरत्वं स्वतःसिद्ध्येत्तत्पुनरष्टधा परिणतं चैश्वर्यमव्याहतम् ॥१०॥
sarvātmatvamiti sphuṭīkṛtamidaṃ yasmādamuṣmin stavetenāsya śravaṇāttadarthamananāddhyānācca saṅkīrtanāt |sarvātmatvamahāvibhūtisahitaṃ syādīśvaratvaṃ svataḥsiddhyettatpunaraṣṭadhā pariṇataṃ caiśvaryamavyāhatam ||10||
Because this hymn makes clear that the Self is all, by hearing it, reflecting on its meaning, meditating on it and reciting it, one gains lordship with the great glory of being the Self of all, and unobstructed mastery in its eightfold form.
॥ इति श्रीदक्षिणामूर्तिस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Dakshinamurthy Stotram?
Dakshinamurthy Stotram has 11 verses on this page, each shown with its number, Devanagari text and transliteration, and meaning where available.
Can I read Dakshinamurthy Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Dakshinamurthy Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Dakshinamurthy Stotram?
Ādi Śaṅkarācārya.
