मल्लारिमाहात्म्यम् Shri Mallari Mahatmyam

ध्यानम्हेमाम्भोजप्रवालप्रतिमनिजरुचिं चारुखट्वाङ्गपद्मौचक्रं शक्तिं सपाशं सृणिमतिरुचिरामक्षमालां कपालम् ।हस्ताम्भोजैर्दधानं त्रिनयनविलसद्वेदवक्त्राभिरामंमार्ताण्डं वल्लभार्धं मणिमयमुकुटं हारदीप्तं भजामः ॥मकुटमणिमयूखप्रोज्झिताशेषरत्नंविमलशशिकलाङ्कं सुन्दरेन्दीवराक्षम् ।अनुकृतशशितेजः कुण्डलं चारुहासंप्रकटदशनशोभानिर्जितानेकहीरम् ॥ १॥

dhyānamhemāmbhojapravālapratimanijaruciṃ cārukhaṭvāṅgapadmaucakraṃ śaktiṃ sapāśaṃ sṛṇimatirucirāmakṣamālāṃ kapālam |hastāmbhojairdadhānaṃ trinayanavilasadvedavaktrābhirāmaṃmārtāṇḍaṃ vallabhārdhaṃ maṇimayamukuṭaṃ hāradīptaṃ bhajāmaḥ ||makuṭamaṇimayūkhaprojjhitāśeṣaratnaṃvimalaśaśikalāṅkaṃ sundarendīvarākṣam |anukṛtaśaśitejaḥ kuṇḍalaṃ cāruhāsaṃprakaṭadaśanaśobhānirjitānekahīram || 1||

अभिनवमणिमुक्ताहारचाम्पेयमालाविविधकुसुमगुच्छैः शोभिवक्षःस्थलाढ्यम् ।सफणपवनभुग्दोर्दण्डभूषाभिरामंकरडमरुनिनादैः पूरितव्योमगर्भम् ॥ २॥

abhinavamaṇimuktāhāracāmpeyamālāvividhakusumagucchaiḥ śobhivakṣaḥsthalāḍhyam |saphaṇapavanabhugdordaṇḍabhūṣābhirāmaṃkaraḍamaruninādaiḥ pūritavyomagarbham || 2||

त्रिभुवनजगदीशं पीतकौशेयवासंदनुजदहनदक्षं प्रस्फुरत्खड्गहस्तम् ।भुजगफणसुगुप्तैर्भूषणैर्न्यस्तभूषंप्रणतसुरकिरीटव्याप्तपादारविन्दम् ॥ ३॥

tribhuvanajagadīśaṃ pītakauśeyavāsaṃdanujadahanadakṣaṃ prasphuratkhaḍgahastam |bhujagaphaṇasuguptairbhūṣaṇairnyastabhūṣaṃpraṇatasurakirīṭavyāptapādāravindam || 3||

सितहयवरपत्रं हारसम्भूषिताङ्गंपरिवृतमतिघोरैः सप्तभिः सारमेयैः ।कनकगिरिसमाभं नैशचूर्णाभिरामंसकलनिगमगुह्यं नौमि मल्लारिदेवम् ॥ ४॥

sitahayavarapatraṃ hārasambhūṣitāṅgaṃparivṛtamatighoraiḥ saptabhiḥ sārameyaiḥ |kanakagirisamābhaṃ naiśacūrṇābhirāmaṃsakalanigamaguhyaṃ naumi mallāridevam || 4||

इति श्रीमल्लारिमाहात्म्यं सम्पूर्णम् ।

iti śrīmallārimāhātmyaṃ sampūrṇam |